鼎尚燒鵝湯館

營業中

休息中

環境又舒適，卡位又看到山境及海境。想不到能試到這麼好味燒鵝&玫瑰豉油雞。實在很開心放假與家人行山，希望下次可試埋其它美味佳餚👍。食嘢之前仲見到鼎爺添。老闆真勤力，真令人敬佩.👍

秋凉上太平山頂行吓超舒服，之前上山頂都係食西餐，早兩日聽收音機節目主持人話山頂呢間嘅燒味好正仲話白飯好好食係甘霖米聽完就好想試吓。我哋兩人成行，叫咗一碗肥义燒鵝飯同一碗燒鵝燒肉飯，燒鵝一般無特別反而肥义好食燒肉都oK肥瘦適中，白飯係粒粒分明嗰種我就覺得硬咗D。服務員服務態度好好，店內有懷舊感覺，播住sam hui嘅舊歌，好好feel 。

星期一到了你們山頂餐廳午膳，當日因為是公眾假期人流比較多，但他們編排坐位真係非常差，搭枱唔緊要，但係只係求其用一塊紙板放係中間，兩邊根本遮唔曬。對面搭枱的是一家三口，男人食食下不停咁咳，我同友人兩個都不知食唔食好！所以我覺得是不能搭枱的，你們為什麼不能做得好些呢？服務員態度差，冇禮貌！另外我叫了一碟芝麻卷，你看看拿出來的賣相，好似人哋食剩先攞出嚟咁😫仲要好硬，你們仲標榜名菜。食物價錢不便宜，但質素同服務仲差過茶餐廳。

棋哥燒鵝一向出名好食，今次加埋鼎爺當然要一試啦！一大早由龍虎山行上山頂，非常肚餓，於是揀個靚境坐下品嘗燒鵝。我們二人叫了下脏燒鵝一份、豬油渣撈飯，天麻川芎燉雞湯及三個點心。燒鵝非常脆皮甘香好食，豬油渣撈飯加上秘製醬汁不肥膩，個燉湯也足料。唯獨是鼎爺手工芝麻卷比較硬身一些，雖然有黑芝麻香味，但三條收$68，實在有點貴。整體食物質素不錯，不過價錢也不便宜，幸好有靚境補償。

今日約朋友一齊去山頂行下散下心，呼吸下新鮮空氣。行咗一圈最後揀咗呢間食lunch。有得食燒味同點心，入到去發現仲可以坐露天座位，宜家呢啲天氣坐室外好舒服。我地點咗燒鵝叉燒雙拼飯，仲有幾籠點心。先講燒味，燒鵝果然名不虛傳，口感香脆軟綿。叉燒厚切，肉嫩。都幾有質素，分量亦都幾多。點心我幾鐘意黑松露燒賣，嫩爽口感配上黑松露濃郁香氣，好味。蝦餃都唔錯，個皮整得幾好，內餡都幾飽滿。露天座位景色幾靚，我地食嘢傾計都坐咗幾耐，服務親切，食物質素中上，環境一流。

已經去過五六次,最後兩三次都非常之失望，因為份量越來越少，燒鵝瀨本身亦都唔平，但係上碟得嗰幾舊，味道OK但係分量咁少真係覺得好唔抵食，如果唔改變以後我都唔敢再嚟。希望盡快可以會員下，改變下。

好耐都無出門啦，趁宜家疫情稍有緩和，就去山頂透透氣。發覺山頂都多咗好多嘢食，由於同屋企人一齊嚟，所以都係揀咗中菜，加上呢度有燒味，燉湯同點心，至啱公公婆婆口味啦。咁啱天氣幾好，有啲風，又唔曬，所以我地就揀咗咗露天座位。戶外空氣流通，出嚟食飯都放心啲。同埋出面個View都幾好。點咗好幾款點心，味道都唔錯。我比較鐘意黑松露燒賣，好香口，口感爽彈，唔錯。燒味就點咗個例牌雙拼，燒鵝拼豉油雞。燒鵝表皮香脆，好Juicy。味道唔錯，肉質都幾嫩。同埋銀魚仔蒸腩片飯我都覺得都幾好味，腩片滑嫩，銀魚仔送飯一流。我特登點咗支陳皮啤嚟送煲仔飯，幾特別，有陣陳皮香味。啤酒送煲仔飯一流。整體而言，食物質素幾好，環境一流。推介一試！

燒鵝太咸 唔夠熱 有點失望本身興高采烈見到山頂終於有好野食坐低左 見到燒鵝瀨價錢加埋一$120 左右一碗如果好食既都可接受點知燒鵝唔熱 同埋好小肉 又調味到勁咸花生幾好食瀨粉又係偏咸比起之前食過既其他名牌 $70 有碗熱辣辣燒鵝瀨 好似唔太抵

咁多燒味之中，最鍾意就係食燒鵝。鍾意其外皮香脆，肉質綿軟嘅味道，配上酸梅醬就一流啦！講起燒鵝，當然要試下燒鵝之中嘅名牌：荔枝柴燒鵝。今次一試果然係確係唔錯，燒鵝呢有種柴嘅清香味，外脆內軟，又唔會乾身。帶有肉汁。送飯一流。白飯都整得幾好，粒粒分明，爆滿。當然燉湯都要試埋啦，我就揀咗西洋菜陳腎無花果湯。飲落清甜又不失香濃，感覺好清潤，飲得出真材實料。發覺燒味嘅鹹味香口同燉湯嘅鮮味清潤確係幾夾。價錢稍為貴咗啲，但味道係唔錯。偶爾食一次都接受到。山頂店嘅風景好靚，天氣無咁熱嘅話，揀坐戶外位都幾好打卡！

2nd lunch today, the roasted goose and grilled pork belly make my day! The mixed BBQ set is really good choice to taste all. The rice noodle is soft and great combination with the rich flavor soup. Highly recommend to have a meal here. Very pity the coconut pudding is sold out and will try next time. #yummyfood

This restaurant is quite famous for their delicious offerings of roasted meats and that attracted me to stop-by. The various types of meat were hinting me the yummy delights to come when I was scanning the menu. BBQ meats are comfort food to me and I would want to have it from time to time.Upon entering the restaurant, the smoky smell of roasted meat greeted me like a welcoming hug and I know I came to the right place. I ordered the BBQ pork with roasted pork with rice. The roasted pork had cris

本來想食樓上間茶餐廳，不過是日話廚房有問題、休息一日叫咗個燒鵝瀨、燒腩仔瀨同一個金針雲耳蒸雞飯首先，燒腩仔先黎，但係最搞笑係唔黎瀨粉之後黎燒鵝瀨，就係一齊嚟正打算問佢我瀨粉幾時嚟，阿姐想放低碗粉，仲問我係咪叫咗個瀨粉⋯最失望係個燒鵝冇一舊肉食，唔知係鵝嘅咩部位黎咁空洞但係佢個皮係幾脆。燒腩仔正常瀨粉都幾好食金針雲耳蒸雞飯一早知要等20分鐘黎到果時、瀨粉都食完了雞係幾滑，份量少一句講晒，性價比低不過呢度真係無咩得選擇

價錢高，但係唔值，燒鵝除外喺山頂，想食啲有特色嘅嘢，即係市區比較少嘅，於是就去咗鼎尚棋哥燒鵝叫咗燒鵝，銀魚仔蒸腩肉飯，油雞，同埋瀨粉。燒鵝，做得不錯，應該係棋哥嘅關係， 銀魚仔蒸腩肉飯，腩肉唔係好得，好梅，70幾蚊呢個價錢，收得貴唔緊要，最緊要值，好明顯唔值，油雞唔係好掂，嗰啲肉係比較削，細少，同埋啲肉係鞋嘅。太興嘅豉油雞做得出色好多。瀬粉湯底好鹹。叫佢再整過，都係鹹。原本想叫燉湯燒味餐，但係六款燉湯，有二款係冇嘅，有一款變咗另一啲嘢。餐廳坐得舒適，因為只有兩枱客，景觀唔錯，職員服務態度都好嘅，最正就係有懷舊金曲係咁播，簡直係流行經典50強原聲版。不過如果真係鍾意食燒鵝燒味，我都係去返棋哥，效果更出色，但係價錢更超值。

市面上燒鵝， 不外乎電爐，炭爐，柴燒。 當中已電爐最普遍， 炭燒就多一點風味。 柴燒是最好，就真的是很少。 柴燒以荔枝柴燒為最好， 但市面上真是少之又少。 剛好，這一家就是買荔枝柴燒鵝， 入去試一試。燒鵝來嘅時候， 不算太肥， 但色澤均勻。 咬上一口，皮不算脆， 但就有一種獨特嘅荔枝柴香味， 在別的燒鵝店吃不到的。 那種香味，還會留在齒頰留香， 食人回味。 真的值得一試。 另外呢度嘅叉燒都好值得食。 肥瘦均勻 ，肉質鮮嫩， 帶有咬口。白飯呢，佢哋係用傳統嘅蒸飯，而唔係用電飯煲，飯粒乾爽 ，好有o趙頭。至於燉湯方面， 就一般般， 可以不試。

之前去戲曲中心果間食過，今次同朋友嚟山頂呼吸下新鮮空氣，發現原來山頂都開咗間 。之後朋友話想試，我就陪佢食多次，今次就唔止食燒味同燉湯，仲食咗點心和缽仔蒸飯。燒鵝飯，味道唔錯。白果腐竹燉雞湯：有好幾款雞湯，我就揀咗呢款，有得飲仲有得食，飲落清甜，無味精味，唔會太鹹，又比屋企飲嘅更加香濃。鳳爪排骨飯每次去酒樓飲茶都會點，飽肚抵食之選，喱度嘅質素不錯，飯都煮得幾香，排骨滑嫩，鳳爪入味。筍尖鮮蝦餃：加咗筍嘅蝦餃第一次食，增加了口感，蝦肉都爽彈鮮甜。