龍閣

營業中

休息中

今晚約咗10個朋友一齊去食長腳蟹之前有朋友介紹話呢一間餐廳食蟹好新鮮而且價錢都比較合理咁就一於過嚟試吓佢嘅真章我同部分朋友早左到，大約5:45佢晚市六點先開始，堅持唔可以提早入場咁呢個係佢哋嘅規矩我都好尊重但我想雪左支酒係佢哋度先個副部長一直刁難，唔想我哋放低支酒過程非常不禮貌，由於一班朋友約好咗所以呢啖氣我忍6:00準時入去揀蟹我哋係第一輪揀好蟹但等到蟹到已經一個鐘頭多蒸蟹冇水準可以言，新鮮嘅但價錢海鮮價比預期中貴左好多成晚最激氣就係叫咗呢個孖寶套餐買單時突然加咗我哋每個菜$10佢成張傳單都冇寫明話假日要加錢你要加唔係問題，但係唔該你寫清楚咁我先可以決定我到底叫唔叫呢個套餐有佢講冇人講，過程亦都係唔禮貌講返食物，豬手有豬羶味，而且乾身絕對唔好食燒鵝斬到啲骨碎晒，每啖一口都有碎骨刀工非常一般，味道亦是皮不脆，肉不滑，味道全靠醬汁總結：侍應服務差，叫極唔應等候時間過長餐牌不清晰海鮮新鮮但價錢偏貴其他小菜可免則免

🦀🍴🦀🍴🦀🍴🦀🍴🦀🍴🦀收到友好搵食達人推薦，留咗一隻6斤重嘅「阿拉斯加蟹🦀」，即刻叫人一齊去試一試，呢間酒家唔算係什麼人氣名，平民服務，但價錢經濟合理，講求實際，淨係食隻蟹🦀乜都唔駛理，值回票價😎.🥢阿拉斯加蟹🦀。原隻上枱嘅時候真係相當興奮🤪，逐部逐部進行「愛的肢解」行動，汁多肉嫩，而且相當鮮味，呢啲先係真正嘅蟹棒，啖啖肉好幸福🤤，仲有大量膏黃佈置蟹蓋之中，不得了😌.🥢藍莓醬原條山藥。連皮一起食，剛蒸好後切段再配藍莓醬，感覺新穎又有驚喜🤔

柞妙齡乳鶬是不脆還是淋身，班球二味(炆班頭腩及翡翠炒球),炆班頭腩煲之有一點點麵醬味沒有煲仔菜的風味……熱滾滾，翡翠炒班球沒有鑊氣及沒有蠔油跟，問他取蠔油還有收$20蚊港元，其他食店叫此菜式是會跟蠔油這是傳統，兩者菜式都沒有驚喜可能條魚是不新鮮的

就嚟到中秋節，總要同屋企人搵中餐去過節， 為咗避開加價嘅期間，所以提早做節是常識吧！經過細心比較之下，喺紅磡呢一間中菜廳係比較價錢合理，菜式亦都係見得人，較為豐富嘅！特別highlight嘅會係呢一個龍蝦伊麵， 出面食嘅永遠都會係完隻龍蝦斬件上，中間真係畀人偷食咗都唔會知， 呢到竟然係半邊龍蝦咁樣上，童叟無欺！味道方面算係中上， 由於每人半邊，唔使爭，亦唔會好似以往咁唔好意思去夾太多件龍蝦， 所以個個都食到笑騎騎！其實呢個餐仲有好多唔同嘅嘢食，分量合理，味道中上，長輩都話可以再翻兜！唯一要提提嘅，係佢上菜上得偏慢！

曾經在這裡吃過火鍋，當時感覺價錢太貴，又不見什麼過人之處，以為從此無緣再會，但早前路過看見兩折牛肉的宣傳海報，於是有了再度重返的理由。正所謂打邊爐最重要係個爐，我偏偏忘記拍照！連帶湯底沒有拍到，失策！失策！只能靠文字描述。我們選擇胡椒蘿蔔豬骨湯，食材的味道沒怎麼進到湯水裡，湯底不濃郁，但收費$78便宜，蘿蔔豬骨又能充當一份火鍋食材，所以沒有不滿。再且不同火鍋食材下去後會為湯底帶來味道，我又愛放蒜泥蔥花辣椒亂七八糟的到醬油，湯底原有味道早就注定要被蓋過😅椒鹽日本秋葵不好吃，炸皮太咸，油味重，皮餡嚴重分離，吃起來感覺不到秋葵是炸過的，只是一片皮把秋葵"袋"起來。魚皮餃共12粒，有點多，質素跟在超市買到的差不多，質素高不起來，但也沒什麼好不滿，至少能滿足我想吃魚皮餃的心。唐生菜質素平常，不苦，也談不上鮮甜，不過吸湯後沾上調味料也好吃。桂花蚌是較為高價的食材，這個錢花得不值，桂花蚌的特點是鮮味濃郁，這裡完全體驗不到。雖然一點都不難吃，但沒有鮮味，吃進肚子只是徒添卡路里。這裡的豬粉腸與我的印象有所不同，我記憶中是口感帶韌勁且富彈性，腸裡有粉粉的東西，怪美味的。這裡卻是彈性弱且軟軟的沒有韌勁，腸裡

自從黃埔開咗地鐵站, 同家人都會嚟附近行街食飯。相比喺黃埔其他酒樓, 龍閣有較多卡位, 私穩度高, 加上每枱之間保留適當嘅空間, 所以環境比較靜。點心價錢屬中等, 假日更加有特價點心紙。整體質素幾高, 無論炸物定蒸點, 味道都唔太鹹, 感覺應該無落味精加上出菜速度合理, 絕對唔會有一次過嚟晒或分隔太耐嘅問題, 值得加分金獅糖蛋散($21): 炸得香脆, 蜜糖足黃金炸饅頭($38): 有驚喜, 饅頭外脆內軟, 表面好乾爽, 無任何油膩嘅感覺

同屋企人嚟到呢度飲茶都要排一陣隊先至有位坐 叫咗碟薑蔥叉燒撈麵叉燒唔會炒得太硬撈面都分量足夠 叫咗鳳爪食鳳爪都好入味入面仲有花生tim 另外都叫咗碟一水牛肉炒河 河粉唔會炒到黐埋晒整體來講都唔錯食物味道OK

間中有去飲茶，服務態度係麻麻，有時追單 唔知係咪聽到就走左去。 不過諗住食完醫肚走人算了！試過食晚飯一席，張枱又迫，上菜又粗魯，最後個炒飯追完隔好耐先來，個炒飯非常無水準，相都唔想影 算吧了！**重點**主要今日點解要寫評語 係因為我打電話問明天早茶時間，職員好似唔想答我咁隔左2秒先答：「10:30」我再問清楚10:30係落單定埋單走定點？她隔2-3秒再簡單回复係埋單但可以坐多陣！ 真係又靜左幾秒！如果...如果真係咁唔想客人來幫趁早茶 咪出聲囉！ 唔多出聲 回答 想我點？？？？

由於朋友生日一大班人，所以最好都係食中菜，唔洗成日都打邊爐咁悶!加上我本身又唔係食得特別多，所以放題自助餐都唔係好岩我!今日第一次食呢間，一開始飲燉湯先 ，真係超好飲D料又好足完全係冇味精（本人對味精敏感）勁正!之後再食龍蝦伊麵D龍蝦勁大隻肉質彈牙，伊麵個芝士汁好濃同香第一次食乳豬係用熱石上岩晒我鍾意食熱野既人!同埋乳豬真係乳豬，唔係中豬扮乳豬蒸魚時間剛剛好不會太耐而令到D肉鞋!最後果個流沙包係我最愛唔會太甜剛剛好非常岩口味😍😍總括今次食飯既餸菜非常唔錯，坐都好舒服唔會好似一般酒樓咁逼，非常盡興

星期日即興同屋企人飲茶,但又唔想排隊等位,我哋就嚟呢間,因為可以用app攞飛環境雖然唔算好舒服,燈光比較昏暗,但勝在枱與枱之間有距離. 見Openrice其他review話服務好差,而事實上一個侍應要照顧好大範圍,人手幾唔夠嚟過咁多次,以下係我比較鍾意嘅點心同飯:牛孖筋: 又腍丶又膠丶又入味 鮮蝦菜苗餃: 外皮厚薄適中丶蝦爽彈丶鹹度適中皇蒜香鳳爪: 鳯爪同花生都好入味丶唔會過腍窩燒櫻花蝦雞粒炒飯: 呢個飯炒得好均勻,粒粒好分明,夠乾身,鹹度啱啱好,由於係窩燒,有啲飯會脆咗,但又唔會好似飯焦咁痴牙. 真係好好食!

從來未試過一間餐廳寫2次劣評，一次因食物質素，這次因服務，所以這餐廳已在心中永遠blacklist 早上和家人飲早茶，下單後等了20分鐘也沒有上菜，於是向職員查詢，全都一句表示未整好便行開，根本並沒有查單。25分鐘後向何職員查詢，她態度悪劣的表示未整好。及後向湯部長再次查詢，她在對面枱呼喝過來 “點心不用蒸咩” ，咀臉和態度其差。之後才發現根本沒有下單！！！湯部長還好意思過來責怪我們2分鐘前才下單就追，自己員工漏單，一句不好意思也沒有，還呼喝食客。一直光顧這餐廳，食物味道一直還可以，但上次吃火鍋已發現原來食材其差。現在發現態度也是非常差。還有曾嘗試過新年時在酒樓給利是一位職員，整群員工會一整群圍着你伸手取，可見這間公司管理何其好！投訴也沒有人回應，而見專頁亦負評如潮。大家想受氣的就光顧

今晚一心帶我老爺食長腳蟹，長腳蟹三十分鐘後上枱及拍照，然後伙記攞去剪，但剪完隻蟹失左跡，轉頭一看，發現後面枱有隻剛剪好嘅蟹，而且見到個客打算食蟹腳部份（手冇帶即棄手套，仲见到他手掂過蟹肉）當我問個伙記我隻蟹去左邊，他才發現錯放後面枱，問客人你是否有叫長腳蟹，他說冇，部長問你冇叫為何食左隻蟹，跟住部長把客人手上的蟹腳放回位置，然後打算放上我枱，oh my god…咩服務呀，你唔係打算我會食下嘛！咩心情都冇晒！食完其實餸馬上走人，太不知所謂！

不知所謂，態度差，d牛一個鐘都未黎，重要last order都唔同人講，3分1既野都可以賣晒，賣晒又唔同你講，d員工重要串到叫你唔好吹單呀，吹單師傅話賣晒你就無得食，真係不知所謂，食到一肚氣！

天氣凍左，多咗去打邊爐都好正常，雖然我自己就唔係好鍾意打邊爐，不過老公鍾意就陪下佢啦一直都聽聞過呢間8鍋，有好多湯底揀，而且味道唔錯，咁岩早幾日經過就同老公去食左一入去就聞到好香嘅火鍋味，老公叫咗我最出名嘅臭臭鍋，我就叫咗芝士牛奶，落左單等左一陣就有得食，效率唔錯，而且比起一罐打邊爐要等，佢就好快啦，而且望落去好足料，好豐富，佢仲可以揀跟飯或者粉絲，應該都好夠食一到左，影相先，一試發現，兩個都幾濃味，佢嗰個比較香（但真係有臭豆腐嘅味），我嗰個就好creamy，恰菜就好正，之後我哋仲叫咗羊肉，好有羊味，正呀我覺得係冬天之選，如果多人食，叫多幾個味一齊分享就梗係好啦

今日媽咪從新界過來，拍板帶佢來這間熟識都的酒樓，平時都有來，服務好坐落卡位，地方闊，檯與檯之間有一定距離，坐得舒服。快快落單，蝦餃、鳳爪、腸粉、咸水角、等點心到檯，味道不達期望。點左個雞半隻+叉燒一份+上湯米線1窩，上檯時少發現叉燒一份不是正常份量，感覺只有平時食開三份之一，味覺賣相手亦沒有。