龍寶酒家

營業中

休息中

.土瓜灣龍寶酒家我已經嚟過好多次啦我真係覺得呢度嘅點心好抵同埋都幾好味嘅咁今日呢我哋就嗌咗翡翠叉燒腸漁村煎釀三寶同埋瑤柱金菇炆伊麵整體上我都覺得唔錯嘅但係個瑤柱金菇炆伊麵呢就比較鹹咗少少就冇咁滿意啦咁希望下次佢哋會有改善啦咁今次我哋兩個人食呢但係佢都係食咗大概百零蚊啦所以其實除返平均每人幾十蚊喺香港嚟講呢都叫幾抵㗎喇但係呢我都幾欣賞呢度佢哋嗰個普洱茶嘅都幾龍幾滑啦咁雖然呢度服務員呢就唔夠所以呢我哋坐咗喺一角落呢就比較難呢去嗌嗰啲服務院但係呢佢都會間中埋嚟睇下我哋夠唔夠水咁都上算係接受佢哋嘅服務啦咁其實我都係長期嘅顧客嚟嘅咁既然都係街坊街你喇咁就唔同佢哋計較咁多啦是但

今時今日我都未見過一間冇服務嘅街坊酒樓可以收13%嘅服務費，唔怪得之越黎越少人去食，以前lunch爆晒場，而家一半都冇！今日同班同事晏晝去飲茶，其中有一碟點心冇黎到，埋單嗰陣同收銀講，佢就數返啲圈圈佢話冇錯喎，佢地送點心嘅阿姐呢個叫嗰個圈，嗰個又幫呢個圈，幾個人圍埋一齊，最後應該係冇攞嗰啲點心上枱。個收銀死都話我哋食咗，問埋全部同事都話冇黎到，如果我地要呃都唔會呃你一個點心啦！咁唔老實，服務又差又混亂嘅酒樓以後一定blacklist ！千祈唔好去！！！一啲都唔值13%服務費

【九龍城區】【龍寶酒家】聽講又一間龍寶要執，一行十二人就殺咗去土瓜灣龍寶食嘢。咁齊人梗係點 $328 一隻嘅「堂剪乳豬」，呢個名即係要自己剪嚟食。自己剪唔緊要，隻嘢凍嘅，叫佢再整，就求其唔知點樣烘吓就算，仲係凍嘅，冇計。之後用 $288 叫六隻「脆皮燒乳鴿」，都係普通。以 $168 食一斤「白灼海生蝦」，正常。而 $98 嘅「鎭江荔芋咕嚕肉」都幾失望，唔好食。之後 $68 嘅「豉汁南瓜蒸香滑豆腐」鹹到癲，以為食緊豉汁蒸橙。跟住 $80 嘅「欖菜肉崧四季豆」同 $98 嘅「潮式春菜鹹豬骨煲」都好一般，大家都冇心機食。食完 $128 都係麻麻嘅「原籠荷香糯米蒸大蝦」之後就食熱氣嘢，$88 嘅「酥炸大生蠔」同 $78 嘅「金磚一口脆豆腐」，都係一般料。唔期望 $88 嘅「蝦米粉絲雜菜煲」會好好，所以食落都冇失望。最期待 $138 嘅「紅燒滋補水魚煲」，大家就食得開心啲。發現大家意猶未盡就叫埋 $108 嘅「豉油皇銀芽炒麵」，但求飽肚。用 $160 叫咗五枝大「日本SAPPORO啤酒」嚟飲，之後嗰 $168 係 $14 一位嘅「茶芥」，而另外 $36 係三碟「跟檯小食」。攪埋啲「外賣盒」同「外

龍寶酒家小菜出名抵食仲會不斷推出唔同優惠小菜份量亦好足每逢假日黎到都會爆場通常6:30pm前黎食都安排到枱我地呢晚星期六黎入座時大概入座率有一半到7:00pm時已經爆哂$25乳鴿優惠 一人限叫一隻乳鴿係原隻上 要自己剪開都算肥美 燒得幾香$238 組合優惠：蝦球伊麵配藥膳雞煲蝦球伊麵份量夠3人食蝦肉爽滑 上湯味道唔錯藥膳雞煲係先上一個藥膳湯底等煲滾後先自行再落雞煮藥膳湯好重當歸味 飲完好暖胃雞可能自己煮唔識控制時間有d太熟 但雞肉都算厚實不過就無咩雞味$88 海鮮冬蔭公呢個冬蔭公 我地一家好鍾意食個味拍得上九龍城正宗泰國鋪既美會偏辣少少 湯料好足有菇菌 唔同海鮮 蕃茄肉佢會配個火爐一路座熱住3個人起碼每人都飲到2-3碗龍寶出名經濟實惠 岩哂一家大世黎食小菜真心食過唔差

突然好想食馬拉糕，就搵咗呢間酒樓食，可能我哋得兩個人，唔使等位就可以入坐，我哋點咗兩籠點心，一籠馬拉糕，一籠椰絲甜薄罉，上菜時間都算快，整體兩籠點心都好食，呢餐連埋加一每人都係$41都算抵食。

8月4日，眼科前同事今好友，一如往年，在揾食肥華，呢個牛佬嘅牛一前夕，宴請肥華，在土瓜灣此店，食預祝生日晚讌，難得各好友咁有，揾食肥華心，我亦唔想佢哋花心思點菜，所以自作主張，點咗此店一圍，8人享用嘅全包宴，免得大家傷腦筋，實話實說，今晚呢圍全包宴，除咗個大蝦伊麵質素較差，祗得C+評分外，其他各款菜式，肥華都俾B至B+評語，加上今晚此店，侍應員工對肥華呢枱嘅，服務態度，難講完美但亦克盡己職，對人客要求到位，所以今餐好友賀肥華牛一宴喺👍👍👍👍👍

原本開開心心甘諗住食餐生日飯同老人家慶祝，啲野食既味道完全係勁重味勁咸。準備切蛋糕前需要執枱，有位樓面既阿姐執枱時啲態度勁差，話吾要既放上個轉盤度，一句吾該都冇，好似趕住收工係甘執，執到好似掉野甘，加上有幾個小朋友係度我地都怕佢整親小朋友，完全冇理過張枱既人既感受。到我地話佢兩句就駁您幾句，黑口黑面甘，做到勁燥甘就向顧客發脾氣，好過份，其實甘吾想做做咩仲要對住顧客黑口黑面？完全吾建議大家去依間食！

新年食飯提早預約食飯，留左電話及枱，到左食飯正日，晚市開門一上到,門口個阿姐態度超差，問極都唔認，根住同我講話無位。我同佢講已前一天預約好訂左枱，點次果個姐話見唔到人，將我將枱俾左人地，結果我山長水遠出黎無飯食。老人家到左酒樓，聽到無位，又白走一趟，我非常憤怒。眼見場地空空，未食訂左位都入唔到座。幾個服務員態度勁差:，又無禮貌，同我講無枱俾左人。就算能夠入座，各位都要留意佢收13%服務費，聽到都一肚火。呢間龍寶酒樓永遠都唔會再幫襯。

嘩，食過唔少燒鴿，但今次係這家店試嘅乳鴿真係可以話係正中紅心🎯嘅好滋味！熱辣辣嘅燒乳鴿外皮香脆得嚟唔算咬勁，一咬落去皮脆肉嫩，啖啖肉汁爆炸🤤，真係得意到不得了！重點係，自己動手剪鴿嘅過程，仲可以保持溫度，熱騰騰咀嚼就最正！然後啲翅，佢哋竟然先係你面前展示新鮮程度，再即煮，份量多到我只可以用"實惠"嚟形容，肉質又鮮美又唔乾柴！至於脆皮豬手嘅話，話咁快就冇得試，下次真係要早啲去排隊啦。總括嚟講，這次嘅食驗幾正，無論係味道定係份量，一於係掂晒，確實係平民食堂嘅美味選擇！💯

事件發生在中午午餐時段，有幾名長者等咗一個鐘就去問女支客仲要等幾耐，該女支客個態度就好唔耐煩好惡劣，佢同嗰位長者講都話叫你要耐心等候，於是長者們就同佢啲朋友話唔等轉去其他地方吃午飯，當時該女支客完全漠視該長者回應繼續撳飛，喺呢個時候啲飛突然間跳到得好快過了該長者的飛，於是他們又問女支客點解唔見咗佢張飛，女支客回應他們你張飛我已經幫你們取消了，你去隔離富臨酒家飲茶啦，呢度冇位俾你哋，但該長者話我哋等咗咁耐依家有位都唔俾我哋，女支客回應你哋五個人唔可以俾你哋入坐，佢話依家係叫六人位先可以入去，幾位長者仍然喺度同女支客對質，但女支客仍然不瞅不睬她們，態度兇惡叫佢哋去富臨，女支客繼續撳飛叫其他號碼，於是呢班長者好冇耐地就走啦話以後都唔會嚟呢度.其實該女支客理應要比枱給他們，因為這班老人家當時等候超過45分鐘，既然有枱為何唔可以比張枱佢哋用膳呢？又用啲咁惡劣嘅態度回應人客，呢啲算是什麼服務呢？龍寶作為一個大飲食集團竟然培訓了一位咁劣質服務嘅前枱同事，應該好好檢視一下，現在飲食業處於一個水深火熱嘅冰河時期，該職員竟然可以公開地叫人客去其他酒樓飲茶，唔好嚟呢度，請問呢啲係咩標準🤔

這間舊式酒樓，即使你未在街上看過，打開電視有時都會聽到它的廣告，其實以前我在葵芳，已經光顧過。錦鹵雲吞是舊式茶樓必備菜式相信新式酒樓都不一定有，這個汁不算太酸，它的錦鹵雲吞，中間雲吞有少許蝦以及菜絲，另外雲吞皮脆得夠香脆，中間有些比較大塊，味道相當好。胡椒花膠雞煲果然要等一段時間，來到之後再放上火爐上邊煮熱滾，出煙之後，已經聞到濃郁的胡椒味，雞都有完整半隻，大大隻，不會太乾太鞋太老，花膠大大塊，類似出邊的平價花膠扒，湯底的胡椒味道不會太辣，各人都啱飲叉燒包大個，不過味道普通，不算太特別鮮蝦菜苗餃就夠晒大隻，雖然外皮偏向薄，有一隻剛剛端來的時候就已經穿開了，不過肉汁夠多，蝦亦都非常大隻，爽口，其他材料分量十足，即叫即蒸，溫度夠晒熱。 你唔好以為佢係舊式酒樓就一定大大間冇乜人，估唔到，雖然老字號，不過內裏都係大間，但是食客眾多，因此枱嘅枱之間其實距離不算太遠，可以說是有點兒擠迫的酒樓。點心即叫即整，而且樓面廣闊，因此無論是花膠鍋，定還是其他點心，都要等一段時間

今天(9月27日)要招待幾個外國回來的親戚,就選擇了宋皇臺道龍寶酒家,中午2點半左右打去訂枱,有位姓張還是姓黃(忘記了)的小姐接聽,我說有6位訂6點半的枱,那位小姐跟我說剩最後一張枱,還叮囑我要6點半前要到,我就說沒問題,一定到,然後就致電酒店通知親戚,因他們沒有香港聯絡電話,就這樣約實了,怎知到了大約5點那個酒樓小姐來電說沒有枱了,之前妳還說剩最後一張要我準時到,隔了2個多小時就說沒有,我問她是不是臨時給了熟客,她不承認,我就跟她理論,最後她還恐嚇我,說把我列入黑名單！這就是龍寶待客之道,既然是做街坊生意的酒樓,我就發到街坊群組等大家注意下,原來確認了訂枱也可以分分鐘取消你,你和他理論就把你列入黑名單......

08/09/23屋企人訂生日宴，說清楚價值是$1880。但到結帳時那酒席變了$2880。酒樓職員那時各自推搪，又說不是自己負責訂單的人，訂單的那位職員已下班無從追究。雖然錢唔算多，但為免日後還會有人避坑。最好在訂付按金前，在單據註清楚那圍酒席價格，免食完餐飯後影響心情。大家留意。

每逢放假🎉，都會好想去飲茶☕️。相信呢個念頭係好多香港人🇭🇰身上都會發生，今日就去到一間喺#觀塘 、#土瓜灣 、#長沙灣 、#葵芳 都有分店嘅酒樓，好好享受假日時光💕。今次就嗌咗一個🔴沙律大明蝦角($31.8)、🟢鮮蝦菜苗餃($27.8)、🟤蜜汁叉燒腸($27.8)、🟡脆皮燒乳鴿($37.8)、🔵豉椒鮮魷炒河($98)。三樣點心(明蝦角、菜苗餃、叉燒腸)普普通通😆，不過材料數量札實。食落口，有大大隻蝦仁🦐，多多嘅菜苗🌱同埋叉燒，所以食落都唔差😋。脆皮燒乳鴿🌟🌟🌟🌟燒得幾好🔥，望落外皮油油地，成隻乳鴿唔會瘦削，好多肉🤤，同時好juicy。食落口，外皮口感相當脆，而裡面嘅肉質鮮嫩，點上淮鹽之後🧂，更有一番風味！豉椒鮮魷炒河🌟🌟魷魚🦑嘅量都幾多，成碟嘅份量夠3個人share。雖然話係炒河，但明顯望到豉椒同河粉係分開炒🧐(甚至懷疑河粉只係灼過)，再淋上豉椒同魷魚。所以食之前，要好好撈匀成碟🥢。豉椒同魷魚味道唔錯，咸甜適中，魷魚口感爽口彈牙🤩。但河粉就一般，用上湯河嘅幼身河粉，有啲仲「痴」埋一堆。

今日食完晏晝經過土瓜灣， 突然 落大雨，心諗不如坐低食個下午茶算， 咁啱得咁橋 見到龍寶酒家， 都知道呢間海鮮好抵食， 坐低咗見到隔離枱嗰個叫燒鵝飯， 我冇理由又 食飯， 所以叫咗碗燒鵝米粉 口痕痕見到其他點心 自己 又想點， 不過我 忍住口， 諗住食碗米粉再叫， 見到隔離枱嘅矮瓜煎魚肉好正， 大大件， 只不過係十幾蚊 就有三件， 牛肉就差啲， 兩粒仔細細粒， 人哋 嗰碗 油雞麵都 大大碗， 但我冇理由嚟龍寶食雞咁簡單， 說時遲那時快我 碗燒鵝米粉 到咗， 一啖咬落去個皮仲香脆 ，啲燒鵝油必出嚟， 香到不得了， 加埋個酸梅醬油而不利， 下午茶嘅燒鵝絕對唔係hea你， 你睇下唔係得三兩舊咁， 加埋兩條好正嘅菜心 ， 真係夠飽， 喺我仲諗緊點唔點多籠點心嘅時候， 有侍應就問我係咪啲嘢 都齊曬， 我口快快答咗齊啦， 咁我確實好飽，雖然 又好想食， 最後一碗燒鵝瀨家 加埋 任飲嘅茶， 埋單 盛為 $46