點心堂

營業中

休息中

訓醒冇野做， open rice 一下附近有咩食，見到呢間點心堂好似ok 咁，所以就決定去試下裏面唔算係好大， 可能已經過左lunch 時間，所以唔需要等位。地方都唔算係好迫～之後到野食啦呢個pizza 要推介呀係唔錯既，好似係$37 左右， 大細就類似pizza hut 既細砒咁～之後到蝦餃，我覺得就麻麻地，d 皮好厚同埋好粉個金錢肚都唔錯呀，我覺得幾入味之後到鳳爪， 其實同金錢肚個味道冇咩分別個燒賣就一般般啦，都可以接受既之後到呢碟雞，味道都唔錯總結： 其實都比一般酒樓好食，坐位都幾好坐，而且價錢又唔貴。兩個人計埋茶錢，total $186 兩人

火炭區好味點心，每樣水準都唔錯，特別個菠菜苗餃好出色，流沙包好流沙，叉燒腸個皮好滑好味，墨魚滑茄子好大件，樣樣都好充料大大件，D點心好夠熱，坐得好舒服，支持好食黃店😋

得嫻會search 下火炭有什麼新餐廳，發現呢間點心店。憑openrice 登張相去到門口，無店名的但知無錯，入面原來好整潔。第一次叫外買從正門入，後來再去先知有側門通大廈。外買會因吳同食物分裝膠盒，吳合符環保原則但無法，6個點心會有6個盒。所以決定以後一定要到舖頭食。第一樣最吸引我的點心係懷舊灌湯餃，細個時一定會叫，好喜歡佢黃色及用塊銀托盛住而吳係放湯，一籠兩隻。其他試過有叉燒飽，蝦餃燒賣，菜苗餃糯米雞 (不能盡錄), 以致甜品如流沙飽/球都好食。好食在於咁ge 價錢吳難食兼夾好過好多點心店，坦白講未去到好好食但食完覺得底食。份量亦吳細，好坐，店員有禮，仲有早茶添，好似開07.30 ，所以想飲茶都會黎。最好係吳洗好似大酒樓要等，呢道快靚正。

第一次去點心堂買外賣, 西洋菜豬肺湯, 不夠半膠碗, 打電話問佢地話正常, 真心食唔起d咁貴嘅野, 冇下次排骨飯還可以, 點心沒有試, 唔知道堂飲48蚊會唔會比一碗仔呢, 有冇人試過, 係咪一樣咁多咁真貴...

第二次到點心堂食飯，星期日生意明顯比平日晚市旺，等左大約十五分鐘就有位。企得推介嘅有小籠包，成個包都係湯汁，皮薄餡靚。蝦多士嘅蝦膠比例啱啱好，雖然係炸但完全冇油膩感覺。另外籠仔蒸飯，金玉滿堂蘿蔔糕都好好味。最重要係所有點心都好夠熱，好新鮮而且好抵食。雖然地點離地鐵站有段距離，但值得特登去幫襯。

估唔到喺火炭嘅工業區，會有咁精緻嘅點心，如果要封「隱世美食」依個頭銜俾佢，都唔過份👍🏻星期六嚟食，都坐爆！好彩咁啱等5-10分鐘就有位👏🏻以新派點心店嚟講，佢真係算好好坐，座位/枱與枱之間夠闊落，又唔嘈，但又似酒樓咁唔會趕客讓位，由你慢慢嘆茶，同朋友喺度食嘢傾計2-3個鐘，有個愉快嘅美食體驗🌸點心堂嘅點心幾好味，特別要讚讚佢啲卷物相當出色！蕃茄春卷: 等我由外到內講起啦～蕃茄春卷外皮炸得香脆，包得好實好靚(你睇佢剪得幾靚)，咬落啖啖蝦肉😋唔係淨係得肉咖！仲有好多椰菜絲同蕃茄🥬🍅所以即使佢外層炸得香脆，入口都唔會乾爭爭鮮蝦腐皮卷: 同蕃茄春卷一樣，鮮蝦腐皮卷包得好實好靚(你睇佢剪得幾靚)，炸得鬆脆。餡料亦同蕃茄春卷大致相信，多蝦肉多菜，只係少咗蕃茄，咬落啖啖肉😋入口都唔會乾爭爭

依家食點心都要去酒樓，但好多都好一般。有次叫火炭外賣叫左呢間點心堂，外賣送到黎其實都至少半個鐘，春卷、生煎包竟然都仲好脆好好味！咁今日特登去舖頭堂食試下！生煎包真係必食！原來堂食仲會用鐵板上，加分。另外仲試左蝦多士，即叫即炸好好味！點心都幾有特色，高質，好食過酒樓既點心，但價錢又唔貴。難得火炭區內既點心舖，夜晚都有得食。星期六要帶阿媽黎試下其他點心！不過舖頭門口無招牌，可能難搵少少，火炭路直接入到。如果坳背灣街工廈入，就要落一層。

小時候不時跟父母去酒樓飲茶☕️現在沒有太多機會到酒樓一盅兩件，但仍會間中到點心專門店吃最愛的點心火炭區的酒樓一向不多，隨著區內的居住人數上升⤴️  食肆數量亦開始多元化晚上偶然想吃點心的話，現在在火炭區也有好選擇升哥蝦餃皇 $31XO醬菜苗餃 $29山竹牛肉球 $21春蛋燒賣 $26先說幾款比較傳統的點心蝦餃飽滿，🦐蝦肉又多大大隻春蛋燒賣顧名思義就是鵪鶉蛋燒賣，味道正常發揮😌 山竹牛肉不算太多馬蹄粒，口感不算差，同樣味道屬於預期之內至於XO醬菜苗餃，同樣餡料滿滿，每一口都充滿蝦肉，拌入少許XO醬令味道更為豐富🤤西紅柚春卷 $26別有洞天脆皮腸 $38金玉滿堂蘿蔔糕 $29這三款看似特別又好像有點普通的點心🤔，其實是熟悉的點心的變奏版西紅柚春卷就是加入蕃茄🍅，蝦肉蠻多，減走春卷的油膩感，比較清新金玉滿堂蘿蔔糕比較有點失望😞 只是一個炸蘿蔔糕上加入一點木魚而已，至於別有洞天脆皮腸就比較有驚喜🤩 腸粉裹著芫茜脆脆，內裡有滿滿的蝦肉跟蟹籽，有點像春風得意腸原籠蔗糖馬拉糕 $25黑糖蜂巢糕 $18椰香黃金糕 $20三款糕點，三款同樣是另一半的至愛😍 來這店的其中一個原因，正正因為店家同時提供蜂巢糕跟

喺火炭工作短短嘅日子，總共食過兩次。食完第一次後，就即刻想返尋味～ 真係估唔到火炭有間隱世嘅好食點心店～特別係小籠包，食完想再食～ 兩次都自己食晒成籠😋😋😋 皮薄爆湯汁，肉汁鮮味，超級超級好食～～相較之下，招牌懷舊灌湯餃相對遜色，味道較淡，要行埋一邊～叉燒包超正流心奶黃包一樣咁正～～叉燒腸滑嘟嘟～ 好食😋另外仲有特色獨有點心，例如 蒜香蝦餃，炸咗再加千島醬，好香口～仲有蘿蔔糕唔係就咁煎就算。 切件沾醬炸，再加千島醬同大量木魚乾片，別有一番風味。牛肉球普通，略嫌多筋，所以唔推介～如果再去火炭，一定係我食飯首選👍🏻👍🏻👍🏻

自從愈黎愈多公屋入伙之後 火炭就唔再係美食沙漠了聽朋友講依間餐廳既點心都幾唔錯今日就黎試試佢 點左幾樣推薦野食🥳#紫薯流心球 $29一咬落去有糯米既煙煙韌韌 再配埋淡淡紫薯香味 奶皇餡又唔會過甜 熱辣辣出爐好食#別有洞天脆皮腸 $38呢個又係另一個一出爐即食會好好食既點心個綠色脆米皮同埋蟹籽咬落脆卜卜 令到尋常蝦腸變得不同#原隻蝦燒賣 $29燒賣蝦肉🍤大隻夠新鮮 食落唔梅 燒賣皮幾薄 唔會話好多肥豬肉扮蝦肉一定會再encore食 美食沙漠來講真係算唔錯

太想食點心但又懶得出去見到外賣app有呢間點心外送就忍唔住叫左🤣所以下面既價格應該會比堂食貴d一共叫左五款點心每款都有獨立盒裝住 幾企理❤️覺得飲茶(?)唔食蝦餃就好似無飲茶咁唔知有無人都係咁呢😂皮唔算薄但都幾煙銀內餡飽滿 係彈牙既 蝦肉都大粒但唔知點解成件事唔係好似蝦餃🤔可以內餡有d太實似粒丸多過食蝦餃🙈流沙包有驚喜💯送到黎仲係熱辣辣 仲有流心😍流沙餡食到咸蛋黃香 個人覺得幾高質同埋店家佢有係個盒到𠝹開左一角所以個包都唔會比倒汗水搞到濕咗值得一讚👍🏻不過大家都會好得意既emoji樣我就覺得有少少恐怖👽糯米雞好大舊 都幾抵食❤️不過唔知係因為運送過黎一直焗住定點所以d糯米好似太濕雖然未到一pat pat 但都痴埋一齊口感麻麻但值得一讚係內餡好豐富👍🏻有叉燒、鵪鶉蛋、同埋勁香既冬菇💯不過佢有舊雞係連骨既😑第一次食糯米雞要lur骨 呢個位扣分🙈金錢肚大大件而且都幾入入味👍🏻但個沙嗲醬略嫌有少少太咸淨係食佢有d咸 但送飯食一流💯不過呢件事最奇怪係上面個三舊豆泡好似就咁另外擺上去 完全唔關事既 亦都無味😅好少地方有得食既黃金糕😍😍見到即刻叫🤣椰香味比較淡但勝在十分煙銀 口感100分💯如果下次再食都

點心味道可以接受。款式唔多，即叫即正。有很多款茶可以選擇。最不喜歡的地方是，她的空調不夠。入到去已經一大浸油煙味。食完之後成身都係油味。火炭區沒有很多點心的選擇。他已經算好一些的。

平時經開火炭工廠區都好少留意到附近餐廳，今次經朋友介紹決定試下呢間特色點心店☺️環境好舒服，坐位都好闊，就算同埋小朋友一齊食都唔驚會撞到其他人，啲餐具都好靚，好有特色，同平時嘅茶樓好唔同😚佢地唔只有平時茶樓飲開果d 茶，仲有好多唔同嘅花茶配搭，只係加多5蚊，我地今次就叫左桂花烏龍，好清香，值得一試，佢仲會比埋建議配搭比客人啲點心即叫即蒸，熱辣辣，4個人叫左勁野食，點心質素好好，係蒸飯入面啲飯軟左d,其他都好好食完全有驚喜，估唔到火炭入面都會有有特色嘅點心店，下次會再嚟食過

在Openrice 找到這裡，因為住得近屋企行過嚟10分鐘！所以決定帶埋媽咪同工人姐姐來嘆下午茶！Menu唔多但已足夠！價錢普普通通，因為姐姐唔食豬肉我哋三個點左九個點心😅配合唔同嘅口味，咁多個裏面最鍾意食牛肚同小籠包！味道濃郁而且點心大大件非常之抵食！因為怕太飽嘅關係！所以今日唔敢叫包類！下次再嚟一定要試吓流沙包！埋單$260！性價比滿意！見到好似開到晚上10點！有機會試吓晚市再寫食評

火炭呢個工業中心，原來都有好西吃。工作緣故走到火炭，喺條大馬路上比我遇到呢間臥虎藏龍嘅點心店。 真心驚喜。 真係臥虎藏龍，站在街上甚至唔容易發覺佢嘅門口。有三個點心我覺得幾推介。 燒賣，牛肚仲有小籠包燒賣，粒蝦超大，彈牙，好食。牛肚夠淋而且係好厚一塊，大細啱啱好，有咬囗有質感。小籠包我推介，好多汁好juicy，通常啲小籠包皮易爛， 一夾就會漏曬汁。 我食咗三粒，粒粒都冇爆， 啲汁真心正。地方細細 ，要等位。 點心選擇不多，但係勝在夠高質素。 下次都會走入嚟食， 雖然都幾遠，距離火炭火車站大約行8-10分鐘。服務員都係非常年輕嘅，經驗可能不足 。 待人接物能夠圓滑一啲就perfect。