鼎尚燒鵝湯館

營業中

休息中

2021年第1日，登高最好，早上來到山頂，先走了一圈，才 10時半，店未開，逛了一陣子，11時 20分到了這店，已有4桌客人。這店裝修風格是老HK懷舊路線，地方算ok乾淨，不能算茶樓或茶居，因為入座並沒有 serve中囯茶，只有一壺50, 60年代風格的保温瓶，內有熱水，倒出來喝，蠻好，起碼不需另收茶錢呢！餐廳主打燒味，燉湯及小量点心，也就点了這些了，分別是叉燒併燒鵝飯，川弓天麻燉雞湯，叉燒包，黑松露燒賣，菜苗蝦餃及炸春卷。飯方面，叉燒是超瘦，外層色澤淺，蜜汁味亦欠奉，叉燒亦比較乾，中下吧，燒鵝很好，不肥，皮很脆，肉汁多，滲出鵝肉臊味，調汁很鮮甜，完全是燒味飯的精髓所在，大家記住要求多加汁！！！燉湯先摸盅蓋，那種熱度，一定是全完盅燉的，盅內湯料足夠，川弓天麻味很濃，雞帶骨，但入口即軟，一咬即碎，也就連骨吃了，可見這湯應燉了3小時，在今天9度的寒冷早上，也就顯得特別好喝了，比蛇王芬好太多太多。点心全是即叫即做，炸春卷上檯仍熱到入不了囗，很脆，蝦亦爽。菜苗餃及燒賣普通，胡椒粉下得太多了。叉燒色亦是正常水平。離開時 12時半，全店已坐滿人，應是山頂廣場除麥當勞外最好生意的餐廳。燉湯及燒鵝做得

去咗山頂玩一入商場上一層就見到好有特色嘅擺設，港式燒味檔好有香港色彩鼎尚棋哥主打食燒味可惜當日燒鵝賣晒無得一試小食叫咗川式皮蛋青瓜麻辣涼菜好開胃！就叫左叉燒拼燒腩仔叉燒拼燻蹄燒腩仔好岀色，皮脆肉淋，肥瘦剛好入口溶化燻蹄切得好薄，所以好易咬又唔會硬！叉燒師傅比得太瘦我地，柴口少少西洋菜陳腎無花果湯寧神川芎天麻燉雞湯兩款湯好足料！好多湯渣，所以湯水好入味！冬天飲一碗熱辣辣嘅湯真係好舒服！無花果雪梨糖水，雪梨燉到爛晒，夠甜好滋潤。窗外望到凌霄閣風景非常美麗！

朋友約我上山頂行大運😆，我哋喺盧吉道同夏力道行咗個圈，其實不費吹灰之力，不過又凍又大風，行完就有啲肚餓，咁就入去山頂廣場睇吓有乜嘢食，見到呢間餐廳位置相當好，決定入去食個early dinner😁凍冰冰就想飲熱湯，我叫咗$128嘅「日月魚淮山核桃湯」，朋友就叫咗$98嘅「寧神川芎天麻燉雞湯」，兩個湯上枱嘅時候都係熱辣辣，真係帶比我哋及時嘅溫暖😁；我嘅「日月魚湯」色澤深紅味道濃郁，感覺非常滋潤；朋友嘅「燉雞湯」好有雞味；兩個湯都見到落足材料😋我仲點咗$98嘅「燒鵝燒腩仔雙拼飯」，朋友要咗$88嘅「叉燒豉油雞雙拼飯」，兩個都幾好食😋亦叫咗$128嘅「麻香口水雞」，好惹味開胃😋；最後加個$68嘅「無花果雪梨糖水」兩份食😁，又係好滋潤😋呢間餐廳喺山頂廣場入邊，可以坐室內或室外；我哋今次坐窗邊卡位，觀景好好😁。食完個early dinner順便睇埋日落先落山😁

假日山頂好多人就揀就哩間食價錢唔算特別貴接受到叫左燒味双拼飯叉燒太瘦，柴口好彩切得夠薄叫咬到燒腩仔就唔錯，夠肥入口肥膏溶化但都有啲咸反而最好係個西洋菜湯，足料夠味！不過餐廳裝潢幾好，又見到對面風景

疫情期間好多地方都無得去🥺所以就搭車上去山頂行下⛰打咗陣卡見有啲肚餓就去咗鼎尚棋哥燒鵝湯館 見完飯先走😉.麻香口水雞🐔口水雞起咗骨，食落啖啖肉☺️唔會太肥，底下嘅粉皮😲表面佈滿麻辣帶酸嘅口水汁，非常惹味🌶.醬皇燒鵝拼秘製叉燒飯🍚燒鵝外皮薄脆，中間油脂較多😬食落滿滿肉香🤤點埋酸梅醬就好正，叉燒燒到焦香🔥多瘦少肥🐷食落主要係蜜汁同甘香肉味🍯.醬皇燒鵝拼桂香切雞飯🐓帶淡淡荔枝木香嘅燒鵝香脆結實🦆油脂入口即溶😋切雞肉質鮮美嫩滑.日月魚西施骨淮山合桃湯🥣淮山合桃嘅味道頗重，同時飲到日月魚嘅鮮甜味🐟.寧神川芎白芷天麻燉雞湯🥄聞落藥材味重🪴但飲落只係少少甘甜味😗雖係燉雞湯卻唔油膩😌.黑松露燒賣🥢濃郁黑松露香氣🖤燒賣大粒飽滿且爽口

間唔時都去中環行上山頂, 行到上去再食個BURGER咁, 今日行到上去見到山頂廣場除左開左DONKI, 仲有鼎尚棋哥! 天氣凍凍地就一於唔食BURGER, 入去食個飯再飲個燉湯!山頂分店空間更大, 裝潢同樣充滿懷舊港味, 而且窗外既山景同採光令人份外舒適。蟹籽燒賣皇3件大大粒又飽滿, 可以食到原隻蝦肉, 加上黑魚子既鮮味, 愛一盅兩件既必食。麻香口水雞口水雞已經拆骨, 啖啖肉而且肉質嫩滑, 底部有滑溜既粉皮, 配上調得又麻又辣既口水汁同埋少許麻醬, 好惹味~寧神川芎天麻燉雞湯燉雞湯濃郁香甜再帶藥材既甘甜味, 湯頭足料,  不負呀爺靚湯之名!日月魚淮山核桃湯日月魚熬出既魚香同鮮甜味出眾, 滋補又好飲! 燒鵝拼叉燒飯  燒鵝拼燒腩仔飯燒鵝皮脆肉香, 咬落去既時候皮位油脂滲出, 滿咀油香之餘仲帶淡淡荔枝木香, 點埋酸梅醬, 出色! 燒腩仔皮脆卜卜, 肥瘦均勻, 夠咸香, 不錯。而家無得旅行, 依個天氣上到山頂可以飲到熱辣辣靚湯, 食個靚燒鵝飯都係一大樂事!

想試棋哥燒味已久，上山頂看見了專門進去試試，結論：不會來第二次，點咗雙拼燒味飯，份量少得驚人，唔係講笑，失望到極點。有幾誇張？燒鵝拼乳豬，6塊乳豬皮（超薄超細塊，無肉）加6塊燒鵝（每塊得半啖）⋯⋯未嚟得切影相已經食晒啲肉。加1超過150蚊，真係想講句wt 唔係講笑啊？臘味拼盤，份量ok，等咗半個鐘先上。不過啲潤腸，真心未試過咁off嘅⋯加1超過180蚊。絕對唔會嚟第二次，大家入去之前最好諗過⋯唔介意份量或味道的可以打卡，想醫肚嘅，落去雪奈食個包好過。。

行完山後入山頂廣場搵地方食午餐，見到有鼎尚棋哥燒鵝湯館，而我又未試過，即管試吓！店內裝修有六、七十年代感，從前的暖水壺、碗筷，好有特色餐牌有燉湯拼燒味飯推介，我點了個寧神川芎白芷天麻燉雞湯，另加$10叫了碗燒鵝豬骨湯米粉先講湯！落足料煲，完全飲唔到有落味精，好濃好有藥材味，成碗湯我連啲藥材都食晒，好好味，飲完成身暖晒👍燒鵝豬骨湯米粉燒鵝較為一般，好似鵝頸橋間棋哥嘅燒鵝好味啲！豬骨湯米粉也只是一般的豬骨湯米粉！總結：燉湯好飲有水準，燒鵝湯米粉就較為失望了

約了朋友去山頂行山。行完順便在山頂廣場吃飯。被鼎尚棋哥燒鵝湯館的裝飾和餐牌吸引，便入內吃午餐。燉湯燒味飯套餐很吸引。我們便選了兩份，再叫了一碟前菜和一份甜品。日月魚淮山核桃湯香濃鮮甜，飲落順喉滋補，正! 寧神川芎天麻燉雞湯有少少甘味，飲落足料有益清甜。飲完湯已很滿足。不愧是湯是阿爺濃。燒鵝拼义燒飯和燒鵝拚燒腩仔飯大大碗，令人垂涎欲滴。果真是鵝是棋哥香。鵝皮脆有淡淡荔枝木香味。鵝肉結實有肉味，鵝油香入口溶化。點埋酸梅醬更好味。燒腩仔皮脆肉嫩，芥辣香。义燒美味有水準。燒味肉質靚不咸。酒香話梅蝦有特色，美味。蝦結實鮮甜。加埋話梅酸甜開胃，淡淡酒香。碟內的椰菜絲沙律清爽新鲜。最後來碟千層馬蹄糕，真材實料清甜，又好看又好吃。上到山頂都享受到美食，幸福，感恩!坐在近窗卡位可在享受美食之餘，欣賞埋山頂風景，開心，悶氣全消。最後買了臘肉和臘腸回家孝敬爸媽。

這日風和日麗，與家人在山頂行山，之後去鼎尚棋哥燒鵝湯館午餐，點了四人套餐，有燒鵝、油菜、雙併燒味(鼓油雞、叉燒、湯品、白飯、清蒸紅鮪，另點蝦餃.........Overall , 除了白飯及開水可入口外，樣樣都失望至極。燒鵝上來時已是賣相差、又乾又瘦，冇滴油水，份量也不多，總之感覺是" 吓" 一聲，當然入口不會抱有期望，果然.......好柴口。雙併燒味(鼓油雞、叉燒) 也是同一品種--- 乾、瘦、柴......我明的, 我們要半肥瘦，但也不是奀到咁。湯品吧，叫湯水吧，因真是水來，是味精水。最極品是清蒸紅鮪，是"枚" 的，簡單如豉油、薑也水皮過人，不像樣，還不夠，蝦餃皮是一團漿糊，連油菜也渣到不識形容，最後埋單一千 !!! 早知如此, 在屋企附件料好過，鼎尚棋哥......真食到人氣頂。

一向都係棋哥既捧場客，所以今次嚟到山頂，仔仔又鍾意食燒肉燒鵝，所以嚟咗頂爺棋哥嘅餐廳。平時棋哥分店餐廳一個燒味飯配一杯嘢飲$68 ，呢度雙拼飯配一杯嘢飲要$108 ，貴咗三成。都明白山頂鋪租真係比較貴。但係冇諗過個燒味飯上到嚟，質素極差。1. 的飯好淋，叫咗多飯，其實同平時一碟頭飯一樣。2. 燒鵝同埋燒腩仔：燒我一食落口覺得佢似隔夜，好林，個皮又唔脆卜卜，喺棋哥其他分店度食佢嘅燒鵝應該係佢嘅招牌菜，因為用用荔枝木燒出嚟，所以有陣陣荔枝木香。燒腩仔勁過分，正常應該有2cm ×2 cm，一個正方cube,佢的燒腩仔，係三分之一，其他人睇以為我用鉸剪剪細咗，當然味道都唔係咁好味。除咗燒味飯我哋都叫咗一個$88嘅螺片瑤柱雞粥，大佬比咁貴價錢你用一隻普通飯碗裝俾我，呢啲係唔係叫略水。等咗半個鐘，我畢去睇吓啲雞，真係10分過分離譜，用雞頸，雞殼，雞髀最出個舊骨煮依個粥。真係想講粗口， $88同個燒味飯一樣價錢，但係就用雞頭雞尾雞骨整個繼續俾人，個名就好聽有鮑片，但係成碗粥得一塊薄過紙既鮑片。總括今次食物體驗覺得好差，雖然我可以推錢退返個繼續錢，但係都完全掃興。基本上你收得咁貴， 1分價錢需要有1分

今日有假，多年未去過山頂，今日见到有棋哥燒鵝才知道原來有間叫鼎棋燒鵝，入去試試...尖沙咀就試得多！覺得唔錯⋯⋯特別燒鵝又很重荔枝木味！點知今日去到山頂發覺燒鵝冇荔枝木味..？叫肥叉燒鵝飯叉燒並不肥，有點左一碗雞粥，但係繼續吹左三次都未嚟！後來小姐話由於要現做，所以耐啲..試問自己都幾識煮嘢食又經常外出食，一見到碗粥，第一很細碗！第二,一睇就知並不是生滾！睇相類似窩中做好倒出來...！非常失望！竟然收$88 一碗！ 明知山頂收費比較高，但係呢一碗簡直不能入口的粥，簡直一肚氣！

飲茶酒樓就去得多，今日嚟到山頂，就揀咗呢間餐廳飲茶。有戶外座位嘅餐廳。我發現餐廳主打燒鵝同燉湯，所以除咗點心，燉湯燒鵝我地都叫咗幾款嚟試下。餐廳主打港式懷舊風，都有多款懷舊小食，點咗一份芝麻卷，味道幾香口。燉湯我飲咗西洋菜陳腎湯，呢啲天時飲燉湯真係好正，湯飲落清甜，又足料，推介！點心嚟講質素都唔錯，一般蝦餃燒賣都有，幾鐘意佢嘅黑松露燒賣，味道濃郁鮮美，幾正！燒鵝皮脆肉嫩，肉汁豐富，肉質比一般燒鵝嫩，值得一試！

上山頂帶住狗狗，選擇不多，諗住試下呢間食燒味，燉湯套連一個客叉燒鵝飯，成為170蚊！燒味飯上到枱嘅時候燒鵝脾係燶嘅, 肉係柴嘅。😒果然好有特色，費事叫佢換免得加我料，以後不幫襯經過鼎爺加持果然係伏👎👎👎👎明明一餐好簡單嘅港式燒味，都可以做到咁差，還是我叫套餐所以佢俾了一些隔夜的燒味我食？係咪如果要喺呢間餐廳食一啲靚嘅燒味，唔可以叫平價套餐？但係個套餐都170蚊😂之前食庸記燒味外賣，都好食過佢

帶狗狗上山頂行下，行左個圈，見佢寫明寵物友善，就去試下。 帶住狗狗係坐出面outdoor位，望住凌宵閣，個view幾好，嗰日天氣又好好，有陽光得黎個位又唔會曬住，又有d風，唔錯。 outdoor區都幾多狗狗，職員對狗都幾好，主動拎張櫈俾佢坐，隔離枱有大狗，瞓左喺櫈底，見到有staff提d同事小心踩到佢。👍🏻👍🏻👍🏻見單叫燒味飯都成舊水一個，就試下個燉湯啦，點知6款有一半都冇，得好少選擇。 2個燉湯都幾多藥材料，飲落去都好濃味，個人覺得天麻好味d, 但2個湯入面都唔係好揾到有雞。 湯拎黎時係熱辣辣，但後來上左飯，就食飯先，湯盅冇留番個蓋俾我地，到食完飯再飲d湯已經凍左lu🙁燒味飯擺盤好靚，叉燒肥瘦適中，但味道就一般，燻蹄都正常啦，冇咩特別。 對個燒鵝好有期待，仲要俾左隻脾我，但好怪，雖然係脾，但唔係好多肉，塊皮唔脆同過咸，肉質反而唔錯，肉嫩冇穌味。 汁比較油，搞到d飯好漏。呢個價錢，個招牌燒鵝同燒味咁既質素真心失望。