龍記飯店 (已搬遷) 新店位置

平民燒味店, 中環區燒味黎講龍記算係好食既一間比太興平, 又唔駛點等位比鏞記平 (當然係指外賣, 唔係當食), 某d燒味我覺得好味過鏞記, 而且多款式大部份你講得出既燒味佢都有, 叉燒, 切雞唔駛講, 乳豬, 燻蹄, 海蜇都有, 加五蚊可以要埋大碗例湯, 係中環區呢個價錢算係咁, 因為多人幫襯, 叉燒同燒肉等通常都幾新鮮推介燒味:叉燒: 幾甜, 不過通常都係瘦叉, 因為筆者比較鐘意瘦叉所以覺得無問題, 但要肥叉最好落單出聲燒肉: 好似係招牌之一 (門口好多報導), 有時係咸左d, 叫飯通常少皮, 不過都係好味的乳豬: 唔錯, 不過好似唔係"乳"豬, 而係燒豬黎, 中間比較多肥膏燻蹄: 筆者覺得唔錯, 燒味鋪比較少食到係有時略嫌多油左d, 不過傳統燒味鋪都好難要求少油

Jan 8, 2009 (Thur) ~ LunchCK 極力推介 , 之後帶我食過兩次 ,昨天心思思想食無嚟 , 今天好想食乳豬 , 就約咗 CK 嚟呢度食 ! hehe !!我當然要咗個想食兩日嘅乳豬飯喇 , 仲加咗一碗例湯 !CK 就要同樣鐘意食嘅叉燒乳豬飯 + 玻璃樽支裝可樂 !乳豬今天略肥一點 , 但皮脆肉嫩 , 水準依舊 , 正 CK 俾咗兩舊我同樣愛吃的叉燒 , 非常軟腍 , 是我最愛嘅比半肥瘦瘦少少的部位 , 仲有甜蜜蜜嘅蜜汁 , 仲暖ga ! 靚 !今日係青紅蘿蔔湯 , 雖然成碗都係湯料 , 不過就似味精水多D ! 下次咪攪我 燒味一般嚟講 , 食過幾次都 OK !唔係我俾錢 , 所以唔知食咗幾多 , 不過唔係平囉 ! 好似近百元 la !

食過幾次燒肉都係沙里篤, 一半係咸到食唔到, 皮又黑又唔脆叉燒太瘦, 冇味又硬仲要收人三十蚊一個隻併, 例湯仲要加五蚊佢比返三十蚊我就差唔多, 永不再去

師傅落刀不輕，叉鵝各有七八大件鋪於飯面，看見也開心。白飯新鮮，軟硬適中，可惜豉油鹹了一點點。燒鵝偏瘦，雖然是啖啖肉，但油水不足，總是缺了些香氣。叉燒最讚，香甜軟腍，肥瘦兼備，但不過膩，不會吃得一口是油。席間，燒得滴蜜的叉燒不停出爐，又有不少人專程來買回家做餸，足以證明這是店中人氣之選。

又約了為食同事食飯, 由他發辦, 來了這裡吃燒味飯. 最初還以為十二點半多少人少少幾好坐, 但過多十分鐘, 人潮猶如當日天氣, 陽光變驟雨.要試下燒味的功夫莫過於吃燒肉叉燒, 就來個燒肉叉燒飯啦! 來到望見樣子打了折, 燒肉有點甩皮甩骨, 皮脆就脆, 樣子比較太興的還像樣一點. 吃下去叉燒又不夠香口, 又偏瘦, 但望下對面仁兄份叉飯那叉燒又燒得好靚仔, 大慨是撞彩數的吧. 同場加插油菜一碟, 有點葉綠素 + fibre, 健康一點罷. $35 一餐中環打崩頭飯仔, 一試無妨.

Need to grab a quick lunch today. During lunch time, usually every where is packed in Central. Heard about this place since I always go to 蘭芳園 right opposite, so I decided to come here and order take away today.Food ordered - 燒肉鵝飯燒肉 - 皮脆, 肉不太韧 even it seems like 沙尼篤位. A bit salty but still acceptable燒鵝 - They give me 脾 this time. I guess I am lucky. The meat is juicy and rich flavor of goose. 飯 - 少少暖, 份量夠, 不太硬亦不太軟. Ok.Overall this place is not bad for a quick lunch. But I am not too sure

久沒來龍記食碟頭飯, 二人同行, 周圍都是人龍, 便直行到黎. 這裡的燒味不錯, 個汁更加一流, 叉燒半肥瘦, 油雞入味, 連例湯$35. 又不用甚排隊, 一個午飯, 快靚正!第一次飲佢既例湯, 好飲, 似乎冇落味精. 好過飲汽水多多聲.仲要平一蚊

番咗嚟香港做嘢有半個多月，都未去過中環一帶食過嘢。是日趁著阿K遲咗放工嚟唔切煮晚飯，我就提議去中環附近簡簡單單咁食番餐。唔駛响屋企煮餸，無論對阿K或者係我都係一件好事。我地去到擺花街附近一邊行，一邊睇吓店舖外面嘅宣傳介紹。此文報導嘅燒味店宣傳標榜「楊貫一」幫襯過，出動到阿一，我地諗呢度嘅水準唔會差到哪裡去，所以我地決定嚟一趟「燒味晚飯」。我食親燒味，一定會揀「叉肉飯」，因為一間燒味舖嘅水準，大部分都可以响「叉燒」同埋「燒肉」呢兩大主力可以窺見。叉燒我就嗌咗半肥瘦，外表嘅色澤唔會太人工化，脂肪分佈平均，咁好嘅豬肉，已經成功咗一半；蜜汁又冇落得過多，味道可謂拍得住灣仔嘅「再興」。另一方面，燒肉嘅水準就差很遠了，燒肉皮唔夠脆，可能係整咗太耐，唔新鮮嘅緣故，最弊就係瘦肉部分十分之鹹，簡直係「鹹得冇道理」、「瑜不掩瑕」。算了吧！這一頓飯都係廿五蚊咁上下，唯有安慰自己「好嘅一餐，唔好嘅又係一餐」，無需太計較啦！

係中環返工幾年,都無黎過食,因為不嬲都對燒味興趣不大,今日無啦啦好想食,同事都話呢度好正, 咪黎買個叉油雞飯,叫左之後見到有大腸,又唔想全盒都係肉,問亞姐可唔可以轉, 佢話做左...唔改得>.<; 返到公司開黎食..凍冰冰既d飯,連暖都唔係...d叉燒都無乜特別,又少少um 添,都係凍凍的,有點失望~ 食mc好過..

上次買了燒肉回家食，還以為路程遠，所以燒肉唔得脆。今日有事再到這裡，就試試在店內食，叫了叉燒燒肉飯，另加汽水。叉燒燒肉飯- 明明已叫了半肥瘦叉，但廚師可能見我唔係熟客，拿給我的還是偏瘦，肉質韌的叉燒，燒肉也是唔靚和唔脆的部份，飯也是落得太多水，令飯變成一舊舊。實在幾令人失望！這樣對新客人，真係有點趕客走的感覺。本來還想再買點外賣回家食，最後都決定放棄唔買了。環境唔多衛生，洗手間直情唔想入去。

早幾日買外賣回家飲酒食飯，經過這裡見燒肉幾靚，店外的介紹又吸引，就決定買燒肉試試。回家後把燒肉返焗一會，就可以上，燒肉肥瘦適中，也很入味，可惜皮已經唔脆，返焗後才好一點。下次有機會，要在店內試試。

請大家不要睇外表,依間龍記的燒味係好味的.我食過佢d燒味飯,廿幾蚊,d雞幾滑,叉燒就時好時唔好,食叉燒去金華有guarantee d既. 有一次幫公司係度叫0左隻燒乳豬上office食,嘩,送黎既時候係暖ga!!! 食落d皮脆脆地,肉滑,好似係around 300蚊到,包斬,算係咁啦!!!大家行過都要試下佢d有心燒味.

星期三無聊, 遊蕩o左一排之後,展轉間行到去行人電梯附近蘭芳園好鬼多人! 最後決定去一路都未去過o既龍記飯店食燒味飯坐低叫左個燒肉雞飯.. 仲有例湯送o添燒肉肥瘦適中,塊皮仲好脆. 雞夠滑但比較多血二十五蚊. 扺食

第2站要左個肥叉油雞飯$21share,碟飯買相一般,叉燒吾夠色水,但食落都吾錯!叉燒頗腍,油雞肉嫩滑有雞味,飯粒煙韌,粒粒分明.$21食得過.

老實講, 燒味OK啦, 不是太突出, 我反而欣賞佢個例湯, 足料又冇味精! 我個個禮拜都會幫襯.