龍蝦寶寶 (已結業)

都說，西西里食神入命。這天，難得在龍蝦寶寶遇見勤力的 Eddy 在店內坐陣，還親自下廚為我做一道龍蝦喇沙，他知我愛辣，更為我多加喇沙醬，進一步提升龍蝦湯底的鮮味與辣勁。西廚底子的他，在處理龍蝦上也帶有濃濃的低溫烹調影子，令龍蝦肉質嫩而帶鮮甜。不得不提是溏心醉蛋，做得非常入味。好客的他，也請了我一嚐做得絕不馬虎的小吃，蝦子蝦膠釀豆卜，還有滑溜的北海道牛奶布甸。進餐時，已經過了午膳的繁忙時段，但 Eddy 也仍不斷的為工作及擴展大計而忙碌，對於一連串的鴻圖大計，他道：「現在有機會，當然要乘勢而上！」都說，機會是留給有準備的人，西西里的肚皮也準備好了，希望可以在不久的將來，有機會一嚐 Eddy 的新作品！

店家推介的龍蝦喇沙，龍蝦啖啖肉，湯底香濃。好味指數爆燈。食完再飲杯冰凍消脂烏梅山楂茶，心滿意足的一餐Lunch!!! 第一次光顧，店員殷勤有禮，用心推介。下次有機會希望再試濃湯烏冬。

上網見好似幾有特色咁啱去開中環所以嚟試下價格不算便宜一心想試濃湯烏冬卻售罄了點了碗仔翅+腸粉+清湯烏冬碗仔翅完全唔match腸粉ok,辣油應記一功烏冬ok,龍蝦肉算多但個湯真係好清嚐鮮試一次還可有機會會試下濃湯烏冬

可能真係點錯菜，碗仔翅唔要雞絲換上幾粒龍蝦肉，好似有創意但味道上無驚喜，賣七十元呢個價，值唔值真係見人見至喇沙本身味搶，蓋過晒龍蝦味，當一般喇沙吃是okay的，但食唔到龍蝦湯底特色下次再經過，應該要叫飯,烏冬之類至見到真章

聽到電台同雜誌大推呢間食店，懷住相當大的期望去試佢既龍蝦碗仔翅，因為講到又話個廚係名廚，食物有水準又足料，加上本人非常喜歡食碗仔翅，所以專登去試下，可惜期望越大失望亦越大，碗仔翅偏稀，我反而唔介意，最怕個芡太濃，但最慘湯稀兼完全無料無味加上龍蝦只有三、四粒，好似尾指第一節既大小，味道亦無特別，收費唔平，我已經係下午茶時間去 ( 跟一杯飲品 )，埋單都六、七十蚊，唔會再幫襯囉

食咗佢哋個combo, 腸粉加碗仔翅。 個腸粉幾特別， 佢個龍蝦汁都幾襯個腸粉 再加埋d蝦子 perfect。 個碗仔翅都OK， 唔知係唔係因為我食咗個腸粉先， d味搶晒。 見到隔離叫咗個龍蝦湯烏冬 好香龍蝦味。 下次會喺下午茶時段試下 因為見佢嗰個時段價錢好似抵d。

早兩日見到報紙介紹呢間龍蝦寶寶，由於公司都o係中環，所以就同同事去試下~我叫咗碗濃湯龍蝦烏冬，同事就叫咗龍蝦孖寶同龍蝦花枝丸~碗烏冬有龍蝦肉、流心蛋、菇同菜，烏冬份量唔算太少，龍蝦肉幾甜，爽身，不過唔算多，得幾舊。湯底係濃湯，橙橙紅色，不過味道其實都唔算好濃，自己本身以為佢係勁濃。至於烏冬，就唔太入到湯味，可能煮的時間短，味道比較淡。碗烏冬以中環黎講，食到龍蝦，HK$98都ok啦。我同事點的係龍蝦孖寶(HK$88)，即係蝦子腸粉同龍蝦碗仔翅。另外再點了個龍蝦花枝丸(4粒)。腸粉一般啦，有D龍蝦汁o係底就出到D味，龍蝦碗仔翅唔算大碗，但勝在有龍蝦肉在內，幾甜。值得一讚係個龍蝦花枝丸，雖然得4粒，但好惹味，龍蝦味好出。中環黎講想食平價龍蝦菜式，呢度都OK啦。

又係四出搵嘢食嘅時間，最近屋企附近開了一間用龍蝦主打嘅餐廳， 聽講老闆係某某米之蓮的廚師，所以決定來試下。 餐廳位置不顯眼，坐位唔太多，唔知點解晚上八時關門，但三時多的時候巳有部份食物售罄，故我們最後選擇了餐牌上的推介 - 龍蝦濃湯烏冬 + 花支龍蝦丸。 烏冬湯底非常濃郁， 龍蝦亦新鮮，而我最喜歡係大啡菇, 廚師把大啡菇弄得好香, 好好味. 至於花支龍蝦丸一食就知道佢係自家製嘅，非常彈牙。 由於龍蝦濃湯烏冬，可以轉套餐，所以我們叫了一杯薑汁甘草薏米水，重薑汁味，薏米亦都夠多呢個特飲唔錯。

Eddy 做開fine dining，近來一試用fine dining 的食材弄出平民價的菜式，吸引我這個幾乎什麼都談性價比的為食妹來試試。（淘寶淘得太多，「性價比」一詞而深深地植入我腦海…）由金鐘走到中環，為了見識一下 Chef Eddy 的手藝，還不叫慕名而來嗎？到達時是平日的1pm，一如所料有人龍了，大概十餘人吧。由於店內位子不算多，大概廿餘個吧，最後等了15分鐘才入座。在門外有一個大大的menu，可以讓焦急的我先決定吃什麼。Menu 上大多數菜式都是和龍蝦有關的，不是和龍蝦的有三文魚烏冬和雞扒飯。午飯份量的龍蝦麵/飯，每客都有幾粒龍蝦肉；但如果想專攻龍蝦的，可以點原隻龍蝦的喇沙/烏冬/泡飯，價錢當然有所調整，每人二百多吧。此外，還看到一個手寫的 menu，原來是晚上7時後會做的私房菜（四位起）。不像單點般menu被龍蝦霸佔，私房菜menu 上每個菜式的共通點都是海鮮，有花甲、海蝦等，當然，主角龍蝦還是會坐陣的。店內主要是長方形、打對面坐的桌，牆邊還有一排「自修室位」。 我們二人點了：龍蝦孖寶（龍蝦碗仔翅 + 龍蝦蝦子腸粉）($88)、龍蝦濃湯烏冬 ($98)，加配鮮榨蘋果汁 (

出發旅行前已計劃好要到 Lobster Bobo by Eddy · 龍蝦寶寶 一試，回來後便立即前來。Chef Eddy 以龍蝦作賣點，泡製一系列親民龍蝦美食。試了龍蝦喇沙和龍蝦蝦子腸粉，喇沙湯底香濃，黃酒半熟蛋又香又滑，龍蝦彈牙，最重要是真的有兩種麵底一起的，食過太多家只有油麵，總有點缺失，今次便滿足了。而且麵底剛剛好，連著湯底一起放入口，真的十分美味。Heard about Lobster Bobo by Eddy to be launched in Central before I headed to Europe. So I scheduled a visit right after I returned. Lobster is used as the signature of this new restaurant and Chef Eddy has well managed to use this ingredients to create a series of delicious lobster food at a reasonable price. Lobster

I highly recommend you to try lobster laksa and udon.laksa is a little spicy creamy lobster soup with 2 kinds of thin noodles.udon is super creamy lobster soup with japanese thick noodle.I really loved both, their soup is amazing!!!! I have never tried any lobster noodle as good as these.at last, I just would like to let you know, they have the best milk pudding in HK!!

Chef Eddy已頂手及以龍蝦寶寶為名進註之前蟹麵膳之舊址，本想試龍蝦喇沙，由於剛食完午餐及晚上又有飯局，加上店員話都算大碗，所以只點了下午茶餐，龍蝦孖寶($68)：龍蝦碗仔翅+龍蝦蝦子腸粉，還配上(凍/熱)檸蜜特飲一杯。龍蝦碗仔翅，雖然是足料，但是碗翅好稀身，食到有兩小件龍蝦肉的，尚算彈牙。龍蝦蝦子腸粉，腸粉是幼身的，不知是否自家製，但腸粉過實，好在有龍蝦肉、龍蝦汁再配上蝦子一齊食，另外每枱均有樽蝦子任添，挽回少少分數。凍檸蜜特飲，第一杯見到是未飲的，沒有冰而且少少暖，之後叫加冰，先覺得為一杯凍飲。有機會的話會再去試其他龍蝦菜式。

中環新開咗一間專食龍蝦嘅小食店，星期四得閒就同埋男朋友去試吓。中午12點3去到唔駛等位，但都己經坐滿7成。Menu 上面好多食物都好吸引，最後我地order 咗龍蝦喇沙，龍蝦孖寶:龍蝦碗仔翅+ 龍蝦蝦子腸粉，花枝龍蝦丸，椒鹽蝦子豆腐，自家制腐皮蝦卷and 鮮蝦豆卜。先來龍蝦孖寶。龍蝦碗仔翅真係足料有龍蝦肉，素翅，木耳，冬菇...個湯底亦夠味，唔會太咸或太杰。龍蝦蝦子腸粉亦有粒粒龍蝦肉配龍蝦汁，再加埋蝦子(每枱都有樽蝦子可以任用! )跟住上龍蝦喇沙。先嗶啖湯...好濃嘅龍蝦味!!! 主角當然係龍蝦...係一隻已拆殼完整嘅龍蝦肉鉗再加粒粒龍蝦肉!!!喇沙油麵and粉絲仲有其他配料:有車里茄，冬菇，粟米粒，豆卜，菜芯，半隻糖心蛋。枱上另有鮮葱粒同乾葱片可按個人喜好加入麵裡。(個人比較喜歡辣，店主如果可以有埋鮮辣椒粒就超正!)再來4款小食: 花枝龍蝦丸配龍蝦汁夠彈牙。椒鹽蝦子豆腐配沙律醬夠香口。自家制腐皮蝦卷新鮮熱辣脆卜卜又唔油。 鮮蝦豆卜配龍蝦汁個蝦滑夠咬口。到差唔多食完老闆Eddy過來問點呀D嘢得唔得(好得呀!)，夠唔夠食(夠哂喇!)，送咗2個北海道牛奶布甸你地試吓啦(好噃!!!多謝!)

當得悉專做Fine Dining 的名廚Chef Eddy 在蟹麵膳舊址開設一間以龍蝦為主題的食店，已經決定必要來品嘗。當龍蝦遇到喇沙，這兩款都是我喜愛的食物，很喜歡喇沙的香濃，用上大量的龍蝦頭及殼去熬湯，不會因喇沙的濃香掩蓋著龍蝦的鮮味。其中半邊的流心醉蛋帶有淡淡的酒香，更有畫龍點睛之效！好味得吃罷了摻摻還要連湯也整碗喝掉。 除濃湯外，還可選擇清湯的。同樣以大量的龍蝦頭及殼去熬制，但用了吊湯的方法去做清湯，清甜而不失鮮味，配以慢煮三文魚及北海道帶子，也是一絕 還有店內的招牌小食~龍蝦孖寶，即龍蝦蝦子腸粉+龍蝦碗仔翅碗仔翅是用龍蝦湯及龍蝦油煮成，完全不需再加任何醋及胡椒粉，只要加上炸乾蔥及蔥花，就可品嘗其鮮味。腸粉淋上龍蝦汁及龍蝦肉，再伴上龍蝦油，其亮點是灑在上面的蝦子，更是整瓶放在桌上任加，應該是沒有其他食店可以如此慷慨吧！不過…腸粉如不即時食的話，在冷氣底下放涼了就會乾身變得有少少硬，所以建議趁熱食啊！

身為Eddy既粉絲,要支持吓-龍蝦喇沙:Eddy整波龍好得,係我食過最正既波龍肉,熟度剛好,有肉汁又鮮味,正過好多米芝蓮食府,湯頭好Pure冇任何添加,嚐到龍蝦原味,但同喇沙重囗味有D落差,配麵食有D淡.-龍蝦蝦籽腸粉:冇想像中既味道,腸粉入口夠滑但唔夠爽口,龍蝦汁好原味,始終配腸粉味道偏淡.