黃金冰室 (欽州街) (已結業)

差不多到中午時分... 又未想食lunch... 於是叫咗個常餐!呢個常餐勁抵食... 仲食到好飽... 大大塊吉列炸豬扒食完已經飽咗一半!😆😆😆 仲有脆多士... 再配埋餐肉一丁... 非常豐盛!👍👍👍值得一讚... 炸豬扒好juicy... 回味中!😋😋😋

地址－黃金冰室 (深水埗)深水埗欽州街55號某日要換電腦零件，走去深水埗順便覓食，經過見到呢間冰室，又光猛，又唔使點排隊，所以就入黎食下，我地揀的小菜又包飲品同湯，我地都不約而同地揀左中湯，佢配料都足夠，味道都唔錯咁。💋XO醬茄子炆倉魚，我第一次見到倉魚係用呢個方法去烹調，所以叫黎試下，首先條魚先醮粉再炸，再淋上XO醬的芡汁，XO醬雖然陣味唔太出，但都食到輕輕的香辣味，加埋茄子都幾好，條魚就都算大條，厚肉，佢炸得時間都幾足，某部份直頭連骨頭都可以食埋，幾好。💋黑松露大蝦炒蛋，佢D大蝦雖然都係雪藏貨，但肉質都幾好，冇乜雪味，又大隻，數量又足，值得一讚，炒蛋方面炒得都幾滑溜，加埋少少黑松露醬，食落好香口，有種畫龍點睛的效果。💋西蘭花炒鮮魷，個賣相都幾靚，睇得出有花過心思堆砌過，佢鮮魷數量都唔少，仲要勁多鬚，勁開心，口感都幾爽脆，連埋西蘭花一齊食，好正。

早餐黃店必選！佢嘅早餐去到11:30都有得食！通粉個軟硬度岩岩好！個人最鍾意食佢個牛奶吐司，佢同坊間一般餐廳早餐嘅麵包唔一樣，味道同口感好食好多，配埋個火腿奄列一流！

收工同男友去食黃金冰室 以前食過都ok既，但呢家完全搵笨實。咁我地叫左金銀蛋花甲浸時蔬 同埋 家鄉蓮藕煎肉餅 孖寶餐138好似幾抵喎。咁第1個送，浸時蔬其實係得幾條菜，隻碟既深度大家有眼睇到，味道係不過不失，但得果小小，賣呢個價錢我覺得當我傻仔。之後諗住有第2個送幫補下就算啦，當我地食哂碟野個肉餅先黎，一見到就R哂頭，我叫家鄉蓮藕煎肉餅，佢呢舊野係搵2塊勁油蓮藕入面釀小小肉，仲要粉紅色既，我想像既肉餅應該係肉多過蓮藕，點解會變左蓮藕釀肉，我估計成本唔洗10蚊，其實你個餐牌叫煎蓮藕什至蓮藕漢堡我都冇咁嬲，但你叫家鄉蓮藕煎肉餅，我無知，究竟咩鄉下既煎肉餅係咁。我男友成餐飯係咁鬧，都唔知食左d乜，返到屋企仲要自己煮野食。

1.面包跌左落人地坐完既「鄧」執返比客人食 衛生勁差2.態度好差 叫野食好吾耐煩 未叫完即刻走左呢間野網上介紹不錯 但尼到完全相反永遠都吾會返尼食希望想尼呢度食既你地睇到呢篇文

侍應很有禮貌, 食物好味, 兩個中式小荼, 送西湯加凍奶荼才$136, 價錢合理。另外,  飲品可以加大, 一杯就已經很夠飲, 地方清潔, 坐得很舒服。一定會再去

本身係街坊，早幾年幾乎一個星期食幾次，但近呢年中過太多次伏，覺得真係要寫一寫。等佢大家姐同呀妹，好似係老板黎，睇下啲問題。首先我想講，午餐同晚餐，無論雞扒豬扒午扒，唔係咁做架。講真廚房自己有冇試食過？點解啲扒永遠都係好似炸過咁，面頭有一層油，脆脆地咁。啲牛扒中伏次數係最多，唔係一次見到個廚房咁整，啲雞扒大而無當，大係大塊，但冇用架，你要整到入味，唔會太生或太熟，唔係成塊用油整熟就算。有啲食扒，完全覺得啲肉好似下欄野咁，啲牛多筋。到晚餐，蒸，中伏達9成，廚房根本就唔識蒸野。有時啲肉餅，係好大塊，但一係一係好咸，一係好淡。今晚點解我咁嬲係你地果個粉絲蒸腩片，點解一啲味都冇架，係完全味，啲腩肉同粉絲冇豉油又冇落鹽，我現場食到心灰意冷，真係x都覺得晒氣。其實晚市連埋凍飲成$70一啲都唔平，起黃金果頭，或者天悅果邊大把選擇。如果兩位姊妹老板睇到，你地真係自己試食一下啲晚餐，勁肥膩，但就完全唔好食！

最近香港掀起一股沙嗲牛肉麵熱潮，今日嚟到位於深水埗嘅黃金冰室試一試佢個沙嗲牛肉公仔麵👍🏻👍🏻雙拼粉面餐（沙嗲牛肉、芝士腸）$33沙嗲牛肉：沙嗲味重，少量花生醬味，肉夠林，好食❗️❗️❗️❗️ 芝士腸：正正常常，唔係好多地方可以加配芝士腸，鍾意食芝士腸嘅不容錯過😂😂湯底：唔會落得太多粉，唔會太咸，唔使洗腎😂😂😂😂整體來講幾好食，質素中上，喺深水埗早餐嘅一大選擇👍🏻👍🏻👍🏻👍🏻👍🏻

近排越嚟越多餐廳以冰室命名，希望以懷舊既風格吸引人去食，而當中「黃金冰室」就係當中既表表者，分店越開越多，不乏上班一族去食午餐～雖然比呢間冰室價錢更平既係深水埗都有好多，但食物質素方面都算係咁，所以每日中午都幾多人排隊食午餐～今日就叫左香辣豬頸肉炒河，隨餐附送餐湯同飲品，我就揀左羅宋湯同凍檸茶。羅宋湯既料都算足，食到有舊牛肉同幾多既蔬菜，味道算幾好飲，至於凍檸茶就正正常常，不過不失～至於香辣豬頸肉炒河就OK，略嫌辣度不足同有啲過鹹，而豬頸肉既份量都岩岩好，雖然明白炒河係一定要用多油炒先唔會痴埋一舊，但呢兜炒河食到落底實在太過油膩，令人無乜興趣食埋佢～總結呢間餐廳係同區黎講價錢同質素都算中等，未到太好食但又唔係難食，主要係位置方便適合打工仔拿拿聲食一餐～

又係做嘢嘅緣故，今日又來到深水埗食飯，一支公就梗係食下茶餐廳，今日嚟到黃金冰室❗️❗️❗️午餐選擇多籮籮，另外五晚飯送湯，可以揀要羅宋湯定係中湯羅宋湯：賣相幾好，落料都足👍🏻👍🏻👍🏻👍🏻咖喱肥牛煎蛋飯咖喱：故鄉，唔會太辣，陣陣椰香慢慢滲出來，幾高質👍🏻👍🏻👍🏻👍🏻肥牛：肥牛救博，份量又多，食落啖啖肉，好滿足❗️❗️❗️煎蛋：加埋隻蛋簡直畫龍點睛，好味整體你講質素唔錯，價錢又唔算太貴，值得嚟食❗️❗️

今朝一早要開工，路過深水埗，就好想食返個早餐頂肚餓，決定去返平時幫襯開嘅呢一間舖頭！黃金冰室嘅早餐好抵食， 30幾蚊已經有好多選擇，而且質素一向有保證。☀️黑松露炒蛋配沙嗲牛肉米粉☕️熱咖啡埋單只係$34 ，好抵食！😎值得一讚嘅係，餐廳提供紙仔同筆，比食客自己留低個人資料。寫完之後，就可以放入一個膠筒仔入邊，私隱到十足😉👍🏻

#fafafoodblog深水埗 #fafafoodblog懲罰系列 #黃藍是政見黑白是良知 #fafafoodblog冰室🍴菠蘿油餐 24 蚊🍍菠蘿油上層整得幾香脆 甜度適中 個包温度暖 都 ok包算軟熟 牛油夠凍 如果再厚 d更好🍴常餐 47 蚊吉列魚柳🐟呢個炸得好好外面香脆 入面軟熟 沙嗲牛肉煎蛋公仔麵🥚 牛肉夠彈牙 沙嗲汁味濃 1炒公仔麵唔錯🍜配丹麥多士 🍞多士正正常常 夠脆就 ok#黃店 #黃色經濟圈 #常餐 #公仔麵 #沙嗲牛 #多士 #魚柳 #菠蘿油 #黃藍是政見黑白是良知Score 平均分 <7.6/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻~~~~~~~~~~~~~#黃金冰室深水埗欽州街55 號地鋪~~~~~~~~~~~~#fafafoodblog #為食花太郎 #fafafoodblog深水埗=====================任何美食😋歡迎inbox 我 , 等我食完開心sh

#深水埗 #黃金冰室 AGAIN! 一如既往，#鮮茄焗豬扒飯 都係咁好食，多芝，豬扒惹味，炒飯底今次試嘅#常餐 不得了，又抵，又好食#性價比高 47蚊包咗#櫻花蝦雪菜肉絲米 #腸仔 #牛扒 同#丹麥多士 多到呢#櫻花蝦雪菜肉絲 較辣，肉絲少，夠咸，雪菜味淡腸仔有煎過一面先上，唔係淨烚牛扒就薄切，鬆肉粉味較多，同偏咸，黑椒味重丹麥多士就正囉，丹麥方包本身已經係軟熟啲，同牛油味香啲，再烘底#凍檸茶 都係茶記水準 大年初一都有開，只係加一，侍應哥哥都係好好態度，非常好味道: 8/10味精: 7/10價錢: 8/10環境: 8/10服務: 9/10#vinainssp #vinafood #bakedporkchoprice #usualset #highcpvalue #hongkongstyle #hongkongcafe #honkongcusinie #icedlemontea #toasteddanishbread #steak #foodporn #foodie #hkfoodie #f4follow #f4f #likesforlike #l4l #l4likes

黃金冰室喺深水埗好出名，我估取名係嚟自於近黃金商場😂而小編食過晒深水埗嘅兩間分店✌🏼通常都係食佢嘅早餐，兩間水準都差唔多，正正常常，多數叫佢嘅沙嗲牛肉🥜🐮如果你哋去開呢間又唔知叫咩食好，就叫沙嗲牛，實無死🤣==============================🎗黃金冰室 (欽州街)📍深水埗欽州街55號地舖⏰星期一至日 07:00 - 22:00==============================1️⃣【沙嗲牛肉通粉 配火腿奄列】$34牛肉🐮好嫩滑，唔韌亦無咩筋，沙嗲汁都好濃郁，不過無花生粒🥜雖然公仔麵🍜係同沙嗲牛肉夾啲，但小編想健康啲🤫就轉做通粉，吸湯程度都唔輸蝕😲每匙通粉都掛住濃濃嘅沙嗲汁🤤火腿奄列呢樣野點都唔會整得難食😂所以呢個都係正正常常個多士比起其他茶餐廳嘅多士好唔同，其他茶餐廳係用白麵包🍞有啲仲要加錢烘底，但呢間用嘅係丹麥多士，比起一般多士口感更加鬆軟，幾有特色👍🏻(🔥怒食指數：9/10).2️⃣【熱阿華田】跟餐附送作為阿華田嘅☕️熱愛者，對阿華田有一定嘅要求😌首先一定要有奶🍼咁先唔會令杯阿華田太稀同無味，其次粉同水嘅比例都好重要，佢哋嘅比例決定咗味道嘅濃淡👅而佢嘅阿華田

又黎呢間食晚餐喇，今次試牛扒同焗飯周打海鮮忌廉湯好正，雖然比跟餐白湯貴啲，但係好好味，真材實料，有蜆，魚肉，魷魚，都有忌廉味，但係食唔出好味精，但係都鮮味芝士蕃茄焗豬扒飯 個醬好特別，比茄醬開嘅多咗啲鮮味，甜味同酸味，同平時食開嘅焗飯醬唔同，但係又好味，芝士就中規中矩，但#炒飯底 加分鐵板牛柳啖啖肉，叫咗7成熟表面熟透，中間嘅心都係有血水，啱啱好又juicy 但係 佢個薯菜係紫薯?! 薯菜唔係應該係薯仔咩，搞咩不過都有燒蕃薯嘅味嘅，但係真係唔夾，希望下次再叫嘅時候，係薯條或薯角啦……跟餐嘅餐包，不得了，個方包牛奶味重，又柔軟，但係又烘底喎，外脆內軟，不得了味道: 7/10味精: 6/10價錢: 8/10環境: 6/10服務: 7/10