龍寶酒家

營業中

休息中

電視廣告真係影響幾大, 經常都睇到呢間酒樓賣既廣告, 標榜食物有幾平, 有幾好食, 於是乎就走來試下, 客人真係幾多, 等位都等左成 2-30 分鐘先可以入座等左咁耐有位坐就梗係開心啦, 餐牌都係標榜佢地既晚市優惠食品, 大大隻字講幾優惠, 幾平, 原來只可以揀一款, 跟住見到另一優惠, 什麼開業 18週年益食家, 就係咁樣點左兩樣食物, 再加個例湯唔知係咪依家難請人, 定無無咩人肯做飲食業, 呢度個場唔算太大, 但服務員就得幾個, 想落 order 都要等好耐, 埋到來既仲要係態度串串貢, 一 D 都唔友善, 落個龍蝦要芝士伊麵底, 竟然可以大大聲話唔知要等幾耐, 最好就唔好叫芝士伊麵底, 明白呢個係溫馨提示, 但個態度都唔使咁差, 好似命令緊客人唔好咁落單, 當然唔會理佢, 叫佢照落, 佢個口就不斷講有排等架, 廚房唔知整幾耐等等, 最後都係等左 20-30分鐘, 全部食物上哂枱啦芝士焗龍蝦伊麵底, 完完全全只係炒好隻龍蝦, 舖塊芝士上去放入爐度焗溶佢就攞出來蝦籽柚皮扣花膠, 蝦籽無味, 柚皮亦唔入味, 下面既花膠當然都唔會有咩味, 呢個價錢俾既花膠亦唔會有要求例湯算係最正常既一樣

土瓜灣舊區，有不同的小店餐廳，見到有間望落懷舊既茶樓就去了試。點心即叫即整，完全係比你慢慢坐 傾下計 享受一個上午，即時覺得自己慢活左😂 見到周圍即顧客大多數都係街坊 感覺好溫馨兩個人叫左幾款點心，每樣都係正常水準 ，唔會話太特別驚喜 但都正常。 最特別見到即叫即煎馬蹄糕，呢度仲有其他懷舊糕點，中意懷舊既要去幫襯下！

坐低咗先至見到點心紙上13%服務費，現今香港好小食肆收取13%服務費，我諗我要去光顧多一點先知其服務優點1. 服務尚可2. 漏水就有兩處（坐的枱號99）3. 乾蒸牛肉燒賣無味道4. 腸粉皮厚質感不夠滑5. 粉果味道怪怪地（似把餡料全部混合一起就算 沒有用心調味）6. 波蘿义燒餐包（爐火時間不足）*以上問題希望有改善+

兩口子想求求其其食，醒起朝早經過龍寶見到＄168龍躉兩味，就諗淨係叫168加兩個飯，其實仲低玩過茶記，就去試下。上到去掙扎堂食定外賣之際，帶位就話堂食有其他優惠，見到堂都好寛闊，一於堂食。雖然決意168, 但見到六選一優位，兩位可以叫5蚊半隻雞。決定豪比佢。雞味濃，雞髀都嫩滑，雖然5蚊，但都冇伏。主菜龍躉兩味，魚肉實沒有一夾就散，好有口感，西蘭花有點硬，但沒有臭青味。螺頭花膠湯都係68蚊，兩大舊瘦肉，都叫足料，花膠就係呢種，咁68都唔應該嘅，螺頭乾瑤柱好碎，但至少見到有，都算係咁。下次可以叫鱷魚肉湯48會好啲。另外仲叫咗海哲頭。最後total 4xx, 其實真係叫多咗少少。

最近呢間酒家經常賣廣告，又加上屯馬線通車，所以決定去試下菜。可能係疫情無咁緊張既關係，六點鐘上到去已經坐左一半人，仲要好多都已經係訂左位，所以要 walk in 嘅朋友可能要早少少拎位。今次試菜主要試左廣告入面幾個推介既菜式：燒乳鴿：$18.8 隻。由於佢係優惠菜式，所以每人只限一隻。上檯既時候皮脆肉嫩，都算係交足水準。又因為係特價野既關係，酒樓係唔會幫你將乳鴿一開二，要自己用剪刀處理。蝦子柚皮海參：$98。呢個比較傳統既菜式好少係其他酒樓食到。柚皮炆出嚟嘅感覺都算比較腍，入口亦都冇苦澀味。不過美中不足既地方係芡汁太多將柚皮既原味蓋過。胡椒花膠雞煲：$198。呢個煲佢係寫明有半隻雞同埋十兩花膠係入面。十兩花膠大約有五至六塊大花膠係入面。係煲底仲有一堆娃娃菜墊底。花膠食落去都係一啲中下價質素既感覺。由於酒樓會俾個石油氣爐將個煲保溫，所以湯底既胡椒味會慢慢滲透出嚟，非常特別。清湯蘿蔔牛腩煲：$108。呢個菜比較遜色既地方係蘿蔔同牛腩都比較老身，食落既時候全部有渣。係呢間酒樓食飯有一個特別係佢既服務費係收13%，所以埋單果陣要留意下。但係佢會每位送番個橙俾你，都算係補償番果3%。整體嚟講酒樓

去左補祝母親節唔知大家有冇為意佢晚市有每枱五揀一嘅優惠個日分左兩枱食飯，相影得唔多，實在係記性唔多好，揀重點黎講💰666😕蟹肉燕窩：偏鹹，鮮味不足，唔太推介，一人一鍋食唔曬🤪中蝦伊面：蝦食落總係有d 一粒粒似沙嘅物體，但味係ok.伊面好食😌脆皮雞：皮唔夠脆，雞唔算太熱，凍得快，不過細佬好比面清曬😋芝士焗龍蝦伊面：芝士要加三十蚊，但我之前食過佢嘅上湯板，上湯好食d。據場內姐姐講，啲龍蝦係游水龍蝦，的確味道唔錯💰568😟西蘭花帶子：凍得快，帶子普通貨色，西蘭花純白灼咁，失望😍金沙焗大蝦：超正，送飯堅係掂🤨鮑魚鵝掌：細佬話鮑魚好食，入味，但又好衰咁加左句"似彈牙魚旦"😂😂😂總結：6個人食黎講，今餐唔覺得特別抵，如果比啲心機搵依個價錢應該可以好食啲

🤬呢間野真係唔好嚟貼錢買難受。七個人要求三或者四人兩張枱，堅持要客人六人+1人搭枱，拒絕要求，寧願慢慢等枱。點知終於嘅時候，行到埋知客面前，超黑面知客見到係我地，佢又話撳錯，然後堅持分組兩張三四人枱比其他人入先。一行老人家、小朋友寧願唔食走，見我哋一走即刻就又話有枱！分明玩客，咁嘅服務真係搵鬼去啦！記住呢間野仲要係加服務費13%唔係10%，真係唔知憑咩收咁貴「服務費」！🤬🤬🤬🤬🤬🤬🤬🤬🤬🤬🤬

家庭聚會一行4人叫咗個花膠雞湯煲，有半隻雞、五大塊花膠。食雞味道唔錯，有味道好香。個湯有一胡椒香味，幾特別。個煲仲有超級多淋又甜嘅娃娃菜。仲叫咗一煲臘鴨臘味煲仔飯，超大煲有飯焦，啲臘味係分開上的。所以可能因為咁啲飯無臘味香。仲叫多咗一個特價龍蝦上湯伊麵，有一隻龍蝦，特價$88性價比高。見到隔離枱叫乳鴿，望住應該乳鴿抵食啲。食完每人送一個橙。整體唔錯。家庭聚會貼地抵食。只是員工唔多夠，個個忙到叫極都唔應。

聽朋友講這酒樓有特價菜式,二人可以五選一叫了特價上湯焗龍蝦(伊 麵底) 用上原隻波士頓龍蝦連蒜蓉開邊去煮, 一上枱之後聞到蒜蓉香噴噴 ...食落有鮮濃蝦味，肉質彈牙，同時底層伊麵盡聚湯汁 ..除了特價龍蝦之外...其他小菜都幾大衆化另叫了燒腩仔及口水雞口水雞算大碟，雞肉偏瘦.但醬汁取勝，沒那麼多紅油.卻充滿麻辣香料，加上大青瓜墊底，好有風味燒腩仔，皮脆有口感可惜份量少好快食哂！！！埋單不超過三百尚算合理.有機會都會再光臨

4人中秋節食晚飯散叫咗260蚊的加拿大肉蟹, 肉蟹的味料太濃, 肉質好淋, 冇蟹味, 不是新鮮貨。另外叫咗半隻炸子雞 98蚊, 炸子雞表面好似炸得幾靚, 但一食落口, 有縮味, 應該是變壞咗 先攞嚟炸。18蚊一隻乳鴿亦都係不新鮮, 肉質幾梅下。酒樓門口大大隻字寫住佢哋又平又抵食以平價的食物招來, 實質上當晚的餸菜的價錢並不平, 而且用不新鮮的食物嚟招呼客人, 實在太差。而且佢哋的服務費不是加一, 是要加是加1.13, 在眾多酒樓都非常少見, 佢送埋嗰1個咁多的凍嘅椰子水加幾個蘋果仔, 吾籍要比多0.03比佢。用呢啲咁嘅小禮物, 1千元埋單, 要比多一百三十元。但服務又是一般貨色, 本來約好咗在六點鐘入座, 食到七点50分, 但在六點鐘入座時, 唔同台的人, 竟然有唔同的交待時間, 有些可以食到八點鐘, 佢就要我吔7點40分交枱, 食咗我兩個字時間, 食咗我十分鐘。這間酒樓最主要就係食物質素差。價錢就加埋1.13, 實際上都係吾抵食 又吾好食先至喺。附註: 以上純粹是本人的真實食評及感受, 唔同人有唔同人嘅口味及感受, 有些土瓜灣的街坊可能覺得食開嗰間, 就算食品唔新鮮, 好垃圾, 佢都

記得嗰晚我地收咗工，沿住尖沙咀海傍散步到紅磡黃埔一帶。原先計劃喺附近搵間餐廳食個晚飯，慶祝下Happy Friday。行行下忽然興起，想去龍寶食龍蝦，於是男朋友仔就帶咗我去土瓜灣這間龍寶啦！我地去到都差唔多八點幾，幾乎座無虛席，好多一家大細親朋好友相聚一堂。嚟到當然就點咗我地嘅主菜：上湯龍蝦伊麵啦！餐牌仲有另一款美食推介，可選鮑魚或海蔘或花膠或鵝掌，任擇其二。我地都不約而同地揀咗鮑魚海蔘這個配搭。我地一人一份！好大隻鮑魚同海蔘啊！龍蝦炸得香脆，上湯炆得很入味，啲麵都掛滿湯汁，滋味無窮呢！睇下隻龍蝦尾幾厚肉！隻龍蝦鉗都唔野少！啖啖肉！

爸媽喜歡食中菜,一家人圍在一起食晚飯,聊聊天,是中國人傳統習慣,今次挑選咗龍寶酒樓,皆因我們都喜愛食脆皮乳鴿,一人一隻,又香又脆,超正！爸爸是牛魔王,最愛吃牛坑腩,蘿蔔也很入味,點了潮州鹽水豆腐,配上韭菜鹽水,豆腐細細粒容易食，很香口,很特別,我和媽媽愛花膠海參羹,女人一定要滋潤下,西蘭花帶子也大大粒超好好味,兩個小孩就鍾意食叉燒,龍堡的叉燒王側肥瘦各半,我想送酒一流一家人談談笑笑,過了一個愉快晚上.

新年一家人去拜完年 就出九龍來龍寶酒樓食晚餐。 見到有$10蚊 雞; $18.8 乳鴿; $128 一隻鵝。於是來試下😝 服務好好👍不停換碟 收碟 食物份量夠大。 再加上細心幫你d外套套上保護套 怕整污漕外套! 食完仲送水果-橙🍊 非常貼心的感覺(因為肺炎咁勁有維他命C 補充)。好耐未試過有呢種酒樓的服務😍。 D集團酒樓新酒樓無呢種窩心感覺啦～ 家人表示好開心! 新年時候都係加13%服務費。推薦大家來感受下舊酒樓的感覺🙋

返工食午餐，當然是找一些美味而又抵食的，這間龍寶就成為我返工時的午餐飯堂。龍寶中午1時都已開始有特價，2時還有孖寶優惠，價錢比起其它酒家真是算抵食。五色點心拼盤今日要了個五色點心拼盤有鮮蝦餃、燒賣皇、乾蒸牛肉燒賣、馬拉糕及蒸粉果。我最愛食鮮蝦餃及燒賣皇，而乾蒸牛肉燒賣也不錯。發菜蠔豉眉豆豬骨粥還要了個發菜蠔豉眉豆豬骨粥，當中有很多花生及眉豆，粥底好清甜。

服務態度好差，又漏單，多次追單冇反應。成日好似人地冇錢比，叫龍蝦要多番問是否真係要。一籠壽飽等足一小時都唔嚟，態度又唔好。不建議光顧。環境不乾淨，椅子有水有污漬，最唔好是侍應講野有⻣，好似人地食唔起咁，成餐飯食左4000多元（12人）,感覺勁受佢氣。一開首就漏單，之後再叫又漏，最唔好係睇人唔起，叫一些較貴的食物就多次追問是否真係要，讓人感覺唔好。成枱碗碟又唔收，枱面混亂，好似要幫老細倒米一樣。不會再光顧，一肚氣！