龍寶酒家

營業中

休息中

電視成日賣廣告，好似好抵咁!又龍蝦又雞咁，一於去觀塘廣場15樓間分店試試佢~雖然係平日(仲要係星期一)，但係未夠7點已經座無虛席，想幫襯又唔想等的話就可能要6點零入座了!胡椒花膠雞煲：超多大大舊花膠，再加一大隻雞，配上辣辣嘅胡椒湯，真係令人食指大動龍蝦伊麵：一隻龍蝦開邊，個size都大約一把間尺嘅長度，所以都算多肉了。值得一提，佢已經用D鉗將d硬掘掘嘅地方整碎，只要用小小力就可以整到D肉出黎食，唔錯!如果佢可以提供埋濕紙巾，咁就更perfect蒜蓉粉絲蒸龍蝦：都係龍蝦開邊，粉絲比較少，同一價錢比較下，強烈建議大家選擇伊麵底🙈總結：價位對得住食物水準，位置尚算寛敞，80分

朋友聚餐，3人叫4人餸，食到超飽，好滿足。四人餐$868薑蔥印尼肉蟹燒汁珍菌澳洲帶子老火湯蠔皇金錢皮扣鵝掌清蒸沙巴龍躉斑半隻蒜香脆皮燒雞新鮮椰子水優惠價$168半隻乳豬

聽同事講呢間酒樓好抵食, 講到好吸引, 一於去試吓先! 估唔到平日星期一晚市都會咁爆場, 唔係講笑, 真係座無虛席! 再望一望餐牌, 就知道原因喇! 晚市每枱可以揀一款優惠, 有龍蝦, 老虎班, 乳鴿揀, 價錢真係好鬼抵!! 所以我哋叫左勁多野食波士頓龍蝦配上湯焗伊麵 🦞原隻龍蝦, 一開二上! 勁大隻仲要啖啖肉, 龍蝦肉好新鮮, 仲有伊麵係底, 勁好味古法紅紋龍躉煲 🐟酒樓姐姐強烈推介我哋要試, 真係冇介紹錯, 龍躉肉好好味, 整得好香口! 而且魚嘅份量真係俾足, 有好多件, 配菜仲有支竹同埋冬菇原條海參扣八頭鮑魚 海參好大條, 鮑魚煮到剛好, 好有口感, 個汁好好味蠔皇花膠扣八頭鮑魚 花膠勁大塊, 滿滿膠質, 好滿足燒汁茄子大蝦球 🍆🦐呢煲勁惹味, 大蝦好大隻, 肉質彈牙!! 茄子切到好大件, 有口感高湯銀絲雜菜煲 🥦🥬🍲正常發揮, 好足料, 好多蔬菜喺入邊臨尾仲有生果食, 成餐飯真係好滿足, 酒樓用料靚, 真係大件夾抵食, 每樣餸嘅份量都好足! 不得了, 難怪平日夜晚都爆哂場!

呢排都成日浸住過官塘有野攪,咁今次就黎左呢度食飯喇...其實講真而家真係好少去酒樓食晚飯,話晒都係年輕人嘛!!不過都有驚喜!! 感覺唔差!!我地有四個人叫乳鴿有優惠!!每人一隻, 不過送菜姐姐話,優惠關係所以唔幫你切乳鴿!!要靠自己剪, 一係成隻咬, 都幾有風味!!之後叫左個黑椒豬手煲!!黎果時啫啫聲, 非常香, 食落味道唔駛講!!好好味, 而且好大隻!!之後叫多個薑蔥焗桶蠔!!隻隻桶蠔都有手掌咁大!!一煲大約有4~5隻!!雖然係貴少少, 但係下次都會再叫!!大滿足~~!!之後再叫多個肉~~海山骨!! 佢呢個南乳醬非常惹味!!送酒一流!! 比起京都骨, 生炒骨, 蒜香骨!!更有另一番風味, 最緊要唔係度度都有得食!!最後叫多個菜,呢個無咩特別, 唔多作解釋喇~~整體黎講, 下次都會同屋企人再黎!!唔係太貴, 價錢合理!!服務都算OK, 好易話為!!

一心諗住慶祝母親節加上有朋友介紹話好食試過之後覺得菜式一般價錢亦不值員工服務態度勁勁勁勁勁勁勁勁差,對待客人勁串問少少野都好晦氣以後都唔會再幫襯,亦都唔會介紹任何朋友黎食!!!!!!!!!!!

在apm睇完戲，搵個地方食野啦，到到都好多人，想坐耐少少唯有上茶樓，點知去左兩間茶樓都話母親節前夕無下午茶，無下午茶都算，仲要正價點心加埋價，唉…上個網睇下附近仲有咩揀，原來觀塘廣場有一間，打去問下，店員話佢地有下午茶，仲一點就開始添，態度幾好喎。兩點幾黎到，仲要等位，間茶樓咁大都要等。睇下周圍，個感覺好舊式茶樓，啲地氈同牆紙都有一定歲月。坐低左即刻落點心，點心紙有好多張，最抵係叫孖寶，兩樣加埋先三十蚊。好肚餓，叫左四個孖寶，即係有八個點心，好誇張。點心講真正正常常無乜特別，好處係全部熱辣辣，碟頭都幾大下，個薄餅勁厚身，有鹹菜蔥同火腿粒，鹹鹹地又幾好味。之後見有沙翁推出黎賣又叫左一碟，而加好少見了，幾鬆脆多砂糖，呢個好食，十五蚊三大球，抵食啦。三點半茶樓就熄燈，四點正式落場，太晏黎都幾趕，但整體感覺唔錯，無地方去都會再黎嘅。

雖然多年沒有玩絲襪花，但一直都與絲襪花班老師、同學都保持聯絡，過去年多因疫情而暫停茶聚，最近疫情減少，大家相約在「龍寶酒樓」聚會！茶聚全部都是孖寶之選，其中煎鹹薄撑非常香脆可口，也不算油膩，大家都喜歡。香煎蘿蔔糕吃到粒粒蘿蔔很爽，但如果多些蘿蔔少點兒粉，口感更好！其餘的點心也不過不失。潮洲粉果也不錯，看到有蝦米添，可能我喜歡沙葛的清甜脆口，加上這兒的潮洲粉果竟然沒有葱花，很適合我的味道。久遺了的雞包仔味道尚算不賴！四人共享四份孖寶點心，很足夠了！原來不搭枱茶價每位$9，其實我們剛好是四人，都不能搭枱了！人均消費$42.5都不錯！

呢排澳龍又話入唔倒中國而賣到好平，喺街市見大概二百蚊一斤。所以當見倒報紙廣告話龍蝦伊麵每份$138，瞬間被吸引，即刻打電話去問下詳情。接線員話一份一隻龍蝦，大約重十二至十四両。要留意嘅係上到觀塘廣場十五樓，要再行一層樓梯先到酒樓。相信會有貨到酒樓嗰層，但係我無問倒。芝士龍蝦伊麵 - 龍蝦係開邊上。味道唔錯，不過個汁唔夠杰，介乎上湯同燴之間。雞油豆苗 - 好香，唔油膩，但有啲細碟。不過唔知道點解而家啲豆苗好大條，唔似苗囉。蝦醬骨 - 炸得好乾身，好香口。美中不足係排骨太瘦，而且蝦醬味唔多夠。三個人食完三碟餸都仲未夠喉，再叫多個海參雞煲。調味真係唔錯，空口食都唔覺得咸。海參切到細細條，但比例上都唔算少。雞件又係細細件，好入味，個汁好好味。整體味道係唔嘅，價錢牌又好似係咁上下價錢，只係份量比一般細少少。

約咗屋企人食飯，所以揀中式酒樓。酒樓內已爆滿，好彩預早訂咗枱唔使等位，如果唔係實無位坐。見到個價錢，一個字黎形容: 抵海鮮價錢夠實惠。1. 波士頓龍蝦2隻($196)，上湯開邊焗送伊麵。龍蝦肉彈牙，伊麵份量多，吸收晒龍蝦汁鮮味，$88隻真係”唔食你走寶”。2. 海鮮超值之選($398)，薑蔥焗加拿大蟹煲、豉椒炒莆田聖子、霸王蔥油雞半隻。加拿大蟹夠大隻，肉多且肉質甜美，加上薑蔥十分焗得入味聖子size 一般，而殼比肉多，應該幾碟一齊炒，所以殼同肉數量不一。蔥油雞味道滿意，如多加蔥會更加好。加送3個蘋果。整體來講，黎龍寶一定要叫龍蝦，十分超值抵食。但未知是否好耐無去酒樓食晚飯，一般加一服務費到依家要13%，感到唔係咁化算。

最近成日聽到龍寶酒家賣廣告，$18.8一隻馳名燒乳鴿，成隻攞上手食又真係幾鬼盞。伙計送乳鴿嚟嘅時候已經聞到陣陣香味，乳鴿炸到皮脆肉嫩，熱辣辣🔥仲有煙出。酒樓應該係用雪藏乳鴿，所以肉味欠奉。（註：酒樓有提供手套及較剪給客人）另外，鮑汁花膠扣海參$78，同海參扣八頭鮑魚$78。海參煮得又淋又入味，但鮑魚同花膠就略嫌太硬，對於牙力唔夠嘅食客真係好係攪😆。牙力唔夠就為有食豆腐啦！呢碟豉汁南瓜蒸滑豆腐$58，係用包豆腐，所以黃豆香味較重，點D豆豉醬同豉油嚟送白飯，確實令人好開胃😊。老實講，呢到環境及衛生情況唔係太理想，但就可以食返傳統酒樓嘅菜式。

星期日無野做 約埋三五知己去開檯 點知發現左一個超平的雀局套餐 價錢只係$588 由下午3點打到夜晚12點 仲要包埋4餸1湯 真係去邊到搵啊老細 果晚 有條班仔 金銀蛋菠菜 燒味雙併 同埋啫啫雞煲 全部的味道都不過不失 我個人認為都幾好味 如果要打牌的話 我會推薦這裏給大家

今年中秋節只係可以幾個人一起食飯，所以就找了這間餐廳來一個團聚飯，這間餐廳的份量很大的，足夠我們的份量，而我比喜歡椒鹽鮑魚，因為又香又Q彈真的好有避風塘的味道，還有京都骨，肉香而帶甜酸，讓我們胃口打開還有蒸斑魚時間剛剛好又嫩滑又鮮味，今晚真的滿足哂大家的口福。

上到15樓要再行樓梯，同屋企人食飯，有老人家，要咁行，唔太方便。埸唔細，不過應該大家都抗疫疲勞，所以full晒。有幾個set 揀，見有個set 368有🦐同🦀, 幾筍咁就order呢個，之後侍應話有蝦同蟹嘅餐都無得供應，因為今晚海鮮只得魚同龍蝦，咁其實幾個set得返一個set係無蝦同蟹😏, 我地唔想煩咁就要咗嗰個餐 (半隻雞，魚腩煲，蝦多士同個湯），另外加咗個雜菜粉絲煲88蚊，同特價乳鴿3隻每隻18.8。《湯》係合掌瓜湯，好大煲，幾足料《乳鴿》嚟到個樣同隔離檯有啲唔同，無斬件上，我地問點解？侍應話特價係唔會斬件，我地啞咗🙄, 不過味道係ok嘅，熱辣辣，幾香囗。《魚腩煲》魚腩得4,5件，其他係豆腐，燒肉同冬菇，整體好鹹😑《雞》都幾滑幾香😙《蝦多士》一共六件，係厚多士，好香好脆😋，蝦都彈牙跟餐送咗個椰青同埋每人一個橙，椰青只俾咗支飲管我，無匙羹。overall野食係ok嘅，不過無得供應嘅野唔早講就有啲無奈，另外侍應好hea, 成日扮睇唔倒客人真係好扣分👎，想要茶，想要匙羹，想埋單叫極都無人應個個扮睇唔倒，其實而家飲食業唔係寒冬咩？有工開係咪要積極少少？

除左稻香每年推出1蚊雞優惠（由任叫到限叫，越黎越度縮），龍寶酒家晚市都有幾款優惠可選其一，包括$10雞，$18.8 乳鴿，$68老虎斑及$128 燒鵝！乳鴿 $18.8一隻真係好抵！脆皮，肉嫩，搣開隻脾會漏油。其他小菜中規中矩，四川口水雞 $48味道幾開胃，微辣，我呢碟雞胸肉多。茄子牛筋腩煲 $78有驚喜，份量幾大煲，牛筋腩夠淋唔痴牙，不過係有少少油。客家鯪魚煎釀豆腐 $68有啲失色，豆腐比較實。食過其中三間分店，乳鴿都係正既，但小菜就水準飄忽，好像每次都總有一個小菜唔掂呢。

之前有朋友食過呢間既長腳蟹宴話好食, 今晚嚟試食下, 雖然冇咗個長腳蟹餐, 我地就叫咗另一款餐再加隻長腳蟹, 平日呢到都好旺場, 可能又咁啱就到做冬日日出去食飯既關係呢條魚蒸得啱啱好, 又冇過龍有肉渣, 魚好滑同好嫩口呢碟小炒酸酸甜甜好開胃, 而且肉都好嫩口鮑魚仔都好新鮮, 爽口彈牙豉油雞肉質都好滑, 都不錯這款小菜其他酒樓都會有得食, 整體上都OK豆苗都幾好食, 但整體上偏咸龍蝦好新鮮, 肉質夠爽好味炸魷魚唔係間間都好食, 因為好多炸粉變相就冇咁好食, 但呢到就唔同, 炸粉比例適中, 好好味老火湯都不錯, 唔覺有味精馬拉糕都好好食今日既主角出場, 長腳蟹.....肉汁鮮又多汁, 蟹蓋開咗裡面都好多汁同膏, 超讚呀!小食都唔錯, 青瓜爽口新鮮*** 總結: 長腳蟹真係會食過翻尋味