麻辣年華 (楊屋道)

營業中

休息中

📍麻辣年華 (荃灣)荃灣楊屋道73號地下特式裝修-烤苕皮 苕皮係用紅薯澱粉做成嘅寬粉條 大大塊 包住豬肉碎同酸豆角 煙煙韌韌有咬口🤤-鹽酥雞炸到口感酥脆-惹味烤牛蛙香辣 肉質細嫰-烤極品生蠔大大隻手掌咁大嘅生蠔 蒜味十足 鮮嫩美味🤤-麻辣燙串串香 $158/31串鮮鮑魚 鮮海蝦 魚豆腐 牛柏葉 雞翼尖 鳳爪 腸仔 鴨胗 牛肚 脆魚丸 西蘭花 豬耳 香菇 豬肚麻辣惹味 食到停唔到口🤤-超值組合 $158 /45串 抵食雞肉串 牛肉串 豬頸肉 雞翼尖 烤豆乾烤脆丸 烤粟米 魚豆腐 芝士腸一班朋友摸住酒杯底 嘆串燒 簡直一流👍🏾-青檸金桔蘇打酸酸嘅青檸金桔配蘇打水 生津解渴-百香果多多酸酸甜甜 透心涼戰績彪炳😂😂😂🌟 整體用餐體驗🌟🌟餐廳環境( 4/5):裝修別緻新穎
🌟餐廳服務 ( 4/5):親切有禮
🌟食物種類 ( 4/5): 多款特式串燒🌟食物味道 ( 4/5):出色惹味

串燒荃灣楊屋道麻辣年華有烤魚/串燒串燒多款到選擇困難是是但但咩都試下細細串可選大中小辣調味都有8成似內地金銀蒜生蠔 （生蠔大隻新鮮）燒茄子（蒜蓉配搭好香）見好多客人都食烤魚下次再來試試烤魚

今日路經荃灣楊屋道見到呢間主打麻辣菜式嘅舖頭一望原來佢中午都做緊唔少嘅特價同埋套餐烤魚嘅價錢真係勁抵但我哋由於都係諗住食少少嘅關係所以最後都係食左午市套餐試咗個八珍海鮮配蕃茄湯底米線入邊嘅海鮮配料真係絕對冇手軟魚片成6,7塊，口感好嫩滑，亦都冇魚骨鮑魚仔都有成三粒，口感好彈牙因為有咁多海鮮係入邊個湯亦都勁鮮甜另外叫咗個啫啫燒茄飯一上菜濃烈嘅蒜蓉香味配搭住燒烤醬已經令到你嘅食慾大動茄子亦都非常之厚身，可以一絲一絲咁夾出嚟配搭白飯食用簡直就係白飯殺手另外，我哋亦都加點左幾串串燒串燒嘅調味料孜然粉非常之突出羊肉串肉質同油脂嘅比例亦都係超正都係配白飯嘅好好選擇當然唔少得叫左嘢飲嚟中和一下咁重口味嘅配搭至尊水果茶同百香果多多相對比較甜一啲如果鍾意冇咁甜嘅朋友，記得叫佢哋少甜但相對來講係非常之解渴

位於荃灣，麻辣年華鍾意食串燒嘅人一d都唔陌生，但鍾意食串燒又唔知邊間好朋友，可以來呢度試試 👍價錢相對串燒唔貴，多款串燒，百幾蚊幾十串你見過未？我都係咁被吸引左入去 😂 最滿足嘅係仲有個爐（興）熱下，唔怕咁快凍晒👍麻辣串燒就用湯嘅，第一次見，連鮑魚都有一隻啊。但麻辣串燒就相對內臟食物較多，辣品可選大中小辣，點都有一款啱你啊 😋#hkfood #foodie #hkfoodie #hkfood #香港美食 #hkfoodblogger #美食 #foodphotography

知道有燒苕皮即刻一行五人第一次嚟試吓，入座俾咗四人枱，我哋話唔夠坐，叫我哋坐住先轉個頭轉比我哋，用QR code落單！當我哋落咗一張單啲嘢食仲未嚟叫我哋轉枱，跟住我哋就揀咗啲串燒、烤魚丶熟食，突然無啦啦嚟咗個湯米線！我同佢講我哋冇叫佢死都話係我哋張枱，仲話唔肯退，最後發覺原來係我哋隔籬枱個女仔自己一個人叫嘅，佢話我哋轉左枱更正QR code…唔好玩啦你叫我哋落單之後叫我哋轉走㗎，都冇同我哋講過要重新落單，都費事睬佢！嘢飲都幾貴麻麻哋，串燒真係10分失望所有嘢都係凍冰冰，尤其是嗰個拼盤同埋嗰個串串入邊啲嘢都好下欄嘢，如果純粹為咗打卡影相可以叫一次，但係無論味道性價比都是10分低，烤魚就真係好味！紅糖糍粑質感奇怪，小蘇肉嗰啲全部都唔好食，真係冇乜嘢出色除咗個烤魚食得下，苕皮ok最搞笑係有個姐姐上菜嘅時候倒瀉嘢整到我張凳件衫都係，然後問都唔問就攞我用緊張濕紙巾去抹嘢，我都好禮貌地同佢講：唔該你轉頭俾個張濕紙巾我，佢即刻火雲邪神上身嘈聲粗氣：得啦，實俾返你個喎？你放心唔使驚…你冇嘢吖嘛？我用緊嘅濕紙巾你冇出聲就咁喺我面前攞咗去用，我都係叫你攞返張返嚟俾我，你仲發返我圍，倒瀉嘢整到我都冇出聲仲咁

今日同朋友收工去飯，經過呢間店，見裝修懷舊，好多打卡位，就決定入去試下。店唔算大，但尚算舒適，見食物種類都算選擇多。以串燒種類選擇多，有海鮮、雞肉、牛、豬類串燒，還有提供羊肉串燒，食膩了牛豬雞的朋友可換換新口味！食材份量足，價錢不貴，即叫即燒，好香噴噴，十分值得推薦😋酸菜烤魚方面，我地揀咗江團魚，D肉好鮮味，亦好嫩滑，食到停唔到口！配料好豐富，有芽菜、大白菜、金針菇等。麻辣小龍蝦，好好味！蝦肉堅彈牙！而且好入味！又麻又辣又香！正😄值得再試！

間野嘅食物份糧小，又唔新鮮，而且價錢一d都唔平，但佢哋嘅調味的確唔錯，但相對深圳嘅水準，只能說一般般，自從有點名氣後，都會有人排吓隊，招待員會不停地幫你收野，換碟等，攪到你食都食得唔自在，想飲吓啤酒吹吓水，對唔住，佢哋會直接叫你埋單，說出面有客等緊！咁做生意！我再不會嚟囉！一定無下次

同朋友食飯，突然想食烤魚，見到呢間又有串燒食，幾吸引！決定試下新野，餐廳環境都乾淨企理。我同友人叫左二人餐，見價錢合理，多野食款式。首先，黎左碟酸辣蓮藕，酸酸地好開胃！之後好快就上左串燒，一共4款，每人兩串，串燒上灑左孜然粉，惹味得黎唔會蓋過肉香。套餐包埋兩隻生蠔，好香蒜蓉味，唔會太辣，生蠔都算好肥！最後重頭戲主角烤魚，我地點左青椒味海鱸魚（小辣），海鱸魚都唔洗額外加錢，值得讚既係烤魚入面好多配菜，除左平時都有既金菇，薯仔，娃娃菜之外，仲有鮑魚仔同蝦。海鱸魚肉質比較紮實，相對鮮味出啲。不過我略嫌湯底一開始唔夠濃味，我叫左小辣，但對於我完全食唔到辣黎講就岩岩好，食到辣既人建議叫中辣。但食到一半既時候，味道岩岩好，好香青椒味！去到最後，竟然仲有轉盤抽獎，大獎係$300卷，差少少我就可以轉到🥲，下次一於見多d朋友再食過，想試佢既小龍蝦

和幾位朋友一齊到荃灣午餐，突然想食啲刺激食物，就來咗呢度食烤魚同麻辣串燒😋 其實我自己就唔食得太辣，所以烤魚完全食唔到，決定試下佢個午餐酸菜魚薯粉 + 麻辣魷魚🦑串燒及鴨舌串燒酸菜魚湯底有啲辣，但唔算係辛辣，所以我可以食到。魚塊好滑又夠分量，仲有魚片做伴菜，真係好抵食！ 仲可以半價配飲品同優惠價配串燒，每個串燒order 有2串，真係抵食夾大件👍🏻👍🏻👍🏻 招牌水果茶選了少甜少冰，味道剛好，茶味香濃手，份量十足，配食辣嘢一流😋😋😋 串燒45串有粟米🌽、雞翼尖、腸仔、魚豆腐、肉粒、肉片、魚旦，細細串，易入口。烤魚雖然我無食，但看見朋友食得津津有味，不停添食，應該好野😋👍🏻 麻辣牛肉薯粉麻辣湯底很夠麻辣，我試了一啖就俾返朋友吃😆 他說味道可以，份量十足西柚多多朋友叫了呢杯特飲，有一枝益力多插着係度，賣相一流，味道都好好👍🏻

今日同朋友經過楊屋道見到一間新開嘅麻辣餐廳，我哋兩個麻辣控當然要即刻入去試吓，估唔到非常有驚喜！餐廳門口色彩繽紛，入到去更加玩味十足，有霓虹燈、牆上有好多玩味嘅潮語，十分吸引眼球，打咭一流😆手機落單，我哋點咗以下食物：青江烤魚～牛油麻辣味，我哋今次挑戰大辣，又冇想像之中咁辣，但好惹味！原條烤魚上，肉質鮮嫩又少骨，仲有唔少配菜，包括娃娃菜丶蓮藕、金菇、千頁豆腐、魚羔，足料又入味，滿分💯金銀蒜烤生蠔$86/3 ～叫咗六隻，好鮮甜肥美，新鮮即開完全冇雪藏味，除咗返大陸，未食過咁新鮮嘅烤蠔，冇得頂海鮮烤串$158 ～有魷魚、鮑魚、秋刀魚、海蝦，每樣有兩三串，香口好好味燒茄子$38 ～大大件又充滿蒜香，非常惹味😍錫紙煮蜆～又係大辣口味🤣蜆肉飽滿又鮮味至尊水果茶～大大杯、色彩繽紛，酸酸甜甜，入邊好多果肉，清甜又能解辣整體來說，所有食物都好出色，見到隔籬枱食小龍蝦，又打邊爐，下次要再去試埋

-❣️荃灣楊屋道新開，內地串燒風味特式餐廳，內有大量卡位‼️🍡 串燒超值組合(45串) $158串燒有雞肉，牛肉，豬頸肉，烤豆乾，雞翼尖，烤脆丸，烤粟米粒，魚豆腐，芝士腸等等～ 每串份量精緻，重點灑上燒烤辣粉後大陸風味出哂黎😍🫕 酸菜魚片套餐配薯粉 $48酸菜味好濃郁，但酸度一般，魚片份量多，肉質好滑～ 另外配埋薯粉，煙煙韌韌口感十足，而且午市套餐仲送埋小前菜，抵 👍🏻🍶 真露提子味燒酒 $38估唔到一間內地風味餐廳都跟上韓流賣埋燒酒，仲要調好一杯飲品～ 一路飲既時候樽入面既燒酒會慢慢流入個杯，愈飲後勁愈厲害阿💨🔎 餐廳別具特色，環境舖舒適，食物亦濃厚大陸風味，十分正宗～ 價錢優惠 ✅

今日去到荃灣行海旁，放假搵朋友一齊吹下風休息放鬆下，不一會，又到了搵野食既時間。行經依到就比佢吸引住，除左有午市套餐外，還有烤魚揀。有點餓的我們，最後揀左個烤魚跟一點點烤串😋烤魚選左胡椒豬肚口味，香濃胡椒香，拌有酸菜係面，江團魚口感不錯，一整份烤魚兩份分，再加埋加配既配菜：百頁豆腐、蓮藕、娃娃菜、金菇，份量好足😁燒烤方面：牛板筋 蒜苔 鴨舌三款都不錯，揀左小辣，味道微微辣之餘，最鍾意佢既調味👍🏻😋烤生蠔 多蒜夠香，蠔夠鮮美 ， 不是已經飽了都想再加點😍食飽飽，飲住杯飲品，抖下休息下，又是美好的一天😋

今日嚟開荃灣呢邊, 見呢間餐廳有位,好似坐得幾舒服就入咗嚟見到餐牌好多食物選擇有烤魚,有燒烤....掛牆有部電視播住啲食物影片睇到流晒口水🤤🤤我哋就叫咗以下食物😋🐟江團魚♡鮮茄濃湯♡金針菇、藕片、千頁豆腐、娃娃菜$298唔係咁多地方有鮮茄濃湯湯底咁我哋一於試下呢個湯底個湯底唔會太甜 我都幾鍾意啲番茄仲可以食埋啲配菜吸晒啲湯底好正😋條魚好大條，啖啖肉好少魚骨，有都係大大條當然都要小心食啦🫶🏼🍆燒茄子🍆$38佢整得超好食😋燒得好香俾咗好多蒜 勁好食呀好想知道點解佢可以整得咁好食因為我自己都整過但係完全冇得相比🍢至尊紅柳羊肉串兩串$48都幾大串，燒得好香，有羊味但唔酥😋飲品至尊水果茶 800ml$48超級超級大杯😍好正呀入面仲有好多水果可以食埋😋有蕃茄仔 藍莓🫐幾嚿西瓜🍉蘋果等等可以食埋好新鮮好𝐟𝐫𝐞𝐬𝐡🤤🥭百香果多多$39朋友叫嘅 佢話百香果幾香 唔會太甜 幾好飲

又係我最愛嘅烤魚啦，經過呢間見到裝修幾得意，又有烤魚食又有串燒食就入去試吓🤩烤魚-江團魚$298坐低之後店員放低Menu都有講解，服務都幾親切👍🏻👍🏻我哋當然叫烤魚，揀咗江團魚，味道揀咗青藤椒🥰青滕椒味道唔算辣，不過好香好惹味，如果唔食得辣，但係又想試吓有少少辣味嘅朋友可以叫呢種味道，值得一試，魚肉肉質彈牙鮮嫩，兩個人食份量都剛剛好，因為仲有好多配菜墊底😌每一盤烤魚都會有配菜喺底下，如果想加另外配菜話都可以㗎🤩配菜就有金菇，蓮藕片，娃娃菜，同埋千頁豆腐，尤其係娃娃菜，索左啲湯之後非常之好食，除咗呢啲佢哋Menu上面都仲有其他配菜俾你選擇，唔同配菜係唔同價錢😊我哋另外仲嗌左三款串燒，一款就係佢哋嘅招牌菜燒羊肉，一款係黑椒牛肉串，最後一款就係燒茄子😍至尊紅柳羊肉串$48/2串上枱之後勁香孜然味😊羊肉都好好味，唔算太So黑椒牛肉串 $29/2串黑椒牛肉串，雖然牛肉比較硬身，但係味道唔錯燒茄子$38/條最好食就係燒茄子，原條茄子上，茄子上面鋪滿晒蒜蓉辣椒，非常之惹味🤩至尊水果茶，西瓜波波冰佢哋除咗烤魚好食，串燒好食之外，連嘢飲都非常之好飲，味道唔會太甜，亦都唔會糖漿咁，而且有大大杯，好啱食烤魚

之前經過都成日想試今次咁岩見晚市烤魚有野送😂😂所以就決定試下！❶烤鱸魚配金湯酸菜 $328優惠就係送上$68蚊超值套餐個套餐包金菇、娃娃菜、蓮藕等兩個人食超飽😂係原條魚上!!!!魚肉煮到最後都唔會鞋然後仲有啲類似甜不辣既魚糕個湯汁愈煮愈濃最尾食金菇同蛙蛙菜勁入味😭😭😭好正中間有勁多酸菜唔會話超酸辣度好夠好彩有叫野飲😂* 個兜有啲淺，要小心啲汁會瀉出黎* 4個人食都好夠❷串燒⇒燒生蠔 $86，蒜香味濃郁，唔會乾左！⇒燒茄子 $38，呢個超大份！可以一路食到最後！⇒黑椒牛肉串 $29，我無食，不過男朋友話都燒得香😋最特別係貪玩叫左⇒燒田雞 $53，下次唔會叫😂❸飲品因為食酸菜魚太辣，所以一人叫左一杯野飲⇒至尊水果菜 $48⇒青檸金桔梳打 $35本身以為啲嘢飲都幾甜，但係原來超解辣個人推薦青檸金桔梳打，有淡淡話梅香，幾特別！最正係佢背景一路播返千禧年代既歌😂好似有方力申鄧麗欣陳奕迅容祖兒盧巧音既歌🎤不過琴晚成9點幾去，入面仲係好熱鬧下次會想試多啲串燒😋