龍皇酒家 (世貿中心) (已結業)

小妹係銅鑼灣工作都成年啦，平時食lunch都係自家叮叮飯盒，或者同同事出去食下平野咁，賺得唔多，點都要睇住荷包做人既。今日就唔同啦，老細話萬歲飲茶(可能因為接到大生意啦。)，終於可以試下貴野龍皇啦。熾哥平時電視就見得多，食佢間酒樓都係第一次。我地一早book左位，十個人可以坐窗口位，本身海景應該好靚既，但又落雨....叫咩食就大粒野發板啦，我有得食就得架啦！哈哈！首先黎既係燒腩仔，一粒粒咁切到好似骰仔咁。好味呀，皮夠脆，肉夠嫩！唔錯！跟住有一般蝦餃燒賣咁，唔算太大驚喜啦，中上程度。另外有個石頭鍋上的生煎包，幾得意既，有埋d蔥係底，會香d。但係我係上海食過太好味的生煎包了，珠玉在前，龍皇既都唔算太吸引我。但平心而論，龍皇的生煎包比香港好多間酒樓好，其他既大部份都又硬又油又無汁。甜品就有驚喜啦！食菠蘿包食菠蘿，好得意呀，香甜好味。其他重有d炒粉麵飯，時茶咁，不太特別就唔講了。今餐都幾滿意，多謝老細！食定呢餐又要番公司做野啦...

下午在世貿龍皇酒家飲茶，一行四人點了以下美食：水晶禮盒：以黑松露、雞脾菇、靈芝菇、翠瓜等切粒作餡料，放入晶瑩剔透的水晶餃皮，賣相精緻，菌香四溢，不俗。沙巴蝦餃：一隻十二摺的蝦餃，皮薄小巧，配上爽口鮮蝦，亦是佳作之一。燒汁煎包：以燒熱的石窩盛載，香氣處處。煎包外層帶點脆口，內層主要以雞肉作餡，並配上黑椒燒汁，屬惹味之作。藕斷絲連：賣相特別，外層酥皮鬆化，內裡包含奶皇、忌廉、芒果等甜食材作餡，配搭特別。香茜叉燒腸：腸粉皮薄，叉燒肉厚，不俗。南翔小籠包：皮薄肉嫰多汁，都幾好食。焗蛋撻仔：酥皮鬆化，富蛋香，倘若出菜温度更高會更理想。飄香荷葉飯：飯粒濕度色水均勻，配上搖柱、蝦米、豬肉等食材炒勻，調味恰到好處，味道不會過濃，荷香仍在。整體而言，食物質素上佳，點心製作小巧有功架，可以一試。

今次為左慶祝Mammy 生日, 去左龍皇食lunch 呢! 我地3個人叫左: 脆皮燒腩仔龍皇一品炒飯燒汁煎包鮑片燒賣帶子腸粉樣樣野都好好味啊! 最值得推介得有燒腩仔同埋燒汁煎包雖然燒腩仔有d 貴, 不過真係好新鮮好好味, 皮脆又肉厚, 而且又唔太肥燒汁煎包又係另一招牌菜, 基本上9成table 都會叫呢個煎包呢, 所以成日都會聞到好香既煎包味煎包因為用熱鍋上所以好熱啊, 通常都要等一陣先可以放入口, 而入面的肉都好juicy 架!!! 一人食一個都已經會飽左3成ga la~~至於個龍皇一品炒飯呢, 其實除左炒得好香同埋鋪左瑤柱之外, 其他用料上都無咩特別所以下次我會prefer 叫多d 點心好d, 因為佢d 點心真係好好味啊~~

星期日，又想去飲茶，去到銅鑼灣，冇book位，上去龍皇博下，有位，但係要12:45交檯，見有一個鐘，都好啦。環境好似"美女與野獸"嘅"Let's Party"咁，啲蠋台"飛"哂上天(一笑)，都ok啦。服務人手麻麻地夠，不過態度ok。食品蘿蔔絲酥餅(前) $29 ~ 用紫菜鋪底，入口酥化，蘿蔔絲夠多，味鮮，正。菠蘿叉燒餐飽(後) $29 ~ 皮酥，叉燒夠熱且香，好味。七味魷魚鬚 ($48) ~ 炸醬薄，魷魚鬚軟熟，不油味鮮有嚼勁，超正。健康紫薯壽桃仔 ($20) ~ 紫薯香，小小鹹蛋黃，皮軟熟，好。水晶禮盒 ($33) ~ 皮-晶瑩通透，餡料~黑松露不多，所以唔搶味，剛好。(我本身不太喜歡黑松露，太搶味)排骨蒸陳村粉 ($33) ~ 陳村粉太厚似河粉，排骨冇乜肉，排骨味未入陳村粉，差。鮑魚燒賣皇 ($33) ~ 一般，上面加咗一小塊鮑魚，都係"添好運"加杞子好啲。麻香頭抽炒麵 ($93) ~ 貴係貴咗啲，不過炒得唔錯，爽口，鼓油味夠而不鹹，只係肥咗小小，整體係好。桂花鮮准山 ($58) ~ 比較清淡，粉口，但係桂花味有啲似香水，麻麻地。無間道 ~ 其實係芝麻杏仁布甸，過甜，杏仁部份好過芝

雞腳燉螺頭 ~ 超好味^^, 真材實料, 無味精, 係就係貴左小小, 螺頭好淋, 好鮮甜.千頁豆腐 - 賣相靚, 考師父刀工, 味道一般.o者 o者 生菜煲, 一般.海山骨 - 同南乳骨差唔多, 都係好味!乾蔥沙彊雞煲 ~ 睇完MENU完全唔知係咁樣, 幾特別, 又好好味!

那天與長輩食午餐，那天的天氣不錯，可遠觀的窗子令人心情開朗。食物質素高而且有驚喜，例如生煎包居然用石頭窩上，一直保持熱度；杏仁汁芝麻杯香滑；帶子腸粉的帶子清甜等。我們點的食物即使沒有，侍者仍很有禮貌的講解其他食物代替。服務態度好，即使是請他們剪開點心，容易分配，他們都十分樂意。

很久很久以前當幟哥還是帶著麗梅姐四處去覓食的時候，龍皇的取價是絕對超值，鮑參翅肚餐還有砵酒蠔+炸魚、燒鷄、魚湯皇帝菜，才二佰幾一位，實惠得驚人，食物質素和味道絕對沒將貨就價，簡直食一餐賺一餐！後來幟哥「跳糟」去無線，龍皇的價錢也開始三級跳！哈哈！越貴越旺！白酒胡椒大蝦粉絲煲從餐牌中消失了，換上白酒胡椒螃蟹粉絲煲，價錢即可叫高三倍以上！作為一種「補償」，食客常常可以踫到明星/著名風水師/電視台或唱片公司高層坐在你左近，陪你用膳。現在我很少去了，反而經常介紹國內的暴發戶朋友去追「星」！

龍皇點心已試過數次，吃晚飯還是第一次。是晚乃與中學舊同學聚餐，點了例湯、半隻片皮鴨、海山骨和清炒豆苗。龍皇乃前利苑總廚所開，菜式亦有不少與利苑相似，但依是晚水準而言還未能和利苑（灣仔）比肩。例湯水準與利苑相若；半煲售八十多元，略貴於利苑。海山骨炸得十分乾，完全不能和利苑比，以往曾於午市點海山雞翼，比今次海山骨還好。真不知為何今次炸得那麼差，莫說利苑其他中價酒樓亦較龍皇佳。片皮鴨水準中上，鴨皮亦頗香頗脆。友人耍求鴨骨和鴨肉打包，經理報以怪異之眼神，想此職員不知時下風氣崇尚不浪費，友人幼承庭訓，深知稼穡維艱，故打包鴨骨作煲湯之用。總言之，利苑依然較龍皇好。論環境，龍皇能遠眺美麗之維港夜景，確令人神往。

I just had lunch at the Dragon King Restaurant in World Trade Center this afternoon under suggestion of a friend and another colleague. This is a restaurant “managed” by one of those celebrity chefs; however, it was just overly praised and priced; and the food was nothing to write home or suggest to others.We had the following:1.Shrimp dumpling – Tasteless and overly priced. 2.Vegetarian dumpling – Okay but if you ordered the steamed crystal dumplings with mixed mushrooms and black truffle, th

今天約了屋企人飲茶,一早book 了龍皇.去到等了約2分鐘就很快安排到入座了.今日試的主要是點心, 5個人點了9碟點心, 一牒炒飯, 剛剛好的份量.點心包括:沙巴海蝦蛟, 鮑魚燒賣皇, 山竹牛肉球, 叉燒腸粉, 上素粉果, 鮑汁鳳爪, 冰燒三層肉, 鬆脆麻花, 椰香桂花糕, 炒飯: 龍皇一品炒飯 鮑汁鳳爪鮑汁味濃, 鳳爪夠腍, 很入味. 蝦蛟皮薄, 蝦很鮮嫩; 燒賣有咬口; 冰燒三層肉, 表皮非常鬆化, 肥肉及瘦肉相隔, 口內感受到豐富的肉汁; 一品炒飯, 飯粒很爽, 撈埋鮑汁重正.甜品椰香桂花糕, 很有椰汁香味, 夾雜著桂花香, 但桂花的一層稍嫌份量較少, 如果多一些會更好味.本來想點脆麻花, 但點心紙剔錯了楊技金露, 話比服務員知後, 很快的幫我地更改番, 整體服務不錯, 值得一讚.很滿意的一餐呀, 臨走等升降機時仲見到熾哥添.

2010.9早前見Clifton在FB貼了一張惹人唾延的蟹皇翅照片 (是的，又是Clifton~)，那金黃發亮的湯底，令人過目不能忘，又見這裡的點心似乎不錯，就找天來飲茶。龍皇有多間分店，跟了Clifton選銅鑼灣這間。一時多來到，全場爆滿。點了：1 )珍饈四寶宴 ($488一位) ： 一心來吃點心加個蟹皇翅，但發現這個套餐有翅有鮑魚才不過$488，心想翅和鮑魚散叫加起來也要$446，這個套餐好像幾抵，結果.....i) 生拆蟹皇翅 濃厚的蟹皇湯，味道是極極極之鮮甜醇郁，每一啖，也是至高無上的享受，吃至最後一口，簡直令人有非常不捨的感覺。曾說過我好喜歡吃翅，但其實真正喜歡的，是那個湯底 (所以炒翅於我而言是毫無吸引力)，加上現在很多人也盡量不吃翅了，心想，如果這個羹的材料不用翅而換上全部蟹肉，我一定會更喜歡。ii) 蠔皇扣原隻澳洲4頭鮑魚 鮑魚味不算濃，口感較韌，不過蠔汁撈飯就十分美味。(可能是我不太懂，但其實吃平時在街市買到的平民鮑魚，巳很滿足。)iii) 砵酒焗石蠔其貌有點不揚，似炸蠔多一點，有點過熟，比較乾。iv) 香草烤紐西蘭豬肋骨 這個賣相更不濟，豬肋骨很削，味道普通。v)

I must say I was impressed with the food (dim sum) and the environment and decoration. However, what I am most displeased about - are the staff's service attitude. Perhaps they are over-worked or under-staffed, however, the kind of words and types of facial expressions were uncalled for.Case 1 - Call in for a table booking and requested for a lunch table for 5 at 12:00pm. The (telephone ) reservationist rudely replies there is no table available at that time, and if I wanted to come, I would hav

尋晚蝗蟲家庭聚首一堂出外食飯做節,席間大姨話早兩晚,佢"波士"豪請左公司同事去左"為食總司令"()個幟哥0個間龍皇食飯慶中秋~我不禁講聲:"嘩~你波士都幾闊佬wor", 話哂都係星級食府,閒閒地每人都五、六舊水落樓走唔甩~ 大姨話: "貴係貴,不過d野食就真係唔錯wor" (實情最緊要都係唔駛自己俾錢有得食好野) 大姨知我有0係openrice寫開食評, 叫我代佢同大家分享下~ (佢話自己唔識打字) 所以...以下食評全由大姨口述, 我代筆...當晚套餐每位$488,內容如下:紅酒一杯- 就算唔係好識品酒...但入口都feel到係好野~! 識嘆紅酒波士都話得~!生拆蟹皇翅- 正! 翅0既濃度調較得剛剛好~!冇好似好多其他酒家0既翅咁"杰撻撻",呢個好易入口, 味道又夠香濃, 係傑出之作~!蠔皇扣原隻澳洲四頭鮑魚- 正x2~! 鮑魚夠入味, 夠"淋"得0黎依然不失咬口~口感好好~食到成枱人嘴lam lam~炸蠔- 後來睇返先知原本menu 係砵酒焗石蠔,但改左做炸蠔~ 外層炸得脆卜卜, 內裡0既蠔依然肥潤, 腥味唔重, 就算平日唔多好食蠔,都覺得好味! 香草汁燒肋骨-似西式野,但唔算太

睇過幾次「龍皇酒家」個廣告，由龍皇老闆黃永幟親自粉墨登場，當中佢嗰句「想食好野，記得黎龍皇搵我幟哥啦！」呵…竟然自稱「幟哥」，不期然印象令人深刻。 是晚與家人做節，初次光顧此「名人飯堂」，菜式係早前家人訂位時由經理請纓發辦。今晚到黎一試之下，發覺食物水準樣樣都好一般，瞥見餐桌上既手寫菜單，D菜式名稱寫到龍飛鳳舞、橫七豎八，已經打個突…，其實你唔係講到自己D出品好似好掂咁，我都會無奈勉強收貨，但你自吹自擂卻貨不對辦嗰下先令人討厭！一味「油鹽焗龍蝦」就令我鄙視你呢間所謂名牌食府！「油鹽焗龍蝦」聽落已經怪，見佢上檯就更家唔開胃，龍蝦斬件拈脆漿炸完再淋個獻上面就叫「油鹽焗龍蝦」？喂，你要扮新派你要扮創意要扮乜都唔緊要，但你至少要貼貼地題嘛！跟住再食碟「龍皇一品炒飯」，嘩…鹹到佢丫，俾咁既價錢食咁既野，簡直有被騙既感覺！全晚最令人欣賞既，竟然只係落地玻璃望出去既維港夜景，不過個夜景收費太貴啦…。

看過多篇食評都對龍皇嘅食物讚多過彈,於是襯星期六有空, 光顧下幟哥先!當天點了的點心如下:-xo醬炒腸粉 - 腸粉漿做得幾好,幾滑,炒起上黎唔覺太油膩~沙巴海蝦餃 - 蝦肉爽口, 皮亦沒有黏筷子,一啖一粒~燒汁煎飽 - 攞獎點心之一, 用石窩上,幾別緻, 入口時要小心熱,底部墊上大蔥, 增添香味, 不錯~鮑汁炆鳳爪 - 入口時已經不禁嘩了一聲, 很濃的鮑汁味,$4x 食到如此水準,抵讚 !!藕斷絲連 - 又一攞獎點心,賣相精緻,但口感,味道卻一般, 吉士配上芒果和鮮蝦,有點格格不入,即場向幟哥本人反應,待改進!!蜂巢芋角 - 烤漿做得不錯, 入口鬆化,不覺油膩,食完望到墊底的紫菜還是乾身的!!山竹牛肉 - 一般,沒特別鹹水角 - 炸得脆口,熱辣辣,幾好~桶裝豆腐花 - 好滑,好香豆味,比起南丫島阿婆豆花還要香滑,$58一大桶,超值推介!!一點食到三點, 三位都不過是$4xx, 物有所值, 環境,食物,服務皆值得一讚,中途還俾我地見到幟哥本人, 還得到二位好人嘅男,女部長幫忙,叫了幟哥出黎同我地影相,令呢餐茶梗加完美,一定會再次幫襯!!眼見之前食評經常話龍皇侍應服務倒米,但今次見到的侍應