黃金茶寮點心專門店 (已結業)

之前聽閒都話已經麻麻地, 成日經過都無咩人食,又有螽LUNCH特價餐,40幾50蚊左右諗住就腳試吓啦,入到去,叫左個梅菜蒸魚飯,等左20分鐘到到,點知一黎就係魚頭位,D肉得魚頭4分1咁多,梅菜幾粒仔, 飯又一大碗,好差好難食!!!!!!!!!!!聽到隔離台D人話: 叫親乜都話無,咁有咩食呢???

今日十二點鐘去到 店舖食嘢 點咗蝦餃 同埋其它食物。約十分鐘後聽到 廚房話冇蝦餃之後我就同樓面講改燒賣。到了十二點半，其它食物巳到了。燒賣仍未到，我就同樓面講 睇下得未。 點知有條好瘦個廚房佬大聲用粗口講 咪 x食。 我就同佢理論 問下好平常啫 後來先知道 原來廚房大佬冇返工 。呢啲廚房佬就唔做嘢。 咁嘅服務 下次搵你呀媽去幫襯

之前在長沙灣分店食過幾次，都覺得很好食，服務也不錯。今次試荃灣分店，點知食到一肚氣，12點37分落單，1點40分都未嚟齊點分，只係點左8個點心。叫了一籠4粒的燒賣，分2次上，極無奈！個籠仔蒸飯等左成個鐘，仲要追單先上，d飯好散，仲發現有黑黑啡啡的飯，店員解釋係炒過d米，所以係黑色的，最後店員話換其他嘢食，不過已經冇晒信心,亦冇心情食，埋單走人。

呢一帶酒樓唔算多。商場內的好貴，唔抵食。其他的好多人，唔知要等幾耐。行過見點心餐廳有位，一於試下。山竹牛肉肥豬肉、芫茜、馬蹄比例適中，如果加一點點果皮會更加好。燒賣好食！無蒸過龍，豬肉調味恰到好處。蝦餃皮好薄，但又不易穿，口感帶點煙韌。冬笋粒及肥豬肉份量適中。龍蝦湯鮮竹卷即叫即炸，脆卜卜。配龍蝦湯食，比起傳統蠔油芡汁更好(當然並非鮮煮龍蝦湯)。蘿蔔炸兩油炸鬼脆卜卜，蘿蔔帶一點點清甜，好夾。好好食。雪山叉燒包類似傳統菠蘿包加咗叉燒餡。幾好。但略嫌餡料太少。整體都幾好。可以 Encore

今日係公眾假期, 晏左起身, 好想去嘆下一盅兩件, 但又怕去到酒樓等位等餐死, 諗起呢間點心店, 所以就去博下唔洗等位｡ 果然, 1點左右去到都仲有位, 兩個人一共點左 6 款點心｡黃金蝦餃皇蝦餃皮唔會好厚, 蝦食落去都算彈牙蟹籽燒賣燒賣裡嘅豬肉蒸到有點實鮮竹牛肉球夠晒淋身, 其中有一個牛肉球比其餘果兩個牛肉球特別細粒龍蝦湯鮮竹卷 平時喺出面酒樓我唔會食鮮竹卷, 但黎到呢間點心店, 鮮竹卷變成我必點嘅項目, 因為呢度嘅鮮竹卷整到出黎係比較脆身, 而且點埋 D 龍蝦湯一齊食, 味道係同傳統嘅鮮竹卷非常唔同, 味道超正 雪山叉燒包外層類似菠蘿包嘅面, 入面叉燒餡料都幾多, 如果可以嘅話, 焗到再脆身 D 會比較好 招牌脆皮蘿蔔腸粉 腸粉包住油炸鬼, 油炸鬼入面又有 D 蘿蔔粒, 食落去嘅口感好特別, 淋淋哋得黎又有D脆 

今日收早，坐坐吓巴士返屋企途中肚餓，在荃灣落車揾食喜歡食點心既我對腳好自然咁行咗去以前食過幾次既點心專門店，呢間點心店比我印象唔差，D嘢都食得吓！得自己一個人而且下午茶所以只選擇了兩款點心鳳爪排骨飯之前都食過好多次但今次再食略為有少少失望送到黎退時候就知道一定係即叫即蒸既，而且見到D飯一粒一粒唔會好似煮粥仔咁，期待入口會幾有口感點知食落真係有好大出入D飯太軟身喇，完全冇咗爽身飯粒應有既質感，有D失望再食吓D鳳爪排骨，D餸味道就ok喎，可惜D飯大打折扣再試吓個炸水餃仔（呢款點心第一次食）目測外觀一般般啦，但點知食落又幾好味喎，只係細隻少少啫，肯定係即炸既，食落完全唔油，幾好功夫而且味道配合得幾好，下次黎會再食的，總括呢餐緊緊合格啦（因為D飯扣咗唔少分）希望下次會有所改善啦！

14-1-2017 (Sat)朝同老公起身後去食o野,由於佢要買o野,於是又o黎呢o度食兩個禮拜前食唔到o既o野,我o地o黎到,人亦都唔多,我o地叫o左:6. $15.00o既藍莓芝士餅第一樣到,花紋幾靚,食落唔太甜,藍莓同奶味薄,一般.味道:2.8 分5. $25.00o既龍蝦湯鮮竹卷睇見鮮竹卷係脆,從未食過脆鮮竹卷,呢個好熱,內裡有木耳絲等,饀料足,龍蝦湯杰身,龍蝦味道都有,OK.味道: 3分4. $17.00o既咸水角大大個,冇炸過火,但同樣係熱騰騰,亦可惜唔夠惹味.味道: 2.9分1. $26.00o既鵪鶉蛋燒賣竟然冇乜汁,要知道呢個唔係乾蒸燒賣啊,蝦仁爽豬肉多汁,OK.味道: 3分2. $30.00o既鐵板北菇棉花雞第5個到o黎,由於佢仍可保溫,所以留到好後至食,打開睇,份量都唔算少,雞同魚肚都有3大件,老公負責食雞,我負責食魚肚.佢話雞好食,有薑味,我都忍唔住食少少,肉嫩,係唔錯.而魚肚呢?冇鯹味唔太腍,可惜全是薑味,而且算幾辣,原來佢o地擺o左3片薑一齊蒸,唔怪得啦,使唔使咁重手?味道: 1.75分3. $25.00o既紫薯荔枝球呢樣係第3個到o黎,我o地亦留到最後至食,

2-1-2017 (Mon)朝早起身同老公去食早餐,由於想落荃灣幫佢同爸爸買枕頭,而且又好耐冇飲茶,於是o黎見到但未試o既呢間.我o地去到唔算太多人,坐低後,佢o地即刻放低一壺茶,完全唔使問客人飲咩茶,即係得一種茶供應吧,是但,好彩唔係鐵觀音而係普洱,佢o既茶太濃,我要問佢o地俾壺滾水,而茶o既味道同好多間飲開o既都好唔同.我o地睇完menu,就要:1. $39.00o既點心拼盤兩個因為6種點心,每種得一件,咁我同老公就可以每人每樣都食一件啦,由於薑汁紅棗糕凍o左會變硬唔好食,所以我先食呢個,熱騰騰又軟又有咬口,口感唔錯,但薑汁太勁,辣o左啲.味道: 4.5分之後食蝦餃,內補蝦仁充足爽口,但餃皮太腍.味道: 3分燒賣,正常冇問題.味道: 3分潮州粉粿,食到有沙葛o既,但冇花生,味道亦唔惹味,可能五香粉太少,粉粿皮同樣太腍.味道: 1分菜苗餃,餃皮同樣太腍,味道…太濃,係蒜蓉太多,但好彩唔苦,不過o徒o左咁多翠綠o既豆苗.味道: 1分叉燒包,老公一食大讚好食,我覺得冇驚喜,只係甜度o岩o岩好,叉燒超腍.味道:2.5分2. $24.00o既煲仔生煎菜肉包呢個上到o黎,侍應o係煲邊贊酒,打開

之前經開都想試下，今日終於有機會一試！十二點幾去到，都有好多位（可能係平日）！兩個人總共叫左7樣野😂 值得讚既係蝦餃燒賣可以就咁叫兩粒，唔怕食唔晒推薦 - 招牌脆皮蘿蔔腸外表似炸両，但食落就另一層次！咬落去脆卜卜，入面包住蘿蔔絲，好夾！好味道推薦 - 紫薯荔枝球見到紫薯心心眼，仲有荔枝係入面覺得神奇！好特別，完全未見過既點心！出面有糖粒包住拎去炸，咬落去好綿，紫薯味唔係話好特出，入面有奶黃，食落去甜甜地，加埋啲荔枝，成個口感好清新！唔錯有機會會再食

爸媽成日去呢間點心店飲茶，竟然唔去茶樓飲，星期六叫埋爸媽再去試試😆點心價錢唔特別平，款式的確有驚喜😁精選3款比突有特式蘿蔔絲酥炸腸粉腸粉皮薄，包住酥皮，內裹係蘿蔔絲鐵板雞扎個名的確被吸引，但只是無左腐皮包住，變左錫紙😂酥皮芝士香草蝦卷 芝士包住蝦，芝士唔算香濃

睇咗食評去試，大約接近晚上六點，星期日，時間尚早，一個人叫了蝦餃，燒賣，山竹牛肉，煎蘿蔔糕，帶子腸粉和薑汁千層糕。蝦餃不過不失，燒賣咬開都是肥豬肉，煎蘿蔔糕都是粉造的糕，食不到蘿蔔絲；山竹牛肉我最喜歡，這個還不錯。帶子腸粉也是不行，每塊腸粉入面只有小小的一粒帶子。薑汁千層糕就不俗，有很重的薑汁味。整體來說點心質素不太好。比一般酒樓差。

午餐一個人去飲茶，到茶樓酒家似乎不太實際，去點心專門店或者是不錯的選擇，食過後，就可快快離開。荃灣黃金茶寮點心專門店是早前發現的，取代了以前的東哥，於是找一天來食番餐，並安排了今天來到。雖然同樣有點心紙和同樣的點心，沒甚特別，但仍可點來一盅兩件。不過依然有籠仔飯，不知道會否與東哥的一樣嗎？可惜的對於籠仔飯暫不感興趣，只好選擇其他。一碟長長的叉燒腸粉，上桌時雖有點甩皮，但問題不大。腸粉切開了一小塊，並非一碟三條，醬油則由自己下好了。腸粉皮較薄，亦有蒽花在內，吃起來夠煙靱，而叉燒一小塊的又有咬口。一籠三個的叉燒包，沒有像以往的大個，細細個。叉燒包外層夠薄，內裡的叉燒用上蠔油，變得濃味，與以往味道不變。再來潮州粉果，幾時都是喜歡的。粉果滴瑩通透，完全看到內裡的食材。入口都是層次豐富，當中的食材有爽口的，有咬口的，各式其式。點來三款點心，都夠飽肚，加上茗茶，剛好。

星期六十點幾去食宵夜，成日經過見佢大大招牌燈箱，都想試下，終於第一次光顧，冇須等位，装修與普通茶餐廳無異！我们點了7款點心，最抵讚就係招牌脆皮蘿蔔腸粉，皮很薄很滑，先頭以為内裡是炸兩，一咬脆脆炸絲，蘿蔔絲，聞落好香蘿蔔味，咬落又夠脆，一試難忘💯💯💯蟲草花滑雞飯，雞肉嫩滑弹牙，蒸得恰到好處，不會又老又「鞋」，飯仲滲著雞油香👍👍👍沙律鮮蝦長春卷，皮是脆，但蝦肉少到絕跡，幾乎是空心的，一咬只有一「餅餅」沙律醬，又油又膩,no good😱😱😱蝦餃，皮不厚身，但蝦肉不新鮮，肉質有「霉霉地」😞😞😞另外，牛肉球，燒賣，蒜蓉蒸鮮魷也不過不失，所有點心都是即叫即蒸，夠晒熱，水準也是可接受的！

首先環境黎講都算幾闊落，一個人入去比4個人既位我坐！！服務都唔錯～～間餐廳食點心為主，但我一個人所以就咁叫左個蟲草滑雞飯就算。開頭都擔心蟲草唔知會唔會有藥材味呢？等左10分鐘都唔洗就黎到，賣相都可以～～但個份量就少左d囉對一般大食既男仔黎講！！不過對於我就岩岩好份量，因為我比較細食…講返個味道蟲草係冇藥材味既，大家可以放心！！至於隻雞咬落去個口感都幾林同埋比較少骨，飯有點可惜既就係食唔到有飯焦～～可能佢唔係正宗既煲仔飯啦！但正體黎講都合格既，30蚊咋大佬仲想點，最後建議各位可以試下d點心

今日小仙女同公司班同事係荃灣呢邊食嘢，見有五個人咁就去飲下茶喇！餐廳的招牌大大隻，夠晒搶眼，吸引我地入去。坐低就拿拿林點嘢食喇，好肚餓啊！！我地五個人大約點左12個餸再每人加多4蚊茶錢，而且無加一，都算幾抵食^^以下係想推介一啲必食菜式好少見棉花雞係用錫箔紙包住，咁職員係中間幫我地剪好個洞，一撕開就食得，呢個棉花雞同其他餐廳既有啲唔同，雞比較嫩滑而且棉花係吸收曬所有精華，而且仲好大份另外呢個係招牌脆皮蘿蔔腸粉，不愧為招牌，其實好似炸兩咁再加啲蘿蔔係中間，不過本身味道略淡，點埋附上嘅鼓油就一流啦！第三個想推介嘅係香草芝士脆蝦卷，第一啖咬已經食到裹面大大粒嘅蝦，再咬落去就B晒啲芝士出黎，連我本身對芝士冇特別愛好都愛上咗呢道小食。＊＊最後想特別推介嘅係流沙奶黃包，不過掛住食都冇影到，出面好多叫流沙奶黃包都唔係流心嘅，通常叫得流沙奶黃包呢個小食嘅人，應該都係希望裡面嘅奶黃餡料係流心嘅，但係好多時啲流沙奶黃包都唔流心，不過呢間餐廳嘅流沙奶黃包絕對唔會令到一眾流沙奶黃粉絲失望，反而要提醒你地食嘅時候要小心整污糟件衫啊！因為係超！流！心！一咬落去已經B曬啲奶黃餡出黎