龍寶酒家

營業中

休息中

好少幫襯土瓜灣嘅中式酒家,反而西式快餐店,餐廳比較方便。今日因為有大把時間在手,所以上嚟幫襯試試果場非常闊落剛啱食晏時候1:10pm都唔難搵位(2個),天口太熱唔想食飯只想食點心;最緊要可以狂飲茶解喝兩個人叫咗四個點心$50樓下試試最先到係炒面,咁嘅術街坊價當然心中有數喇。魷魚鬚都唔少而且唔會太油膩,好啱心水值得一讚係叉燒腸粉,因為有蔬菜入餡;比較健康可取適合現代都市人再嚟就係牛肉球,用雲耳伴碟都係第一次見到,有gimmick鮮竹卷最後上檯,所以係非常滾熱騰騰,餡唔算好飽滿。勝在夠熱又唔會太糊口。OK嘅飲飽水出檯面埋單,開嚟$71下次應該會試下午茶時段,可能食得仲平

今日假期到龍寶酒家飲茶。下午茶時間，今日都算多人，要揾位。要了個錦鹵雲吞$38，星期六日加$3。裡面有一隻蝦一件魷魚及一件薄薄的豬潤，豬頸肉就有七八件，芡汁太稀薄，只有少少的甜及酸味，酸甜度太淡，整體味道一般。

初初新開時食，好多食物都很 ok 的。近期久不久都有嚟，睇住佢無論食物，服務...... 都差了。今餐點了特價魚，椒鹽骨，椒絲腐乳通，都係啲家常到不得了嘅菜式。唉，點知椒鹽骨超級乾，又鞋又硬，好似翻炸又翻炸咁。椒絲腐乳通冇味。冇鹹味冇腐乳味，完全唔好味。條魚仔，唉！ $4x 一條魚，都唔要求得多了。豉油又太甜，連蔥都唔香......說實在的，失望了。

意想不到的無得頂超值好食的中式酒樓，燉湯非常足料，如果你唔食魚翅的話，也有很多精心炮製的燉湯，海鮮選擇多而且價錢抵食過傳統海鮮酒家( 因為傳統海鮮酒家需要另外計算加工費)，廚房蒸功一流，小菜和小炒可以好食過深水埗的小菜館( 大部分小菜館地方狹窄兼且很嘈雜， 價錢亦不便宜)， 壽包及甜品也是必然之選 ，去一次未能品嚐晒這麽多的招牌推介，服務員都算不錯，地方闊落乾淨，肯定要寫編食評推介給大家，自己也必定要再相約親友來開心一下。

午市飲茶見突然想吔乳鴿平平地叫左兩隻、絕對驚喜、鴿仔細細、鹵水味勁入味、小硬骨、炸得香脆至極、皮少少甜、隔油功夫一流、成碟斬開冇標油、香、脆、滑、通通做到、比乳鴿專門店有過之而冇不及。十幾種價格组合、平日12点前兩点後24個八。假日27個八、12至2点三十個八。都唔貴、即炸!正……甘香脆！妙品只係翼位有D毛、算正常。執走埋仲正屁股冇怪味頭冇炸甩斬開擺盤精美一人半隻啱啱好多吔冇益其他冇特別正、色深味濃

我以前住土瓜灣，所以一般在附近食。我和先生都喜歡食中式點心。近几年，因物價及人工,租金等飛漲，每一间食肆都加價。我眼見此間龍寶的前身已經易了几間公司名，現在龍寶经已经营有2-3年。鲜菇蒸魚肚 $14.8，草菇味淡但爽口，花膠爽口味带㸃甜，這個點心虽然清淡了點，但非常抵食。南瓜蒸排骨$11.8，南瓜很軟淋，吸收了排骨汁，很甜。排骨咬落带點爽，清甜的味道。津菜蒸牛肉球$10.8，2件，加喼汁，味带少少酸，食落不會滞，還會開胃點。烧汁茄子$12.8，點上带點甜的烧汁，連魚滑一斉食，軟軟滑滑，好味。生炒糥米飯$13.8，我第一次食是1年前舆先生的家姐和丈夫一斉，在此间龍寶食㬇飯，糯米煙煙靭靭，有腊味粒，食落有𡁻口，好香。自此，我就喜歡了這里的糯米飯。脆皮烧乳鸽$30.8，我觉得最抵食，虽然皮不是想像中的脆皮，但是够入味，不用點椒鹽已經很够味。。以假期午市来計，這些點心真是太抵吃了。真的是時光倒流哦。on

宋王臺側間龍寶酒家，上到去地方光猛闊落，服務員推介一圍全包精選飲宴，另外加咗4枝大啤酒埋單價錢1900元，嘩？唔係呀嗎、咁平？好，就來一圍試下，套餐有乳豬仔全體，海蝦伊麵，煎豪餅，炸軟殼蟹及咖喱牛腩煲，白鷄一隻，花甲浸蔬，呢圍酒十二人個個食得好開心。

本身我地訂左圍酒席，我地一家人十幾個，一圍酒席+一圍散叫，可能昨天冬至關系，散叫的就好快上菜，而我個圍酒席呢，食左隻要自己剪嘅乳豬同雞，就等左10幾分鐘先有其他嘢食，最重要系蠔仔餅，粉漿多過蠔，蠔仔得十隻以下，勁bullshit!!!

叫左 鮮蝦春卷， 食左先知黎錯左 芋絲春卷...🙁諗住只叫服務員改單改價錢， 點知劈頭第一句就話我地食左 唔可以換...... 眼神口吻，態度其差！一家人開心嘆茶mood 冇哂

龍寶普通酒樓，但價錢平！有非常多款選擇！經常去的其中一間食店。早餐，有乳鴿，二十多蚊一隻，好味！跟米粉就要三十幾！早餐時段，有平價點心 ，可惜得十多款，唔係太夠！唯有叫些早餐正價點心！午餐，一定貴過早餐時段，但一樣有乳鴿食！有碟頭飯，燒味飯，可惜質素一般。不過，在馬頭圍附近，又要坐得舒服，又要價錢公道！龍寶是好選擇。晩餐，有龍蝦，燒鵝，雞，魚做特價。今次我食了龍蝦，味道一般，不是特別好。之前食過燒鵝，好正！當然唔好用深井質素來比較！瀨尿蝦，避風塘炒法，好好味！不過，記住龍寳不是收加一，係收13%，呢張係古惑的單，等你計唔到幾多。同時，紅酒要收$30一支開瓶費！

今晚中學同學難得聚會，10個老同學加埋超過500歲去近宋皇臺的街坊酒樓，食中秋節全包宴。一席12位$1,980全包，免茶、芥、小食同加13%，仲有2枝珠江啤酒，以及1枝2016年法國紅酒送，雖然唔包汽水飯粥，只要對招呼無嚴格的要求，都非常超值了。首先上乳豬一隻，不過比把較剪你，要自己動手堂剪。最有趣係隻豬無咗兩隻豬手，唔知係唔係用來做下欄？櫻花蝦蠔餅，本來應該最後上，但第二道菜就現身，明顯係廚房做到邊出到邊。蠔餅嘅蠔都唔算細粒，味道普通，不過都叫做鬆化。海鮮大雜燴，做熱葷唔錯，有肉片蝦仁花枝同迷你帶子伴西蘭花，係跟碟個碟蠔油非常鹹。本來排尾二嘅貴妃雞，呢個時候上咗檯，水準竟然唔錯，冰鮮貨雖然無咩雞味，但都做到幾嫩滑。而餐牌排第二嘅上湯海蝦伊麵底，呢個時候終於出場，水準不過不失啦。因為大家都唔想食燕窩，所以明知唔多環保都揀咗食雞燉鮑翅，幾足料，湯亦濃，翅頗多。昆布蘿蔔煮蜆，個配搭幾新鮮，蘿蔔幾夠入味而腍，蜆就細隻咗少少，其實配昆布就似乎唔太啱feel。文公子對套餐的蒸海班，都知道唔可以有太高要求，但今晚條魚雖然係養魚，但蒸得幾滑，火喉剛剛好。玉環釀瑤柱最後出現，雖然唔係瑤柱甫而係絲，但都

見佢賣廣告有平價燒鵝，膽粗粗買半隻，原來係特價加一舊，盛惠$188，心諗試下吧，點知係半隻未發育的燒鵝，比半隻燒鴨還要細，當時向樓面喝罵，可能財到光棍手！人家都掛住接客做生意，懶理！搵笨搵到上心口，無下次！吃過後其實隻鵝除細隻之外，肉無乜調味，只有鵝肉味，只能說不過不失。總之呢間D鵝搵笨居多。

今晚不想煮飯，就到龍寶酒家食龍蝦。到了酒家，竟然要排隊，等了約十五分鐘左右就有位。今晚龍蝦做特價，$68一隻波士頓龍蝦還有伊麵底，抵食龍蝦夠大隻亦好鮮甜，配上湯伊麵，份量足夠兩人食。再點了個藥膳水魚煲，成隻水魚上。水魚肥美，群邊充滿膠質，湯水的藥材味道濃郁，水魚浸在湯中已經好夠味！另外點水魚煲送上湯焗大蝦。我當然不是天真到以為是送的，好在大蝦尚算好味！這個花甲肉浸菜苗真是乏善足陳了。例牌最後送的水果是每人一個蘋果，夠哂健康！

第一次喺呢度寫食評,因為睇完其他人對呢間酒樓嘅食評, 我都想大家可以參考下,值得將我嘅第一次呢間土瓜灣店。新年d親戚返哂大陸 , 所以到今晚先可以聚首, 屋企人有去開龍寶飲茶, 所以就訂左一圍食飯。入到去d工作人員算係快手同周到,只係樓面有少少人手不足的感覺,服務水平因此有少少扣分。 我地食嘅係今日先開始賣嘅$1688套餐, 第一道乳豬就原隻自己剪,可以話係特色又可以話係麻煩, 睇你用咩角度看待, 不過算係多左一個同屋企人嘅話題, 老子劏雞殺鴨解牛都試過, 唯獨未試過剪豬, 大家有興趣都可以試試。 原本個餐12人, 我地得五大人兩小童, 份量上完全可以俾13個大人食, 蠔餅係十分鬆脆又唔散, 比預期中好。炸子雞皮薄脆唔會太咸, 比較健康有帶子炒雞柳西蘭花, 蓮蓉壽包真係值得一提, 唔會造到太大個而且好多蓮蓉, 實在意料之外。因為有d酒樓會做到包皮太厚, 唔知係食緊饅頭定食緊蓮蓉包。最尾水果就係十個橙, 原個未切的, 又係一個可圈可點位, 不過今次因為我地得七個人,索性全部剩餸同橙都帶屋企, 又食又拎。PS.黎緊呀媽生日, 佢指定左返黎呢間食。除左當年食物質素未變差嘅富x/x臨酒樓之後,

落左$300訂，訂左6位年卅晚去食團年飯，但老人家想留返屋企食，咁嗰朝朝早已經打去取消。想話用嗰$300改另一日再去食過，佢話已經留左枱俾我做唔到生意，所以退唔到。有啲失望，如果能夠彈性少少就好。