龍輝山水豆腐花

營業中

休息中

行完山落左去市集行呢間山水豆腐花真心好食,好香豆味平時一定食熱因為食凍豆花會好「鞋」但呢度可能真係山水豆花的關系？凍都非常滑!豆花價錢比起出面唔算貴,因為真係好食不過其他小食就有少少貴但去到咁遠玩,都可以接受

一年一度同屋企人黎大嶼山渡假大佛同昂坪市集係每次必去既景點行完市集 由於大霧到睇唔大佛所以選擇食碗地道山水豆腐花作為尾聲平日我唔太好豆腐花 因為整得唔好會有好重既石膏粉(鈣)味但係黎得當然要試下山水豆腐花 睇下會唔會有唔同豆腐花($12) 片得幾薄 本身已經有甜味所以都唔洗落好多黃糖食落口幾滑 而且幾解渴(可能真係太口渴)呢碗豆腐花我食得哂 因為佢真係唔重鈣味不過相對同行既屋企人就覺得唔太夠味重叫左燒賣($15/5粒), 炒麵(唔記得) 同司華力腸 ($20)遊客區既價錢 都正正常常 無咩特別

過左疲累既一星期，今日起身突然好有興致想離開市區去遠d既地方行下，所以就決定黎個大嶼山一日遊！去大嶼山又唔想坐咁耐車，就走左去搭昂坪360，雖然好大霧睇落有d危險，不過好快就到昂坪市集啦~去到大嶼山點少得一嘗非常出名既山水豆腐花呢！我就叫左原味豆腐花同一碗芝麻糊+豆腐花，豆腐花真係好滑，老闆好好心機咁將佢片到好薄， 令到口感更加好，冬天黎食完熱辣辣既豆腐花就最正啦 順帶一提，今次去大嶼山仲見到好多好多牛，佢地全部都係行人路一d都唔驚人，隨時歡迎大家同佢合照 最後仲走左去隔離昂坪市集食左底鷄蛋仔，意外地好食！外脆内軟，好好味！行左一陣市集就返返落去東涌啦，雖然上去昂坪個邊需要一段時間，不過去到既話千奇唔好錯過呢個豆腐花呀！真係好好味

搭車嚟附近行下, 吸下清新空氣, 當然都唔少得要食番碗山水豆腐花啦, 以下共 $39. 我食豆腐花唔再落黃糖, 本身個水都甜甜地, 好滑, 好香豆味, 芝麻糊顆粒很細, 唔嗆喉, 很香芝麻味, 唔係杰tat tat 個D生粉水. 一啖咬落茶葉蛋, 個蛋白唔老, 滑嘟嘟, 食到落蛋黃, 好香蛋味之餘, 個汁都滲入落個黃度, 但又唔老, 又唔太咸.

昨天同同事去了公司植樹日, 完左我們打算去大澳, 但係呢度食少少嘢先, 食左豆腐花, 脆皮腸, 咖喱魚蛋, 牛腩蘿白麵, 雞脾.豆腐花我食熱的, 都好滑呀, 加左少少黃糖, 好味呀, 都係足料的. 唔會好多水. 脆皮腸會煎熱俾我地, 切開幾件, 個皮真的脆卜卜的, 好食, 咖喱魚蛋都有六七粒的, 辣辣地, 係爽身的魚蛋, 正.同事食麵, 佢話牛腩都好淋, 薯白夠甜呀. 雞脾我見個肉都好入味, 夠淋同卥水好深色的呀.

看過'360舞臺'的武動香港電影後..就去了附近吃豆腐花..邊吃邊回味剛剛李小龍葉問和白髮魔女的神緒(他們的眼神都很厲害)..還有攪笑的導演角色..幾位演員都做得很不錯..為本身較平淡的郊遊行程增添了一點話題與色彩..因為我們邊吃邊討論嘛..哈~其實附近有很多小店都有豆腐花..每間都未吃過..隨便去一間都可以..不過這裡有幾隻可愛小貓..愛貓的我們當然揀這裡啦.. 凍豆花清涼又夠滑..家姐叫了芝麻糊+豆花..多了一份芝麻香.. 另外還點了小吃..司華力腸和豆卜..很攪笑..豆卜齋上..我覺得賣相有點古怪..好像沒味道一樣..但原來一早用'有味湯'煮過了..只是看上去一點花巧都沒有而矣..老闆娘還一早細心附上辣椒醬..小吃部份普普通通..為了豆花和貓貓..下次再來我都會幫襯這裡~

「郊遊不吃豆腐花，遠征千里也枉然。」這句是我作的，當然，這不無道理。在香港郊遊，走過青山林蔭，放空身心，雙眼腦袋皆滿足，可是嘴巴還會覺得有點空虛。山野間水清甘甜新鮮，若利用來製作食物簡直一流。所以今天到了昂坪，當然要一試這裡的山水豆腐花。在昂坪村，標榜自己賣山水豆腐花的大約有三數間在這裡，相信都不用質疑用水是否真的山水，反正這裡一帶都流著沿河溪的清泉只是要比較的是各家的手工技術。龍輝比起另外兩家較接近昂坪市集，但相對隱敝一點，所以較不起眼但店家有放路牌在市集旁，所以不難找到。^龍輝老店，主打山水豆腐花和芝麻糊。地方開揚，就算大太陽照下也受到陣陣涼風吹。 芝麻糊：芝麻油微微泛在芝麻糊上，點熱食能嗅到陣陣芝麻香，吃到有即磨細滑黑芝麻碎粒，茨打得還可以，不像坊間假即磨芝麻糊以粉沖成或加入大量茨，一吃便知龍與鳳。 山水豆腐花：這個豆腐花有點摸不著頭腦。一方面它超滑，真的很滑，而且吃得到甘甜的山水味道；另一方面它豆味不太足夠，吃進口腔似有若無，分不清是太熱銷導致豆花凝固時間不夠還是配方問題。但總結來說不加黃糖已經很夠味道，再加只是錦上添花。吃罷豆花和芝麻糊，剛好迎上店家關門，郊遊過後吃個鮮甜

新春新大運 - 昂坪360救援徑行完大運梗係要醫下肚有啦~下午4點幾,去左呢到食豆腐花($10/碗) - 真係好滑!仲滑過X福的豆腐花!魚蛋($10/5粒) - 有辣有唔辣,辣味黎自辣椒醬,所以都幾辣下茶葉蛋($6/隻) - 熱辣辣!蛋黃好香!燒賣($10/5粒) - 冇乜特別,普通雖然係遊客區,但係食品都唔係好貴,比出面茶餐廳仲要抵!冇記錯一碗雞翼公仔麵都係$28,一枝樽裝飲品$10,價錢可以接受呀~XDXD

從小到大，每次上來寶蓮寺，除了會在寺院內食齋之外，在寺外的昂坪村吃一碗山水豆腐花是個十分重要的項目。從來，寺外的昂坪村，總有兩至三家豆腐花店，全部都說他們的是山水豆腐花。那一間是正宗的? 有沒有混水摸魚的? 第一個問題，我相信沒有一家是不正宗的；而第二個問題，這幾家店當中，每一家都有他們的好水準，絕對沒有混水摸魚的，要問正不正宗，只是要問問那一家是始作俑者賣豆腐花的，就是所謂的正宗了。通常，比較新的競爭者都會選擇一個較有利的位置，務求以地理優勢去爭一杯羹。老店，就靠口碑，靠熟客回流，屈在一角沒所謂。而昂坪的《龍輝山水豆腐花》就是這一類型的，埋藏在深處的，正宗老店。昂坪的山頭上，風涼水冷，在這一些效野地方食野，冷氣? 絕對是一個多餘的電器。龍輝的豆腐花亭，是一個通爽的鐵皮屋，有山上的涼風，只需要加一把風扇，就可以令食客透心涼。大家都吃過中午飯，他們的魚蛋肉丸腸仔小食就沒有任何興趣了。我們一行5人，每人一碗豆腐花，熱食凍食，多薑少薑，隨意。我與媽要熱的，爸同小兒要凍的(基本上我吃了一碗熱同半碗凍)。說一說山水豆腐花，不知是不是山水特別多礦物質，打出來的豆腐花，比起市面上一般的豆腐花來得香及

近日思想比較混亂, 所以想走一轉大嶼山, 淨化一下身心!今日先坐地鐵到東涌站後, 再轉大嶼山巴士上寶蓮寺.到達後看到數檔賣小食及豆腐花的食店, 因為坐了好一段時間車, 見到龍輝, 就這樣就入左食點東西及抖抖, 這裡環境簡簡陋陋, 但位於這些郊外地方都非常合理!呢度自己搵位, 睇好食咩就叫阿姐, 比錢後轉個頭就送到面前.叫了豆腐花(約$10) 試一口確實山水夠清涼, 豆腐亦好滑, 真的唔錯, 同時令我諗起南Y島的"那檔"山水豆花. 根本不用下黃糖都可以, 真是一個意外的得著! 吃完這豆花後, 就繼續這浮化身心之旅了......但這裡的其它小食就價錢比較高, 可能做旅客生意吧!