麻辣川米線

營業中

休息中

今晚月5號晚因為收工肚餓諗起個朋友介紹過呢間所以就入左來試下 呢間嘢除左吃米線之外仲可以打邊爐 仲有好多款嘅小食添 入到去已經聞到濃濃嘅酸辣味 迫不急待叫左碗麻酸中小辣米線我叫左一個餸 麵根有成8.9件 口感好正 米線嘅軟硬岩岩好 湯底都好夠味 同其他米線舖大同小異 揀辣揀配菜 杯凍檸蜜冇乜特別 ok好飲 簡簡單單又吃左一餐好味嘅米線晚餐

終於熱完！秋高氣爽，當然去行山。作為行山初哥，選了眺望青馬大橋的青衣自然徑，沒有菠蘿山的人多，換來清靜的二人世界。回到人多車多的現實，不熟青衣的美食地圖，搭小巴去葵芳的食品嘉年華，卻被長長的人龍嚇退。一輪轉折，最後來到麻辣川米線。店內燈光充足，乾淨企理，比一般米線店花心思去佈置。設有面璧的高桌，一人行也不寂寞。晚市有干鍋、羊腩煲等菜式。米線有4個湯底，雞湯、麻椒、麻酸辣和酸辣，辣度分成6等級。配料選擇多，但限定每碗最多5款。除了米線，還有淨餃、小食、涼拌小食等，吃米線也可以吃得豐富。有茶餐廳都有奶茶、咖啡等，還有豆漿和半頁特飲。其實豆漿本來接近滿瀉，只是未拍照便被喝了。麻椒米線試試這個正宗四川麻椒紅湯底，小辣。行完山，理應吃得豐富一點，點足五個餃。湯底包小量芽菜、韭菜和炸菜粒。海帶、芽菜、木耳，則是個人吃米線最喜歡的配料。滑溜溜的海帶，吸滿湯底的精華，配特色湯底尤其佳。芽菜和木耳夠爽口，一個清新，一個掛汁，跟米線同吃，增加口感的層次，都是少不得的。既然有淨餃，相信水餃的質素應該不錯，但豬肉椰菜餃卻沒有特別。皮厚餡不算多，畢竟不能跟打正旗號做餃子的餐廳相提並論。用餃子交換得來的墨魚丸，太

我通常返工都帶飯，因為外面食黎食去都係茶記、車仔麵，真係食到厭，唯一令我有動力出去食午飯透下氣就係去食米線，本身我都係個米線粉絲，我同幾個同事平日一無帶飯就會不約而同去食米線，剛好我返工依區米線店數之不盡，今日去左依間店開左唔算好長時間既米線店食下係咪我地想鍾意既味道店內裝修都以紅綠色彩為主，仲設有吧枱座啱哂一個人黎又可以坐同唔洗怕搭枱嘛米線同小食都好多選擇，真係諗食咩都要多少少時間，落單都以寫號碼係紙仔為主<<麻辣雞湯米線-腩肉、韮菜餃、魚片頭>>湯底叫左中小辣，湯頭入口真係好濃同夠香又惹味，米線軟硬度煮得剛剛好，愈食愈辣同狂出汗腩肉: 比平時食到既腩肉較厚同油脂比例多點，食落幾軟腍同入味，好有口感韮菜餃: 皮一點都唔厚同滑溜，咬一啖好香韮菜味魚片頭: 食落好爽口彈牙，幾好食<<麻辣雞湯米線-雞絲、竹笙、雞肉腸>>我同事叫左小辣，個湯入落當然無中小咁辣，但就未至於食到出汗雞絲: 平時食到既雞絲係會比較鞋身，但依度用左雞柳肉，口感嫩滑同大條竹笙: 好爽口又容易呑，索哂湯底味係入面雞肉腸: 時常外面食到既腸仔都係雜牌，但依度

平日好少會踏足葵芳呢個地方，雖然一直也有聽聞葵涌廣場係一個購物天堂，可以用便直的價錢買到高質的物品，但是一直也欠缺一種推動力要過來這區走走，今次適奉朋友約會，要來這區為朋友house warming，當然要試一試這裡的「地道美食」吧！就在朋友的新居附近，找到了一條感覺像食「食街」的街道，整條街也佈滿著形形式式，不同的餐廳，而且價錢也非常平民，有很多間也很想試，而最後我就揀選佐呢間米線舖。餐廳位於信芳街，門面光鮮，很容易便把我目光吸引住了，而內裡的裝潢也很新，感覺乾淨。我大約晚上7:30到達，餐廳已經爆滿，但不竟吃米線的流轉性也頗快，所以大約等了5分鐘，店員已經為我們安排入座，不錯！打開餐牌，選擇也不少，除了基本的米線配料外，小食有豬軟骨，牛腩，糖心蛋，雞翼，豬頸肉，柏葉，菜，等等，可供選擇。而除了米線外，我還留意到餐廳可以order黑草羊腩煲，和藥材雞煲！ 羊腩煲可說是我冬天的最愛，每逢冬天每一星期也基本上會和家人朋友吃最少一次，而這裡的價錢不貴，$258有個例牌大窩，下次有機會再嘗試。我和朋友今次每人點了4個餸，然後再share食，點了的餸包括：豬臉肉，金錢肚，腩肉，黑柏葉，椰菜豬肉

睇開我嘅人都知，食米線就會去食三哥，但有時食多都會悶，然後就想發掘一下不一樣的米線味道先試這間係因為掃開葵廣順路試下<招牌大窩雞湯米線> $58此款份量頗大，夠哂2人吃湯底可改麻辣、酸辣，麻酸只加$2當天湯底試了麻酸，味道都尚算合格，而配料包括雞絲、大腸、腩肉、魚蛋跟大路嘅配菜、餐送豆漿一杯<麻椒雙牛> $43會有雪花肥牛+麻椒牛腩，此款出色在佢個辣醬汁夠辣且惹味非凡<燒烤麻椒雞翼> $28正常嘢、不過不失

之前都食過呢間d米線，係我鍾意食嘅米線店之一，味覺濃郁鮮味，d送都好味。聽講近排出咗干鍋，有得食乾鍋之餘，食完之後仲可以加水打邊爐，同雞煲一樣，特地去一試拒嘅味道。佢本身個套餐就可以先揀咗自己想要嘅味道，例如麻辣味，香辣味，又話者係唔辣。另外自己可以加四至10款配料。因為而家啱啱做緊時食價嘅關係所以＄98就可以包兩個肉加兩個菜，其實都十分之抵食，咁我哋就叫左你一個試一試佢先。我就揀咗黑栢葉，鯇魚片，什菌同埋米線。辣度就選左小麻辣。因為呢到嘅辣比平時嘅辣度犀利，所以我都唔敢叫得太辣。點知都係要辣到雲，真係眼淚水都流出嚟，成個人好刺激，由喉嚨辣到去個鼻，個鼻再通道去耳仔嗰度。。。。所以建議大家由小小辣開始！成個干煱嘅味道就好似我喺深圳食嘅口味一樣，有干燒嘅味道，再加辣椒味，鹹味適中，整體嚟講都好好味。但略嫌無乜麻味，同油多左d。配料就有，芹菜，西式青紅椒，洋蔥，芫茜等等。芹菜加埋落去炒，簡直係絕配。黑栢葉好爽口，d鯇魚竟然一d泥味都無，雜菌就有雞髀菇，冬菇同埋秀珍菇三款。成個窩煮出嚟都幾大份下，但原來係辣椒多，我足足夾咗兩大碟出嚟，先至可以夾到啲米線同埋啲餸嚟食，但配料嘅份量就略嫌少咗啲，

今日和朋友往麻辣川米線食牛腩, 墨魚丸、雞肉腸和貢丸米線, 凍奶茶, 香草雞翼和蜜糖雞翼。米線個湯很夠味夠香，牛腩好入味, 墨魚丸和貢丸彈牙、雞肉腸好味, 整個米線味道不錯；奶茶個杯好特別, 好有喜感、茶味香濃好滑, 好好飲；香草雞翼每一啖都充滿香草，味道好香, 但略嫌香草太多, 如果少了一點會好些, 最後蜜糖雞翼蜜糖味夠濃，雞肉充滿蜜糖,好有嚼勁。餐廳環境舒適, 坐得舒服, 食物份量亦足夠, 好食。

經過信芳街見到間專食麻辣米線既店鋪幾吸引，男友又係米線迷，即刻入去坐底試下入面環境好光鮮整潔，感覺好 Morden餐牌好多選擇，有米線，有餃子，又有燒烤小食，涼拌小食，眼闊肚窄既我地擇算左好多不同既食物，食到勁肚脹脹禁離開😆米線方面點左個雞湯米線（配了白蘿蔔，牛腩，豬軟骨，竹笙，藥材花雕酒溫泉蛋）雞湯底食得出無落味精，湯底清甜，食完唔會口渴👍🏻配料方面十足，豬軟骨炆得好軟身，骨脆卜卜，咬落去肉質好腍好入味， 白蘿蔔無渣，好甜，最正既係溫泉蛋，醉蛋好流心，配上冰涼既花雕酒，味道濃郁，真係必食！😋）黎到麻辣店，當然要叫番個麻辣湯底，但今次係配韭菜水餃，湯係辣中帶甜，餃子皮厚度適中，配合呢個湯底食食下嘴會有麻麻既感覺，開胃過癮，餃子有六隻，湯底入面仲有韭菜生菜，非常抵食！之後叫左個燒烤三拼，有齊豬扒，雞翼同埋豬頸肉，一次過滿足哂我三個願望🙈黎到大大碟，聞到即燒即烤既味道，豬頸肉燒到好香口，配個甜甜既蜜汁，好食到同男友搶食😆雞翼唔錯，但食完溫泉蛋後覺得雞翼既酒味唔夠香濃入味，而豬扒都好好食，豬扒肉質夠鬆軟，配合燒汁燒烤過後好有燒野食既感覺係葵芳男友成日食譚仔，依家終於可以有新既食堂啦

你酷愛米線這夜就還我們盡情品味這種平民麵食摩登風設計與一般的米線店不同先來一杯冰凍檸檬茶杯身寫著每天也是新的開始吸啜間不忘領略到人生哲理我的麻椒米線盛載在不規則的幾何硬膠碗上湯底味甘微辛帶麻黑牛柏葉不經漂白且口感爽脆魚蛋是馬來風白魚丸牛腩肥瘦也算適中最邪惡的大腸沒有肥膏口感有彈性且豬香味濃是必點之一追加了花雕藥材溏心蛋在甘醴間享受微醺的意境最後的麻椒雞翼把氣氛推上高潮超乎想像的辛辣味忍著氣心裡一沉眼泛淚光喜歡妳讓我下沉喜歡你讓我哭能持續獲得糟蹋亦滿足原來除了人生哲學課外在米線中還有愛情的啟示

呢間係我食過咁多間最好食，我一向都鍾意勁酸辣嘅米線，而且之前食過第二間啲麻辣米線，好唔掂，所以有一段時間怕咗麻辣陣味。點知試過呢間啲酸辣，酸麻，同麻椒，我竟然最鍾意麻椒，因為啲酸蓋過咗佢啲雞湯味，哂咗。其實佢個清雞湯都好正。宜家葵芳嗰間新出嘅幹鍋都好正，因為啲麻椒加料炒過，而且仲要係老細親自炒，食完啲餸加湯打邊爐，啲湯仲香，加薯粉或米線，再加其他餸，超正，如果我同啲朋友或同事去食，多人啲就會叫幹鍋。我宜家每星期最少 4 至 5 日 夜晚都會去食，好似做咗我嘅飯堂。同啲店員全部熟哂，吾駛自己寫單佢地都知我食乜同有咩要求，服務態度一流。試過病咗幾日無去，佢哋都好緊張問我點解咁多日唔見我，所以除咗欣賞佢啲嘢食，亦都好欣賞佢哋嗰鍾親切感……佢啲麻椒牛腩，豬軟骨，唐心蛋，木耳，水餃，麵莇……值得一試

適逢有連續3日假期，便跟老公到處逛逛，第一站便去了葵芳行街，到了晚上，去了食街食【麻辣川米線】。見到門口話有【全港首創麻椒干鍋】，本想跟老公一齊食。怎料，他不怕辣，但怕全身勁出汗，所以他想食【招牌大窩雞湯米線】。走進食店，看到很大個「麻」字的裝飾，既吸引，又特別。店內裝修簡約整潔，除有基本方枱及圓枱外，還細心地有單人直排位置，方便一位客人到來時的座位安排。米線可配搭不同風味美食，而且可在落單紙上自行選擇：湯底、辣類、辣的程度、美食編號、及可刪除不需的配菜。有禮的店員很快便為我送上一大碗材料十足的米線。我選了【麻椒小小辣】 配 【雪花肥牛、芝蔴八爪魚、鮑魚粒、竹笙、滷豬腩肉】(HKD67)，而老公選了另一款。湯底很惹味，小小辣，很開胃，加上所選的食物如肥牛及竹笙，完全將麻椒味吸收了，所以啖啖都辣辣地，很入味。其他食物如八爪魚、鮑魚及腩肉就很軟滑，彈牙。而米線軟硬適中，整體不錯。之後叫了一碟【蠔油芥蘭苗】(HKD28)。及一客【烤燒花雕雞翼】(HKD28)，賣相可以，肉質尚算肉嫩，但有點失望，因感受不到花雕味。最後來了兩杯飲品，我選了【利賓納什果特飲】(HKD7)，老公選了【檸七什果特飲】

米線我經常都食，基本上想不到吃什麼就會去食米線，要令我一試上癮嘅米線只此這家。其實我已經食過葵芳這間酸辣/麻辣米線超過10次，只係每次回來都忘記寫食評，今次終於記得。一定要同大家分享☺️今日我哋叫咗一個**小中酸辣雞絲米線 和 清湯韭菜餃米線（酸菜韭菜芽菜可以自由選擇要唔要）酸辣或麻辣有分唔同嘅程度（本人好食得辣但係我都只係叫中辣）大家食咩辣👀自己諗啦😂湯底一啲油都冇但味道非常好，這個價錢份量算多。**秘製豬軟骨非常入味，好軟林林，底有蘿蔔，好開胃。**我哋準備咗優惠券，所以麻油木耳係送嘅👍🏻

同朋友討論完葵芳有咩米線好食，跟住佢介紹我黎呢間試下。我叫左個麻酸辣米線配鮮雞絲同麻辣牛腩，湯底簡左小辣。碗米線好快就黎到碗米線個湯底有芽菜、韭菜、炸菜粒。個麻酸辣小辣都幾辣，比d辣蓋過左d酸味，下次我會叫再小d辣。D雞肉都幾大舊，幾好食。D牛腩原來係咁細舊，但d牛腩粒吸收左湯底既味，好惹味。D米線稍嫌淋左少少下次可以再試試其他配料

平時有食開呢間既麻椒米線，今次再試埋干鍋雞煲，點知一食就上隱！干鍋雞煲： 完全冇冰鮮味，叫左中辣非常野味！食完之後再加雞湯打邊爐，個湯底超超超好味！干鍋煲+自選餸：叫左大腸，紅腸，豬皮，面根，其中個豬皮同面根超入味，冇得頂！但份量略嫌少干鍋薯粉：又係叫左中辣，而且叫左五份因為太好，食食下朋友覺得太辣就加雞湯打邊爐，之後再叫多兩個薯粉，我地4人前後已經點左7份薯粉！加左湯都一樣咁好味！即燒豬頸肉：個肉有啲咸，同埋面個層再加多啲蜜糖會更好蜜糖雞翼：好好味！食得出佢地係即燒個隻味腐乳蕃薯苗：唔好講笑，呢度既腐乳醬係超超超超超好味！唔會係一味得個咸字，配咩菜都一樣咁好食！因為燒野時間需時，要食的話要比啲時間等。整體食物味道係好食, 但價錢有啲偏貴，同埋份量可以多啲就好

這天來到這間開業半年左右的『麻辣川米線』一試。店舖位於葵涌廣場後面的信芳街，附近有不少食肆，而這間米線舖的門面也不是十分吸睛。店面雖然不是很大，但環境清潔光猛。首先點了「麻椒米線併雞柳腩肉」，不太吃辣的我只點了「小小辣」，辣度正合口味。湯底清得來很香口，不像某些麻辣米線那樣又油多味精。米線的軟硬度也剛剛好，雞柳的肉質滑嫩，不過個人覺得酸菜有點太酸。另外還點了「辣蒜汁涼拌青瓜木耳絲」，辣蒜汁很惹味，令人忍不住吃完一口又一口，不過我覺得辣油下得太多，雖不是很辣，但碗的一大半都是油，結果放在底的……總括來說，價錢合理，不過不失，可以一試！------------------------------By alvahana (ig: alvahana)