龍門冰室 (已結業)

今晚一個人到旺角行街晚飯不想吃, 只想吃點小食填肚。西洋菜南街［龍門冰室］已光顧過數次, 水準不過不失, 反正坐得幾舒服。今晚就係到開餐。坐了單邊卡位, 店員快手為我落單。蛋治 $15: 蛋炒得挺香滑, 顏色鮮黃, 不過雞蛋份量略小, 相信不是美國大蛋。用上厚白方包, 無投訴。紅豆冰 $25 : 大杯到嚇一跳,但冰佔了三份一. 是椰奶底,口感啖。而小妹比較喜歡花奶底較香, 紅豆份量ＯＫ而且夠腍糯，最後只能完成三份二。旺角區來說不俗的茶餐廳水準。

以前有一段日子 有一陣港式茶餐廳熱潮時移世易 復古風反而掀起熱潮又由茶餐廳變回冰室 (有根據的 龍門冰室隔離真係又有間冰室架)而早前好興(我都有去食)的台式厚多士盒亦由甜變咸 由配角甜點晉級成為主食的咸點又再講一次 對於我呢個食包多過食飯既人黎講呢個發明真係好偉大但礙於原創店的地理問題 一直都未有機會吃到 (永遠都是慢幾拍)今天行經太子 正為晚餐而煩惱「咦 竟然見到磚頭飯」 品嚐的日子終於都來臨了!(係完全沒有理由男友想唔想食既情況下就入左去拎位B))原先我是想二人分吃一個磚頭飯小試一下而已但男友說超級餓 好吧 再另外點個套餐啦在港式茶餐廳/ 冰室 點常餐一定是港人的慣性首選除了常餐 當然少不到我點名要吃的磚頭飯第一次就選了傳統口味 金磚茄汁焗豬扒飯茄汁 套餐配有餐湯和餐飲羅宋湯超多蔬菜 認真足料啊 常餐是較多人點的套餐因此好快就送上了 (某程度上 常餐的上菜速度是為了配合香港人的生活節奏吧-_-)多士現烤 好吃是一定了還加上半溶的牛油 邊脆內軟 睇得又食得其餘的部分都是由男友KO掉看他三兩口就吃完 應該就是很滿意的意思吧目測來說 炒蛋濕潤軟滑 午餐肉和榨菜肉絲公仔麵都沒太大出錯的可能

食左個下午茶瑞士雞翼撈公仔麵，雞翼有3隻味道ok。但個麵汁吾夠，撈完個麵都係淡淡地。無乜色都知吾夠味。比1般出面差。真係有待進步0既空間。原價呢個餐36蚊但煮得馬馬地。

今年，突然間好多新店個名都係叫冰室！見到有團購用$20買coupon當$40用，好似幾抵！即管一試「龍門冰室」。請等等，大家唔好聽到冰室以為係個d懷舊冰室，基本上，依我所見，宜家新開既茶餐廳，都鍾意叫自己做冰室。XD呢間「龍門冰室」內掛著金屬色波波，感覺新穎一點。「什菌蝦球墨魚麵 $68」送熱飲，凍飲 + $3 一上枱，香蒜味撲鼻，有紅椒青椒點綴賣相比我相像好，蝦球清晰可見，墨魚麵除左麵質不錯，有少少咬口之外。整體味道就... 預期之內，普普通通，調味加材料配搭唔夾呀～ =_=另外，仲點左個「焗鮮茄豬扒飯 $45」 配飲品半價。豬扒薄薄的，數量不多，鮮茄味亦不算特出，唯獨飯份量不少，食一個可填飽肚子。整體黎講，食物質素&烹調普通（如果再有團購，都未必會考慮），唯獨一讚係呢到職員服務態度友善及有禮外，動作也蠻快手。

經過旺角，見佢門面幾耐，橫裝又ok, 就入去食野食其實都係一般唔算特別好食，茶餐廳嘅口味，但杯凍飲真係帝皇級，超。大。杯！因為unexpectable, 所以好surprise，好適合我呢d鍾意飲野嘅人！力推！味道又ok

因團購限制要買兩張，所以就算前日光顧後感覺麻麻，也要去多次用埋它…經過前日的早餐體驗，心諗這次點餐盡量簡單就算，應該無咩煩！ 所以要了一客焗鮮茄豬扒飯+龍鳳檸樂。一收到帳單即睇，數目比餐牌價錢要高 ，追問下話張單入左正價，不是下午茶餐，但可以更改…先上飲品，係一罐可樂+一隻內有檸檬片和碎冰的杯，暗喜今次揀得夠穩陣吧，不久焗飯亦上，份量唔多，女仔係可以食得哂，味道近似大家樂出品的，不過以份量和價錢睇，連鎖店係好d…

團購卷食左個常餐，用20蚊買40蚊現金卷真係好抵食。但寫住番茄湯底但好似蘿宋湯味，都好味0既，但牛乳炒旦很失色，好鞋同無旦咪味，炒旦同多士根本同打對面0既華x室無得比。總結不過不失，但個炒旦根本吾稱得上叫牛乳炒旦……

旺角西洋菜南街和它周邊附近的街道，可說是港式茶餐廳與冰室的集中地，大名鼎鼎，歷史悠久，以「菠蘿包」、「菠蘿油」打響名堂，成為名店的「金華冰廳」、歷史同樣悠久，在西洋菜南街大展鴻圖，開了分店的「康年餐廳」、維記澳牛混合體的「民華餐廳」、後起之秀的「華星冰室」與「皇后冰室」，以至為人所忽略，名氣不大的「文華冰廳餅店」，都在這個小小的區域中各據一方，簡直像春秋戰國時代，群雄爭霸一樣，而最新加入戰團的一間，則是這間名字帶點兒霸氣，教人聯想起「龍門客棧」，讓人有一登龍門衝動的「龍門冰室」。雖說這間懷舊冰室是最新的一間，但其實它也開張了一個多月了吧！而這一次在這冰室食晚飯的經歷，也是在個多月前，當時這間冰室才剛開業數天吧，一切相信還未上軌道，所以店子的侍應們好像頗為生手，不懂得主動招呼顧客，多的只是呆站一旁，即使想叫人落單，反應也十分之慢，實在令當時的自己感到有點不快。現在已事隔一月，希望那剛剛開業，服務還未上軌道的情況已有改善吧！之所以會來光顧，一方面是因為這間是新餐廳，有興趣一試，另方面則是因為見到冰室外的招紙寫著的廚師推介，有「波士頓龍蝦半隻」 + 「白汁拼板燒豬扒」 +「黃金炒飯」 +「咖

認識這家餐廳只因早前所購買的團購小小的一家冰室 卻賣出過千張團購 實在想看看它有什麼看家本領雖然龍門冰室是位於旺角的西洋菜南街從油麻地那邊走著 一直走到近太子的那一邊才到若然乘地鐵來的話 從旺角站A/B出口過來會比較近龍門冰室的對面正正就是華星 相信競爭也相當大到達時是四時多 不用等位就可直接入座翻了一翻menu 掙扎了一會到底選常餐還是焗飯 最後選了前者除了大路的清湯和蕃茄湯底外 還有少出現在茶餐廳的芝士和喇沙湯底芝士湯底還加迪斯來說也挺吸引的 只因加迪斯最喜歡新嘗試但說實話加迪斯並不是個芝士控結果跟友人同樣選了喇沙湯底加迪斯選的是牛乳炒蛋 比友人選的少了一條廚師腸但從圖片當中都可以清楚看見 其實炒蛋的份量都不是相差無幾本以為牛乳炒蛋是滑蛋 但後來才發覺是炒熟蛋 失望得很就單單因為這個炒蛋  加迪斯己轉投澳牛和華星的懷抱旁邊的牛油多士是脆脆的 但失分的地方是外層的牛油並沒有完全融化到麵包裡頭粉麵是常餐中的主角先說湯底 喇沙味不重 而且沒有任何的辣味 若不是那兩塊豆卜 根本不會想像到是喇沙湯底而沙爹牛肉不會很chewy 但同樣不夠入味餐飲選了凍奶茶 雖然奶味不會過重 但茶味不足 整杯奶

一個人入去食早餐，為善用$20買面值$40團購coupon, 點了懷舊早餐鮑片火腿通粉+$5轉出前一丁+$1轉鮮奶炒蛋+$2轉牛油厚多士+$3轉鮮茄雜菜湯底，餐飲熱檸水(無茶水供應)飲品先到係預左，等多五分鐘到小食，一來已經俾錯牛油方飽，向待應追問之下，話換之餘，仲用手拎起出錯的麵包，唯有食住炒蛋先，味道無驚喜比對面鋪華星遜… 跟住食埋件後補的厚多士，已經想當我食完收野，好彩對方有問食物到齊未，跟住仲幫我追單，附碗跟左包出前一丁麻油喎鮑片少得可憐，可能諗住有雜菜搭夠？ 整體覺得叫一次就夠

皇后冰室隔離開左間冰室，食既野完全唔同，港式D。見佢新開，又乾淨企理，於是去試下。本來想試下D午餐，＄45有焗飯，都幾抵。最後都係決定試下最基本既常餐，睇下質素如何。有3種湯底選擇，喇沙都唔錯，幾香。不過同米粉唔算好襯，係我揀錯⋯⋯ 配左鮑片，有3大塊，好甜。炒蛋多士好出色。個蛋好滑，帶有幾濃既蛋香 未去到華星level，但都差唔多。多士微暖同好脆，唔錯。好想試埋其他湯底，重有lunch set，睇黎要黎多幾次先得啦

之前新開張時幫襯過焗飯，蒸飯，點心，不過不失，唔錯近排再幫襯佢的常餐見到佢個常餐有我最愛的芝士湯底，剌沙湯底選擇兩樣都試過，兩款湯底都好濃好香芝士通粉，剌沙配公仔麵都好夾 猶其個芝士湯底，加左些少香草，濃淡適中，正！阿女食過一次之後就成日都話要食芝士通粉 而配的牛乳炒蛋同厚多士，唔係求求期期的炒隻蛋同噠d牛油落塊多士度 都係熱辣辣的，明顯的係落過心機去做 最抵飲的，係杯凍飲，加三蚊，份量足足係一般茶餐廳的一倍左右 但又無話偷功減料，而係足料喎，係驚飲唔晒姐 夏天，熱辣辣就最正 簡簡單單的一個常餐，見到間餐廳係下過心思

這天剛好行經西洋菜街，所以有幸成為龍門新張的顧客。 這家店的前身是米飯班豬，所以店裡的間隔還是一樣，只不過改了裝修，比之前突出。 我點了個咖哩牛腩飯，份量對我來說適中，不過咖哩的味道沒有滲入到牛腩裡頭，所以只是一般茶餐廳貨色，和翠華的咖哩牛腩飯一比就相應失色了。 唯一值得一贊的是該餐廳的檸檬茶比其他茶餐廳大杯。 由於新張的關係，很多落錯單或者漏單的情況出現。

見新開，入去食又幾多人幫親，等左3分鐘之後有位同同事6個人諗住咩都嗌d試下有龍蝦飯，幾特別，幾香同埋鮮甜，係咸左小小，$138，分到6個人試食。最鍾意有點心餐，點心加飯加野飲，忘了價錢，但抵食，因為點心好味!鮮竹牛肉球比一般好味喎!不錯不錯!於是嗌埋春蛋燒賣，都好味!見有燉湯餐，好滋潤。試埋咖哩豬扒焗飯同白汁雞飯，我鍾意豬扒焗飯，可媲美高級餐廳既西餐焗飯。野飲都ok喎，紅豆冰好味又大杯!d熱飲又吾會太甜,岩岩好（通常d熱飲落好多糖)於是我地試食左好多野，同埋坐左好耐=D。下次食晏會再來。