龍悅 (寶達商場) (已結業)

以多年飲茶經驗來說整體是一般般，我住十多年秀茂坪 從未試過，今次揀呢到也是地點方便啫。 試中午午飯時間去飲茶 ，中午12:30 咁上下，整體啱啱合格咁。街坊價錢街坊味道。勝在易搵位 ，我吃蝦腸，煎茄子，炸雲吞，生滾魚腩粥，牛肉球，焯菜心，糯米卷 。 正常冇中伏 ，為獨炸物值得一讚👍🏾👍🏾😜。脆卜卜又熱辣辣，不是千年油 炸到金黃色而且那酸甜汁好味道 ！可惜我忘記拍照📷。不過未試過晚飯小菜，不知廚房水準如何？

啱啱幫襯完呢間酒樓，唔使禁飛令Number，直接可以安排你入去，入去先知道原來係要同人哋搭枱，之前完全冇通知，坐低見到枱同枱之間係冇一米距離，大概10張枱裏面有兩張枱有塊透明膠版隔住，但係搭枱竟然係冇任何膠板隔開，到底係點樣嘅邏輯先會有咁嘅安排？叫員工過嚟可否幫忙攞塊板隔開，始終搭枱距離太近，呢啲全部老員工仲大聲夾惡，個個字都聽得明，組成句子完全扮聽唔明，仲話冇規定要咁做，再叫經理過嚟同你講數，公司冇規定要咁做，最後擾攘左一輪，幫我加返塊透明膠板喺中間，其實唔係為咗同老人家嚟食，又係呢啲垃圾屋邨酒樓，絕對係唔會想幫襯，咁樣嘅態度，咁樣嘅處事方式，🤣到底幾優質嘅管理層先可以培養到咁優質嘅員工？憑乜收取+1服務費？

觀塘一間酒家早市孖寶 薑汁雞包仔 豉汁蒸鳳爪 陳皮牛肉球 煎釀茄子最突出係煎釀茄子 建議再點雞包仔都好味 好大件鳳爪嫩滑 容易入口 味道一流牛肉球偏向比較散燒賣兩粒(冇影到)兩隻水晶鮮蝦餃唔太突出 但可以一試豉蒜蒸排骨 濃濃的蒜香 肉質嫩滑京式小籠包配上醬汁 突出咗個肉味一到即食最佳 有湯汁馬友肉餅飯飯底唔錯 肉餅結實去咗觀塘嗰間 仲有好多分店有分早市 午市 下午茶 晚市今次選擇咗早市去食總括而言 好食同好飽可以安心坐下來 享受放假時間

今日第一次喺龍悅酒家食晚餐，環境唔錯，職員招呼冇怠慢，環境衛生清㓗，北京片皮鴨餐幾百蚊真係街坊嘅價錢，品質唔錯，食材新鮮，份量都好足夠，只係食物嘅熱度不足如有改善，我會繼續幫襯，

飲茶黎講 野食水準叫okay 都幾入味既 食左shrimp dumbling 有discount $9.5 2粒 都okay. 之後重點食左abalone $40. Abalone 好細粒 不過價錢都擺咗係到 無expectation but can do better

此餐廳地點在寶達，鍋底，$58，鴛鴦湯底，可選沙嗲，芫茜，麻辣。麻辣鍋頭15分鐘不是好辣，煲咗15分鐘後就開始辣了，越耐越辣，啲辣料開始爆發。手切肥牛，$148，肥瘦均勻，塊塊大細差不多，幾好。流浮山生蠔，$148，大大只，重蠔味，又有少少海水味，食落口超好味。炸芋頭，$32，先炸好後落鍋，食落口好松化，好粉，好好味。自家手包雲吞，＄42，有八粒，可加$5變雙拼。雲吞中size，毎粒都有蝦系裡面，味道不錯。拼了鮮魚腩，魚腩大大塊，新鮮好味。菜每款$18，細細盤，咁就可以食多幾款菜喔！啤酒，青島$22，藍妹$30如果想食平啲，餐廳仲有好多款㨂。如：海鮮鍋，早一日預訂$238，即場落單$368花雕，醉雞鍋，$138，加$38有一客細的安格斯肥牛。雞煲套餐，$298兩位，$598四位。

街坊 所以 唔想行就去樓下食 啲人其實大部分係之前德馨苑啲人一到節日 賣糕 月餅 呢啲例㗎啦其他時間一般唔理你 明明見到我舉手 都扮睇唔到 嚟到仲係有啲嬲嘅感覺我寫好舉左兩三分鐘先有人嚟 仲要好似怪我舉得耐有啲阿叔俾左小費啲員工 連茶都幫你沖好整好 得閒嚟同你傾下添當你吧嘅嘢食賣曬 員工唔會話比你知我追單嘅時候 員工先同你講賣曬有時會漏單 跟進嘅速度都唔快有啲酒樓可能仲print 張單俾你睇 呢到通常係無嘅 你講有咩漏 我幫你睇收食哂嘢啲碟 加水都唔理 全靠你運氣 員工大部分睇都唔應 擰轉頭扮睇唔到嘢食資素參差 你唔可以用你個日嘅嘢作準其實好誠實咁講 連安達個間都好好多 點心一般 服務差到咁 俾嘅錢又唔係平

呢度酒樓質素好唔錯佢有一個點心拼盤 好啱小人數去飲茶叫有時少人去飲茶 食唔曬咁多籠選擇又少點心拼盤有幾款點心每款兩件就算兩個人叫一籠點心拼盤都食得哂紅棗糕係我最推介嘅食物佢唔會有酸澀味 而且一層層好分明有微微甜香 好好食！

母親節因媽媽工作關係，想在寶達商場附近飲茶，本身住港島，上網查看龍悅的評語極差，說什麼垃圾服務、垃圾食物，對酒樓已經先入為主覺得一定有問題，所以一直很卻步。但因為覺得母親節還是飲茶比較適合，決定搏一搏。去到酒樓拿飛，發現環境比想像好，食物也不錯，而且價錢非常相宜，服務也很親切，不明白為何有這麼多劣評！平時沒有寫開食評，但因為實際情況跟網上食評落差太大，所以決定點都要寫幾句替酒樓平反一下！可能，競爭太激烈吧！

31/12/20182018年最後的一天 約了朋友去打邊爐6:30左右到 入到去 寫了紙 諗住第一轉每樣都寫（其實都3樣野食需寫紙 肥牛 羊肉 生蠔）先講肥牛 冇牛味 好厚 難咬 雪到勁硬 d雪將牛痴住個碟 而羊肉 同牛一樣 到生蠔 雪得最硬 好似石頭咁 中伏都算 因為冇諗過好好食 食完後本身諗住再叫多次7:10左右職員話生蠔賣晒 咁早就賣晒 係咪玩野 仲要話任食 食手指咩 仲有既就係 係出面伶既野食 去到已剩少量食物 好似昨晚食剩的食物 之後朋友去問餐廳職員 職員仲話魚切緊 最後等左半個鍾先有魚出黎 但魚似超級市場賣既已切好的雪藏魚 硬到可以當石頭用 而中途叫人加水 答案係水係呢到 自已加 講完即走 但問題 個水壺冇晒水 臨走時去伶雪糕食 見無匙羹咪行去好禮貌地問d職員拿 個職員拿了 用力地揼落去個雪櫃傾盒裏 即轉身走人 全個動作好型 但勁冇禮貌 其間都仲有個問題 是7:4x時有人入黎話打邊爐 職員無主動同客人講冇晒生蠔 朋友順氣唔順便走過去提提那枱客 之後個職員即場補句 生蠔賣晒 如唔打邊爐可以轉小炒 其實係咪特登唔講就只有她知，因為有一枱客是咁中伏。

今日星期六，平時都會黎飲茶，因為附近唔多酒樓。今日食下午茶蒜蓉蝦春卷$19.8炸好香脆，隻蝦大大粒，點埋個醬汁個味道更加出色。野菜煎薄餅$19.8牛肉球 - 中點 望落比較細粒😰拼盤點心 $53🔸叉燒包🔸燒賣 🔸蝦餃🔸粉果🔸紅棗糕 - 口感煙軔，唔會痴牙其實係為咗呢個拼盤嚟食嘅，呢個拼盤每款都有兩件，岩哂想食多款點心既朋友。同埋呢個拼盤都算抵食。😃呢到服務痳痳，唔系好理人，有時10問9唔應，可能又唔夠人手關系？

基乎每星期去一次每去一次就想反枱一次比枱入去，無人執枱好聲好氣叫，至少5人行過對到眼都走咗去睇住個樓面去執人地枱先都唔應之後嚟到執枱就發悔氣嘭嘭聲放野，我欠你？-------------------------叫落單，追問先發現漏單想拜託快少少，等咗成45分鐘個樓面答你：唔得-------------------------換咗個店長都仲係咁嘅態度借問聲做乜春酒樓？-------------------------

我地住附近的，因為邨入面得兩間酒樓，所以都叫成日黎這間飲茶，但次次都谷鬼氣，飲到好勞氣，如果唔係老人家唔方便走動，真係貼錢都唔黎食。食哂野食的碟，叫人加水收野都唔理，睇都又唔應，仲要擰轉頭扮睇唔到，有貼士就黏埋去，冇就彩你都傻。老實說，我地俾左加一服務費，你地俾番少少服務和好少少態度，我地都唔洗食到咁嬲，有邊個食野想嬲住咁食？但連個經理都係唔做野態度差，又可以點樣投訴呢？這間酒樓平日好多老人家和一家大細黎飲茶，好多時都係想食下一盅兩件開心下，希望這間酒樓可以改善下服務

呢間酒樓服務差到冇得再差，員工只會對有比貼士既客人有提供服務，對其他客人卻毫不理會，盡管客人多次舉手同叫唔該，都冇人理會，一間酒樓既服務做到咁差，應該係話冇服務既酒樓點解仲可以繼續做落去，由職位最大到最細都係，即使投訴都冇用。真係想知d員工做咩野，水要客人自己加，碟放曬係枱面，都冇人收，仲要加一服務費，請問服務過咩呢？全部都係客人自己做，員工有服務過咩。當野食賣曬，員工唔會話比你知，客人追單果時，員工先同你講賣曬，呢d叫服務，真係垃圾服務。呢間酒樓既員工真係物以類聚，全部都係垃圾，垃圾，垃圾，垃圾，統統都係垃圾。

今日買餸見$68 一斤比街市$80平，就打算買一斤半肥瘦試下。d到係先結帳後取貨，比完錢見佢斬，嘩！瘦到呢，開聲提一提佢，就話d貨係咁，然後越切越大舊。做街坊生意做到咁，好難再幫襯。