影片
港鐵尖沙咀/尖東站 E/ L3/ L4 出口
繼續閱讀
電話號碼
27343722
開飯介紹
龍逸軒環境寧靜高雅，主廚為榮獲米芝蓮兩星廚師楊建業師傅，餐廳一系列的精緻點心、中式佳餚及宴會菜色，均屬最地道、最矜貴的中國傳統美食，加上地點方便，是洽談業務或與至愛親朋聚頭的好地方。
繼續閱讀
營業時間
今日營業
10:45 - 15:15
18:00 - 22:30
星期一至日
10:45 - 15:15
18:00 - 22:30
以上資料只供參考, 請與餐廳確認詳情
相關文章
每逢過年過節，身邊的親朋好友少不免會有糕點相贈，除了美味，更是送上了一份祝福，加以一杯香濃的普洱茶，更是絕配。相識超過十年的好朋友，今年送上了九龍酒店旗下的三款賀年糕點，分別是櫻花蝦瑤柱臘味蘿蔔糕（$368/折扣後$239.2起）、元貝富足臘味芋頭糕（$368/折扣後$239.2起）以及沖繩黑糖椰汁年糕（$268/折扣後$174.2起）。三款都是自家出品，與某些品牌找人代製不同，是更具個性。禮盒相賣作長條形，煎糕的時候更均勻，友儕間都知我偏好咸糕點，所以傳統口味的蘿蔔糕一定逃不過我的魔掌。至於坊間酒店比較少做的芋頭糕，正好是太太的喜好。至於黑糖年糕，正好留待春節期間同親友分享，祝大家「步步高陞」「龍馬精神」。P.S : 離開時見有人拖"喼"買年糕，可見識貨的人多的是。
繼續閱讀
經kkday購買龍逸軒午市點心放題，寫明兩小時任食，時段由13:15-15:15pm。當日13:15準時入座，安排坐窗邊打卡位置。落單到上菜，食物質素同份量都正常。但直到14:15開始天堂落咗地獄職員頻頻過嚟收碟，更離譜到開聲叫我哋將啲吉碟放喺枱邊方便俾佢收，講緊張枱好細張佢伸隻手都拎到，重點係酒店質素冇expect會咁樣做。另外未得到我地同意下不斷將我哋未食完嘅野全部倒晒落一隻碟，都係冇expect到酒店會咁樣做，嗰刻以為去咗屋邨街坊酒樓或者茶餐廳。期間職員多次話因為夜晚呢度趕住set場？之類，當時只係食咗一個鐘頭，我哋嘅食物都未黎齊，我哋都未飽，但係就聽到呢啲說話好催促嘅壓力。為咗緩和呢個氣氛，我哋同職員講今日啲湯好好飲。結果職員嘅回覆係：「er，我都未飲過。我唔係好知。不過今日應該唔好飲，上個禮拜嗰啲好飲啲，有xx（我唔記得佢講咗咩食材）」嗰刻，簡直唔知講咩好，佢哋係咪正式錄用嘅員工？講啲說話咁倒米然後繼續喺不停收碟，last order係14:45，14:35個場已經冇晒職員，我係要行出去reception嗰邊搵職員交張order紙。我地last order主要係剔咗啲甜品，幾分鐘之後職員行埋嚟話俾唔到甜品喇，理由係隔離Buffet嗰邊完咗拎唔到。我聽緊啲乜嘢？！我都知甜品嗰啲係兩邊場share，咁嗰邊完咗唔等於啲甜品消失晒，雪糕都係畢出嚟，會畢唔到咩？收碟收到最後餐具都沒收埋，無法繼續進食，果一刻係14:45。當時我發現全場都冇晒人，原本有幾台可能都係被催促趕離座！？最後職員行過嚟「要離開啦，夠鐘喇」嗰一刻係14:50，我哋就俾人趕走咗。
繼續閱讀
好耐冇食點心，見呢間餐廳做緊任食點心，款式好似都好多，加上又係喺酒店裏面，便嚟試一試。🍄門面好細😅😅🍄窗邊位景緻靚啲🍄原隻南非鮑魚燒賣皇 (每人限點一次)🍄唔記得係乜嘢老火湯了🍄叉燒腸粉好味😋🍄春筍金箔蝦餃，幾得意🍄石榴松露粉果🍄任食最鍾意叫鳳爪、排骨🤪🤪🍄炸春卷，蝦多士🍄叫到成枱都係食物⋯⋯🍄懷舊芝麻卷🍄燕麥香芒卷餐廳呢排做緊promotion，客人食任食點心同時可親臨倚窗閣的自助餐甜品吧，品嘗芒果拿破崙、意大利芝士餅、藍苺芝士蛋糕及Mövenpick雪糕等甜品。可惜去當天是假日，未有機會試到自助餐的甜品。
繼續閱讀
鍾意飲茶吃點心；又鍾意任點任食，啱晒心多多的你？若二合為一，能無拘無束地享受種類眾多的「一盅兩件」，大家覺得怎麼樣？「龍逸軒」的任點任食點心 Brunch，由該酒店中菜部的行政總廚 楊建業師傅領軍主理，一個價錢可以挑選任吃 50款美食。來過這裏數次，都是吃晚飯大菜為主，一向深得小弟喜愛；估不到中午各項點心也同樣相當有水準。今回我們一行四人，怕點多食物會浪費，所以大部份都點了半份，寧願花款種類叫多一些，以下也只是餐牌的一部份而已 XD冷盤類「貢菜海蜇」海蜇乃滬菜常見的前菜，外面輕包著麻油，與貢伴些淅醋吃，開胃之餘也沒負擔。酸味味，用陳醋調味的「涼拌青瓜雲耳」「京式醬蹄」/「鎮江肴肉」，在粵菜廳也能品嚐到外省涼菜：香口小吃「黃金豆腐粒」，椒鹽豆腐做得表皮酥脆，內裹嫩滑，一小粒一口，易做難精：「椒鹽魷魚鬚」，我小時候飲茶必要的點心：「椒鹽小排骨」，這個似小菜「香酥排骨」的迷你版，惹味：湯品除「雞茸粟米羹」，我們挑了中式老火湯，今天是「青紅蘿蔔煲豬𦟌」湯清澈鮮甜無味精，食材精華全跑到湯頭裏，中午也可有熱湯滋潤一下。蒸點心若以點心來說，我喜歡喜蒸的，因為可以更吃到廚師功駕和食材的原汁原味。「原隻南非鮑魚燒賣皇」(每位一隻)燒賣食得多，做得好的確實未必容易遇到，這個得到在座一致讚賞！先將鮑魚用上湯炆得軟糯，燒賣的蝦用料確上乘，與新鮮手剁豬肉的比例剛好，不會互相搶味：這個做到了上面的優越條件，放入口蝦肉爽豬肉滑，新鮮熱辣放入口，會禁不住覺得 - 係你啦，係嗰回事喇的感覺！「春筍金箔蝦餃」蝦餃的筍只用尖的部分，蝦新鮮爽口，大小一口一隻剛好，不會失去吃蝦餃的神髓，金箔的點綴更顯貴氣：「粉彩松露石榴球」餃皮薄透粉紅，裏面加了松露油，餡料是全素菜也不寡口，輕巧美味之作：「三文魚子蒸燒賣」仍舊此燒賣軟熟充滿肉汁，冬菇味香透，重點是蝦鮮、肉不是全瘦，太瘦就會缺少那份鬆軟彈牙感。煎炸類整體這個類別都做得好，喜歡吃香口點心的朋友，應該不會失望而回！「煎甜梅菜和牛包」做得巧手，而且餡料調味得宜，外皮煎得焦香。三拼炸物：「懷舊蝦多士」，用原隻鮮蝦釀在方包上，與方包一同炸至金黃，入口鬆脆不油：此菜的技巧是油溫的控制，因為蝦和麵包的生熟程度所需要時間不同，炸的時候要蝦的一邊放底先炸至半熟，再反轉炸，這樣麵包才不會太燶，入口又脆又爽口。另外最緊要是索乾麵包上的油，吃起上來才沒肥膩感：「芝士海鮮春卷」，皮炸得金黃酥脆，完全不覺油膩，點心來說絕對值得叫：我特別想提「蝦」這個餡料，不得不說這裏不同點心都用上「蝦」，首先份量下單足，第二新鮮爽彈，第三時吃得出蝦的鮮味，這個是要讚的地方。芝士與海鮮一向是好朋友，鮮中帶香，很不俗。「XO醬野菌腐皮卷」外皮換上煎腐皮，內裏餡料換上豬肉、冬菇粒等等，扁扁的一小塊，同樣香脆，沾喼汁吃很對胃口。「手工蘿蔔絲酥餅」(另點 $48 / 件)這是另外叫，好評如潮的名物。即點即叫，即上即吃，小心淥親咀仔！手袋造型的熱香酥皮，外層包著半流心狀態的甜美白蘿蔔蓉，真的像我另一位吃過的朋友話齋，來「龍逸軒」吃點心沒吃這個，就等於無來過一樣 XD燒味估不到任點任吃有「蜜汁黑毛豬叉燒」「龍逸軒」的燒味一向出色，此叉燒依舊肉質鬆軟肉香俱備，半肥瘦帶少許燶邊及蜜甜，沒有因為是任點而失色，能盡顯中廚的功架，必點，而且無限量任叫，其中一項回本位。飯麵這個我們淺嘗，怕吃得太飽，或造成浪費，鮮甜滿滿的「海皇泡飯」忍不住 encore 有鑊氣的「豉油皇炒麵」，碟底沒有多餘的油，配辣椒醬吃，簡單地道美味：甜品隨了有我之前吃過很喜愛的「十年陳皮十勝紅豆沙」，今次挑了「冰花雪耳燉萬壽果」清甜滋潤，雪耳則發揮了黏口作用，吃起上來也啖啖膠質感；木瓜塊相當甜和軟熟，喝畢它感覺喉嚨清潤舒服。甜品還可以任食「西式自助餐」超過 20款的中西式甜品、Mövenpick 雪糕等，性價比超高，只怪自己肚皮不夠大 XD總結這一餐，點心絕對有水準，受歡迎實在有它的道理！
繼續閱讀
本人跟朋友在KKday買了一個仼食點心嘅package ，原本點心就無問題，但員工服務態度真的好有問題。限時兩小時，本來食得好開心，但到差不多時間時，枱上點心還未吃完，服務員就過嚟催我地交枱，理所當然嘅，但無諗過要吃都要時間咀嚼，佢竟然話俾多5分鐘我地食，我想話去個廁所都唔止5分鐘，有無搞錯，唔俾打包都算，我地唔想徙想食哂都俾多少少時間，咁樣大家都無癮。我真心想串佢5分鐘去個廁所都唔得。算，真的無下次，加上佢地對生客完全無視狀態，只係懶熟招呼啲熟客，完全當我地透明，咁樣做生意怪不得啲人返去大陸食，又平又好招呼，我只可以講任何客人去任何食店如果得不到同一待遇，好明顯係不平等對待，只會係趕客，請到這些員工啲高層真的不幸。所以奉勸大家，這家酒店嘅酒樓員工狗眼看人低，永不再幫襯。
繼續閱讀