龍悅 (寶達商場) (已結業)

啱啱幫襯完呢間酒樓，唔使禁飛令Number，直接可以安排你入去，入去先知道原來係要同人哋搭枱，之前完全冇通知，坐低見到枱同枱之間係冇一米距離，大概10張枱裏面有兩張枱有塊透明膠版隔住，但係搭枱竟然係冇任何膠板隔開，到底係點樣嘅邏輯先會有咁嘅安排？叫員工過嚟可否幫忙攞塊板隔開，始終搭枱距離太近，呢啲全部老員工仲大聲夾惡，個個字都聽得明，組成句子完全扮聽唔明，仲話冇規定要咁做，再叫經理過嚟同你講數，公司冇規定要咁做，最後擾攘左一輪，幫我加返塊透明膠板喺中間，其實唔係為咗同老人家嚟食，又係呢啲垃圾屋邨酒樓，絕對係唔會想幫襯，咁樣嘅態度，咁樣嘅處事方式，🤣到底幾優質嘅管理層先可以培養到咁優質嘅員工？憑乜收取+1服務費？