龍記麵家 (已結業)

以前蒲旺角，最怕比人標籤為MK仔，曾幾何時，我自己很鄙視那些扮鄭伊健，鄭秀文的MK仔女，排骨身型還要穿窄身恤衫，兼要做埋不折不扣鈕的男孩，刻意打開胸前的排骨，哈哈，這就是當年的旺角潮流指標。就算你不喜歡旺角也好，偏偏，旺角已成為你生活一部份，逃不了，我的唱片，波鞋，成人影碟，全部在旺角帶回家，你說，沒有旺角，怎算？今時不同往日了，因為自由行，連旺角仔都被邊緣化，三步一間金舖，電器舖，化妝品店，忽然，我很懷念MK look橫行的日子，原來沒有更衰，只有更衰。一些區內的食店，因不同的原因，近年相繼結業，我曾經最愛的樂園牛丸，奶路臣街芝加哥旁邊的＄10包炸魷魚鬚，在煙廠街半夜才開檔的炭爐雲吞麵，一一已成歷史。總會有人將小店結業的問題，歸咎於租金瘋狂飆升，導致大集團連鎖店當道，把小店逼上絕路。當然，我不是每次聽到小店結業的消息，便遷怒於地產霸權，像黑布街的老牌麵店，由幾個大隻佬兄弟，胼手胝足經營的龍記麵家，因為幾兄弟年事已高，後無繼人之下，將會在本月尾，完成其差不多半個世紀的任務，光榮結業。其實，我光顧龍記的次數並不多，第一次來，也只是數年前的事情，曾經在飲食網站上，批評過其麵條的鹼水味頗重。

7/29/2013年，龍記便會結業，好在在結業之前也前往食過。龍記麵家，是由經營兩代老店的大隻佬主理，數十年的麵店，便於下周一結業，近來生意也因此特別多。******************************此老店門口一看，還以為是沒有什麼地方給人坐，但沒想到入到巷內，還多了2間有空調的店舖給人坐，任何人坐下像是常來的熟客，便知道叫什麼多吃。餐牌提供的麵簡單。而我今天便來了碗牛腩牛筋粗麵。這裏的人說牛筋辣得出色，所以不能不試，當這碗牛腩牛筋粗麵來到時，看到整體份量不算多。辣味都足夠，牛腩也不差，整體味道也較清淡的，如不愛食辣者，就不要牛筋了。以一般女仔的食量，一碗麵還足夠，如男士可能未必足夠了。

記得在讀書年代已經同朋友來食，仲帶過唔少朋友黎幫襯，每個朋友食完都話正架突然有日睇電視，見到話LEE間麵店做埋7月就結業了，老闆要退休喇！今日特意搭車過黎回味一番由唔係十幾蚊食到宜家廿三蚊碗麵呀！不過味道肯定係值的本來係想食河粉架，但已經賣哂喇 牛筋米~~~帶辣味的牛筋，炆得好軟軟林林的又入味，配上葱粒真係一絶呀！唔食得辣的朋友，記得要少辣喇 油菜《菜心》~~~菜心是選用菜心苗，好幼嫰！GOOD配上蠔油同腩汁簡直係無敵 鳳爪~~~再叫一碗剩鳳爪，炆得好淋好入味，食完個嘴會"痴"住架！好似食左好多骨膠原咁呀麵店做埋這個月就唔做喇！希望月底前再有時間來食啦！

一向都有食開呢間的牛根,豬手~ 雖然天氣好熱, 但都忍唔住行去買返屋企加餸~D薑蔥真係幾好的配搭~ 牛根有點辣~但唔食得辣的都可以接受到~ 豬手好入味~果然係招牌菜~支持地道粉麵~

經朋友介绍，又薄有名氣，是日專程去試。時間係下午四點左右，離遠睇以為係起後巷食，原來巷內有廳房坐既。入到去，係冷氣房，有D殘舊，睇落唔太衛生，不過算係有D懷舊feel既。叫左碗牛腩碗，還特別分付要爽麵。等左約四分钟，有得食La麵:一D都唔爽，稔到我阿婆-都岩食。牛腩略肥而無牛味?Maybe用平價牛肉并非靓牛腩掛，湯底係好夠咸同頗多味精，簡水味蓋晒牛腩汁味。

行開旺角買嘢有啲肚餓想食碗麵，所以走嚟醫肚。不久前陪過朋友嚟食麵如果係都唔識嚟，因為係後巷位太唔起眼。今次經店員介紹叫咗個辣牛根腩麵同介籣，辣嘅牛根幾特別真係未食過，如果話好唔好食我會覺得Ok牛根淋得嚟有咬口，啲辣味有啲似咖哩個種辣幾得意，個麵就唔錯爽口彈牙正！湯底試唔真因為辣牛根嘅影響，啲介蘭正勁脆口無得輸。呢次都食得滿意不過係唔夠飽，下次個麵都係要加底先得啦。差啲唔記講店員服務幾熱情又好人係呢類店中少有。

這間僻處於旺角黑布街小巷內，內裡別有天地，有多個地方可供顧客吃東西，牆上盡是各個健身男健身女照片，連兩位老闆也是紋身大隻佬兄弟的「龍記麵家」，其實自己從中學階段開始已有前來幫襯，轉眼多年，偶爾仍會前來吃碗河粉麵食懷舊一番。這一天下午，又是一個到來吃東西的日子，叫來了「豬手撈麵」一碟，盛惠三十大元。這撈麵的麵條是不錯的，說它是銀絲細麵也不為過，味道也佳，索了豬手汁的麵條雖有點漿口，仍然好吃。可惜這撈麵的主角卻有點失色，三隻豬手都不夠大隻，皮不厚，肉也不多，而更致命的，是味道偏淡，欠缺了應有的濃郁味道以外，豬手最吸引的豬皮部分也欠軟腍，實在欠佳。希望這天的「豬手撈麵」的豬手只是一時失準吧！

在旺角的龍記麵家，水準之作，取價公道。位於黑布街的龍記，豹隱於後巷之中，若然大家有千與千尋式尋幽探秘之癖，愛嗜香港味道的你就不可錯過龍記，龍記門口常有肌肉澎湃滿身剌青的男人把守，別怕，仗義每多屠狗輩，負心皆是讀書人，進到內裡看到飲食雜誌替老闆幾兄弟所做的專訪，鐵漢柔情柔得使你未食已虎目含淚。這裡的撈粗好吃，有豉油王，有蠔油，有薑蔥，想來點新意可來個豉油王撈河，滑滑河粉均勻蘸上豉油，未吃鼻子先比攻陷，一吃味蕾就已俘虜，配上舊時的金魚雲吞、辣辣牛根、入味爽彈的豬手、煮到軟酥入骨的雞腳鳳爪，真的很難很難抗拒，女士們怕肉太多腸胃乏力，來兩碟油菜幫手去滯去膩，菜新鮮不說，配搭也可謂百變，蠔油青菜好好味，腩汁芥蘭也不遜色，西洋菜澆灑上鳳爪汁、豬手汁配韭菜都不輸。別想捧肚子就走，還有炸魚皮你要會一會，炸魚皮薄薄一片，非厚非實，放在隨魚皮上的高湯裡三秒鐘，立時夾起，靜心一聽，會聽到魚皮上發出吱吱的聲音，脆得要命。別以為在賣告白，這處沒有了從前有過的余均益辣椒醬，扣三分！有沙士汽水補回三分。看到有明星與老闆的合照，立時噴麵，問老闆為何如此，原來該明星少時已光顧，再問老闆為何照片中的男人如此，老闆咀角向上

尋晚(27-11-2012 Tue)8:00pm同男友,女友人DC啪完卡拉OK後,我問使唔使食少少o野至返屋企?DC答要,先頭o係卡拉OK裡面食o既就係全日o既第一餐.嗯,好吖,天寒地凍,點都要食返少少o野暖身,有咩idea呢?男友記起呢間,就帶我o地o黎.o黎到,佢幾個舖位都o係後巷裡面,環境一般.我o地坐低後,諗唔到食咩o野?我o地呢次真係share o黎食,大叔就推介$36.00o既豉油皇炸醬撈河,然後我o地決定要淨鳳爪同淨豬手.好快,三樣o野到o黎,大叔醒目地畀幾個碗仔我o地.不過豉油皇炸醬撈河唔係一碟碟而係一碗o既?河粉偏幼,炸醬唔係太多,撈勻後食lu,味道唔鹹唔淡又濕潤,我覺得一般.之後食鳳爪,我食到有薑o既辣味,咁重手o既?不過滷水都好入味,鳳爪都好腍.然後到豬手,豬手味道同鳳爪一樣,口感亦一樣好腍,唔錯.我o地食食吓,覺得可以叫多一樣,我見到有牛筋,但又想食牛腩,於是就叫雙拼.又好快就到o黎,食牛筋先,辣o既?哎呀!原來係寫明辣牛筋,重要畫埋3隻辣椒,我唔可以食喇.就由DC同男友食晒佢啦,DC邊食邊叫辣,但話好食,嗚嗚….我冇得食呀!咁我唯有食牛腩,牛腩同樣好腍亦入味,

星期六放工後, 一個人搵食, 想了又想, 決定要去黑布街的巷仔大隻佬麵檔. 以前也曾經想去這間店子, 因為看過報紙的專欄介紹. 不過, 一次找不到, 另一次則是新年期間仍未開工, 幸好今次終於找得到! 這間位於後巷內的雲吞麵店, 感覺很地痞大排檔的格局, 不過幸好有冷氣供應. 店內貼了不少大隻佬海報, 部分已經泛黃. 說回餐牌, 跟一般麵店差不多; 當日胃口一般, 想吃點辣東西刺激一下, 於是點了辣牛筋米.落單時, 招呼的大叔提點這牛筋是辣的, 以為真的很辣. 入口其實不算很辣, 但對不吃辣的人來說絕對要三思. 牛筋偏幼身, 份量不多, 入口爽口, 炆得不腍, 對於愛吃較腍身牛筋的我來說, 認為只是一般. 至於米粉, 口感粗嚡又沒有米香, 一般貨色, 而且粉量很小, 吃完整碗粉之後, 感覺只有半飽. 離開時見到大隻佬正在麵檔前煮麵, 看起來也不像相中那般大隻; 難道食物也一如大隻佬一樣, 縮水起來??

唔知點解見到大隻佬便聯想到大大粒既雲吞，可惜呢度既雲吞少少粒。辣牛筋水餃米：牛筋軟硬適中，但辣味不及平日食開既五香味易入口和配合牛筋。 水餃餡料切得大大塊，大片木耳食落 “鞋口”。雲吞河：雲吞和水餃差不多，味道頗鮮味，但皮唔夠薄滑。店員叔叔真係幾大隻，態度親切，見到佢地包雲吞既樣幾得意。

週未閒暇到旺角蹓躂，滿街都是自由行，好不容易迫過人群，原本打算到American Magazine買書，到埗後才驚覺小店已悄然結業，有點失落，忽然想起隔鄰小巷有龍記，就想來個雲吞麵。黃昏時候，人客雖不多，但也有熟客跟伙記在談天說地，亦見外國遊客拿著推介書而來，以位處小巷兩旁的店舖環境來說，店面尚算企理乾淨。樓面嬸嬸服務殷勤， 推介辣牛筋， 雙拼只不過$27，姑且一試。雲吞以蝦為主，可一口而盡，麵條幼細彈牙，唯份量不多，男士應該不夠吃。 反而辣牛筋有驚喜，既刺激味蕾且軟硬適中，又可補充骨膠原，追加一罐可樂解辣，埋單只是$34，價錢非常合理，很享受能在鬧市中的寧靜角落細頓傳統廣東麵食，有空會再來，下次或者會試豬手麵。

香港典型大牌檔式粉麵店，作為街坊街里，平時經常路過，今次特來品嚐品嚐。這裡的雲吞麵有點名氣，當然要先來一客。雲吞麵市場在香港地道食品當中，是其中一個特別嚴峻的市場，店多而精少，相信不少人也有同感。雲吞麵四大要求：爽脆鮮蝦，皮薄雲吞，銀絲細麵，最好加上上好湯底，能能做樣樣皆精，香港更是少之又少。現在香港雲吞麵幾乎被「麥者」統治，小弟希望找到一些突破點，所以不時也會試試尋找隱世靚麵簡單一句：不過不失老規矩，先來一口清湯，的確是清湯，沒有任何驚喜，沒有蝦子的鮮味，當然也沒有大地魚，就是一碗簡單的韮黃清湯。麵是全蛋麵，不是鴨蛋，而是雞蛋麵。口感相當彈牙，鹼水味也不重，雖然談不上是銀絲細麵，但也是合格的。雲吞自然是雲吞麵的精髓，用料新鮮，豬肉味和鮮蝦味沒有互相抗爭，加上雲吞皮皮薄，沒有影響口感。在雲吞麵的四大原則下，算是有三項是合格的。整體的評價，肯定不是最好，不能成為有代表性的，但也不差，而且價錢不貴。單純地吃雲吞麵有點太單調，所以也多點了一份炸魚皮，點炸魚皮會有清湯附送。但不知是甚麼湯，反正有雲吞湯，所以沒有碰它。炸魚皮十分香脆，但也沒有特別值得評論的地方，「口痕」時可以來一客。大隻佬雲吞麵

成日經過都無緣黎食，今晚終於黎試下佢既雲吞麵，兩個人叫左碗雲吞麵，一碗豬手米，一碗牛筋米，一碟白菜仔同一碟雞腳。雲吞麵湯ok，雲吞都係整熟左再翻熱，無乜特別，麵既質地就幾爽，唔錯。豬手米同牛筋米都普普通通，不過豬手有不少毛未拔晒，扣分。雞腳雖然入味，又霖，不過可能整得耐左，全站皮開肉裂，無隻完整。整體服務唔錯，不過粉麵份量真係太小，食左兩碗都未飽。埋單要成百二蚊，唔算平。雲吞麵我還是喜歡添樂園。

依家香港越來越少大牌檔式慨粉麵店，這裏是旺角其中一間可吃到路邊風味的，記着要坐路邊位，一邊看着大隻師苦煮麵，一邊吃西北風，簡直係一種享受。大師兄最愛這裏的牛腩河，貪她牛腩夠淋，夠入味，河粉夠滑，真係正！