黃明記粥粉麵家 (已搬遷) 新店位置

雖然間鋪叫做位於九龍城但其實係喺位於相當邊陲嘅啟德道門面平平無奇但入到去原來都full house冇寫雙拼要加幾錢一問之下竟然係唔使加錢呢一點喺而家嘅食肆可以話係相當難得一場嚟到梗係要試下招牌嘅墨丸同墨魚鬚碗麵嚟到首先最特別嘅係湯底係有少少肉碎同埋芹菜嘅湯底感覺幾清新麵底就正正常常無乜鹼水味墨丸雖然有墨魚碎嘅口感但係同時亦有好重粉嘅感覺個人覺得唔係太啱口味反而墨魚鬚有驚喜爽彈得嚟又夠墨魚味而且份量都唔少( 張相無影晒)舖頭入面大部分都係老員工客人都係熟客為主食食下出面有人抄牌夥記都即刻通風報信啲人未畀錢都照可以出去搞掂咗先呢啲小社區嘅風貌而家真係買少見少

This noodle eatery is located in Kowloon City, famous for its homemade squid ball and pork ball. After seeing the TV programme introducing how the owner works tirelessly on this restaurant we came tonight to try it out.The restaurant is the typical traditional noodle eatery, not exactly a well-kept place looking at the floor and how everything is managed. While we are not exactly using the standards for a high-end restaurant to compare, it was still a bit disappointing on that aspect.We ordered

魚扎豬肉丸麵 ($39)淨墨丸墨鬚+紫菜 ($52）油菜(腩汁)($17)所有丸類都係手工制，每日現做，墨魚丸同豬肉丸都係招牌，鮮甜彈牙，墨魚丸係我嘅最愛，真係食到一粒粒墨魚，最好食嘅墨魚丸當之無愧，而墨魚鬚新鮮好爽口魚扎包住香芹同紅蘿蔔，加強鮮味同層次感，加咗少少胡椒粉癖腥湯係用豬骨熬製，加上爽口彈牙嘅幼麵食完會明白點解個個都會山長水遠都入嚟排隊食麵，食物質素無懈可擊， 而且服務態度十分友善，最難得係做咗咁多年，一直保持高水準

今次嚟九龍城唔食泰國菜，食得簡單啲食粉麵🤘🏻呢間餐廳係九龍城已經好耐亦都出咗名好耐👍🏻佢啲魚蛋粉真係超好食😋除咗最經典嘅魚蛋之外，其實佢其他所有款嘅餸都好正🤪完全feel到佢手打嘅彈牙🤩另一樣想特別讚嘅就係佢哋好有保護客人衛生嘅意識😇嗰日有人係咁咳又無帶口罩，餐廳即刻俾咗個佢話保障自己同其他人希望先生可以帶翻個口罩😷聽到立即俾like👍🏻👍🏻👍🏻下次嚟九龍城一定要推介俾朋友先得🤭

呢間黃明記 聽就聽好多人講過 但係因為唔係經常去九龍城 所以一直冇機會試。今日終於可以嚟會一會佢嘅墨魚丸。同一般粉面店一樣 會有唔同嘅丸類和粉麵俾你揀 仲有我嘅超級至愛銀針粉 所以諗都冇諗我就揀咗要墨魚丸銀針粉。另外我哋仲散叫咗一個蜆介鯪魚球。墨魚丸如大家所講真係十分之出色 仲有本身佢哋提供嘅辣椒油都係好好味。而蜆介鯪魚球係熱辣辣咁上枱，質素亦都不錯。整體來講呢一餐算係平靚正嘅一餐

這間老牌的麵檔在九龍城很出名， 這裏嘅客人大多數都係老顧客， 返嚟開工嘅第一餐午餐！我哋就去咗呢度幫襯呀 ！唔知道係咪農曆年嘅關係呢度嘅午餐都好旺場，要等位先有得食！ 不過好彩我等佢都可以好快就有得食呀！ 呢度有個阿姐嘅服務簡直係超水準 ！落單好快， 又準確 ，有記得曬啲客人喎！講返呢度嘅美食啦 ！我朋友推薦呢度嘅豬雜麵， 我食完就覺得好普通 ！反而我覺得佢哋嘅墨魚丸， 同埋 墨魚鬚非常之好食！ 大家有機會都要食下 ，佢哋嘅墨魚丸爽彈適中 ， 而墨魚鬚腳 又唔會太韌 ！河粉有米味! 而且好滑! 仲有我要推介佢哋嘅炸魚皮亦都好好味！唔會太多粉漿！ 食落去薄薄地！ 浸落佢哋嘅湯裏面就更加好味啦 ！依家喺九龍城好出名嘅麵家大家有機會嚟吃呀！

年初四晚，即興聚一聚，但已經晚上10點幾，就去九龍城睇吓有咩好食，很咗幾條街，我地決定試吓呢間，友人說朋友有推介過。睇餐牌，選擇種類很多，三文治，粥粉麵飯樣樣都有仲有小食，最特別係有銀針粉。由於太多野都想食，所以叫咗好多野，好彩有男士在場，可以叫左幾樣野。宵夜來講，已經很不錯，價錢合理選擇很多，下次可以試到湯飯和粥。墨魚丸銀針粉，分量比較少，墨魚丸口感很特別墨魚鬚銀針粉，墨魚鬚軟硬適中炸雲吞，味道偏鹹熱檸樂煲薑，正👍🏻

昨晚叫咗蠔仔粥、牛腩撈麵等等……蠔仔粥估佢唔到用碎米煲唔係原粒米煲粥😡😠勁失望、難食……牛腩撈麵D麵勁重鹼水🤢🤮、諗住唔好浪費食埋佢……但都係頂唔順、食剩半碟、勁失望、勁浪費……將貨就價

今日去到添財記，想食既都賣光光💡😢咁就食黃明記粥粉麵家👯‍♂️ 最愛吃 #雲吞粗🥢🥡超級肚餓去食1流，超快到齊，而且會用匙羹「晾起」麵，避免粉麵發漲淨係呢1份心思，其他地方食唔到🤫 皮薄餡靚🥟蝦仁🍤唔會太大粒「喧賓奪主」識食一軟食粗麵😋😋肥仔今次叫 #魚皮餃河 🍜平時出面食1咬成口油，Vienn超憎食呢款🤢🤮但 #黃明記 一咬食會食到魚香，而且唔油👍🏽👍🏽當然少不免叫 #豬雜鬚🍲🦑🥓#豬腰、#粉腸、#豬膶、#墨魚鬚😍😍  🔪豬膶切得好薄，唔洗「啤水」🚰都可以好脆❤️呢d咪考師傅牌🚸粉腸🥓洗得 好乾淨，冇異味‼️ #Perfect 🤩墨魚鬚🦑唔會「chewing gum 」👍🏽👍🏽👍🏽🥬#蠔油芥蘭🥬⚠️鍾意食脆口嘅要留意，由於之前整定，所以係會比較「腍」但蠔油🥢絕不欠奉呢1餐真係好滿足，大家去開九龍城唔係淨係食果幾間既🤨😎📍黃明記粥粉麵家 (九龍城)地址：九龍城啟德道80號地下

今晚同朋友食食吓飯嘅時候，講開之前在舊機場工作的辛酸史，就講每逢返夜班，食宵夜去邊？大家異口齊聲講......黃明記。留下不少腳毛😂😂講開就諗起彈口墨魚丸和墨魚🦑鬆....！於是二不話説，埋單出發去九龍城再食過，去回憶當初我們的歷史🤪🤪一間超過40年食粉面粥舖頭，在今時今日能夠䇄立不倒，一定有它的存在價值。在九龍除了出名泰國菜之外，它就是首選👍在七十年代，它是唯一一間開到零晨的舗頭，簡直是我們夜班人仕的救🌟！差不多無來這裡二十年啦⋯⋯除咗裝修唔同之外，味道同埋人情味係冇變嘅！第一時間，當然要點出名的墨魚丸，豬什尖粉，泥鯭魚粥。墨魚丸弾口，在墨魚丸入面混合少許墨魚，令口感更有層次😋真係一粒真真正正嘅墨魚丸並沒有添加任何東西。至於豬什銀針粉！冇得輸，豬什包括有：豬潤，豬心，豬腸。不锺意食內臟朋友都忍不住食了一片豬潤，之後就唔停口啦⋯⋯😂😂至於那個泥鯭粥，用兩個字來形容！鮮甜！就已經是一個好好答案。

墨丸墨鬚中學時嘅回憶！九龍城最好食嘅墨魚丸（賣點唔係彈牙，而係真正既墨魚香同味道），加埋佢哋自家個湯底，再放少少辣椒油，好屈機！ 佢哋全部墨魚丸都係每日新鮮自己做，味道幾十年來都冇變過，保持到個傳統真係好緊要！

想食墨魚丸一定諗起九龍城黃明記，黃明記墨魚丸一向出名，墨魚丸控絕對必食。本人唯獨大愛黃明記嘅墨魚丸，細細粒既彈牙而又非常有口感，感覺真材實料。另外無論面質或河粉類都非常之出色，彈牙。順帶一提，辣椒油辣度適中而且非常香。其中一個缺點係每碗粉面類份量唔多，男士可能要食兩碗先夠飽肚。所以是消夜或下午茶之選。可是失望的是黃明基油菜款式不多，是永遠沒有菜心的。 而且奶茶亦是失望的。 但麵食類及墨魚丸絕對推介👍🏾

每次來九龍城都係食泰國菜，今次食D其他嘅，就同朋友一齊來試下呢間粥粉麵店。我點咗一個墨丸墨鬚河，喺粉絲來嘅，有墨魚丸同埋魷魚須，墨魚丸QQ哋好彈牙好好食，魷魚須都好新鮮，湯底清甜。朋友食嘅喺魚扎魚餃粗，好似都幾好味。

同朋友閒日放假搵野食，之後佢介紹間話由細細個食到大既潮式粉麵鋪，位於九龍城，之後就決定揸車去食閒日下就去都好full，坐爆場經老友介紹諗都唔洗諗就叫左個四寶丸河加紫菜，個湯底確實係幾正，加啲辣椒油更加將佢昇華，好想成碗湯飲哂佢，而粉河就無咩特別四寶丸全部都係人手手打，口感一流總括而言係正，值得一試！

宵夜黃明記粉面男友口中，久仰大名嘅黃明記 ，前幾日宵夜終於去試下。 地點喺本身比較靜嘅啟德道 ，晚上10點幾，吾算好多人，但都8成台坐滿。叫左2碗紫菜墨魚河、紫菜墨魚鬚、豬什、芥蘭同生菜。紫菜墨丸河河粉係好食既，彈牙，吾似出面食既河粉。墨魚丸係手打既，算鮮，吾算彈口，不過我偏愛有埋墨魚粒有咬口d既墨魚丸。紫菜冇乜特別。紫菜墨魚鬚墨魚鬚好食，仲有好多添，有芫荽，芹菜，芽菜作為配料，加埋辣椒油，好味！豬什最推介呢個，豬什有豬肉，豬潤，豬腸同豬心！豬心最好食，市面都冇乜地方有得食，呢到食到。豬心爽口，不腥，不膩，讚！辣椒油好食！