龍皇酒家 (世貿中心) (已結業)

因為見佢成日賣廣告有D咩優惠做緊好似幾抵食，尋晚走去左試。我地係散叫無叫佢地既套餐，叫左半隻豉油皇脆雞，4碗招牌魚翅濃湯，龍躉兩味同一個椒絲腐乳通菜同兩碗糖水。個龍躉係個經理介紹既，佢話好抵食，咁就試下啦。所有野賣相都OK靚，但係食物既份量真係非常精緻!!!!!半隻雞個Size 好似一隻bb雞既大小，d雞淡淡無咩味。招牌魚翅濃湯，個色水好靚但一氣魚翅都無，全部都係魚唇同埋個湯都有D腥!龍躉兩味，一邊係炸既一邊係伴西芹炒既，龍躉都ok滑，佢都真係幾好刀法，d西芹好似一條開4咁勁幼!!! 炸個透仲衰，只係上d炸粉炸下佢，無味道，而且成碟野只係得數埋唔夠8嚿魚，仲要骨多過肉!!!!個菜真係炒得好麻麻，係茶記叫個菜都炒得好食過佢。!全晚最好食既係個糖水囉!其實上得去食真係預左要過千蚊埋單，但佢比D咁既野我就真係唔係幾ok囉。最攪笑係個經理問我夠唔夠食同佢個兩味得唔得呀，我答佢真係麻麻地，佢就話:吓?!唔係卦....之後就行開左......其實我地尋晚只係兩個大人+1個細路同一個老心家，基本上應該夠食，但大家食完都真係唔飽囉.....埋單要差唔多千六蚊，我決定以後都唔會再去!唯有既讚就係裝修囉!

I\ve just tried different kinds of dim sum and specialities today, ranging from 豬頸肉, congee with fish fillets, boneless eels, chicken feet with abalone sauce, soup with wonton,dumplings, almond tea and even coffee. I even bought 3 extra dumplings as take-away because they are not greasy but very tasty, suitable for the elderly. All are of high quality, together with the seaview and personalised service from Captain Eric. All dishes are nice without MSG. The toilet is sparkling. I booked my tabl

食到一肚氣!!好嬲好嬲!!千企唔好去呀!!今晚為咗慶祝uncle生日諗住揾間高級的中菜酒家食返餐好嘢,價錢預咗會貴,最緊要食得開心,一入到去裝修同環境都唔錯,諗住都會食得過,點知一坐低就有個呀姐好hard sell我地飲紅酒,我地話唔飲,佢又sell什麼健康飲品,我地話唔駛佢又sell汽水啤酒總之煩到你嘔(唔係殷勤果隻介紹,而係好格硬迫你要果隻)超煩!,因為uncle鍾意食蒸新鮮魚,睇完餐牌選咗個精選海鮮宴(四位用)$888,包括燉湯,清蒸海班,如意炒南非鮑魚,脆皮雞,肉碎四季豆,飲完湯D餸就上,無啦啦攞咗煲豆腐班頭腩嚟,我地即刻問佢地攪乜,點知個待應話唔清楚話揾個上司問下,又係果個呀姐呀!佢話今晚無蒸魚硬要我地食,一時又話無細魚得大魚,又話自己疏忽無問我地,跟住又話我地挾過無得退,佢又話自己話唔到事,越諗越唔嬲叫咗個高級D嘅嚟,仲九唔搭八話如果我地唔要個呀姐要自己比返錢,其實佢地係有蒸魚,如果我地要加錢就有喎,點知條魚上枱得啖笑,細細條得十両到,跟本就想屈人比多D,好心啦,裝修得幾好都無用,D service 衰到爆,免費都唔會再去!特此通知各位勿試!!

今日同朋友去銅鑼灣龍皇酒家食咗一頓成世人最唔開心的晚餐.19:00(各位,時間好重要,記住個時間先)入去坐低,環境外觀尚算唔錯,亦預咗價錢唔平,睇餐牌點好晒心目中想食的菜式,叫侍應生寫菜,先點前菜,未寫就話無,咁佢就介紹另一樣,心想無所謂啦..點知後來又話無..都算喇..最終要咗三樣並不是心想要的,枱上面有個牌寫住晚市介紹之類的餐牌,心想你show得出來,點這些一定會有..咁叫了半隻米鴨..又來喇...對唔住呀,好多客人叫咗,已經沽清..(又無)..又算,食龍蝦啦..3斤之內啦..轉個返來又話..唔好意思,今晚啲龍蝦全部做晒一份份出,一份498..我問佢加伊底要多少錢..加多一佰元,算啦,都無嘢可再點囉,照要,另外見隔離枱叫鐵板蔥蠔好香.又叫來試試好..主角出場鐵板蔥蠔,點解一粒聲都無,剛才人家個碟之之聲又好香..咬一口蠔,一點點暧..咁點收貨呀..叫部長來,佢話"哦..無咗啲聲啫.呵呵"咁就行開咗,你話條氣點順,叫個高層的過來,佢就收返入去換過..唉..到龍蝦啦.仲失望,分得來每人得小小伊麵,二片龍蝦肉,當時佢話龍蝦球..我們真的心淡.我本人對食的要求不高,而且食好少便足夠,但我今日

在附近上班，由綠楊村食到最近新開的龍皇，貪新鮮，午市都需要預訂，尤其是星期六日，訂了還要在外面等．平日走廊的二人至四人位拉起絲質curtin,幾特別和exclusive.與客食飯就選擇海景位，都幾舒服。服務方面就覺得他們總是唔夠人，人也不夠專業，除了一兩位經理之外．而有一次晚上訂了他們每天一個特價的食物，那天是＄９９元的四頭鮑，超細，好失望．我們還點了＄３９８的雞翅，不錯．其餘的都可以，只是德州牛肉味道像剛解凍一樣，有點軟和不入味．晚上那天是星期一，只有四分一坐滿．整體價錢也是貴的，平均午餐也要＄１００一人，晚餐也要四百一人以上．