龍園小廚 (已結業)

預早三天通知老細，食好D，由老闆親自向魚檔訂海鮮，結果有海西星班(清蒸)，大隻濑尿虾(椒鹽)，紅花蟹(薑葱炒)還有頭盤三文魚刺身加椒鹽頭腩，仲有蛇羹，鹿尾巴湯，加雙菇蚊鹿筋(今次蚊得唔夠身)，招牌炸子雞，魚湯雜菜，干燒伊面二十二人用餐飽

12月20日，同老友共23人做冬節食物有:濃湯雞絲翅，冬菇蚊鹿筋，需要提早三日預訂有招餐前三小碟(有黄金鮮尤，拍黄瓜，麻棘豬耳)招牌豉召聖子皇，蒜蓉粉絲蒸元貝王，新鮮雙冬羊腩煲，炸子雞，海魚(一枱食清蒸東星班，一枱煎封黑倉)，芝士龍虾伊麵底。每天自購海鮮，所以食材夠新鮮。廚師廚藝絕對可以信赖，好味，讚不绝口。房間自乘一各，唔會受人騷擾，因只得一間房，但可以擺兩圍，坐26至28人，否則太迫，有獨立厠所，有雪櫃，半自助，唔需要服務員招待，除咗上菜時。要預早訂房，否則經常無房，坐樓下都可以，但無咁方便。最重要可以自我set 價錢及菜單(由300至500)，豐儉由人，由老闆代寫菜及報價，亦可隨意更改，將貨就價，食到夠為止滿载而歸，

新鮮羊肉羊腩煲，店主每幾日就原隻黑草羊入貨，調味清新突顯羊肉鮮味，味道一食就明白其他冰鮮羊肉無得比，大煲足夠四個大男人食都只係$488，對比九龍區其他食店三百幾蚊得十舊八舊肉絕對超值。秋冬時節三五知己圍埋吹水啤酒羊腩煲，又係男人另一浪漫不過由於每次入貨量不多，所以有心食羊腩煲就要電話預訂以免白行。

這間龍園小廚位於佐敦上海街，晚上八時多，條街沒有太多行人，見到這間吃中式小炒的餐廳，便去試試。我們二人叫了兩個小菜及一個湯，份量很足，吃得飽飽。招牌奇味雞煲（$138/半隻）有上大量配料，如乾葱、蒜頭、莞茜、蔥加上秘製醬汁爆炒雞至八成熟，再放在客人枱煑至全熟，店員打開煲蓋，己聞到濃濃的香氣，如果想吃火鍋，更可另點配料。蜜汁蟮球（$98）蟮球外脆內軟，蜜汁令蟮球帶出焦糖味，就連洋葱絲也很爽脆鮮甜。豆腐魚頭湯（$68/半個）魚雲湯很足料又新鮮，奶白的魚湯底配合豆腐和小白菜，清淡一點但又不失鮮味。

今年和老表一家一起攪團年飯，最頭痛就係㨂地方，我大佬話這間小廚有閣樓，可以開兩檯，自成一閣，當然是最好。我們點了：虫草花螺頭汤－其實用了雞＋蟲草花＋螺頭，所以湯好甜，可以飲得出係燉出來的，我連湯渣都吃埋😋蘇炸蚧柑－蝦膠不算彈牙，而蟹肉算多，最好味係酸甜汁，如果將蟹蚶放落酸甜汁，大大提升了味道。西兰花炒花枝贵花蚌－花枝是魷魚片，味道都算新鮮，貴花蚌好脆同爽口。上汤大虾伊面－蝦好爽口，伊麵吸收了蝦和上湯味是最好味的。👍清正海班－蒸得啱啱好，冇黐骨，有濃濃的魚味。當红炸子雞－皮炸得好脆，雞唔係新鮮的，所以雞味一般。羌冲炒肉蚧－味道炒得好香，可惜肉蟹太瘦同唔夠大，唉！有點失望😅油盐水大花甲－油鹽水味道0k，又係可惜花甲太細，冇乜肉食😱鱼汤支竹什菜－魚湯好好味👍支竹＋什菜都係新鮮。海鲜炒飯－飯炒得干身，蝦＋魷魚都好新鮮。估唔到它的辣椒油都好辣同好香。唯一缺點，上菜次序離晒，上完蝦伊麵就上湯，第三道菜係魚😅整體味道都算滿意，只是花甲、蟹比較細，每人消費$300。

公司長輩退休，只訂一圍菜死黨幾晒出來，地點幾隔涉，去到係小廚一間，店家一樓仲有個廳房，可以放兩圍，上到廳幾骨子，一面牆放晒酒瓶，好靚仔，廳尾仲有小廚房，廁所一格好乾淨！好方便！而今晚只有我哋一枱，可以獨霸間房，正！人齊就上菜！龍園菜單：蒜蓉粉絲蒸元貝王：帶子肉鮮厚肉，好多粉絲蒜茸！簡單好味！豉椒炒蟶子（一人一隻）醬汁好杰，蟶子爽口彈牙，豉椒味濃！好香口！芝士龍蝦伊面：芝士醬好杰，雖然滑芝士味唔濃！伊麵比較淋，易斷！龍蝦唔算肥美，肉唔算多！清蒸海魚：魚大條，我食背，味鮮嫩滑！好味足料燉湯：原隻雞燉湯，足料清澈好味！當紅炸子雞：炸得靚，外脆肉嫩，我食胸都嫩！蜜汁薯角牛柳粒：蜜汁好杰身，包裹晒啲肉粒同薯仔粒，薯仔淋身，外面炸過脆口，肉粒就食唔到肉味，因為已比蜜汁蓋住！整體好味清炒菜心苗西蘭花：熱辣辣，菜心同西蘭花爽口鮮嫩！清爽好味！椒鹽鮑魚仔：賣相好靚，炸漿薄脆，鮑魚切件，肉質彈牙，避風塘式蒜香好味！比清蒸更合我口味辣酒煮花螺：好大一窩，比埋竹籤挑出來，其實只有微辣，螺肉彈牙！炆得入味！潮州蠔仔粥：因為其他餸仲食緊，個粥變了湯飯，味道唔會味精，湯底清甜，好足料，蠔仔唔大隻，不過有啲仲有蠔殻，

系門口睇完下午茶餐單，幾平所以入去試試。坐抵大圓枱，叫左X O漿义燒炒飯，凍檸茶，碟飯黎到有睇頭，有煙出，D料好多，有鍋氣，下午茶size, 入口好味，出品有質素，杯茶普通，$33超值+好味，下次再食其他。仲有坐得舒服，唔趕客，慢慢食，等仔女放學一流。

大陸做完野落車已經攰到暈左，餓到發癲是但搵野食，行過龍園幾次都好香咁，今日就食下啦。三杯雞，唔係台灣果種，呢個偏辣，雞好嫩，好送飯，我食得好咸既都覺得幾咸，但果刻太餓唔理得咁多。乾扁四季豆，我真係好鐘意食，呢間唔係用肉碎，係用成舊五花腩，呢個堅咸，但又係太餓一人一啖清晒。佐敦尖沙咀食野係偏貴，下次叫佢唔好咁咸，同埋希望呀叔可以唔好掛住吹水可以理下個客，由其果d餓到癲左既客😂

屋企人介紹 決定喺龍園食團年飯佐敦站出 (龍堡酒店對面) 唔太難搵到達小店 心諗「唔係呀化咁細邊夠位」原來…有兩層的我誤會了哈哈訂座關係可以坐樓上 一層只有兩張大枱 靜靜地一家人食飯唔錯！基本上唔使睇menu直至同侍應講想食咩佢就會安排到實在適合一家人聚餐 有老有幼 唔同口味都照顧到 讚！首先要介紹重頭戲…芝士大蝦烏冬伊麵就食得多 大蝦烏冬真係第一次食焗到燶燶地好香口 即使芝士味咁濃食多兩碗都唔會滯功夫龍躉同薑蔥炒蟹亦做得幾出色龍躉一魚兩食個人嚟講鍾意炸多啲 配埋辣椒青瓜一齊食 好惹味而老人家當然就鍾意蒸魚多啲啦另外 特色餸菜有胡椒大頭菜湯底煮蜆大蜆鮮甜 不過略嫌胡椒湯唔夠辣 飲完個胃都無暖意嘅海鮮炒飯都生菜包味道其實都幾好架但我expect炒飯沙窩上會乾身啲 佢食落比較痴口而生菜包呢…我要投訴塊生菜太細哈哈搞到我食到天一半地一半！

今日打算和2個同事去佐敦食火鍋，傾下計，在佐敦行來行去揾火鍋食肥牛，行行下見到一間平平無其既食店，原全唔會考慮入去，但係為食既我更係𥄫下入面D人既野食，見到好靚既肥牛，就問下門口嗰肥佬，嗰碟係咩價錢，佢話$148，我和同事就睇埋佢菜牌，價錢合理，膽粗粗入去試下，肥牛好好味，叫咗嗰煲係胡椒豬肚雞煲，好有新意我第一次食這種雞煲好味，啤酒杯是雪凍的，我感覺到這食店係想做好的，有誠意，所以返到屋企才寫我第一次食評，哈哈埋單先知道門口嗰肥佬原來係老闆

今天難得短聚,選擇了龍堡酒店斜對面的一間新餐廳,外面看上去沒有什麼太特別,我們一行4個人走了進去,好好彩唔駛等位,我們坐下都唔知食咩好,咁就問寫菜的那位型男有咩好介紹,他介紹我們給食那個<奇味雞煲>,心想好好奇點奇味法呢?之後我們真係叫咗。<奇味雞煲>原來食完可以加湯打邊爐的...味道都幾唔錯呀...真係好得別....雞肉都幾新鮮同好滑。小食<椒鹽九肚魚>剛剛炸起外香內滑唔油<果皮蒸鮑魚仔>好香果皮味,鮑魚仔都好新鮮<干燒明蝦>又係型仔哥哥介紹的,真係好好味,好味到唔識講想不到餐廳細細都有新鮮海鮮食,價錢又唔係太貴,真係有點喜出望外。服務都幾親切,我下次都會再光顧的。