點煲 (星輝台智星閣)

營業中

休息中

太古分店繼承備長炭煲仔飯嘅特式，店面裝潢將武俠小說同埋現代街頭風格混合，而且菜式多元創新，「籠」蒸「釜」猛值得一試。煲仔飯最好食莫過於脆飯焦，可遇不可求，但點煲火喉同埋米水比例都拿捏得宜，有黃金飯焦慢慢嘆。而且仲備有自家特製嘅豬油用黎調味，絕對估你唔到。煲仔飯款式有創新有傳統，有罕見的蒸大鱔，現場生劏，店內魚缸仲有淨化功能，難怪鮮味十足又嫩滑肥美；不得不提芝士配櫻花蝦煲仔飯，似乎更岩年輕人口味；豪華嘅海膽安格斯牛肉煲仔飯真係未食過，中西合璧又有格調，味道亦好夾。除左煲仔飯，仲有一系列精品點心，即叫即蒸。其中，薑蔥牛柏葉食到齒頰留香，懷舊臘腸卷食到濃郁肉味。賣相一百分得真係冬菇包，真假難分，菇包都好食。唔怕辣可以試埋三星蔥黑胡椒包，淡淡蔥香一試著迷。