點·子·巷

營業中

休息中

難得黎到鰂魚涌做野 但唔多識路好彩有個朋友係度返工 由佢帶我食好野啦佢知我鐘意台灣野 就帶左我黎呢間Lunch hour 度度都好多人 呢間都係要係門口等位等位期間 店員比左我細餐牌我選住野食先咁可以慳番時間午市套餐都有7-8款選 都幾多選擇我就揀左肉躁咸香雞脾噹配炸腐皮魚角雞脾好大隻 差不多佔大成碗飯既一半位置唔好以為大隻 肉就唔滑點知滑到呢～ 仲要好林身 好方便淨係咁「錐」黎食仲好夠味添！而肉燥比較乾身 雞脾比較出色超級超級推介呢杯伯爵珍珠奶茶第一口已經比濃濃伯爵茶味吸引左由於預先沖好 放入雪櫃 所以唔可以按自己喜好更改甜度但甜度剛好 唔洗更改得啦珍珠仲好e un

呢間點子巷名副其實真係身處於一條巷仔入面同朋友兜左幾次先搵到XD但其實係好近鰂魚沖MTR係落天橋位既附近成個FEEL都係好自家經營既小店感覺令人感覺親切雖然鋪頭係細既但果陣人唔多 所以都唔覺得坐我逼環境係舒適既!!黎到既時候已經係TEA TIME當時咁岩撞正店員食飯既時間不過佢地態度都幾好 就同番我地介紹番TEA SET係有2張MENU既同埋落完ORDER唔到5分鐘就已經上菜速度快得令我有D驚喜我叫左肉燥咸香雞脾配炸多士 $36個雞脾幾嫩滑同入味炸多士幾香口同埋濃郁但肉燥就感覺夾唔到另外兩個小食到如果變做一碗迷你肉燥飯就好啦!!朋友叫左撈米線個調味係唔錯 唔會過咸感覺上會係香港人既口味黎呢間食店做緊PROMOTION只要LIKE FB PAGE就送兩粒花枝丸炸得幾好 但就有D油本身我個餐係跟佰爵珍珠奶茶但因為我唔想飲珍奶而轉左叫同朋友跟餐一樣既熱羅漢果茶羅漢果茶係甜甜地咁既 都易入口其實以本身$36又有雞脾又有多士仲有杯珍珠奶茶(係外賣杯黎可以就咁拎走)呢個TEA SET既性價比好高!

點子巷係條窄巷入邊，要專登搵先會搵到。小店黎，位同位之間好逼，員工態度一般，但係食物都有誠意。呀婆蔥油雞蕎麥麵幾好食，男人可能會唔夠飽。但係加個杯黑糖珍珠奶茶真係不了，因為一早整定好多貨係到，d 珍珠係浸到好硬，茶味唔濃，一定係奶粉沖，黑糖太甜，留番$23出去買過另一杯好過。但主菜本身係ok 既。

新開無幾耐店內裝修好新似係食甜品嘅食好鍾意佢地用左雲石枱雖然店鋪唔算大但感覺唔會好迫⭐️呀婆蔥油雞絲撈蕎麥麵(呢個係凍食 但好似係預先整定左喺雪櫃拎出黎嘅咁因為個碗都好凍 個汁其實食唔到咩味 不過落左濕濕地就易入口d 成個麵嘅感覺比較健康 無乜油膩感 配料主要係雞絲同粟米)⭐️點子炸雞球配船家湯粉(唔算特別 一般台式粉麵嘅湯加肉燥 炸雞外皮略嫌較硬裡面有d乾 如果唔點沙律醬食其實無乜味)⭐️寶島滷拼(糖心蛋 雞腎 雞翼)(糖心蛋好味 蛋黃好流心 雞翼都OK 整得好林 一放入口就即刻溶化骨肉分離 真係好軟林 但雞腎就麻麻 有d太過林無爽口嘅感覺 唔講唔知係雞腎以為食左唔知咩肉 三樣野嘅滷水味都有d淡)

黃昏時份未夠6點走進店內仍有下午茶，比午餐平一點,但份量仍十分大，午餐時間常見排長龍，今次第一次試店內只有一兩個客， 完全唔駛等，應該晚市比較淡靜看看餐牌，有別大路台灣菜的肉燥飯、炸雞扒，好快就被那炸蝦醬腩肉船家湯粉給引著，這個炸豬腩肉沒有令我失望，有六大件，很惹味，又不太會油淋淋，個湯粉就正常味道，有少少肉粒，最正係跟餐配一杯熱羅漢果茶，即刻減減熱氣。整體來講係好飽，對女生份量應該夠有餘價錢方面，在鰂魚涌太古坊對面，算是合理價格吧！室內裝修還好，下次試試午餐

去鰂魚涌本想找一間蛋餅店途經口渴就去買杯珍珠奶茶喝這店舖在巷子裏面 我猜店名也是有這意思在裏面巷外大街的大街貼着餐單 覺得可以 本想一試但去到點餐 服務員才説下午茶已經賣完其他的沒興趣 就只點了一杯珍珠奶茶如圖所看 沒喝的情況已經不滿 只有八成滿奶茶是從冰箱裏直接拿 不是現沖的奶茶普通 不夠香濃珍珠一坨 都沒攪散實在有點失望

今日 lunch 的搵食目標係試新野. 本身諗住去另一間餐廳, 但經過呢度見唔洗等位直入, 就一於試下啦. 望住個 menu 唔知揀乜時, 見到個是日精選就叫佢啦. 但乜野係白珍珠呢?? 噓.....只係白飯. 食台灣野必飲台式奶茶. 雖然要加成$18. 但都照飲啦. 鬼叫好想飲咩?!! 一時沖動就衰左!!!我 order 時講名少甜少冰. 來到係一粒冰都無. ok, 我唔介意. 但一飲, 嘩!!! 甜到爆爆爆爆爆!!!!成杯野完全無茶味, 好鬼奶粉味, 又濃到好似奶昔咁. 總之係杯超甜既香芋珍珠奶昔飲左杯野2啖已令我好唔開心. 餐飯既其中野已經無乜感覺. 肉燥娃娃菜係好味既. 但個脯肉就太咸. like face book 送2粒花枝丸都好味既. 但食完再飲多啖杯野.........ai........18蚊! 不知所謂!!!

試食當日係星期一兩點後，基本上都係附近打工仔既食堂，座位不多，環境唔算迫。🍞食物方面🍞當日試左【台式配方豬扒噹】份量偏少，有4塊豬扒，$44黎講卻僅僅夠飽，飯量大概相當於吉仔下午茶丼飯，或更少。而味道方面偏濃，所謂台式配方原來係炸蒜，略咸。豬扒較韌，有一兩舊好難咬，味道濃而不香，整體黎講好普通。【羅漢果熱茶】細杯，甜甜地，解下豬扒嘅油膩不錯。食物：⭐️⭐️⭐️環境：⭐️⭐️衛生：⭐️⭐️⭐️服務：⭐️⭐️抵食：⭐️⭐️⭐️

太古坊呢邊好多野食，尤其係呢條小巷，有好多小店。小店水準幾好，不過店內空間細，所以座位唔多。今次食呢間台灣野，店內裝修幾好，坐得舒服。午飯個陣有7至8個餐揀，今日揀左糖心蛋肉燥飯加椒鹽台灣腸🤤🤤 要早d黎啊因爲我去到有d餐已經售罄🙈 仲有頭廿個食lunch set 嘅會有台式飲品送😍 Overall 有d 鹹，可能係因為我叫嘅野食比較鹹啦😂 肉燥唔係好似台灣咁一半肉一般肥膏，大多數都係肉嚟嘅。睇個人口味啦🤔我就鍾意肉多啲因為肥膏太肥啦😂 個台灣香腸皮脆肉甜😋 呢一間係值得一食嘅鋪頭👍🏼 下次可以叫外賣自取，因為可以減＄30蚊😍

在海光街一帶覓食時，突然看到暗黑的小巷中有個發光的"台"字招牌，才發現這間巷中小店。我和男友點了肉燥咸香雞髀噹、點子炸雞球配船家湯粉和冰花洛神青檸梳打。梳打完全沒有洛神花和青檸味，像是加了糖水的雪碧...雞髀咸香入味，加上肉燥和炸蒜，很送飯。炸雞球很香口，外脆內嫩，沾上千島醬和沙律醬，很惹味。湯麵中有肉燥和炸蒜，但湯底很咸，吃完很口渴...吃的途中，竟然在肉燥中發現一條毛髮...店鋪的衛生一般，地板很滑、很油膩，感覺很污糟...

曾經我好鍾意食點子巷，得閒心思思都會想食，因為杯珍珠奶茶、炸雞、灸燒豬腩肉～懶到極既我都寫左篇食評表。今日再去，「長期內」我應該都唔會再去。炸雞是翻炸及燶的，食落成口粉及苦，失望到極點。

「點.子.巷」位於鰂魚涌的一條小巷內，店面不大所以座位的數量有限！店舖的風格偏向文青，感覺乾淨舒服👍🏽套餐加$16可以有「伯爵珍珠奶茶」，由於佢係一早沖定左放入雪櫃凍，所以你唔可以按照個人喜好（少凍少甜）！茶味香濃，珍珠都幾有咬口，不過甜味偏淡！「溏心蛋肉燥噹+台灣腸」=$64，份量相當多，而且肉燥內加入左唔知咩😂令口味份外爽脆，相當得意，好味👍🏽溏心蛋有流心效果，值得一試！「肉燥鹼香雞脾噹+熱羅漢果茶」=$66，肉燥飯同之前的飯都一樣，咬口爽脆，非常特別亦好食！雞比肉質乾，口味偏淡，建議可以幾雞比整得更入味！

Came here to try the Chinese Herbal Chicken Pot $68. Thumbs up for this!  The broth have a very strong herb taste (red date, wolf berries, ginseng, Chinese yam etc.). The broth was a little bitter and at the same time sweet, it was not greasy. The chicken is juicy and soft. 

貴，少。一個午餐燥肉飯要成$6x ，加埋飮品要$7x 一個餐。燥肉飯又沒有什麼特別之處。如果$7x 食一個燥肉飯餐，我會選擇行出少少去食其他。服務一般，不過值得一提就係，午餐可以加半價買飮品，一杯珍珠奶茶外賣$16 ，午餐話半價購買，原來係用堂食$32既半價。同我外賣一半珍珠奶茶有咩分別？

同同事行去食Lunch嘅時候經過呢間台式餐廳,佢話平時行過都勁多人排隊, 我見未人龍出現,我就即刻提議試新嘢轉軚食呢間! 阿婆蔥油雞絲撈蕎麥麪配炸腐皮魚角 $62蕎麥麪嘅份量都幾多 , 幾香蔥油味, 覺得有少少花生醬嘅味道, 雞絲肉幾滑同入味, 蕎麥麪夠彈牙!炸腐皮魚角就冇乜特別!肉燥咸香雞髀噹 + 羅漢果茶 $66雞髀Size都算大隻, 肉質幾嫩滑, 而肉燥帶點微辣, 淨食肉燥我略咸了一點, 但撈埋個飯食就啱啱好! 羅漢果因為冇嚟過所以唔知咩味道！飲品方面午市套餐可半價加飲品, 咁我哋兩個都每人加$16飲我哋想飲的!伯爵珍珠奶茶 ~ 幾香伯爵茶咪, 珍珠亦夠煙靭！冰花洛神青檸梳打 ~ 甜甜酸酸的