麻辣川米線

營業中

休息中

尋晚去咗呢間麻辣川開飯，叫咗酸辣米線配酒浸溏心蛋同川辣小食。米線我叫咗小辣，試下水溫，因為店內有寫明不設加湯服務，大家要因住嚟叫。湯底微酸，辣係我理想中嘅小辣溏心蛋酒味好濃，而且同其他餸一樣係加6蚊，都幾抵。川辣小食入面有豬大腸、牛肚同雞腎，除左雞腎硬少少之外，其他味道都唔錯，都係小小辣。同行家人o係我到之前已經食飽咗，留咗一隻川辣雞翼比我，呢隻雞翼真係超級辣，鍾意食麻辣嘅朋友可以一試。不過可能店家比較忙，米線叫咗走芽菜都無走。但整體食物質素幾好

游完水行過去葵芳諗住醫肚，但因為唔熟呢頭，就求其揀左一間開餐。估唔到都好食喎。先睇下個環境先：坐落都唔錯（因為唔係午飯時間，人流無乜）尤其係啲高腳櫈，唔知點解幾鐘意。之後睇下餐牌有咩食：選擇都多，揀啱就寫紙仔落單：揀湯底同辣度+餸料(最多5樣）+剔掉唔要嘅配料。佢張野寫明話入左機無得改單，所以各位要留意啊😂因為運動完所以大食左少少，叫左個三餸麻酸辣米線（豬肉餃+雞肉+腩肉）同埋一個麻油黑木耳。米線整體同譚仔差唔多啦，中規中矩，但個腩肉滷得幾入味，唔錯食，而個黑木耳份量多之餘又夠爽脆，好食。跟餐凍飲要加$6但特飲就$7，所以特飲抵啲，叫左個雜果檸七，啱晒依家咁熱嘅天氣去飲。整體都幾好，如果去開葵芳而又諗唔到食咩嘅話，可以黎試下。

辣蒜雙牛~42蚊~比較貴左D~~~牛肚夠淋~牛柏葉就唔淋又唔爽口................夠辣~蒜味都幾出~~~~都係貴左D....... 大腸加豬軟骨~~40蚊~~~麻椒味~~~同麻辣叉唔多~~大腸夠淋~又夠入味~~~軟骨就D肉夠淋同入味~~但舊軟骨就硬左D.....囉........杯野飲比較好味~~~有好濃慨朱古力味~~~~跟面叫加7蚊..............唔算平~唔抵叫~ 叫杯水都收錢架~~~如果叫野飲要一次過叫~唔係會收正價...............對於叫野飲同連水都收3蚊~實在係唔能夠認同.....

麻辣川已經成了我的飯堂，不吃辣的我也愛上了，今次點了雞湯豬大腸米線，雞湯清甜肉味再加上豬大腸更是絶配，鹵水豬大腸入味不硬有嚙口，朋友點了麻椒湯肥牛米線小小辣，我試了一口麻椒湯，也有清甜肉味，但之後麻痹感覺我吃不消，小食點了麻椒汁淨菜餃味道都不錯，但餃皮厚了扣一分，新裝修環璄舒適，只是有點不夠冷氣，吃完有點點汗水😅還有麻香木耳絲送，扺食🙌

已經係第4次幫襯，水準不變，餸料製作用心，例如冬菇佢就係蠔油炆冬菇，呢樣野誠意分爆燈。另外有黑栢葉，唔係咁多粉麵店有得食，不過佢d黑栢葉既口感同味道有進步空間。豬軟骨好入味，味道不錯，睇得出係佢地自己炆，不過炆得太耐有少少“鞋”。之前食粉送糖心蛋，今次送木耳，個人就鐘意糖心蛋多d。另外，之前老闆明明話果d蔥，酸菜係可以叫佢地落多d, 佢張落單紙就有我揀“少”，無得揀“多”，我唯有手寫"多"，可惜我兩次去測試過呢樣野，佢地都係當睇唔到，令人失望。

去葵芳行街，順便一試十大最好味米線，地址原來近葵涌球場，這店是新裝修，有點像西餐廳，但坐近門口位就不夠冷氣有點熱。我叫了麻酸辣肥牛金菇米線，先試湯底，先覺有酸跟著辣最後麻痹，很有層次感👍，肥牛不會太肥，金菇一般，米線都很滑，另值得推介小食麻椒鮮栢葉黑白配，栢葉新鮮很爽口，麻椒汁很香好味，但很辣很麻，下次要少汁

係OpenRice見到佢有coupon,所以就一於試一試啦！平時都食慣左譚仔呀,雲桂香果類……今次試新野啦果然真係好唔錯  先上枱係酒浸溏心蛋,真係好足酒味嫁!有少少辣辣地既感覺, 可以當係飯前小食嫁! 不過食完蛋就等左好耐先有米線好彩等咁耐都無失望既,真係幾好食!叫左個豬腸米線中辣 豬腸唔會太淋, 都幾爽口, 而米線既硬道都適中, 個湯既味都濃既, 但係就好似唔夠辣味, 下次應該叫大辣啦下次一定再去 

上次一個人食得少野，今次再食過。藥材溏心蛋，想試好耐啦！！ 一試堅唔差，值得試，淹到隻蛋真係有一絲絲藥材味，算係唔錯啦，但底下有d水唔好以為係湯，係冇咩味，所以唔會飲。蛋得 依個上次都食過，今次試麻辣湯底，雖然唔係商業味，但我覺得冇麻椒咁好食，變得普通左！！重頭戲黎啦，我要介紹依個黑白配，真係幾好味，辣味算重，唔算食得辣既小心。但黑同白都好爽，夠淋，辣味偏向四川辣多d。 底下有蘿蔔既，但一d都唔夾，唔好味。蘿蔔唔夠甜唔緊要但真係同隻辣好唔夾，又或者因為唔入味,怪怪！！

鍾意周圍搵辣野食,今次搵到入葵芳~~一入去就已經聞到陣麻味,而且覺得間舖好乾淨GE感覺,食都食得舒服D!! 畫紙落單~可以淨麵又或者配餸,自由配搭~湯底就分清雞湯同麻椒辣、麻酸辣、酸辣~我就緊係揀左麻椒小辣啦(小辣都夠~哈哈)尼啦尼啦~小辣都紅卜卜,第一啖真係要小心D食,因為一唔小心就會比D麻辣"俗"親,會好咳!!食啦~好麻好正呀~擇左豬肉韮菜餃,都ok ge,不過豬肉就唔多~至於朋友叫左個麻椒小小辣,但就冇乜色而且好似冇辣味@@但就雞湯味濃,唔知係落錯單定點呢?!@@試左啖...但都一樣好好食~ 到埋單個時,收銀台隔離有個糖果碟,有好多好味ge糖請人食,我都拎左粒~^^~覺得呢間店太有心了!哈哈~一定會再來

網上見到有人推介依間，於是又試下麻辣野。因為本人真係好鍾意食辣 睇佢餐牌都同一般米線店冇太大分別，但多左個黑白配 係牛柏葉黑白配，又幾特別咼，不過我一個人就下次食。依間野bar枱位幾好，有得俾你放書包，唔錯嗌左個大腸米線，係麻椒小辣。個碗幾特別，大腸都幾多件，有成八九件，價錢三十一蚊，我覺得ok！！大腸係滷水大腸超入味，都好淋！！ 我鍾意佢多九幾，好爽好有趙口。 湯底麻椒，同譚x丫個d唔同味，你飲啖係真係胡椒味好重，食米線會感覺到小小麻既，唔錯，我鍾意。但如果你想食麻辣火鍋個種，佢就唔係啦。我鍾意食辣但無需去到喪辣地步，所以我推介小辣係剛剛好！！！

我就至愛食米線，今之就試下呢間米線，係長沙灣都有分店!首先黎個麻酸辣豬皮米線米線軟硬度適中，未算好彈牙但個湯低值得一讚! 食落無味精，有些雞湯味，食完都唔口喝!辣度可以下次再叫辣啲！豬皮亦都很爽口!另外就有黑木耳竹笙 竹笙夠爽口，吸哂湯汁，有酸辣既味道，正!而家黎仲有招牌溏心蛋送!但都係食番米線好啲。總括而言，呢間米線唔錯，最緊要味精唔多!

現場非常簇新，長枱又或者四人座、八人圍座亦有，雖然那種板凳會看起來的骰，但其實坐下應該不太舒適。本人坐門口，後來發現熱天時坐門口，熱風時而吹至還是不太爽。 湯底也有很多不同程度選擇， 大中小辣，本人點了最低級的最小辣麻椒紅湯。 凍檸茶杯子特別少見，味道不錯，檸檬新鮮茶味夠濃，看不到底部有點尷尬，但戳完檸檬後夠味即可，雖杯子非茶餐廳經典膠杯，但這隻杯子新穎少見，有點特色。 滷水腩肉肥美，中間有一層有如「小學生用的橡皮擦」般的肥膏，難以下咽。除掉此部分肥膏，餘下部分還是不錯，滷水入味，有點肥才美味。 藥材花雕酒浸溏心蛋，可能我點了此作米線一餸，放進湯內又使它熟了些，因此蛋黃不太流質，但味道確不錯，一咬下就有濃烈花雕酒香，香濃入味。 米線亦沒有什麼特別，不特別粗或幼，亦不覺煙韌彈牙。湯底有一種椒味，麻的感覺亦非常強勁，吃了兩口米線喝兩口湯底，經已有點口腔麻感，麻椒湯底味道濃厚，火喉十足。 以往長沙灣店，此店也以辣著名，可能較適合嗜辣人士來吃紅彤彤那些麻辣湯底吧。如今這家麻辣川開到來葵芳，人不算太多，可能因為我下午茶時段到訪吧，遲

係葵芳返工，乜都食到厭最期待有新餐廳開同事話有間野新開，本身係深水埗有間都出名又送花雕糖心蛋咪試下囉5個女仔 叫左兩個招牌大窩雞湯米線 $55/碗兩款雞亦，一個蜜糖，一個類似土匪米線真係好大碗一個麻酸辣湯，一個酸辣湯分別唔太大。但湯底真係好正好過譚仔，不過譚仔d餸就勝在多款d雞亦，蜜糖可以話係無乜蜜糖味可能個湯濃味，再食其他野蓋過左類似土匪嘅，都係譚仔勝，譚仔土匪真係無得輸不過，麻辣川都唔叫差到最後，個花雕糖心蛋唔錯花雕酒嘅清香。蛋係流心，蛋味唔夠香，應該係隻雞嘅問題(just kidding)如果將佢煙燻，層次應該會更佳不過都叫好有心思 有子薑配糖心蛋(ideas應該黎自鏞記)overall都叫抵食好食夾大件值得一試

係OpenRice見到佢有coupon,所以就一於試一試啦！平時都食慣左譚仔呀,雲桂香果類……今次試新野啦果然真係好唔錯 先上枱係酒浸溏心蛋,真係好足酒味嫁!有少少辣辣地既感覺, 可以當係飯前小食嫁! 不過食完蛋就等左好耐先有米線好彩等咁耐都無失望既,真係幾好食!叫左個豬腸米線中辣 豬腸唔會太淋, 都幾爽口, 而米線既硬道都適中, 個湯既味都濃既, 但係就好似唔夠辣味, 下次應該叫大辣啦下次一定再去

葵芳一向多野食，早排開左間麻辣川米線，食第一次已經不錯，今日再去水凖依然。我唔追棘食清湯好唔好食好覺，呢度清湯係有水準嘅~可以唔洗食X仔，特別推薦藥材花雕酒浸糖心蛋香草雞翼都好好食係杯檸茶細杯D