鼎尚燒鵝湯館

營業中

休息中

一行12人，分了三枱食物到後，大家不約而同你眼望我眼，水準咁差呀！我嗰枱叉燒同燉湯較為好啲招牌燒鵝：（一陣酥味啲肉鞋口，最期待的鵝皮不說也罷）切雞同油雞（5件BB size全部雞胸）連白飯都麻麻哋，但份量足夠！

〔 燒鵝飯 〕燒鵝不會太肥, 沒有蘇味, 飯量都幾多.〔 脆皮燒腩仔 〕皮炸得好脆, 好香口, 咸度岩岩口👍🏻👍🏻.〔 粉葛鯪魚赤小豆湯 〕 湯就有點冇味, 水多左點.(好味指數: 7/10)

行完西高山想搵嘢食，見到呢間有燒味幾吸引咁，喺餐廳門口見到絕美鹹蛋黃，於是決定入去食晚餐兩個人叫咗二人餐 $388包左兩盅燉湯、一份例牌燒鴨髀、自選燒味（我哋揀咗燒腩仔），一個白飯，另一個加$10轉瀨粉燒鵝髀肉超級嫩滑，亦好夠味，蘸埋酸梅醬食中和咸味燒腩仔亦十分香脆，你見到啲皮就已經知，腩肉亦好靚，只有中間一層肥肉，好腍兩盅燉湯亦好好飲，一個係川芎白芷，有白鴿味，好滋補；另一個係綠豆蓮藕湯，清熱氣山頂咁多貴價嘢食，呢間算係抵食，又啱香港人口味，仲有靚景睇添

27/2/2021 一個大霧的星期六，想感受一下被大霧籠罩嘅山頂，是什麼環境！由於大風，餐廳唔開戶外，咁就只好坐室內啦！侍應們好好禮貌，細心安排座位。我哋叫咗二人套餐，有：-燒鵝例牌，今次係燒鵝脾，皮脆肉嫩，唔肥膩，正正。燒味例牌，我哋揀咗燒腩仔，甘香雋永，美味。蠔油菜心，菜心新鮮。燉湯兩盅，我哋同樣揀咗 寧神川芎天麻雞湯，湯料足，好好飲。由於平時好少煲呢款湯，見佢有現成湯包賣，一於買兩包。白飯兩碗，粒粒飯，又係要讚👍🏻就算天陰大霧嘅天氣，心情都唔會失落，因為可以享受一餐美味舒服嘅午餐😊

久違了既山頂😳😳過年就上黎行個大運喇😌😌不過醫肚要緊，間間都咁多人，求其搵左呢間排隊🤣只係排左十分鐘左右比想像中快既～二人套餐 $388🔵醬皇燒鵝例牌👉🏻哇😳係燒鵝脾呀！幸運指數有五粒星🤣🎊鵝皮燒得微脆香口，咬落充滿鵝油香，肉質又夠juicy 😋😋🟢單拼燒味例牌👉🏻首選脆皮燒腩仔🤤真係脆卜卜！！一層膏一層肉一層膏一層肉，肥瘦平均又分明😋而且唔會過鹹，好好味👍🏻👍🏻🔴燉湯👉🏻粉葛鯪魚赤小豆湯及川芎白芷天麻燉雞湯，兩款都無味精😋又足料！🟣油菜、白飯⚫️秘製叉燒例牌 $138半肥瘦叉燒係厚切🤩食落有質感亦有彈性，唔係香口既燒燶邊😌😌蜜汁亦唔會過甜，不過某部分叉燒有筋位比較韌，略為扣左少少分，但整體都係唔錯😆我地係初二上黎既，唔知關唔關新年事，所有職員無論態度同服務都好好🤣🤣🤣好殷勤好有禮貌😜老闆教得好呀🤣！！環境方面認真唔錯，主打港式懷舊設計😗睇得出落左唔少心思，坐戶外仲可以對住個海咬住隻燒鵝脾🤣講到價錢都唔弱🤣過年就+2服務費🤭🤭埋單都要六百幾，好食係好食，不過食燒味食到六百幾又好似進取左啲🙈🙈

疫情下好多人都行山行多左, 我自己都唔例外, 係中環行上山頂其實好容易, 沿途睇下景, 上到山頂仲可以食下野行下山頂廣場, 成為左我近期既休閒活動。今次上到去唔再食西餐, 揀左鼎尚棋哥燒鵝湯館, 天氣凍凍地最岩飲番個燉湯食個靚飯! 去過西九分店, 比較下山頂分店面積再大D, 而且大落地玻璃窗外透射陽光, 望出去就係山景, 成個FEEL好CHILL~ 另外當然唔少得懐舊帶典雅既裝潢, 播住80年代既歌曲,  整體非常有港式情懷!麻香口水雞口水汁少少麻少少辣, 香辣味道濃郁, 加上少少麻醬成個汁好惹味, 餐廳亦特別用左粉皮墊底, 滑溜既粉皮沾滿哂醬汁, 好好味! 主角雞肉冇被搶風頭, 雞已去骨啖啖肉, 肉質嫩滑, 皮位好有雞油香, good!燒鵝拼燒腩仔飯食得棋哥燒味點可以唔叫燒鵝? 燒鵝皮赤紅色且帶光澤, 入口帶脆甘香, 鵝肉細膩入味, 真係必食~ 燒腩仔肥瘦均勻, 皮脆卜卜好香口!燒鵝拼豉油雞瀨粉燒鵝一樣甘香美味, 估唔到豉油雞都好正, 肉質非常嫩滑又冇骨, 有豉油鮮味但又唔會過咸, 唔會蓋過雞味, 好少食到咁嫩咁好味既豉油雞!寧神川芎天麻燉雞湯頭味道濃郁, 雞帶出既香甜鮮味加上藥材味

Compliments to their double boiled soupPerfect for the winter-Watercress with dried fig and duck gizzardVery strong flavour compare to those you can have elsewhereBut value for money as you can see plenties of ingredient in the bowlDuck gizzard is cooked long enough so to be tender enough for you to finish offone kind reminder to drink when hotBecause the Chinese medicine flavour gets even stronger when turned cold-chicken soup with chauanxlong and gastrodia elataThis one is particularly good if

好耐冇上過嚟山頂，上次想來山頂廣場都仲裝緊修！今次黎就開晒舖頭啦！但都餓餓地，咁岩比我朋友見到有佢最鍾意食嘅燒味飯，仲要有燉湯飲！就忍唔住要衝入去食啦！就係鼎尚棋哥燒鵝湯館！成間餐廳嘅裝修都好有心思，都好突出到香港特色！仲好有懷舊風味添！去到山頂個地理位置梗係好好啦，嗰度有個小露台可以行出去望風景😍講完環境梗係講嘢食啦，佢個燉湯真係好足料！真材實料！味道好夠好好飲！啱晒我哋呢啲都市人好少飲湯！另外不得不提嘅就係佢嘅燒味飯，燒鵝係主打當然不錯，但係佢個切雞都好唔錯！非常滑！肉好嫩！仲要好有雞味添！最後再叫埋個無花果雪梨糖水，非常滋潤啱晒呢個天氣飲！飲落去唔係好甜，即係唔會落好多糖夠晒健康！成個環境好好！又有湯飲又有糖水好有家嘅感覺！必定再去！

位於山頂道118號山頂廣場一樓107號舖的鼎尚棋哥燒鵝湯館 ( D&K Roasted Goose and Deluxe Soup Restaurant) 主打廣東菜。 今天和家人去山頂走走，散散心，中午時間就去吃飯。餐廳偏向走懷舊風，以深啡色為主調。川式皮蛋青瓜表面撒了少許鹹鹹香香的木魚，惹味的醬汁配上軟軟的豆腐，味道頗不錯。燒鵝拼油雞飯燒鵝和油雞的份量比想像中多，油雞皮爽口，雞肉質感滑嫩。燒鵝皮燒得微脆，鵝肉多汁Juicy，朋友則覺得白飯的份量可以再多少許。燒鵝拼叉燒飯叉燒是半肥瘦的，燒得頗為香口。燒鵝的部分不是十分多肉，但也是燒得十分香口的。寧神川芎天麻燉雞 (深啡色)這款湯是餐廳的招牌菜，雞湯味道相當濃郁，整體感覺足料，而且川芎的味道也頗突出，適合女士飲用，家人說這款湯可以去頭風和安神而且在寒冷天氣飲燉湯，胃部都是暖暖的。日月魚淮山核桃湯家人則試了這款核桃魚湯，味道鮮甜，魚的味道夠濃厚，兩款燉湯的份量也相當充足。無花果雪梨糖水糖水的感覺十分清潤，味道甜美，能嚐到雪梨清甜的味道。。

自己一直以來都好鍾意去食唔同餐廳嘅燒味，今次直情係慕名而來，睇吓鼎爺嘅湯係咩滋味。天寒地凍，特登走想去山頂，都真係要一啲勇氣。入到餐廳嘅時候，餐廳嘅佈置都非常懷古，感覺上就似入咗80年代嘅餐廳。餐廳嘅佈置都好典雅，播住嘅都係一啲古舊香港嘅歌曲，喺山頂而言，其實咁樣嘅設計都好合乎遊客嘅口味。我哋叫咗前菜、燒味飯同埋湯。錢財本來想叫一個酒香話梅蝦，但餐廳佢臨時冇貨，所以我哋就轉食咗口水雞。口水雞嘅話就唔會太辣，反而有蒜蓉嘅香味，呢點我都係幾好嘅，雞肉嘅話就係凍嘅，因為始終係凍食，皮都嫩滑。之後我哋就嚟咗個燒鵝拼燒腩仔飯，燒鵝嘅肉汁唔鞋，鵝香而且多油。但如果對未返我一年前喺西九龍戲曲中心食果次嘅經驗嘅話，今次嘅鵝就少左荔枝木嘅柴香味，我懷疑可能個做法都轉變左。叉燒嘅話就好香嘅蜜糖味，肉質亦都唔錯。燒腩仔外皮亦都非常香脆。之後靚湯嘅話我哋嚟咗呢個日月魚淮山合桃湯，呢個湯我覺得成本簡直係非常高，因為裏面非常足料，打開成碗湯，有半碗都係料嚟嘅，如未非常香濃，而且合桃味亦都煲到成為渣，好香濃。飲品方面我哋叫咗凍檸茶、同埋好立克。

放假揸車上山頂， 行完Donki 「熱情小店」都冇乜啱食， 不如飲下湯同食下燒味， 棋哥呢間餐廳喺個好選擇。 今次叫咗個二人餐， 有佢哋最出名嘅燒鵝， 自選燒味一碟， 大家可以選擇叉燒、切雞 油雞、 燒腩仔、燻蹄， 如果要食乳豬， 需要加50蚊， 套餐仲包括油菜一碟， 自選燉湯， 如果唔食飯， 可以選擇米粉或者瀨粉， 套餐跟熱飲加8蚊， 凍飲加10蚊。 佢哋個燒鵝真係幾出色， 個皮燒得好脆， 隻鵝油脂分佈均勻， 唔會太肥或者太瘦， 上次食過乳豬， 啲皮真係好脆； 今次試咗油雞， 沒有什麼驚喜。 燉湯叫咗兩款， 西洋菜陳腎無花果湯， 火候夠， 味道清甜； 綠豆章魚蓮藕湯就沒有什麼驚喜。 奶茶唔夠熱， 可以唔叫。 呢度服務態度好， 淨係分數有中上。 會再來。

山頂之選🤣幾經波折嚟到山頂見到間餐廳嘅裝潢，咩都唔諗就趕係晚上六點前入到去！裏面嘅擺設好靚，古典得嚟帶點新潮😂🥳除咗室內位置，仲有可以睇到凌霄閣嘅室外...兩個燉盅都非常鮮甜，味道10分濃郁口水雞配上陳村粉，香辣惹味，令人忍唔住一啖接一啖，而且雞件好滑身重頭戲當然唔少得燒味飯：一碗燒鵝配叉燒，另一碗燒鵝燒腩仔；燒味能夠做到呢個程度同水準真係令人回味無窮！大家有機會嚟到山頂，不妨試一試啦👌🏼😊！

鼎爺私房菜未試過你都應該聽過！😌疫市期間佢更加成為逆市奇葩大展拳腳勁開分店 喺山頂呢間鼎尚棋哥燒鵝湯館成為避疫好去處港人冇地方好去唯有走上山頂放電所以呢間店平時係午餐時候迫爆人好多好味嘅食材一早已經清光就好似佢最出名嘅燒鵝喺4:30pm已經冇晒了 ...唯有睇吓佢嘅餐牌仲有啲咩好食由於係旅客區 價錢都偏貴留意到佢個燉湯原來好足料 叫咗西洋菜陳腎無花果湯同埋寧神川芎天麻燉雞湯好鍾意川芎天麻嘅味道 藥材慢慢浸入舌頭中 味道唔係個個頂得順但我就反而好享受 可以做到抗疫保健嘅效果何樂而不為？當然要叫下佢哋呢度最出名嘅燒味飯油雞燻蹄又係我自愛！大大碗燒味保證你夠晒飽 切雞亦都好肥美加埋少少薑蓉 將香港嘅味道完美呈現仲有糖水無花果雪梨糖水 係冬日滋潤嘅好選擇

除夕沒有倒數，反正沒什麼可以慶祝，男友提意到山頂行返轉，廣場翻新後重開，有𣎴少熟悉的店舖，亦有不少食肆進駐，這邊新廣場比舊的好行好多。反正肚仔餓餓地，又要係六點前完成晚飯， 就決定係新廣場呢邊食晚飯。近排食得西餐多，不如食下中菜，  就決定試下【鼎尚棋哥燒鵝湯館】 湯館夠寬敞，可惜窗邊位無晒，無得望住靚境嘆除夕晚飯。 Anyway 要快些點菜， 趕時間完成呀。今晚一於要食好啲，踏走衰到貼地既2020 我地由前菜開始【皮蛋千頁豆腐】$88整磚豆腐既份量，加上皮蛋和木魚絲；以甜甜地既涼伴汁調味，清爽又好味既前菜。 天熱寒冷，當然小不了滋補養生燉湯， 我們也是湯控，所以一人一盅先夠喉。 有睇過阿爺廚房既都知阿爺出手既燉湯有幾講究，用料足見稱。男友既【西洋菜陳腎無花果燉湯】$90燉湯夠大盅，這盅燉湯是秋冬必飲的湯水，有潤肺、下火功效 ， 用料足有西洋菜、陳腎、南杏、無花果、瘦肉、陳皮、薑片等。 一打開蓋就見到出晒煙，香氣撲鼻，湯色清澈，點點的咸香，加上西洋菜的獨特香氣完全溶化在湯內，喜歡清潤味道既朋友絕對不能錯過。 我還是首次喝【日月魚淮山合桃湯】$128褐色湯頭， 未喝已感到非常濃郁， 果然

今日係專程上去山頂，試一試這間餐廳！時間大約下午四時半，不用等位！由於專程上山頂，所以點餐時沒有看價錢，想食乜就叫！燒鵝拼燒腩仔例牌，鵝唔夠熱，我皮唔夠脆，不過有鵝髀，算是加分，但燒腩仔啲皮浸晒落啲汁到，如果反一反，皮唔係接觸到啲汁，應該會好食啲！$178嚟講有啲貴，賣$128會感覺好一些！豬油撈飯唔夠熱，不過豬油渣幾脆，啲炸乾蔥都好香，但$58也是算貴，我認為只值$45！黑松露燒賣，黑松露唔夠香，但燒賣夠熱，味道一般，$58也是有點貴，也是應該值$45！鮮蝦菜苗餃，蝦夠新鮮彈牙，菜苗夠鮮嫩，味道也好好，值得一試！$58算是正常價位！奶茶也好味！但$25也算是貴，$20就差不多！整體來說，食物質素尚有改善空間，價錢可以略略調低一些就完美了，可能打住鼎爺個招牌，大家唔多唔少都會有些少期望！