龍華(瑞興)大酒樓 (已結業)

早兩天又來下午茶, 2點半後免茶錢,而且又實在價廉食物美雞扎,鳳爪,蝦餃,腐皮卷,叉燒米雞扎入面舊芋頭似乎開始變壞了...這個點心最差鳳爪好正,不會"霉霉爛爛"...個汁好濃腐皮卷新鮮炸起,入面好多蝦,好大隻叉燒米幾乎滿分,叉燒半肥瘦,又淋又好食本來還叫了最愛的炸龍蝦角,炸燒賣...因為炸點好多時都沒有的,今天落單時侍應說有,我還滿心歡喜...怎料..還是騙人的..最後兩個點心都沒來每次都想問的問題...為何總說炸爐壞了..沒炸點??4個人不用$60, 去邊度搵...

之前見有雜誌介紹所以山長水遠黎到. 果然無揀錯~我同爸爸媽媽三個人去, 一到我就點左個泰式鹽燒烏頭, 爸爸選了梅子砵仔蒸鵝, 媽媽選了o者o者通菜煲, 加上兩個砵仔蒸飯同附送既豆腐花泰式鹽燒烏頭: 有香茅係條魚入面, 仲有兩碟泰式醬, 不過我比較鐘意綠色個碟, 因為紅色個碟太辣食唔出個味, 條魚都幾滑, 呢個值得試下!梅子砵仔蒸鵝: 出黎個感覺似係煲多過蒸, d芋頭好入味, 夏天如果無乜胃口食呢個都幾好~ 因為佢酸酸地~ 送飯一流! 可惜多汁左少少, 同埋好似煲得太耐, 呢個我鐘意d芋頭多過鵝o者o者通菜煲: d通菜都幾新鮮, 味道都幾好, 有d肉碎, good~砵仔蒸飯: 飯黎既時候附上油同豉油, 可以自己加落飯到.....好有懷舊feel呀.....lol.....雖然我呢個年代未試過o甘食法....但係都幾得意...d飯一粒粒, 好有口感, 呢個真係必試呀!!! 豆腐花: 的而且確係幾滑, 雖然已經係好飽, 不過都食晒成碗, 可惜唔夠豆腐味 環境: 比夠舊, 衛生差少少, 仲見到有小小強係牆行過.........不過始終係食肆...好難避到既...埋單almost $200 p.

間中都會來這裡飲茶,因為近屋企這裡其中一個特色,就是想叫什麼就沒什麼,特別是要用油煎炸的點心,腐皮卷...炸龍蝦角...只是成功食過一次...今日去飲2點半下午茶,想食酥炸燒賣又沒有了.. 侍應話個爐壞了...最後叫了菠蘿芋蓉包...蝦米腸...排骨...燒賣...蝦餃...星洲炒米這裡的款式是普通了一點,但水準一向有保證,每樣食物都okay~今日特別好食的是菠蘿芋蓉包,菠蘿包面, 麵包軟熟,芋蓉餡更是我至愛,甜而不漏呢

一年會有2,3次同一家人11人在此晚飯過節, 環境衛生一般, 但食物質素好, 一般廣東酒家菜色, 味道極好. 一定要試下佢地自製既蒜蓉辣椒豉油, 極"野"味, 點乜都好食.

星期天，食為先，嘆茶少不免；一直以來，不是川龍村之彩龍，就是藍地的嘉爵，總愛他們的懷舊風味，有著一份悠然的感覺，昨天早已部署，決定今日勇闖錦田，為的就是這裡，十時三十分到達，比想像中要好，不用等位，先開壺水仙，隨後太座奉上鮮竹牛肉、釀節瓜甫，前者一般，平平無奇，後者，過火了，節瓜一夾即散，心有不甘，親自出擊，要了鳳爪、豬手和一個湯羹類物體，鳳爪和豬手皆很入味，豬手夠淋而鳳爪尚欠一點點，湯羹之湯底有些像雞絲翅，而且濃度適中，可惜材料只有雞絲和肉絲，之後追加一碟又愛又恨的炸兩，眼見經由侍應落單，想該是即做的了，原來只是一廂情願。補充一點，點心阿姐的服務態度值得一讚，加分！事後到紅磚屋走了一趟，買了些自製甘草涼果和菜乾，由於回程還要到街市買餸，因此放棄了有機蔬果。

這是在12月31日去的。老父忽然興起想去元朗吃雞，我當然奉命陪伴。12時多由觀塘開車，來到已經差不多1時。見到店內人山人海，店外也泊滿了汽車，知道應該沒有來錯地方了。我們二人叫了半隻鎮店之寶鮑汁豉油雞(半隻$70-一隻$120)來吃，再叫了數碟點心。鮑汁豉油雞又好味又滑非常滿意。唯一缺憾是店舖伙計手腳及反應都比較慢。我之後更想打包半隻鮑汁豉油雞回去給家人吃，不過已經賣光。(家人懷疑是他們不肯賣半隻，只想賣一隻。)唯有下次再來好了。

我近排久唔久要去錦田, 親友便帶我到此醫肚.去過兩次, 一次食dinner, 一次食下午.基本上, 食物都叫不錯, 略嫌有次親友叫的dish, 個師慱放太多油.呢度, 有奶茶, 咖啡, O茶etc.. 飲. 都幾good!不過, d阿姐/叔d態度超...超差!!! 又飛單落table!!成日行來行去, 好似好忙gum... (但又唔係really that busy). 不過, 都有l、2個好~dinner 果次, 叫左4個dishes.... 等...左成30mins先有!!叫飯, 等...左成20minutes!!!!(果日, 仲係平日!!!)所以要食, 6pm去should be better 瓜~(I went there at around 8pm)

今日同老婆去飲茶, 試咗六樣點心: 叉燒飽: 餡少咗 d, 但新鮮熱辣, 好食鳳爪: 唔淋, 唔入味, 唔得糯米雞: 夠大隻, 算多料, 好食棉花雞: 棉花竟然係花膠, 仲有三大件, 好食蝦餃: 蝦有鮮味, 好食燒賣: 幾鬆化, 中規中矩

尋晚一時興起,約同幾個死黨晚飯,我睇食評已經知呢度掂,但無奈幾次都去唔成。尋晚終於約齊人去,晚上七點我屋企樓下集合,坐我老友部車去到,到達後另一老友收工亦到,一行五人坐低即叫。叫【香辣生蠔煲、黑椒豬手煲、金銀蛋浸莧菜、燒鵝半隻、豉油王吊筒、乾飽魚四份& 酥皮炸軟殼蟹】,同埋飲好多支【藍帶】大樽裝啤酒。香辣生蠔煲→因我唔食生蠔所以唔知點,但我朋友話ok!黑椒豬手煲→我覺得味道好濃郁好味,口感都唔錯,又唔太辣,下次一定再試。金銀蛋浸莧菜→好大份量,味道鮮,但我覺得較淡味,但絕對ok 。燒鵝半隻→同深井燒鵝比較係差一皮,唔夠熱皮唔夠香脆,用$100元食半隻燒鵝,我覺得抵食過一隻雞。豉油王吊筒→吊筒好新鮮,鮮嫩芽菜鋪底,豉油味適中但豉油太少,但都好味。乾飽魚四份→雖然好細隻,約三吋乘二吋以內,但口感一流,飽汁絕對好味,伴碟西蘭花好鮮好脆,正!酥皮炸軟殼蟹→炸得好,好脆好味道,佐酒一流,下次又一定要食!門外有十幾個免費自泊車位,但泊滿即止,最好晚上七時半前到達,否則好難有車位。酒家內裝修我覺得ok , 就算圍村士紳度擺宴席,我都覺得絕對可以,內裡冇乜柱位,我估計可以擺廿圍左右,一眼就可睇哂全場及

呢度都舊式飯店，不過有一邊就新裝修，其實舊式有舊式既好，慨然不是食裝修，便選擇了舊式的那邊懷舊一下。2人點了3碟菜:芝士煙肉豆腐- 好味，芝士煙肉在外，再炸，玉子豆腐在內，再加辣辣地的醬汁，配合一起很好！龍華小炒王- 炒埋一碟，不過間間飯店亦是自封小炒王為出名菜，因為要炒得有獲氣亦非易事，龍華的算是不錯了甜酸烏頭- 先炸再加甜酸汁，初初食幾開胃，不過條魚實在太大，始終2個人，食多了開始食不下了。還有一點點泥味。埋單2人150蚊，算大碟低食了！味道亦不差，有糖水送，叫豆腐花好點，因紅豆沙沒有紅豆。下次再會去的！

此餐是在個多月前吃的，三個人原本打算坐五元小巴到來，但懶得行去小巴站，就在元郎市中心打的到門前，盛惠三十元。一眼見是舊式模樣的茶樓食肆，待應也是上了年紀的一群，但手腳勤快，寫菜添茶一點不懶。前後點了四個菜，最愛栗米魚塊，外層脆皮不過厚之餘又炸得酥化可口。另一款炸生蠔，要說的是，雖然價錢平，但我願付雙倍價錢，要好一點的材料來烹調，以免枉費了廚師的炸功。再來的是豆腐煲，汁不過鹹，豆腐又滑，整煲熱辣辣的，簡單材料用來撈飯齋吃皆味美。其實每碟份量頗足，仍忍不住叫多一味，但後加的滑雞煲較失色，雞件少之餘又無里「煲氣」，臨尾失分。整餐連白飯只是二百多，計落仍覺經濟，吃得過。

豉油雞，乳鴿都好食。炸生蠔是我最愛叫的。食物算大碟。假日晚市客常滿。是街坊常去的食市。不會是食環境那種酒樓。

今日經過錦田市中心, 試左呢間龍華既走地雞, 雞肉又滑又有雞味, 在今時今日既冰鮮雞世界真係難得. 半隻都係買七十蚊, 其他小菜都幾有水準, 可以一試. 我重食左一個豬油豉油飯($8), 好似冇加一(因為我食左129, 佢收左我127)