點·子·巷

營業中

休息中

因臨時有會議在下午開，所以揀左間近近地食肆。。呢間食肆，雖然店鋪細細，以特色小食馳名，餐單亦有吾少菜色可供選擇。。。台湾肉燥飯。。米線。。基本台式小菜。。份量雖小，但味道亦吾錯特色藥膳雞。。味道清香。。。果然有特色至於另一特色鹵味拼盤。。鹵水汁算入味。。但只得隻蛋出D。。其餘較一般。。。另外佢D茶亦幾特別。。但有D免費跟餐。有D要半價跟餐。。例如珍珠奶茶。。。如果吾嫌加少少$。。。強烈建議你加配台式特飲

約左人係鰂魚涌，但三點幾仲未食lunch，星期六呢個時間附近又未必有甘多食肆開，兜下兜下見到有個牌咪中入去睇下，好彩有開，仲有下午茶食添～因為未食飯，真係好肚餓，見到有魯肉飯就即刻叫，未來想飲珍珠奶茶，不過要加$16好似唔係好抵，所以要番跟餐的熱羅漢果茶。雖然係下午茶，但碗飯係正常正餐既size，肯定夠飽，飯上面都佈滿魯肉碎，又有蔥花，魯肉都鹵得夠入味，而且唔會話鹵得過老而令到d肉碎變鞋口，咸咸地撈飯一流，拍得住係台灣食果種味道。至於杯羅漢果茶都煲得夠濃味，因為試過飲過出面有d飲羅漢果加水煲兩煲就話係羅漢果茶。以前係呢頭返工，附近有間好出名的台灣菜，不過一到lunch hour，坐得唔舒服又趕客，而家多左對手了，呢到店舖雖小，不過起碼環境同清潔度都好過果間。

我一直認為，與朋友一起試未吃過的新店是很快樂的事，大家一起Share全新第一身的體驗、剎那的美味/難食，會構成彼此的回憶。所以對於搵新餐廳我是樂此不疲的。是日約定了去朋友屋企玩，先去附近食個LUNCH醫肚。原本想試的小店沒有開門，結果試了這間。反正也沒有吃過。走的是台式路線價錢不算太貴套餐一般有包飲品或小食飲品走養生路線，有桂圓、杞子、洛神花、羅漢果乜乜乜肉燥咸香雞脾噹（＄６６）雞脾肉嫩滑，皮脆，會形容為恰到好處。咸香集中在雞皮表面。肉燥配飯頗佳，味道濃淡相宜,調味不算，惟飯底較乾，醬汁略嫌不足。呀婆蔥油雞絲撈蕎麥麵+炸腐皮魚角（＄６２）朋友叫的這個撈麵, 望落就麻麻，朋友的反應亦一般。食呢個撈麵記得落湯入去撈因為個麵本身係凍凍地另外加的芝心釀雞翼($34)拆了骨的雞翼食落啖啖肉，入面的芝士都頗為濃味，而且個皮好脆係好食既另外為咗兩粒炸花枝丸逼於無奈LIKE左佢FACEBOOK花枝丸好彈牙有熱氣的感覺後記朋友叫的一份炸腩肉湯粉上檯時有一塊掉落地面店員就重新用紙杯送來了一塊新的其實服務都算不俗吃完之後才知原來朋友已經吃過此店多次但是進門口前沒有出聲。如果是我，我會直接說出「我想試新嘢」，

下午茶份量唔細，包埋飲品幾抵食...肉燥飯食落有d辣辣地，無乜肉燥香味...食完好口渴超多味精唔會再去...另外炸蝦醬腩肉湯粉，腩肉乾硬的，粉麵比飯更多味精...失望！

由於好友要趕住回家湊仔, 所以就揀了在太古坊晚餐, 方便她吃飯後可以快速回家. 店子小小, 但餐牌上的選擇卻不少, 有麵, 飯, 米線, 湯粉, 台式小食, 小菜, 自家製特飲等等. 看到餐牌上有一款蕎麥麵, 我們就立即決定要這一款呀婆蔥油雞絲撈蕎麥麵. 蕎麥麵夠清爽, 配上滑滑的雞絲, 粟米粒, 蔥花, 芝麻, 炸蒜等, 伴著一起吃, 的確清新宜人, 很合適夏天吃吧. 肉燥咸香雞脾飯就相對上略鹹一點, 但雞脾大大件的, 亦出奇地嫩滑. 就這麼用肉燥和雞脾肉送飯, 不經不覺, 我們就把這大碗飯吃光了.有麵, 有飯, 當然要吃一個小食. 一碟椒鹽寶島花枝丸有六大粒, 頗為慷慨的. 雖然墨魚味不是太重, 但它卻甚為彈牙, 不錯哩.

又再四出搵食，今次去埋測魚涌，見間舖頭名幾特別就去試下啦～鹽水浸娃娃菜。 如果點呢道菜，你期望會係咩味? 好清?清到好似烚菜加鹽咁?以上都不能形容呢碟菜。 佢係清嘅，不過係清甜嘅清。佢嘅煮法令菜嘅鮮甜味更出，菜身相地爽口。 呢度有藥膳雞窩，咁養生嘅野唔係唔試下呀～呢道名為桂花醉香藥膳雞窩。注重健康嘅我點會放過呢啲養生菜式呢?呢個不算是濃湯系，不過當店員喺廚房拎出黎個一刻，已經聞到清清嘅藥膳窩味(都可能係我地坐得太近廚房)桂花味好香，舖滿成窩湯，唔似你去有啲食肆只係得幾束花放喺湯面，所以賣相相對地無咁吸引嘅。唔理啦，試左湯頭先，真係有桂花味，第一啖係好清好清有輕輕嘅甜味，飲多幾啖啲藥材味就走出黎啦～湯入面有勁多杞子，食到最後發現原來有龍眼肉，唔怪得有輕微嘅甜味啦再黎就係香酥雞排肉燥面。肉燥味道出奇地濃烈，就算混入湯中亦不會因而變淡。香酥雞排是炸得好乾身個種嘅雞排，但不算是咬落會"索索"聲嘅脆，只能做有口感。

剛逛完太古城，荷包乾塘，幸好在附近搵到間美味小店～點·子·巷。點了以下菜式：台式配方豬排飯紅燒辣牛腩配船家湯粉台式肉燥/刴椒肉燥蓋娃娃菜酥炸蝦醬五花腩台式配方豬排飯豬排的數量蠻多，飯的醬汁也夠味。只是飯量算多，女生怕浪費可要求少飯。紅燒辣牛腩配船家湯粉朋友點了紅燒辣牛腩配船家湯粉。我偷吃了小小，牛腩不夠腍但幾入味。台式肉燥/刴椒肉燥蓋娃娃菜我們最愛食娃娃菜。但在街用膳總有不少失望經歷：娃娃菜又乾味又淡。這次的台式肉燥/刴椒肉燥蓋娃娃菜好新鮮嫩甜。最重要的是，它的台式肉燥令清淡的菜蔬變得好惹味～酥炸蝦醬五花腩五花腩炸到金黃色脆卜上，咬落好香脆。五花腩肥瘦均勻，脂香四溢。五花腩的蝦醬味如果再重手些就更好。

途經太古城行街，搵地方醫肚先。經朋友介紹得知依間點子巷。點子巷係食台式風味美食餐廳。餐廳環境雖然細，但係有種講不出既特別。首先全舖既牆身主要係用上粉紅色為主，再配上金色既燈飾裝飾，別有一翻風格。而枱就用上雲石。認真有諗頭。作為擁有一顆少女心既我，不得不禁要黎打卡一翻。食物方面，我就叫左一個阿婆蒽油雞絲撈蕎麥麵。本身會配上一碗湯俾你揀熱湯咁食定涷撈黎食，個人就較喜歡熱湯食，各人口味各有不同🤪黎到飲品方味，為別叫了巨峰提子梳打及香芋珍珠奶茶。重頭戲黎了，一品鍋。桂花醉香藥膳雞鍋。重重既藥膳香味令人不禁流曬口水。雞肉柔嫩爽口。不得不稱讚一下。大家都不妨去試吓！

經過鰂魚涌，見到巷仔入面有間台式餐廳，咁就行過去睇下，點知佢嘅名叫點·子·巷，地點同個名好夾！已經係下晝兩點鐘，入面都差唔多坐滿，唯有買返屋企先食喇！下午茶餐好抵，大概一個係四十零蚊，仲跟一杯熱羅漢果茶。另外可以追加小食！我點左一個魯肉飯餐，飯上舖滿魯肉，而且唔會太肥，加上少少芝麻同葱花喺面，更加美觀！另外，原來啲飯係用上珍珠米，粒粒飽滿！再叫多個台式配方豬扒飯，又係將啲葱花同粟米粒撒喺面，鮮艷顏色頓時令我覺得吸引好多！豬扒味道特別，有少少甜甜地，又有少少香料味，不過乾身左啲，但撈埋啲汁落飯度食都唔錯！小食方面，不得不讚下個糖心蛋，都係用上葱花，芝麻，再加左啲炸蒜，隻蛋嘅狀態好糖心，真係色香味俱全！高湯娃娃菜就浸得好淋好入味！椒鹽花枝丸唔知係咪侍應趕住拎出黎包外賣，忘記左加椒鹽粉呢？不過啲花枝丸都係真材實料嘅花枝！最後我地加錢要左巨峰提子梳打，毫不吝嗇嘅巨峰提子汁加落梳打度，好有味！真係唔似第二啲得少少提子汁，又多冰，又冇味嗰啲！

今日lunch 放飯 決定一試同事推介既餐廳點子巷好有台灣悠閒文青既風格題外話 去到全程比佢張舖枱紙吸引住住 湖水綠同啡色絕襯叫左是日特別推介 限量架 係葱爆豚肉白珍珠飯 配水晶萵荀炒豚肉既醬汁好好食 又帶點辛辣 而第一次食呢隻荀 有啲透明 食落口感爽 味道有啲特別不過有啲貴 $68加一 但送下面咁多野 抵番最好係like Facebook 就送兩粒花枝丸另一個優惠限量一日10杯珍珠奶茶 要like fb 同tag three friends. 好彩總有兩杯即刻要左!

呢間真係唔止隱世，直情係隱閉，係一條小巷入面好似台灣啲小店，真係要搵一搵先搵到係邊個位。入面只有十幾個位既小店，地方真係唔算好大，一路食見到好多人外賣，台面既餐紙寫左好多小店既堅持。有個名好得意既《呀婆蔥油雞絲撈蕎麥麵》($52)，好似台灣啲家傳菜名，配上碗熱湯可以撈埋食，雞絲唔係好多蕎麥麵夠香同彈牙，不過蔥油陣味唔太濃。另外要左個《點子炸雞球配船家湯粉》($54)，炸雞好香同肉好嫩滑，不過層皮有啲失手硬左啲。飲品叫左杯《伯爵珍珠奶茶》($32)，反而真係有驚喜，有陣陣既伯爵茶香味，奶都夠滑身，用心既小店係應該支持。店名：點·子·巷地址：鰂魚涌海堤街6-16號龍景大廈地下8號舖餐牌:

太古城大廈林立，只知道食肆已橫行無道，卻不知家中附近有一小巷隱藏着一些小店。今天與家人閑着，想在家附近發掘美食，經過此處，探身轉入小巷，看到這特色的台灣小店，感覺也像不錯，便隨意走入去試試。店舖地方較細，能容納的人數不多；幸而今天是假日，於下午時間來到的人客不多，故坐得也尚算舒適。兩時開始便有下午茶供應，有數款飯、麵供選擇，如不夠吃，亦可加錢要小食。最後我們三人要了兩個套餐，再加四五款小食。首先來到的是台式配方豬扒噹($44)，雖說是下午茶餐，但份量亦比想像中大。豬扒輕微炸過，不是走酥脆路線，然而豬扒醃製得入味，淋上醬汁亦頗惹味，但不知其配方是有何特別之處，非專業食家，又只能吃一口的我便吃不出。點子蝦醬腩肉配船家湯粉($48)份量同樣不欺場。恕我孤陋寡聞，船家湯粉真的是第一次吃。麵屬於幼扁身，質感滑溜，並不是追求澱粉的煙韌口感；原以為腩肉是一片片，原來是炸的。原來腩肉已是肥膩之物，加上油炸，更顯油膩，幸而清湯算是一解膩滯。小吃有糖心蛋 ($10)，蛋黃依然呈流蛋狀態，煮的時間掌握得不錯! 蛋味香濃，加入蔥更為香口，不錯。椒鹽花枝丸($26)也是炸的，外皮炸得尚算脆，丸亦夠彈牙，但就是偏

昨天放工因為有點事要去太古一轉, 回程時和同事諗住食埋晚飯先在鰂魚涌附近行吓, 發現在一個小巷仔有一間食台灣既小店叫"點子巷" 看似不錯地方細細但都幾Warm所以就入去試試~ 入面地方都幾舒服, 店子小小但好乾淨, 而且因為係巷仔闗係, 人流不會太多, 所以比較寧靜, 再加上播住旋律優美既韓歌 係涷冰冰既晚上就更加舒服温暖～ 先來是糖心雙疍 - 點它來做餸配船家湯麵的~糖心疍好好味!! 內裡的糖心疍黃好甘香, 流出來的疍汁超級滑!! 再加上疍外表淡淡的煙燻味道, 亦很有咬口, 個人覺得一人一顆份量剛好~船家湯麵 - 這個是吃完所有菜才送上, 雖然是漏左單, 但店主非常好禮貌, 亦好好服務, 除了立即着廚房煮出來外, 他還特別加了肉燥粒在米粉上呢, 超級體貼的店, 讚! 說回味道, 湯麵比較幼身, 充滿彈性, 食落去亦比較煙韌, 口感好好; 湯頭亦夠鮮美, 再加上好香好嫩滑既肉燥, 個人覺得以二十二元來說都好抵食! 伯爵珍珠奶茶 (熱) -本來呢度既珍奶係冇熱架,但同事覺得好寒冷,所以就特別又請店主幫忙把奶茶加熱~~奶茶都唔錯呀, 好有淡淡伯爵茶既香味, 再加上奶香, 令到整杯

早前有朋友介紹在港島區太古附近，有一間食台灣菜店舖叫點子巷，說幾有水準，今晚放工後和同事一起去試下。桂花醉鄉藥膳雞窩＄128 近排轉涼，女孩子梗係要溫補一下，我們叫了一個桂花醉鄉藥膳雞煲，上枱時已經聞到濃濃嘅藥膳味道，還有陣陣桂花幽香，有多款藥材 煮製，杞子，黨參，圓肉等等，飲得出要用長時間來燉煮，才有這個味道的濃甜，雞肉鮮甜，每件雞肉都滲滿了藥膳的汁液，飲過這個湯後，整個身軀都暖笠笠，好滿足。粟米蔥油撈蕎麥麵$46一個蕎麥麵煮得爽口彈牙,味道甜甜潤潤,蔥油嘅香味配搭得宜,本身乾撈蕎麥已經好滋味，另有配搭一碗熱騰騰嘅濃湯，令客人可以有第二種食法，師傅對客人細心款待，我們兩人都食得很開心。

依間小店喺條巷仔裏面，地點有啲難搵，但係試過你就會知道係值得嘅。裝修以粉紅色玫瑰金同埋雲石做主色，係我最鍾意嘅顏色，食到食得開心啲。阿婆蔥油雞絲拌蕎麥面: 見到其他blogger話係世界級好食，所以試下係咪真係咁正。雖然用簡單便宜食材，但係調味醬汁香濃，配上嫩滑雞絲，真係好有驚喜。之後嘅食客想叫嘅時候竟然賣唒，所以大家記得早啲黎呀溏心雙蛋：半生熟膏狀蛋黃，完全無蛋腥味。桂花酒香藥膳雞窩：真係好重酒香，飲完即係暖晒，雞嘅調味比較淡，最後飲到一滴都無淨。蝦醬腩肉虎夾包：個包好鬆軟，肥美腩肉配上咸香蝦醬，好想encore多一個。羅漢果茶：飲得出係自家煲，真材其實料，好清甜。洛神花果茶：酸酸地，可以解油膩。