鼎泰豐

營業中

休息中

鼎泰豐都係好出名 但一直無機會試今次就around 下午一兩點去到枱去得快 因為唔係話好多菜式選擇 所以都係等15分鐘🥳醉雞：我本身係好鍾意食醉雞 係鍾意到飲埋d汁 好多餐廳汁重常常味道 只係雞肉唔入味但呢間雞肉質正常 個醉雞汁係差 好似d酒擺耐咗嘅酒精味🙂🙂冷盤魚：我覺得幾好味嘅 正常發揮啦 夠味 好少骨小籠包：皮係好薄 唔會好易穿 入面多湯 但個湯就無想中好味 比較油 好似d肉油出曬泥 不過加分係可以自己落醋 掂泥食係okay geh 一邊食 一邊飲醋🤣😂Conclusion 就係唔會特登去食 除非其他餐廳好多人 然後呢度唔洗等位啦😗 不過性價比低 我覺得算好貴 唔值

🍪【#沙田】鼎泰豐 Din Tai Fung💥水準穩定小籠包💥.🍪 去鼎泰豐當然係食小籠包，唔算太驚艷，但保持到一貫水準。✧The famous destination for xiao long bao— Din Tai Fung. The freshly made dumplings are always of consistent quality. Swipe to see more dishes we had for dinner:~~~~~~~~~~~~~🍽小籠包 Xiao Long Bao $66 （4/5）水準穩定，皮薄多汁。 .🍽蘿蔔絲拌海蜇皮 Tossed shredded jellyfish with radish $62（3.5/5）頗為失望嘅前菜，調味如果酸少少會更開胃。.🍽清燉雞湯 Double-boiled chicken soup $76 (3/5)好袖珍嘅雞湯，只係一人份量~雞湯比較油都尚可接受，調味太鹹。雞肉唔少，軟身但冇咩雞味。.🍽高湯炒芥蘭 Sautéed Chinese Kale with supreme broth $78 (4.5/5)呢個要

✨蝦仁燒賣燒賣有啲似厚皮少少嘅小籠包蝦仁爽脆 皮偏厚 肉餡鮮味 肉汁豐富 調味偏淡 ✨紹興酒醉雞醉雞 除咗雞翼之外已去骨酒味香濃 調味適中 唔錯✨排骨蛋炒飯排骨 肉質軟腍 口感鬆化味道帶胡椒香 幾惹味蛋炒飯 炒得乾身 飯粒分明有蛋香 調味適中食物唔錯 呢個品牌出品幾有保證環境唔錯 坐得舒服但有限時75分鐘 食得有啲趕多人用餐都唔知點算 我覺得最基本應該都要有90分鐘尤其係中菜 加上你定位唔快餐店服務唔錯 價錢可以以份量計可能會覺得有少少偏貴但味道唔錯都可以接受

突然間想食炸排骨湯麵， 去開新城市廣場就順便去鼎泰豐食番個麵， 兩個人叫咗四，五碟嘢， 味道 as usual， 價錢不嬲都偏貴，所以冇乜嘢好講。不過佢個油炸排骨湯麵， 個 “炸” 字，我就真係好懷疑佢有冇犯咗商品說明條例， 成塊豬扒淋既，表面都係完全淋嘅， 點樣可“炸”到啲超級淋咁嘅豬扒出嚟？叫個服務員過嚟問下， 諗住換個碟真係炸嘅豬扒 jec，位四眼姐姐 好insist 鼎泰豐嘅炸豬扒係咁樣， 佢哋嘅炸豬扒真係一嚿完全“淋嘅炸豬扒”，真係眼界大開， 喺度分享一下， 如果有人鍾意食完全淋嘅炸豬扒真係可以去鼎泰豐試下！

冇得去旅行唯有搵啲嘢食補返數掛住台灣梗係去鼎泰豐啦食物質素同台灣比都仲差啲唔知係咪去旅行嘅心情都影響食物味道首先一定要點小籠包啦皮薄有肉汁 不過味道好似比唔上霸王山莊🤭係時候要檢討下喇見到隔離枱點咗滷水牛肚好似好正咁 冇諗到會凍到咁去食當日天氣太凍 即刻扣咗分分別點咗鮮蝦雲吞麵同菜肉雲吞麵雲吞皮好滑 但味道稍嫌太淡攞咗碟辣椒油加落去好啲因為碟辣椒油真心好味😋排骨蛋炒飯件排骨大過個飯味道好唔會乾蒜茸炒油麥菜屋企人話太硬 我覺得都可以接受嘅

已經有兩年冇食過鼎泰豐記得上次食都仲OK今日食真係非常失望😟我哋嗌左👇🏻👇🏻👇🏻👇🏻1)🔸原味小籠包一籠有六隻，上枱夠熱既皮薄，亦都有肉汁但係可惜入邊嘅豬肉味道勁淡令到成隻小籠包食落都冇味就算加咗醋食都冇用原本期望好高，真係好失望2)🔸酸辣湯酸辣湯又係味道好淡又唔夠酸味，唯一就係杰度啱啱好入邊嘅木耳絲就幾好食3)🔸排骨擔擔麵排骨同擔擔面分開上就咁食排骨係OK，都算鬆軟麵質正常，湯底就完全係冇味4)🔸紅燒牛肉麵牛肉同牛筋都正常但係份量唔多個湯底又係淡味原本想嗌其他嘢，實在食到太失望相都冇影所以都係走人，去第二度再食過如果咁嘅質素一定唔會再去了

好耐冇食過小籠包, 喺沙田行街見到有鼎泰豐, 立即就揀咗佢, 雖然肚餓但係都照等位, 都等咗成四十五分鐘, 由於想食所以冇計啦。 但係食完之後就後悔浪費咗啲四十五分鐘嘅等位時間。小籠包不過不失, 但係普通一間上海店都好食過佢紅油抄手, 油就油啦好可惜就冇味道嘅, 我媽咪喺屋企包嘅雲吞好味過佢油豆腐粉絲湯 味道係唔錯嘅,可惜成本嘢上嚟只係暖暖哋唔熱嘅, 食呢啲好棹忌唔熱㗎嘛酸辣湯, 佢嘅酸味只係醋味。。。 又係唔熱嘅最後呢呢個 豬扒炒飯, 佢一上枱嘅時候好有期望, 因為望落去塊豬扒好juicy, 但係一咬落去鞋到不得了!!!!個飯就有味嘅ok。埋單兩個人六百蚊, 浪費時間浪費金錢, 寧願搵其他小店都唔會選擇佢

都好耐冇嚟過鼎泰豐食嘢，今次食完覺得佢啲小籠包，皮係薄，但係個餡我覺得肉汁味唔係好夠，酸辣湯，我個人覺得翡翠好啲，個炒飯我印象中以前係一粒粒好分明，今次食又覺得偏濕咗少少。如果大家食嘅時候，記得自己對下單啲嘢食黎齊未，如果嚟咗佢喺張單上加√，但當天被我發現，有一樣食物冇黎，佢喺張單度照加√。

辣味黃瓜 $60酸酸辣辣 黃瓜好脆好新鮮 紹興醉雞🐔 $80酒味適中，雞肉全部去晒骨，好多時都會有雞髀位😽小籠包 $66一籠6粒，每粒都係皮薄多汁 睇住師傅喺出邊逐隻包 王牌必食🤩台式酸辣湯 $58好足料的酸辣湯 有好多木耳絲豆腐乾筍絲 仲有少少肉絲，胡椒粉同埋辣椒油都擺咗喺面 食之前撈勻佢 唔算好辣😋油豆腐粉絲湯 $58清淡的另一選擇 油豆腐入邊讓咗啲肉碎，清清地嘅湯再配爽滑粉絲🥰蝦肉紅油抄手 $68好大粒蝦肉 嗰汁少少辣，咬開入邊再點多少少汁 又辣又爽口😂雞絲蝦仁春卷 $56有蝦肉有雞絲仲有好多木耳絲係入邊 炸到好脆口 食之前小心辣親😌肉絲蛋炒飯 $85珍珠米粒粒分明 肉絲同埋蛋都好多，加埋少少蔥花好香口，如果覺得淡嘅話可以落少少抄手嘅汁或者醉雞嘅汁，撈埋啲飯食好正😚🤪黃金流沙包 $40我最鍾意嘅甜品之一，未食之前已經感覺到佢啲汁係入邊浪來浪去

台式酸辣湯酸辣度剛剛好，係一道令人好開胃既酸辣湯，足料🤩，喜歡酸辣既朋友仔，真的好啱你，食過翻尋味🤤😋小籠包相信大家對佢地店既小籠包一d都唔陌生吧，大眾都係好評👍，皮薄餡靚😍，難怪咁多食客一致認同係好好味😋，值得推介比身邊嘅朋友去食😂排骨蛋炒飯（胡椒味）呢道一送上檯，平平無奇，真係要食落先知咩事😱，絕大部份人都有食過，只係不是在這店食😅，首啖一試排骨，啖啖肉，肉質好嫩滑，仲好香，調味調到剛剛好，正🤤食完一舊，不得不再食第二舊⋯⋯⋯🤣，太誘人啦⋯⋯⋯舊肉😋😙，飯炒到粒粒都是有撈到雞蛋的，色澤均勻，漂亮😍

味道让人失望，除了鸡汤正常，醉鸡水准偏下，其他没有一个正常，干馄饨葱位过重，醉鸡偏咸，小笼不鲜美，葱姜味过重，丝瓜小龙苦味没处理好，鸡丝春卷火候不到，没炸到位。

青燉牛展湯，好耐冇食啦！依然咁好味😋，但價錢再貴啲囉同埋覺得牛展每片都薄左！ 呢啖湯我飲晒咁滯，感覺有啲藥材味同埋都幾重薑味而且冇乜味精清炒油麥菜，正正常常，只係為咗食啲菜健康啲均衡啲～嘩都係無可避免地油咗啲海蜇伴蘿蔔絲！呢個同飲茶嘅唔同，冇麻油又冇芝麻架我好鍾意食！呢個天氣食啲涼涼地，又咁清甜嘅野好舒服😌口感一流！非常爽口如果唔係食青燉牛展，我平時會食紅燒牛肉湯，呢個個味就會重啲，同埋會有牛筋！一樣咁好味我今日仲嗌咗個香菇素包食完真係超滿足呀！因為平時比較少食，佢嘅包質好唔同！係人手初成，又煙un 但又唔會好實嘅包皮好正！香菇素包入面嘅料同香菇素餃相同嘅～清得來又唔會好齋，有少少紛絲碎、菇粒、菜粒、豆干粒～好台灣feel總結而然，鼎泰豐只係太貴！

想食下香蔥拌麵，所以黎左鼎泰豐。可能是日落雨，少人出去食，等位唔算等左好耐就入得～入到去即點我既香蔥拌麵，再點左碟蝦肉煎餃～朋友點左紅油拌麵同蝦肉餛飩湯麵（不過冇影到相🙈）。上菜算快，但咁快上碗香蔥拌麵都真係唔太熱，就算拌麵冇湯麵咁熱，都未至於咁…如果熱啲，香蔥味應該可以散發出黎，聞到又食到，諗起都正！可惜，而家就各方面都只係正正常常～蝦肉煎餃就比較好，熱既！皮薄同夠脆～可能知佢係一星米芝蓮，期望少不免會高啲。

今日食評有✍🏻 鼎泰豐@沙田店試食指數⭐️⭐⭐店舖衛生⭐️⭐️⭐⭐侍應態度⭐️⭐⭐⭐⭐((每項5⭐️為滿分)) ·沙田第一城超多人每間食肆都見人龍我哋等了50分鐘才入座尖沙咀兩店都比較易等位·等位係耐咗啲不過入座後有一件事即刻加分職員會為孕婦捧上一壺熱水十分窩心·今晚點了1️⃣燉牛𦟌湯麵⭐️⭐️⭐⭐/5燉牛𦟌湯底正我每次必食同飲晒啲湯汁可惜今晚嘅牛𦟌老咗少少扣分位2️⃣菜肉雲吞湯麵⭐️⭐️⭐⭐/5菜肉雲吞係新鮮好味湯麵同大部分店一樣滾水淥完即刻捲埋放上碗索唔到湯底嘅味道3️⃣菜肉包⭐️⭐️⭐/5菜肉餡味道唔錯可惜包厚食落口包同餡50/50好乾4️⃣香菇素菜包⭐️⭐/5相比菜肉餡更乾加上包厚食落好乾爭爭5️⃣雜菜蛋炒飯⭐️⭐️⭐/5啲雜菜切得好粗炒飯冇乜油健康角度係好但從味道出發就唔係咁香口6️⃣溫豆漿⭐️⭐️⭐/5甜度適中溫度的確係「溫」係易飲啲但我個人就喜歡熱啲·二人364·599•Eat疫情下的食肆怕多人辛苦排得嚟又唔好食食外賣食到悶想岀去搵食又驚唔衛生·我哋599•Eat幫到你無論大鋪小店我哋都會盡試盡講

從來都冇食過鼎泰豐，一直都好想試下! 咁岩今日黎到沙田，搵唔到食咩之下又度度都好多人之下,就黎左呢度食個小小地既下午茶了，星期六既下午當然多人，我地3點到 等左10分鐘左右,算係咁....由於之前已經食左午餐, 所以只係點左幾樣野﹐包括小籠包, 台式擔擔撈面, 蒜香粉皮肉同埋黃金流沙包。個小籠包就好似唔夠熱，如果唔係應該會好味好多，特別要推介蒜香粉皮肉同黃金流沙包!兩款都好好食，食完好似仲肚餓過之前! 下次再來既時候，應該會再點呢兩樣，再試其他推介既美食!