龍寶酒家

營業中

休息中

今天是清明節正日.親友相約拜山.拜山後晚膳聚會.一行共七個人.由最年長的話事.到土瓜灣龍寶酒家聚餐.佢哋話最欣賞龍寶嘅原隻紅燒乳鴿.所以每人最先來一隻（鎮店之寶.紅燒乳鴿）乳鴿新鮮剛剛炸好.新鮮滾熱騰騰.皮脆肉亂多.上枱小心燙手！今晚共七人聚餐.點餐如下：1. ）原隻紅燒乳鴿 X7 隻👉（特價）2.）個海皇八寶燉冬環 X1 窩3.）蠔皇薑蔥鮑魚雞煲 X1 煲.4.) 涼瓜炒牛肉 X1 碟.5.）風味椒鹽大鱔球 X1 碟.超荀孖寶6.）原隻上湯焗西澳龍蝦伊麵👉約斤半重.7.）原倏沙巴虎斑仔.跟餐敬送冰凍椰青 X1 個.🚶🏻‍♂️👉📌龍寶酒家 (土瓜灣)土瓜灣馬頭涌道90-93號地下及1樓

如果您正在尋找一家高品質的酒樓，我推薦您去這家酒樓。我最近去了這家酒樓，對它的用餐體驗非常滿意。首先，這家酒樓的食品質量非常高。他們的菜式以粵菜為主，我強烈推薦他們的燒味拼盤，這個拼盤包括了叉燒、燒鵝和燒肉等多種燒味，每一種都非常入味，而且口感十分鮮美。此外，他們的海鮮菜式也非常出色，特別是他們的清蒸鮮魚，魚肉鮮嫩、清甜可口，讓人回味無窮。其次，這家酒樓的服務也非常優秀。服務生非常專業和友好，他們會詳細介紹每道菜的特色和做法，並提供一流的飲食建議。他們的服務態度讓我感到非常受歡迎和舒適。最後，這家酒樓的環境也非常舒適。裝潢精美，氣氛溫馨，讓人感到非常放鬆和愉悅。總之，這家酒樓是一個非常值得一試的地方。他們的食品質量、服務和環境都非常出色，讓您的用餐體驗更加愉快和難忘。如果您正在尋找一家高品質的酒樓，那麼我強烈推薦您前往這家酒樓。

龍寶酒家係我住嘅區域有兩間.喺長沙灣都有一間.這幾間我哋都食過.但係我哋都係鍾情土瓜灣店.因為我哋之前食過都一致認為土瓜灣店之比較出衆.食材用料上乘.酒樓個塲比較座得舒服.冷氣充足！但係啲食評成日話啲服務態度有問題.但係我哋又唔覺.每一次我哋叫侍應.一叫即到.有問必答！但係每次去都見到佢哋都爆曬塲.大多數都係家庭或者朋友聚餐.還有啲是喜慶聚會！如果有問題嘅話.點解還有咁多人嚟.晚晚都爆曬塲！今晚與家人聚餐共四人.點餐如下：1. 東江雞（特價.半隻）$5元2. 海參瑤柱花膠雞絲翅（例鍋）X1 $98元3. 鮑汁北菇鵝掌煲（例牌）X1 $108元4. 砵酒焗日本生蠔 X1 $108元5. 鳳梨咕嚕肉 X1 $78元🚶🏻‍♂️👉📌龍寶酒家 (土瓜灣)土瓜灣馬頭涌道90-93號地下及1樓📍📔食評：今晚整體唔錯.有90分.結帳前有飯後果！

貼錢買難受 優惠價隻乳豬 唔切都算連四十幾蚊一隻嘅乳鴿都唔肯同你切乳鴿啲皮冧晒 上菜都唔夠熱似煮完擺好耐攞返去翻熱稻香都好食過佢🤣🤣🤣連龍蝦伊麵都難食真係第一次 🤣🤣 個伊麵底爛蓉蓉咁 可能當半賣半送所以咁拉圾擺到成枱都係餸 食完冇人肯收上菜仲要等你自己拎走個碟先上上菜嗰個阿姐完全唔肯掂 橙都唔肯切 仲好意思收服務費全日唯一有服務嘅就係嗰個啤酒姐姐仲衰過啲打冷 🤣🤣🤣🤣八個人埋單三千祝大家千祈咪中伏😂

大年初一同家人一齊於旺角睇完戲後，家人提議到土瓜灣龍寶酒家晚飯。食物質素唔差，性價比OK。可惜乳豬已經售罄，唯有叫咗半隻燒鵝。另外胡椒花膠雞煲亦香味撲鼻，唔錯。酒樓環境及衛生方面就好一般。碗碟筷子等餐具就建議仔細洗乾淨啲會較安心。服務方面，職員說話係欠缺技巧，好容易得罪顧客 (尤其係新客) 而自己唔知。等緊枱的時候，我留意到負責接待的職員，其實都經常有講"唔好意思", "對唔住"。不過大部分情況都係第一句已經搞到好勞氣。到攞到枱坐低後，負責招呼我地的侍應，服務方面又幾好，無論係介紹菜式，跟進order等，都算用心。

嘩今次真係唔講唔得，真係好垃圾。嗌咗個鮑魚，嗌咗個扇貝，然後仲有雞，菜，乳鴿。鮑魚係完全唔新鮮同埋有陣怪味。扇貝就細粒到粒肉得個一毫子咁大，厚度兩個$10銀都唔到，而個殼個直徑仲短過手指尾。你去叫服務員，再搵經理，根本就完全係態度惡劣，好似你欠咗佢咁，態度完全係食物難食係應份嘅咁嘅款。然之後居然全單埋單係要加13%，話係服務費，我見就完全冇服務，兼夾在場人士大部份都唔知係要收13%。食物差，態度差，又唔係平

22/11/2022 table for 9 ppl for dinner. We had a bad experience with the terrible attitude from the waitresses. Never go to this place again. They demanded for 13% services but there are none services attitude at all. So rude. 服務態度恐怖. 不歡迎 生面口人啦 ??? 侍應會鬧人客 !!!! 從來冇見過咁差

我一去到酒樓先攞飛，後來發現有幾位食客上來接待員能夠稱呼食客的名字，接待員就一概能夠給予座位比佢哋。我問為何他們能遲來但早入，接待員態度極惡劣回覆:佢係符太有Booking。但這間酒樓我嘗試過Booking早茶他們是拒絕這間食肆食物質素不是太差，但接待員工態度惡劣。酒樓裏面員工態度尚可，食物屬於價廉物美，環境尚算乾淨酒樓乳鴿低食，點心種類不算太多，蝦餃燒賣一般。粉麵飯都係大件夾抵食整體評分屬於一般

星期日一家人到龍寶酒家食晚餐，位於土瓜灣馬頭涌道90-93號地下及1樓。 點了個套餐📋有鴻運乳豬全體、 翡翠焗珍寶蝦球長壽伊麵、 富貴彩鳳蚌片珍珠帶子、 清蒸游水大海石斑、 蠔皇花膠炆鵝掌、 瑤柱香妃走地雞、 萬壽蛋黃蓮蓉大蟠桃、 環球鮮時果。 套餐裏面我最欣賞就是鴻運乳豬全體🐖和萬壽蛋黃蓮蓉大蟠桃🍑， 乳豬的皮夠脆， 但要自剪乳豬， 有難度🤣。萬壽蛋黃蓮蓉大蟠桃的蓮蓉幾香滑， 味道甜而不膩。 另外其他菜式就味道普通，翡翠焗珍寶蝦球長壽伊麵有點偏鹹。 整體價錢抵食， 但食物質素普通。🏷️溫馨提示～ 整個用餐體驗均屬個人分享意見， 只作參考😊。

等位明明有枱不俾人入服務態度非常差，等超過一個鐘，接待不停敷衍人，不肯說明情況，或安排客人分開坐，嚴重耽誤客人時間，非常之離譜，不當安排，超級過分，事實上是玩弄客戶，叫人打電話訂座，電話其實打不通的

1.勁鍾意問老人家攞貼士2.去廁所, 有人喺女廁食煙3.全部員工包括經理態度極其惡劣, 互相包庇 投訴都冇用4.出3次單都出錯, 收多咗錢, 明明6個人入坐 計咗8位, 石斑變咗倉魚, 照收貴價錢5.最嬲就係入餐廳比同一個職員撞到兩次要求道歉扮聽唔到 仲要係大力嗰隻！！短頭髮冇戴眼鏡 4x歲左右一定唔會再有第二次

入面啲嘢食講真係好好食嘅，如果淨係在意嘢食好唔好食嘅話就真心食得過。但係服務真係好差，員工黑人面啊，語氣啊，無視人等等都令人食得唔舒服。而且環境衛生有時真心麻麻地，啱啱坐低隻碗入面有飯，隻杯一斟茶就一層油係面等等。齋睇食物佢真心掂嘅，如果綜合黎睇嘅話你仲有其他選擇。

咁大個女都未試過去龍寶酒家家食飯但係最近日日打開電視機都見佢個星洲胡椒花膠煲不停賣廣告影到好似好吸引於是就同屋企人一齊去試下啦我哋叫咗條老虎斑都算大條兩個大人兩個小朋友食都好足夠而且佢係做緊優惠㗎冇記錯好似係68蚊一條四季豆煎豬扒好出奇好食豬扒好林身唔會好韌花膠雞煲其實真係好大份量有一隻雞不過雞肉呢就唔好太高要求肉質好鞋 同普通冰鮮雞冇乜分別花膠都分量好多不過佢嘅花膠同電視上嘅花膠顏色唔同唔知佢係屬於邊一種類嘅花膠我哋仲叫咗一碟素鵝 同平時去素食餐廳食嘅素鵝都幾相似做得幾好味總括嚟講我覺得呢間酒樓就唔算好抵食 除非你叫佢的特價餸菜 而且佢嘅服務費係收13個percent畀其他酒樓高 職員嘅服務態度都係一般 眼見都係老人家去比較多又要排隊攞飛 派飛的前台態度又好差 搞到啲老人家 排隊都排得唔開心攞咗飛全部人又迫喺門口等好耐空氣唔流通其實好容易會傳染疾病所以大家去食之前都係諗清楚先啦

以前細個好多嘢唔鐘意食, 所以唔鍾意飲茶, 覺得好悶好嘥時間, 不過人大咗就發現好多嘢唔係必然, 可以陪屋企人飲吓茶, 其實係一種簡單嘅幸福。🥢蟹籽燒賣皇爽滑彈牙, d 蝦仁好大粒, 香菇唔會太搶太重味。🥢潮式蒸糯米卷好少地方有得食喇, 個包都好軟熟, 糯米軟硬度亦適中。🥢鮮竹牛肉球牛肉球充滿牛肉味, 唔會太粉。🥢金牌流沙包奶黃包如果唔係流沙真係會好古怪, 好彩呢度嘅流沙包做到流心嘅感覺, 唔會太甜。🥢蜜汁叉燒腸腸粉皮略縑有少少粗糙, 唔夠滑, 叉燒亦都有少少鞋口, 麻麻地。🥢家鄉煎薄餅煎到外脆內軟, 份量亦好大。整體食物都好食, 服務亦不錯, 下次飲茶一定會諗起呢度。

好多時去酒樓食嘢，如果隔左一大段長時冇去，會發覺好多時換哂侍應，呢間龍寶算厲害，經歷過限枱二人焗住休息多月，一解禁變四人限聚，成個大場爆哂，仲有幾十人圍住個知客等位，亦仲係嗰堆熟口熟面員工繼續做。如果用雪櫃嚟形容呢間分店，入房係蔬果格、近窗邊係雪櫃門、大廳係雪櫃中間幾格，而廁所一定係冰箱。所以無論外面春夏秋冬都請帶外套。此外因為一入門，左面係麻雀房，正面要行一條十幾級樓梯先到食肆位，輪椅唔friendly慎入。最得意係佢下午一點已經係下午茶，而好似大概2點幾又會飛紙仔嚟又有咩特價下午茶，所以貴極有限。枱與枱有足夠空間，所以隔板都慳番，坐得相對鬆動。因為太肚餓，唔等個特價下午茶都係嗌左瑞士汁乾炒肉絲河頂住先，係乾炒牛河feel只係轉左豬肉，鹹淡適宜所以好快𡁻完。之後嗌滋補藥膳鳳爪，得3隻，不過個汁就好濃兼好重藥材味，差啲以為主角係個汁。草菇干燒伊面就鹹左啲，草菇我諗五六粒度。薑汁燉雙皮奶唔覺有皮，薑汁亦薄，不過$12純粹過口癮。