麻辣小聚 (Ladder Dundas)

營業中

休息中

旺角有一間四川風味嘅火鍋食，意外地發現佢嘅火鍋放題都幾好食😋我點左一個秘製蟹雞火鍋湯底，真係好好食，用油炸過嘅蟹再加秘製雞煲，真係食指大動🤞🤞服務都好好，都好細心周到😃😃

$198+1 抵到爛~~4人去， 送1隻大炒辣蟹，無限小龍蝦， 食物出得快， 味道好， 火鍋食到中途不夠辣， 餐廳都照加辣醬， 服務好， 冇漏單， 酸菜魚/尖椒皮旦/口水雞 無限叫， 有汽水/解茶/啤酒任飲~~~~值得再去

之前一直想試呢間餐廳，今日終於約到朋友一齊試，餐廳環境好舒適，而且空間十足，可以同好朋友食飯傾吓計都好爽😄呢一間麻辣小聚之前一直都有聽過，不過今次真係第一次過嚟食！見到呢度嘅餐牌菜式種類好多😎😎真係好快就叫咗嘢食，流晒口水咁等啦🤣叫咗一個水煮魚，呢個水煮魚就咁睇個賣相就已經覺得好吸引，流晒口水！魚肉嘅份量好多，基本上兩三個人食都一定足夠！而且呢個魚肉好滑！加埋水煮魚嘅麻辣香味，真係好好送飯！另外仲有辣子雞，呢一個辣子雞好吸引，而且非常惹味🤤辣子雞炸到粒粒，好香脆，真係非常香口！咬入口嘅時候依然有麻辣嘅香味！最後出場嘅就係正宗香辣蟹，本身我自己好鍾意食蟹，呢個香辣蟹真係好啱我口味，辣到適中！蟹肉非常鮮甜👍🏻👍🏻值得推介

又有一個朋友就嚟去移民啦，真係有啲唔捨得，不過都冇辦法啦，都會好想祝佢幸福開心❤️所以今日約食飯嘅時候，都搵咗好耐，想揀一間有好味嘅餐廳度下啲食下野傾吓偈！搵咗好耐，最後揀咗呢一間麻辣小聚😌本身我哋都好鍾意食麻辣嘢，所以呢個餐廳就真係啱晒啦！我自己最鍾意嘅就係呢一個招牌香辣蟹！呢個香辣蟹真係好有風味，而且呢個香辣嘅味道唔算話太辣，辣到我覺得算係可以接受！味道就非常香，而且蟹肉嘅肉非常鮮甜，而且好飽滿，配合埋呢個麻辣嘅味道一齊食真係好正！另外好鍾意嘅係呢個水煮魚，都要水煮魚拎嚟送飯真係冇得輸！小豬豬嘅份量好多，而且呢個魚肉好滑，同埋呢個麻辣嘅味道真係食得非常過癮，好食到流晒口水！

本身自己好鍾意食麻辣嘅嘢，今日就有朋友介紹咗我去呢一間麻辣小聚🤤超期待！呢間餐廳之前都有聽過，不過真係第一次過嚟食！所以都試咗幾款唔同嘅菜式其中一個就係難忘酸菜魚，食川菜梗係要食酸菜魚啦！呢個酸菜魚味道好香，呢個湯底好夾！呢個成個酸菜魚嘅味道啱啱好，酸得來有少少辣！而且魚嘅份量都好多，絕對性價比好高！當然唔少得嘅就係呢個正宗招牌香辣蟹🤤本身自己好鍾意食香辣蟹，一見到就即刻忍唔住叫咗試吓！果然真係超級正宗，好香嘅麻辣風味，而且加埋蟹肉好鮮甜！蟹肉超級飽滿，而且加埋呢個麻辣嘅風味令到成隻蟹都非常惹味可口✌🏻最後仲叫咗一份螞蟻上樹，呢個粉絲好好食，好香濃嘅味道，而且份量都好多，非常入味！

不一樣的麻辣誘惑，舌尖上的極尚享受...... 呢兩句係旺角麻辣小聚既金句，傳單上見到！正所謂「夏日熱辣辣」，時值夏日就係要吃啲辣野刺激一下味蕾之餘，有助散熱消暑。開業半年優惠除左所有單點食品低至折起！仲有【招牌火噴噴香辣二人套餐】買一送一！低至＄234/位嚐原隻香辣炒蟹﹑鄉味濃郁水煮魚／難忘酸菜魚，大家一起盡情地「焫著」！招牌香辣蟹: 選用新鮮肉蟹，蟹肉肉質飽滿鮮甜，輔以蔥、姜、花椒、乾辣椒及藤椒等，放入秘製豆瓣醬及烹以白酒至到炒出紅油，集香、辣、鮮、脆於一身，非常惹味。藤椒手撕雞: 氣味清香，嫩滑的雞肉手撕雞與麻而不嗆的藤椒十分配搭，不斷勾引著你的味蕾配合清爽的青瓜、紫洋蔥及三色椒等配菜，口感豐富，有層次，非常開胃。

四川麻辣菜一直係中菜至愛！一唔食辣野絕對會周身唔聚財🥵今次求其搵臨時臨急搵一間四川菜，估唔到都有驚喜！-🌶️香辣乾鍋$48事關加配8️⃣款以上配菜鍋底可以免費！我地叫夠本😍配菜方面叫了金菇$8、黑木耳$8、🍆茄子$28、蓮藕片$28、🥔土豆片$28、寬粉$28、🥬娃娃菜$28、🍄秀珍菇$28。當中最出色係炸到外皮香脆裡面軟糯嘅茄子、薯仔片香脆入味、蓮藕片爽脆可口、最後寬粉甚少會喺個乾鍋入邊出現煙煙韌韌恰到好處👍🏻🦆任食麻辣鴨血⭕️感動十分⭕️估唔到鴨血可以任叫仲要煮得非常入味！麻辣湯底熬煮過嘅鴨血超級嫩滑，唔係講笑兩個人居然叫了3️⃣，差唔多都有成六片鴨血！呢個湯底絕對唔hea👍🏻真材實料麻辣湯底👍🏻🍬任食古早黑糖冰粉呢個同樣都係免費！建議大家幾多個人都好叫一碗好啦👍🏻試吓有幾難食跟住就可以唔使再食🤣不要浪費😛可能呢個味道唔係我鍾意嘅味道😀🐔藤椒手撕雞$68似係洋蔥撈手撕雞🧅味道有少少奇怪唔係好啱我口味，份量挺少不推薦。

朋友介紹食過樓上九樓嘅蒸氣火鍋,幾好味,今晚再來六樓食川菜,$388有香辣蟹再揀多一樣餸,我哋食水煮魚!可能太多人嗌,無左蟹,轉左香辣龍蝦,好新鮮好味!花臉啤酒易入口,仲買一送一,我哋兩個各飲左四支,微醺好正!啱好過兩日有fd生日,我都順便訂埋枱!

好耐冇食川菜 今日去左旺角新開的川菜的餐廳 麻辣小聚 位於Ladder Dundas 6樓裝修以中式設計的小店 座位舒適好耐無食辣當然要試試全新招牌自選香鍋【回味水煮鍋/香辣干鍋】仲包90分鐘任食滑嫩Q彈鴨血同古早黑糖冰粉 好吸引😍我地點左回味水煮鍋 超級大的一窩😍可以自選6種配菜安格斯肥牛 新鮮牛肉味濃 生猛海蝦 🦞 新鮮海蝦 大隻彈牙小龍蝦 都幾大隻 雞丁 脆口肉滑 配上辣椒🌶️味好好食冰豆腐 同 鮮豆皮 口感唔錯窩內仲有木耳 都好有咬口！任點既鴨血真係十分好味 又辣又滑入口軟滑 香辣真係十分之Q彈開胃清新古早黑糖冰粉 解辣必食！香甜滑滑的冰粉 十分美味配上Asahi 啤酒🍻冰凍解渴！

見到旺角新開左間食川菜「麻辣小聚」，就嗌咗招牌自選香鍋😜.香辣乾鍋🔥然後加咗萵筍、蓮藕片、土豆片🥔四季豆、寬粉、鮮牛肉🐮生猛海蝦🦐小龍蝦🦞蕃薯蜆、2隻鮮鮑魚🐚配料選擇好多🤗但略嫌份量唔多🥺海鮮類鮮甜彈牙😋寬粉煮到煙韌入味😆四季豆、蓮藕片爽口😗不過鮮牛肉質感就差啲😢.麻辣鴨血🌶麻辣帶少少蒜香🧄鴨血嫩滑🤤配埋韮菜一齊食好好味👍🏻.黑糖桂花冰粉🖤清香桂花味🌼伴上香甜黑糖，清涼解辣

招牌香辣蟹二人餐原隻招牌香辣炒蟹，蟹肉味道鮮甜，食落好Juicy，麻辣兼備，食落好香口，內有芹菜、香蔥、花生、薑片、辣椒乾、花椒。回味水煮魚，魚片肉質滑嫩，食落鮮味十足，內有大量芝麻、辣椒乾、花椒，芹菜、芫荽、芽菜、木耳、千張，食落好惹味。藤椒手撕雞，表面鋪滿芝麻，內有藤椒、花椒、芫荽、洋蔥、青瓜、紅椒，看似不太辣，但其實食落麻辣，雞肉肉質嫩滑，食落好入味。蒜子魚湯泡翡翠苗，表面鋪有蒜頭，魚湯味道濃鮮，翡翠苗口感鮮嫩。老成都風味炒飯，飯粒炒至金黃色，內有臘肉、豆角、香蔥、咸蛋蓉、辣椒乾、花椒，味道咸香。2碗黑糖桂花冰粉，表面、底層鋪有黑糖糖漿，冰粉口感滑溜，內有桂花、提子乾，甜度適中，食落好清爽。烏龍茶，茶香味濃。碧螺春，茶味清香。

一開始見到麻辣呢兩個字已經好開心，麻辣干鍋更加令我滿心歡喜，哈哈！估唔到去到發現麻辣鴨血同黑糖冰粉係任食！🥳🥳簡直啱晒我咁鍾意食鴨血嘅人😂😂麻辣干鍋係自選餸菜，我哋咩都揀咗啲，當然唔少得香港人最鍾意嘅午餐肉、豆皮、萵筍同埋蜆啦！🥰🥰 干鍋炒上嚟好惹味，不過可以再辣啲！我哋除咗干鍋之外，追加左剁椒蟶子，$18.8一隻，好抵食！強力推薦！最後試埋佢嘅黑糖冰粉，都唔錯~ 店舖唔算好大，但係勝在夠乾淨，裝修都好有氣氛🌝本來見到食麻辣嘢起初有少少擔心，因為覺得通常麻辣嘢都會整到好油，怕我自己就腸胃麻麻，所以唔可以食得太油，驚會腸胃唔舒服，但係呢間餐廳令我喜出望外！麻辣乾鍋同鴨血都唔算太油膩 😬 個肚仔都冇唔舒服，以後一定會再去食個滿足！

自從識得食辣之後，真係每個星期都想食麻辣😂 今次陪個friend買完水晶，順便喺旺角搵間麻辣食~ 每次搭車經過 Ladder Dundas都好好奇呢幢大廈有咩食，所以今次揀咗麻辣小聚🔥 上到去地方唔算大，但係感覺幾舒服，有幾個餐可以揀，但係望落好似自選香鍋最吸引🤤唔止有得自己揀餸，仲有無限食鴨血同埋冰粉！今次仲唔係大滿足？🥰🥰🥰平時如果想食乾鍋嘅話，會去厚福街果一間，今次試吓呢一間睇吓邊間好食😆揀完要水煮定係乾鍋之後，就可以揀自己鍾意食嘅餸，選擇咁多，真係幾難揀😮‍💨就咁睇選擇來講，呢一間唔同啲，多啲海鮮（魚、蜆、海蝦同鮑魚）、蔬菜（好多唔同菜同埋菇都有）同肉類（牛肉都有安格斯肥牛同鮮牛肉，仲有豬手粒雞丁），揀揀下都真係眼花撩亂，越揀越多🙈🙈落左單之後，好快就上鴨血，原本都有少少擔心鴨血嘅質素，始終任食，唔好食嘅鴨血真係可以口感又差又腥㗎！不過！呢度嘅鴨血好似食啫喱咁，又滑，咬落又有口感！麻辣有香有惹味，又有蒜香！味道唔會好死咁～我哋兩個唔客氣咁好快已經食咗兩碗（一般大概有五件左右）😆😆乾鍋到啦～我哋兩個女仔最後好似嗌咗10款餸😂😂睇到幅相就知有幾豐富啦🌝🌝其實好多餸都係正常發揮，例如

最近好流行食川菜黎到旺角既麻辣小聚 必食佢地既招牌水煮魚🐟水煮魚（中辣）可以揀大窩定細窩4人或以上建議揀大窩佢地採用大條既桂花魚肉切片煮成😛啖啖肉得黎又唔會太薄略帶口感又嫩滑😁鮮味十足配菜亦份量十足仲可以自己落order加料👍🏻水煮湯底係中辣😈麻中帶辣好過癮🐮鮮牛肉同樣經濟實惠牛肉好滑有牛味😍同麻辣好爽😂🍜寬粉食麻辣點可以唔叫佢？粗厚Q彈煙韌🥰仲要吸曬麻辣汁好食到癲呀💕最後飲返罐王老吉正呀

朋友話之前食過喺Togetda網上預訂，可以有優惠價5折食招牌火噴噴香辣套餐或者回味水煮鍋/香辣干鍋加90分鐘任食鴨血同古早黑糖冰粉，叫我選擇一個，因為我一向都鍾意食蟹，所以就簡咗香辣套餐。招牌香辣蟹，都幾大碟，隻蟹份量都幾大，d辣味入晒落蟹肉入味，仲有入面有大量辣椒乾，蔥同花生一齊炒，好惹味。回味水煮魚，d魚肉好厚，好嫩滑，呢度嘅水煮唔太油，入面仲有芽菜，百葉，雲耳做配菜，吸收晒d水煮汁，好正。藤椒手撕雞，呢個涼菜都幾好味，雞肉食落好嫩滑，仲有少少麻麻地嘅味道，連埋d配菜青瓜，紫洋蔥，芫荽一齊食，幾好食。蒜子魚湯泡翡翠苗，d菜好新鮮好嫩，入晒魚湯嘅鮮味。中，比炒菜更好味，因為完全唔油膩。老成都風味炒飯，個飯炒得唔太油膩，粒粒分明，食落有少少煙燻嘅味道，睇真d佢嘅飯有d一粒粒嘅臘腸，應該係成都臘腸有煙燻嘅味道，都幾有新意。黑糖桂花冰粉，個涼粉係透明，我之前都未食過，個涼粉本身冇味，不過佢地就加咗黑糖同桂花，所以味道方面帶有少少黑糖嘅甜味同桂花香味，老闆話冰粉解辣最一流。原來老闆話8月31日前購買會有8折優惠，已經約埋朋友下次試埋另一個餐。