龍記麵家 (已結業)

估唔倒, 真係好掂, 麵彈牙爽口, 雲吞雖細粒, 但都有5粒, 內的蝦細, 但爽又新鮮!湯係標準的清湯, 沒什麼特別.但都係內的裝飾吸引, 勁多大隻佬海布~好有特色.另外, 此店也可能算是旺角文化遺產吧, 食落好有feel!雖然包雲吞的大叔不是大隻佬而是個肥叔叔...

難得星期六早放, 一早 call 定齋妹, 大家去 mk 行行街. 我先行到達, 而她亦在家吃了飯. 她叫我先行食點野再等她. 本來想係女人街找找那些快餐店的, 但始於因為那些是只做外賣, 沒有位坐而決定找別的. 之後, 才想到....黑布街的巷仔麵檔.地方看來很小, 但內范原來仲有一室, 內有雅座. 但要求風味的我, 當然要找街邊位坐, 感覺這樣才像話. 叫一碗雲吞麵吧, 食麵檔仔, 點到要從基本野開始, 而這個基本, 不是雲吞, 就是牛腩. 紋身人哥大叫蓉一碗, 不一會麵部大隻阿哥便把麵弄好.是傳統, 平凡的一碗雲吞麵. 湯底只屬一般般. 麵身, 爽口麵條, 是我喜歡的類形. 雲吞, 是細細粒的, 應是我喜歡的, 但, 蝦子味不夠, 麻油香沒有, 總覺得有點兒敗筆.....食到差唔多, 齋妹落了車, 來電叫我去女人街找她......我快快食埋兩粒雲吞.......會美人為重.

Hello 大家好 , 又到我天使CQB食嘢記時間 , CQB 全名叫 Close Quarters Battle , 中文叫室內近身作戰 ,前身係紀律部隊記一種射擊練習 , 不過今日已發展成一種運動 .你地可唔可以話比我知上面碗麵有幾多舊豬手?答案真係3舊 , 因為我都未食 , 如果可以係最短記時間內食倒最多豬手的話 ,敢係我哋食家裏面 , 呢D叫做戇居 , 因為都無去食清楚D味 .講返上面碗豬手撈麵先 , 豬手方面個色澤係適中 , 但當我咬落去記時候就發現比較彈牙 , 可能我比較鍾意食淋 ,味道方面係夠 , 個汁都係起膠 , 有料 , 掂 ( 依支巴 )個麵就淋得黎有少少堅持 , 佢又唔同竹昇麵果種彈口 , 好特別 .吓 , 講漏咗呀 , 食豬手仲有少少規矩 ga ,就係假如你唔小心食食吓跌咗舊豬手落枱或地的話 ,而又被我哋食家發現係未算乾淨 , 你會被即時 DQ ( Disqualify )中文即取消資格 , 因為你浪費食物 , 未食完都要即時打包 , 仲要幫全場埋單 .牛腩方面就比較普通 , 牛根比較好 .所以無乜嘢寫 .

090314 淨雲吞$18牛筋河$18豬手麵＄18菜$10佢有俾Anthony Bourdain介紹過，好似幾架勢吓雲吞好一般，餡唔夠味，摺口位個皮好厚，食到要吐出嚟牛筋弾牙，但係個汁唔夠惹味，河粉算滑豬手唔夠入味，個汁又唔香，食落冇個性，麵有梘水味反而菜有好多款，個西洋菜好清甜以後唔會特地去食囉

同朋友係對面排到死食完雪花冰 , 都覺得不外如事排緊果陣俾龍記的雲吞咪吸引住雖然食完冰好飽但朋友都堅持要泥食雲吞麵!店員個樣唔係咁友善 , 但其實都好好人嫁原來呢間係傳說中的大隻佬雲吞 , 真係好多大隻佬poster!叫左辣牛筋米 , 朋友叫了雲吞麵我覺得好好味 , 辣味同牛筋味唔會互搶 , 牛筋又唔會太膠住個口 , 會有下次!

上星期六，記不起為何會出旺角。與男友先到了龍記吃碗麵，要了辣牛筋和雲吞各一。辣牛筋其實不是太辣，但落 order 時，那伙記不忘提點這是辣的，牛筋不是炆得太腍，咬落爽爽地，而且頗為入味，只是得三大舊，覺得有啲孤寒，麵條勝在冇鹼水味，淥的時間拿捏準確，至少不會腍 pat pat。

早幾日出旺角shopping , 順便過嚟醫吓肚，食了碗辣牛根麵，正到痺；麵剛剛好，牛筋又係唔太冧，不過總係覺得佢地ｄ size細咗ｄ，當正餐就一定唔夠喉，下午茶／宵夜都ｏｋ．

轉工後，已近大半年無來，胃口不佳，連HH及飯局亦一併推掉，獨個兒來吃碗麵。橫街內的雲吞麵店，如大排檔般的格局，鐵桶插著木筷子，平民麵舖，環境方面有冷氣就足夠了，最重要是份量夠吃得飽。幫襯了好幾年，水準有著很大波伏，看清了店方配套，無謂叫湯浸的雲吞麵了，只想吃碗豬油撈麵。幾味撈中，簡單地要了豉油皇撈麵併水餃，等了等有得吃。與麥氏系列不同，用的是粗身的鹼水麵，如劉森記般一碟已能吃得飽飽的。麵煮好後淋以豬油再「上色」，這裡功夫麻麻，碟底滲出豉油水漬，幼麵撈上濃縮豉油後，加上豬油味道豐潤得很，可惜麵帶著強烈苦味，無謂浪費胃納了。吃兩口水餃，有雪蝦、木耳、筍絲口感爽嫩味道亦很豐富，皮厚了一點，比起「鹼」水麵，覺得這個已是人間美食了。埋單廿三元，價錢平得緊，遇著好日的話，這個撈麵味道會好好多。搭車時想了想，劉森記、旺角麵家．麥氏、池記，兩邊各有特色，單是廣式雲吞麵當中也有不少學問，是個很有趣的課題。

和親愛的拍拖到旺角去路經此處被大隻佬海報引起注意探頭一望親愛的告訴飲食男女曾經介紹過這裡的豬手麵好, 就入內試試, 此店位於橫巷兩旁, 很有街頭風味叫了豬手辣牛筋撈麵 ($28), 這裡的服務還尚算幾好, 沒有催三催四說真的, size真係好細, 牛筋比想像中幼而且豬手都較細舊$28真係幾貴呢, 不過質素最重要, 麵的質地好爽身, 伴著辣牛筋的汁料好好味辣牛筋惹味非常, 如果粗身一點口感應更佳豬手卻有點叫人失望, 太細舊都唔會搵到咩野肉, 幸好都幾稔得少少麵, 和親愛的兩三口就吃完了, 有機會再嚐這裡的雲tun和豉油撈

經過幾次, 愛佢0既地痞味道...XD因為近日食得太油膩兼plan了有下場的關係, 都係唔食雲吞呢d肥肥食物...其實我不知幾想試佢個辣牛根同大隻佬雲吞...下次孖埋朋友來食先^^今日要個牛丸米, 好有福米的香味喎~~米粉口感不錯!!牛丸...就當然是粉丸了~不過幾香0既~十八蚊碗, 唔係大, 呢種舖位, 其實...都咪話唔貴! @_@不過~~我估我會去多次, 為了佢個大隻佬雲吞

年多兩年無來,"黑布街的龍記"仍然江湖味十足.同榮園不一樣,在龍記幾名大隻兄弟之監場下,一定不會有人敢搞事,大家可以吃得安心.人不可以貌相,不要以為大隻佬包的雲吞一定大大粒,其雲吞又是傳統之細細粒,豬肉多過蝦肉的.餡料比榮園的更鮮,麵條有點點鹼水味,麵質亦算彈牙.但湯底就未夠清香.雖然大隻佬外表粗豪,但其實很有禮貌的.笑面迎人,多謝前多謝後.不過,如果你來吃霸王餐的話,後果就...

最後一站１１：００p.m.嚟食，雖然係夜咗啲，但都唔洗成條街黑麻麻，如果唔係佢開咗燈都見唔到．要一碗雲吞麵，一碗牛腩麵加一碟芥蘭．雲吞有五粒，一般．牛腩斬到四方粒，韌咗啲．芥蘭好淋．不過比起第一站，價錢又貴啲，份量又少啲，味道又差啲，地方都〔隔攝〕啲啦！所以都係試過就算．

呢間號稱大隻佬雲吞嘅麵鋪，最拿手嘅就係雲吞及豬手。記得上次去食，平平無奇，今次又去幫襯，結果都係一樣...雲吞size細細，蝦及豬肉参半，屬傳统style雲吞，味尚可；豬手就真係不敢恭維--- 雖尚算腍，但一D都唔"膠口"，唔入味亦唔夠色，完全唔合格，枉自稱為招牌貨，同陳南記相差十萬八千里...相信冇下次la..

早前看到這食店的食評幾好，早兩日經過這附近，便來一試。大熱天時，走進這冷氣開放的店鋪，食返碗雲吞水餃麵和忌廉汽水，都是一個幾唔錯的選擇。雲吞- 細細粒皮薄餡靚，餡內幾隻細細的蝦都幾有鮮味又爽口，豬肉偏少感覺唔到什麼味道，因蝦肉比豬肉偏多，有點像食蝦餃的感覺，有點怪怪。水餃- 味道也不錯，但比起雲吞還是差了一點。麵- 鹼水味唔算太重，可以接受，麵質彈牙又爽口，雖然份量唔多，但都算幾食得過。阿姐幾好招呼，抵讚。

17/8(四) 6:30pm上堂前先吃個簡便晚飯.久不久也會路過此店,知道其雲吞水餃豬手頗有水準,一於試試!店舖位於後巷,當覓得一位置欲坐下時,阿姐問道:"你食吾食煙架?""下?我吾食架!"."咁你過對面非吸煙區啦!"簡直令我意想不到!一間小小粉麵店竟有吸煙及非吸煙區之分!環境絕對是極其整潔光猛,而且還供應雜誌給食客細閱,窩心得很!說回食物,點了雲吞魚蛋河$19加腩汁.河粉份量適中,口感一般,雲吞3粒,體積的骰,一口一啖,蝦肉及豬肉均有鮮味,但不太出,略嫌蝦隻乾了點.而魚蛋一碗3粒,食味平平,談不上極彈牙!服務方面阿叔阿姐均十分友善親切!食物水準不算超班,但環境及服務確是令人讚嘆不已!!strongly recommended!!