黃金冰室 (欽州街) (已結業)

深水埗真係美食森林 咩類型菜式都應有盡有有幾次係高登買完野 都見到對面有間黃金冰室好多人喺門口等位 今日三條友一齊～即管去試吓先坐低啱啱好兩點半可以叫下午茶餐！都算多款揀 由輕食到粉麵都有。照顧到唔同食量嘅大家本人就比“特別推介”深深咁吸引 雞髀配紅豆冰就食得多！但係黑松露芝士味嘅雞髀我就未試過啦開頭以為芝士會係流心個種 冇諗過係一大塊芝士再加一大匙嘅黑松露醬（香到震）放喺炸雞髀上面 超級勁爆邪惡 好想讚一讚佢個雞髀雖然係鮮炸 但係啲肉一啲都唔乾！咬落去係有肉汁 juicy嗰種 絕對唔會食到鞋過鞋底嘅雞肉～黃金冰室嘅咖啡奶茶杯都好有特色～係佢哋自己嘅logo唯一想吐嘈就係餐廳都幾細幾迫 要搭枱就預咗 不過大家都係想食個快靚正嘅茶餐 應該冇乜所謂嘅

由於在這裡附近外勤關係,再次到訪上址, 叫咗個白汁焗牛利飯, 等咗一陣已經熱呼呼地送到, 牛利嘅前工序應該唔夠時間做, 牛利肉質仍然很實淨, 當然表面沾住白汁的有白汁味道之外, 不過牛利是屬於厚切, 所以特別有咬口, 果然是食肉獸專門店, 例湯的中湯完全係簡單而直接的家常味道,

呢日去開深水埗行下，晚餐就係深水埗搞掂埋啦，深水埗好多又平又好味既美食，今日食既呢間黃金冰室都係一個好選擇～～晚餐小菜有孖寶套餐，小菜係餐牌上有好多選擇，有廿幾款啦～～揀兩碟小菜，有兩碗白飯，同兩碗老火靚湯～～最後，我揀左西檸雞同黑松露大蝦炒蛋，上菜都算快，good~~西檸雞，份量都幾多下，炸得香脆，西檸汁酸酸香香，好開胃，好好送飯，仲有幾片檸檬伴碟，good!黑松露大蝦炒蛋同樣大大碟，好香黑松露味，大蝦爽口脆口，配上嫩滑炒蛋，good!

這店似乎開了夠一年, 第一次幫襯, 絕粹係就腳同省時的選擇, 沒有期望的心態下估唔到有意外收穫, 店內座位狹小, 但某些自我的年輕客人依然認為自己個背包非常重要, 重要到要坐一張櫈,但要明白當時正值健午餐時段, 在這情況上店方都算相當忍讓了, 而其實那時候店內是客滿的, 講返食物, 我們叫了兩個午餐: (A)水牛城香煎豬扒配意粉$45, (C)咖哩薯蓉羊脾扒送一碟白飯$46, 先講豬扒一片煎到好啱色, 肉質沒有嚡口有肉汁, 尤其個尺寸同厚度簡直係半賣半送, 所以無乜配菜了, 意粉都係預先煮好嗰隻啦, 原來佢係用蕃茄醬表現出"水牛城"來, 味道甜不辣!咖哩薯蓉羊脾扒係好大件嘅兩中大片, 下底有一大堆薯蓉, 再伴一碟白飯, 要知道這裡只是收46蚊伴的白飯??會唔會好似兩日前在兩條街外的某大茶餐廳的白飯咁難食呢? 好歹也要食過才知道的, 試一口白飯----完全正常的白飯喎, 羊脾扒一般較有咬口這兩片也不例外, 咖哩係好正路嘅港式咖哩, 以呢個無敵價, 重要有中,西湯可選擇, 西湯就係紅湯似係當日煲嘅湯, 中湯則應該是昨晚製作好當日究朝再返滾, 因為是日中湯係雪耳湯, 雪耳煲好放過夜第二日返煲

三次收銀員疑似負責人 超差.......！ 超無禮貌 第一次- 單獨去食午餐 食品一般 只是份量。 大，地方細，坐得唔舒適，但還可以接受！ 收銀員 超無禮貌 幫我落單。比錢賣單又無禮貌！ 第二次- 同老婆一齊去食想試多次其他野食，都是一般般，收銀員都係佢行佢素，無禮貌！ 第三次- 30/1 12:56落午餐C 咖哩什扒食 紅湯 冬OT 5分後湯到，茄醬汁湯味道！ 13:14追單 20分鐘冬OT都未到，何況個飯餐....侍應話3分鐘到！ 再等.....對面枱 冬OT到兩杯都無我份....再等 對對面枱同一個餐食緊.....！ 13:20走人 ...... 同一個收銀員.... 繼續無禮貌....！ 一點歉意都無...

深水埗食野唔難 但有不少都伏伏地去完黃金買野 見到間黃金冰室眼看餐牌都有唔少野就試試佢 誰知都伏伏地一個人去食 都預左撘枱 更慘情的事係佢俾樓梯下面個位你好心就唔好俾人坐啦 個客連坐直個人都唔得轉左坐位後 就叫左個星洲炒米一般啦 正正常常無特別要蝦有蝦 數埋都有5隻仔要蛋有蛋花 都有少少架味道都是茶餐廳水平算唔算好 就真係唔叫好食完大半後飲左好多水 都幾咸下總結 如果有得揀 就揀其他先如果無又想食宵夜 這個可以作2nd choice

熊妹跟熊大食茶記食多左，都開始融入生活入面，近期更加愛上了有飽櫃的茶記。位於深水埗黃金區域的地鋪都以其為名的《黃金冰室》鋪位細細，門口都擺放左一個飽櫃仔，就吸引左熊妹帶熊大去喇。典型茶餐廳，早餐，午餐，晚餐，下午茶餐，全日餐，散叫咩都有。慣常未食午餐的熊大要先叫左正餐再食包先。無骨覇王雞伴郊外油菜，$55午餐供應時間係上午11點🕚到下午4點🕓，其實熊大點餐時已經係4點05分，店員好好，話可以做埋俾熊大。無骨雞就係油雞🐥再加啲醬油，都幾大一份，無骨雞味道唔錯，仲有啲生莞茜🍀同爆蒜做伴菜，賣相黃黃綠綠好吸引，不過熊大熊妹都唔鐘意莞茜味，最後剩哂係度。郊外伴菜係蠔油菜芯，份量都幾多下，菜芯🌿都幾新新鮮，差唔多俾菜王熊妹食哂。白飯🍚一碗，小碗唔係好多，飯王熊大爬光光的，好似唔夠食。黑松露芝士雞脾，$35一向下午茶都係叫雞脾🍗的熊妹，又鐘意黑松靈又鐘意芝士🧀，呢款雞脾真係岩哂熊妹口味。雞脾size唔係好大，炸得好香口，肉質一啲都唔乾，火喉🔥時間好到位，鎖住雞脾的肉汁，雞肉嫩滑的，好味喎！雞皮面雖然點綴了少少黑松露，但好香好重黑松露味道，即使無黑松靈的地方都有黑松露味，唔錯喎！溶芝士鋪係面，熱辣辣

食下午茶梗係去茶餐廳啦，今次就試下呢間下午茶。有全日餐。下午茶都多款。揀咗A餐。黑松露蛋好香黑松露味，好好食，有黑松露嘅菜式都好難唔好食，不過太多油，搞到多士有蛋嘅位置淋晒一上枱，我就唔開心，因為我以為係炒烏冬，原來係湯點知食落幾好味，都唔差。友人個雞扒最好食，外面香脆，內面啲肉夠嫰滑凍檸茶同凍奶茶都唔錯。

又夠鐘食下午茶，搜尋完搵到哩間餐廳，見到個黑松露芝士雞脾好吸引，雞脾是炸的，好香好脆，上面淋左芝士汁同雞脾幾夾，至於黑松露我唔知本身係咩味，當日亦食唔出有咩味道，總括都幾正。

呢間茶餐廳食過好多次早餐，常餐，晚餐都幫襯過，每次都保持水準的！好鐘意食早餐既鮑魚火腿絲通粉佢個湯底好濃好好味不過佢D多士就唔多掂，牛油好多時查得好少，同埋唔香既希望可以塗番多D牛油啦！夜晚都食過蒸肉餅，小炒，我最鐘意食鹹蛋蝦乾肉餅無乜地方有蝦乾食哈哈，不過呢到D例湯常常都唔夠熱！不過羅宋湯幾濃，幾好味仲有，呢到既蜜糖豬手好好味呀，我配上紅酒燒汁豬手好淋好大件，仲配埋紫薯仔呀好正！我好鐘意食呢個豬手，又平另外個焗海鮮意粉，嘩，佢D料真係真海鮮，唔係出面D蟹柳獅子狗哈哈，係有青口呀，魷魚呀，扇貝呀等等，好味呀，仲有好多芝士黎焗，好足料！又平黃金冰室係有保證有水準的

今晚配完眼镜路過呢間鋪，新開張就入去試新嘢。叫咗個咖喱牛腩煲，臘味炒西蘭花。個咖喱汁辣味適中，佐飯一絕，牛腩炆得夠冧,食落冇渣,西蘭花有鑊氣,加上佢a價錢又大眾化,下次再嚟食其他小菜先得。

小人乃冰室怪一名，盡管到了深水埗，仍可獨自一人吃個正飯。入到茶餐廳，不想又是一般的炒粉麵飯，於是特意來一客芝士菠菜蜆肉飯。甫一上枱，即被那洶湧而澎湃得滿溢的芝士吸引著，未食已先興奮！芝士汁入口是燙嘴的熱，熔岩般流瀉；惟菠菜雖是配角，亦無需過份的太少，似有還無。還有啖啖不靭有汁的蜆肉，令小人每一粒飯都清光了呢 o ^_^ o！今時今日的茶餐廳，相信不能再單靠楊洲炒飯乾炒牛河而獨步單方，新意思新思維絕對值得推崇。

之前見同事買左黃金冰室既外賣 見到賣相唔錯 仲要叫一份餐都送外賣到公司樓下 太好啦 落雨最怕出街食飯 叫左咖哩牛筋腩飯 $44有飯有湯有野飲仲要送到樓下 都無咩好complaint啦 咖哩同飯分開裝 唔怕送到黎已經浸到啲飯淋晒 咖哩唔會太辣 好有椰香 送飯一流 牛腩好大舊 不過有幾舊老左啲 牛筋非常非常淋 索晒啲咖哩汁 一舊接一舊咁食 好味 湯就簡左羅宋湯 中湯唔岩飲就無叫 不過佢外賣紙有寫埋每日既中湯係咩 下次可以試下花生雞腳湯 我至愛既老火湯

呢間嘢環境又逼又窄， 勸各位繁忙時間唔好去。 我本來坐底左， 嘢食到時個女侍應叫我轉枱， 但我本身拿住2袋嘢， 我問佢有無椅可以放嘢， 佢叫我放大脾， 吹漲! 2袋嘢頂住點會食得舒服呀， 一啲都唔helpful, 完全無顧及客人需要， 只顧自己啲位可唔可以塞滿賺盡錢。嘢食非常一般， 唔食無損失。

深水埗茶餐廳「黃金冰室」裡面所謂的「黃金」，估計不是指餐廳食物材料有多珍貴，亦應該不是食物含有可食用黃金材料，只是因為「黃金冰室」位置太接近，深水埗主要電腦用品集中地「黃金商場」，所以餐廳索性改名「黃金冰室」算數好了。我來到深水埗「黃金冰室」時，時間已經很夜了。加上我之前又已經在家中吃了少許晚飯，肚子不算很餓，所以來到「黃金冰室」，對大部分晚飯類的食品的興趣不算很濃厚，只是叫個小食當宵夜就夠。另一方面，因為深水埗不算是商貿購物旺區，地區的人均收入又不是很高，所以深水埗一入到晚上，整個區的人流都大幅減少，連帶光顧「黃金冰室」的食客，都沒有我預期那麼多。不過，「黃金冰室」總算給了我一個很大的安慰，就是餐廳場內，沒有明顯地掛着電視機，沒有電視在播放電視新聞臺節目。加上「黃金冰室」場內燈光都設定得頗為昏暗，所以無論是食晚飯還是宵夜，餐廳環境都算很有安全感的。不知道是否因為「黃金冰室」環境太有安全感，我在不知不覺的情況下，忽然叫了一客「法蘭西多士」，另加一客「黑松露芝士炸雞髀」。至於飲品方面，我礙於當時時間已晚，所以跟奶茶、咖啡、朱古力、紅茶類的飲品，我全部都飲不起，最後唯有放棄飲品，純粹飲杯滾