龍薈 (ac3)

營業中

休息中

唔想去酒樓等位逼人，服務員又出左名唔好禮貌，最簡單方法就係叫左外賣。燒雞二人餐包一隻炸子雞，一款自選粉麵飯，一份菜，餐飲揀左湯。炸子雞好大份，燒得好靚，同平時堂食味道一樣，排列整齊，火喉燒得岩岩好，完整一隻雞無呃你。上湯浸時菜大大碗，有配木耳，雜菇。自選一款粉面飯麵選擇大路，除左我揀既呢款星洲炒米，仲有揚州炒飯炒麵等等。份量好足夠，炒得麵好夠鑊氣，餸例如炒蛋，肉碎就唔係好多，不過就只在塞飽你。湯揀左胡椒豬肚湯都好夠胡椒。

本人與家人早上大約1045分，本人第一次光顧此酒家，對服務及食物質素十分失望，首先座位安排上門口大堂姐姐已兩次比錯檯號，我們根據姐姐提供的枱號入內座位還是有人，最後我們要自行等枱坐下，我們叫了七碟點心到最後來了五碟，還有兩碟追了很久都沒有來，經理和夥記嘅服務態度亦都十分差，點心到最後還是沒有來，經理一聲道歉都沒有。想不到第一次光顧令人十分失望😡 不會再有下一次。

呢度嘅食物衞生令人髮指，連最基本嘅家庭菜(蒸魚)都可以蒸唔好!!(未熟)我真係好希望佢唔好再浪費食物!唔識整就唔好賣!猶如垃圾一樣!!本嚟我都諗住佢講聲sorry我都想就當冇咗件事!但係佢個態度好差搞到好似我無理取鬧咁!事實攞喺眼前，希望各位諗清楚先好去!!

本來酒樓之食物質素還好，環境還可以，可惜服務態度超差！之前每逢星期六日假期必前往飲茶食飯，但侍應之服務態度每况越下，越來越差，況且附近還有幾間酒樓可選擇，何必貼錢買難受！！

其實已經有幾次經驗㗎啦服務真係好差第一次去叫外賣嘅時候 叫咗燒鵝外賣 同個阿姐確定咗佢冇比錯返到屋企一開 係燒腩仔我打去問 佢話冇得退差額 燒腩仔同燒鵝兩個價錢唔同你俾咗樣平嘅我 我又唔想食打去同你講仲要話我聽冇得退返個差額要下次買嘢食用返佢搵鬼幫襯你咩咁嘅服務第二次幾日之前打去訂個佛跳牆個阿嬸聽電話 吚吚哦哦咁話唔好咁早打嚟預約 佢哋會好亂 話即日打嚟就有 唔需要預訂咁話咁我咪嗰日打去囉個阿姐 話冇個窩 叫唔到我真係頂佢個掣成個星期前打嚟訂又話唔得 又話自己啲員工會亂啊咁早訂定呢間野啲服務真係極差如果好肚餓想食下氣嘅 都會飽嘅祝好運🍀小陣仗筆

限聚之下，酒樓就限埋時，飲個下午茶，早去無位，遲少少去都未必有位，太遲先去，又驚唔知幾時截單，事關間間酒樓都唔同玩法。 今日去到，樓面疏疏落落，唔夠人手，加上有d“鬼掩眼”咁，好幾個兼職既都你有你做，我有我“dum”波鐘，大家實行各顧各，正所謂上樑不正下樑歪。 難得有人過黎執枱開茶，都費事曬時間，即刻叫野：掦州炒飯+南乳吊燒雞（半隻）。樓面阿姐仲親手劃左半隻雞張落單紙。 誰不知，等好耐，連後加既“子姜皮蛋春卷”都黎左，個半隻吊燒雞都未出現。 等到無癮，亦驚d雞傳到黎都凍曬，唔慌好食。 酒樓賣呢隻吊燒雞，賣到出“雞劵”＄68/1隻，其實幾抵食，姑勿論佢係訂得雞多定係想係南乳吊燒方面殺出名堂。 但外賣始終唔係新鮮熱辣即食，口感、味道會有分別，加上買親都要一隻，咁兩個人，不如趁熱堂食算。唔想等到吊燒雞變冷盤，就索性埋左張單算數。誰不知，原來成件事係走曬雞，單吊此雞到流局。因為吊燒雞根本就無落單。而個收銀阿姐就拉得罰得五千，佢戴口罩戴到free到，露曬個鼻出黎，而且，本身又唔係快手同醒目，就唔好邊收銀邊同人吹水啦。 所以，凡事無絕對，凡事皆有可能，明明樓面係我眼前劃單，但結果

當做大位，做經理既都話：你黎唔黎都唔緊要，我都有糧出—— 咁，仲有咩好講？ 賴無人賣野，咁鬼叫你要慳人手，傳菜唔夠，樓面又唔夠，明明二人限聚令，但黎親揾位就好似乞食咁，咁梗係啦，既然都唔憂做咁，阿經理自己既熟客（or 大客？），就打個電話幫個客落單，親自行出行入，獨家服務，驟眼睇，碟飯炒出黎都大碟過其他人。 其實，“疫情”、限聚底下，座位仍然可以安排不善，任坐任霸位，上樑不正就下樑歪，連所謂既經理服務都咁不周，做生意做到咁晦氣，咁又何必開門搏人“妖”，為左份二分四既糧，去做個隻南乳吊燒雞？ 再者，一間公司，揾一個水平低既人管理，佢既水凖亦自然好有限，，唔係眼闊肚窄，就係得把口，吹水無得頂，往往雷聲大雨點小。 正如“家用”有幾多，可以發圍既地方就有幾多，有d地方可以，但好多地方慳極有限，要出水、要走油，唔通為左慳，唔做呢個步驟。 傳菜有兩個精英，其中一位，可謂傳菜員工當中最醒最精叻，嬌小玲瓏，耳聰目明，好有禮貌。但始終都係無用，幾搏命都顯得有心無力，因為樓面，收銀都認真好廢。 奈何老媽唔識轉彎，加上識得既茶友通常聚曬係度，佢就係都要黎呢度，甚至可以黎足7日飲下午茶，真係

今日試下南乳吊燒雞今日出品唔錯個人覺得皮脆肉脆火候夠，亦算扺食＄68/1隻當然而家問題係，今日靚，但聽日就好難講飲飲食食，生活大小，好多時都要睇彩數。另外個碟，係數楊州炒飯，無用生菜，而用芥蘭。叉燒係懶健康型（乾硬），佢呢度既燒味真係唔算太出色（每日既分別，相差可以好大，好似有化妝同完全素顔既差別）其實，要玩健康型，少油少肥路線，用梅頭部位，應該都可以做得好正。我唔介意貴少少，做唔到物超所值，但唔該，都起碼要一分錢，一分貨（唔介意佢打個9折），咁樣已經好好架啦！補充返：炸鮮奶，蘿蔔酥，芋角（偶爾會有），一至五，三點幾左右，就會推出黎清貨，由下午茶大中小點一律價＄17，降至＄12坦白講，炸鮮奶個餡兒，甜味多過奶味，溝粉溝多左，不如大瀛喜放題既炸鮮奶，但外皮夠香。蘿蔔酥皮唔夠香，色澤欠奉，有時d蘿蔔絲又乾又柴，性價比不如富臨。富臨既蘿蔔酥相對而言，每間既品質都好穩定，如果唔係傳菜阿姐慢慢行/走勻全場，基本上上到枱都仲係熱既。

早市未飲過，今日第一次見到佢張紙，張單睇落多選擇，盅頭飯都抵。下午茶就常客。大中小點一律價（按小點計），係多野揀，但點心整得唔算精，勉強係中下貨色。炒粉麵，而家有幾款平左，但唔好太高期望，未必炒得好過茶餐廳，份量亦好精致，大食的話，一個人食完，應該仲食得落兩籠點心。黎開呢度既基本都有共識，一至五先黎，六日就去其他酒樓，或食其他野。因為佢星期六茶錢貴過平日，星期日＆公眾假期，又會貴過星期六。成件事好傻瓜，查實似係每逢假期就實行“分流”/實則趕客。經常黎既南區人，無非都係為左就腳、近近地，加上疫情期間影響，外邊酒樓，有d寧願休業，有d就可能做到趕頭趕命趕客走，咁趕住趁早，咁開呢做咩、何B呢？

新瓶舊酒，就是龍薈給我的第一印象。服務員工作勤快，斟茶遞水都十分麻利，只是笑容欠奉，乃時下香港酒樓普遍現象，要求不能太高。下午茶時段，大、中、小點一律按小點收費，$17/款，另茶位$8/位，十分抵食。兩個人點了炸雲吞、山竹牛肉、麥片流沙包、鴨腳紥和叉燒腸粉。《炸雲吞》-皮很香脆，蝦肉不過不失，好吃! 惟有拌著吃的酸甜漿汁，不大足夠。《山竹牛肉》-很大球，好吃。《麥片流沙包》-噱頭之作，夠創新，包點上的麥片有些太硬，其實可有可無，流沙餡則太稀。《鴨腳紥》-芋頭多，但味道麻麻。最大問題是不夠熱，可能是我們放涼了。《叉燒腸粉》-有很多叉燒，好吃。加了不少芫荽，不愛這種香料的人要留意。街坊酒樓，價廉物美，很難有甚麼要求。值得一提是香片茶不錯，牛飲了! 1

香港仔酒樓只有四間，大部份做街坊生意，員工對客人態度一般都唔錯，本人亦喜歡經常到此酒樓幫襯，因為點心款式多及味道及水準都唔錯，另有茶王廳，入去茶王廳每個茶位會貴少少但係有靚茶葉飲，同價錢算合理，但今日再被收銀阿姐差劣態度影響心情，一定要係到寫出嚟投訴！要酒樓集團知道請咗低質員工係到！我今日同老人家去飲下午茶，之後攞埋張單行出去收銀台埋單(係魚缸旁邊收銀台，唔係大門口嗰邊的收銀台，我唔想投訴錯人), 由於之前落單有寫到潮州粉果，但最後無嚟，咁我同收銀阿姐(帶眼鏡) 講："唔該幫我取消碟粉果，無嚟到。" 但佢當時同旁邊嘅阿姐傾計(係傾得好投入好開心果種！) ，無在意我嘅說話，跟住印張單出嚟，我一睇都係有計到碟粉果，我再好禮貌同佢講無取消到，佢先取消，面色開始唔好睇，好似要佢多做功夫咁！佢一直都傾緊計無停過！最火滾係當我俾完錢，問佢俾張手寫單我，佢就一邊寫一邊講："又要哩樣又要嗰樣，又要收錢又要寫手寫單，點做得咁多嘢？！如果人多就XXXXX(我都唔記得太多，總知係發牢騷嘅說話！當時我後面無客等埋單，得我一個，就算有人，寫手寫單好難？我因為當時有老人家在旁，否則我唔會客氣會同佢拍枱！今日咁嘅時

之前聽親戚講話呢間好味，本身好想去試，難得放假，疫情放寛之後，約咗七位家人前去，真係有分兩台㗎！茶位係貴咗D，不過食物嘅質素尚算中上！介紹嘅有：蒸腸粉～皮薄夠滑炸鹹水角、炸芋角～餡料夠多、熱辣辣！火鴨絲湯米～夠鑊氣、少油！最正嘅就係有個午市套餐，任揀兩味廚味$58，三味$78，因為分兩台嘅關係，叫咗兩套$78嘅，而口水雞就叫咗兩碟（自己諗吓啦）😏只有最差嘅係脆皮豆腐,唔脆唔咸又無豆腐香！由於全部都係長輩，都唔好意思影相🙈