龍閣

營業中

休息中

同事傾計提過有間叫龍閣既酒家食海鮮唔錯，我里個海鮮控又點會錯過！今次我去黃埔分店，佢地而家做緊阿拉斯加蟹- 特價HK$188 一斤 （ 只限堂食），比其他酒家平，由於只有三個人，所以叫佢揾隻最細 size 既蟹 ～～都有4 斤10 重，咁只好叫少D餸。除咗蟹，只係咗炸子雞同蟶子。首先半隻蛋白炸子雞先到，唔太明點解叫蛋白炸子雞，睇同食根本同普通炸子雞冇咩分別🙄 不過我覺得晤夠味，只係一般般。蟶子用豉椒炒，夠香夠野味但D蟶子有少少韌，不過都晤錯。重頭戲上場.....嘩 😱隻蟹好大呀，D蟹腳好粗！服務員幫我地拆細隻蟹，再比膠手套和鉸剪我地自己拆肉。蟹腳啖啖肉，好鮮味，感覺好満足 😍😍 蟹身都好多蟹肉，飽到上心口 😆 完全滿足我哩個蟹控.....確係抵食又好食 👍🏻👍🏻p.s.: 值得一讚係服務員既服務態度好又nice.

一直有係呢間餐廳食晚飯，一直都表現滿意的。有一日行過見到佢火鍋八點半後牛肉兩折，有三百幾蚊減到60幾蚊，而且啲相好吸引就即刻入咗去試，點知就非常之失望。首先入到去啲服務員好明顯唔足夠，想搵人落單都搵極都搵唔到，或者個個行過都話等陣等陣之後就冇回頭。最後落單成功，叫咗個兩折嘅牛肉拼盤，牛柳粒、牛脷、手切肥牛，仲有樣忘記左，份量都算可以，但個樣唔太新鮮，仲雪到勁硬。另外都有好多海鮮減價，叫咗個桶蠔，估唔到佢係碟連桶比你自己開蓋。另外叫咗2隻蟶子皇同大元貝，一放低望到已經好無奈，細得非常誇張，明白有特價都唔會有好好的質素，但未免太誇張，始終海鮮唔多折扣之後正價叫咗啲食物，都係非常失望，叫咗平時每次打邊爐都叫的墨魚滑，價值$78，同外面餐廳價錢差不多，但份量亦是非常少，只是比茶杯大少少，而且薄薄的最後因為唔夠飽，再叫一個烏冬，盛惠$38一個，而且結冰的。整體來說，如果無心做優惠不如不好做，其實寧願特價貨品貴啲但有好點質素，而正價貨品亦應該有正價貨品嘅質素。服務亦都非常唔得，人手完全唔夠，火鍋料冇晒冇人通知，落單問嘢完全冇人，全部要自己行出去個收銀度搵人幫手，今次對呢間餐廳非常之失望，永遠不會幫

幾個月前嚟食過,嗰陣時係叫套餐,覺得非常抵食又好味,所以今日再嚟食多次.雖然唔係好記得幾個月前嗰個套餐有乜嘢,但係感覺上好似冇咁抵. 起碼當時係送汽水嘅但係而家冇.高湯焗開邊美國龍蝦12邊配讚岐烏冬,菜單上面係咁樣寫嘅.但係因為龍蝦冇貨,所以換咗做中蝦.侍應話有斤幾重,視覺上好似勉強1斤.眼定定見到隔離嗰張枱仲有龍蝦,而且份量都唔少,今晚食到我個頭先至冇都冇計啦.蝦就普通喇,但係我食到中途就諗起,乜唔係配讚岐烏冬嘅咩. 家姐話烏冬都有幼身嘅.即刻上網查一下,唔係喎,讚岐烏冬真係應該粗㗎喎.不過算啦或者我搵唔到啫.碧綠名醬蘭花蚌帶子無論係桂花蚌或者帶子,份量都唔係太足夠,唯有就住就住咁食.但係又真係抄得唔錯嘅,OK啦.紅燒雞絲大生翅 ,翅就少咗啲,如果少咗翅嘅話就只不過係生粉水不過支持環保都係好事嚟嘅.呢個套餐有乳豬,去飲又好普通食飯又好,乳豬通常都係最早到,今次佢食到中途先至嚟. 依然係皮脆肉嫩,熱辣辣食又香又可口.欖豉蒸原條大龍躉,條魚雖然稱唔上大,但真係幾鮮味,而且蒸得啱啱好,非常滑嫩.龍閣蛋白脆皮雞,雞唔大隻,炸到皮脆,但肉唔算嫩,不過未至於乾,本身已經好夠味,唔駛點鹽都食得.蟲

The staff here do not honour phone reservations. If you're there to eat during the peak hours, the reserved table will not be available for at least half an hour even if you arrive on time. You'll have to wait in line just like everyone else. Food service is slow too.

一家人提早食中秋節飯，龍閣唔算大，但有分近門口位同較入嘅位，本來坐喺較入嘅位，但入面好多人，實在太嘈，所以搬咗出去近門口位，但侍應們都冇嫌我地麻煩。叫咗幾味菜，最快到係湯。呢個係西洋菜瘦肉湯，味道鮮甜，似乎落咗好多蜜棗，湯料都好味，西洋菜好入味，d瘦肉亦唔硬。跟坐係瑤柱蛋白炒飯，睇落唔多油，幾香口，d瑤柱有d乾身到脆。子疆皮蛋，係傳統嘅味道。黑木耳青瓜絲，味道一般，但幾清新。燒腩仔，皮脆肉厚，甘香可口，唯獨人多唔夠分。蒜蓉蒸龍蝦，好大隻，一人半隻，個樣好吸引，點知有一隻未熟，搣開咗先知，本來話煮返熟呢隻，但其實已經搣到好核突，好在侍應最後都肯再整過隻俾我地石斑兩食，石斑肉好鮮美又滑，最鍾意食魚，入味又冇骨，正。

今晚同好耐冇見嘅中學老師同同學食飯，叫咗一圍2888既套餐。頭盤乳豬好大隻，係啲熱石上面幾特別。啲罐頭鮑魚有麻麻哋略嫌太鹹。已最出色就應該係個龍蝦烏冬，真係有足足12邊龍蝦，個個都食到舔舔脷。整體上份量好夠！聚會一流！

惠顧這間餐廳2次，晚市同午市。真心覺得服務態度‘‘非常差‘‘，所有服務員叫都唔應，上菜服務員隨意放下食物，不會理會枱上沒有空位，枱上點解無空位?因為根本無服務員會主動來執拾，全部黑面唔願做。午市晚市一樣。

很久沒有那麼齊人去飲茶了，今次點都要叫多些款式的點心吃。龍閣在黃埔來講算是中價食肆，酒樓內部裝潢簡潔，座位之間有一定距離，唔算太迫。飲茶一向是相聚的好地方，但食物質素和份量也要著重的。原隻鮮蝦餃，無乜特別。鮮蝦蟹籽燒賣皇，新鮮好味。蠔皇义燒包豉蒜蒸排骨山竹牛肉球，傳統點心，本身牛肉球鬆軟彈牙，加埋葱混合來吃，令牛肉味更突出。北菇蒸棉花雞，碎濕濕咁。與別不同脆皮蝦腸，唔覺很特別，不就是腸粉皮下包住一層類似油炸鬼的脆皮，而中間卷住一些紅蘿蔔粒同少量蝦仁碎而已，斎睇相都看到無乜餡。明爐厚切义燒腸，也是巧名，只是一般义腸。沙律明蝦角，似翻炸，皮厚又硬。鮮蝦菜苗餃黑椒牛仔骨，好似少咁件嗰樣。黃金脆豆腐，豆腐炸皮薄，唔挺，食出來唔多脆，而且少得很。鬆脆燒腩仔，肉味還OK，奇怪的是腩仔已切䦕，但是塊皮連住的，刀法利害香煎蘿蔔糕，內有粒粒蘿蔔，但個糕做得鬆散。原味紅棗糕原籠馬拉糕，好大個，不過要成$68一籠，外觀脹卜卜，但味道偏太甜。

我們叫了飯及龍蝦及其他野食，只來了小部分，叫侍應查單，他們說整緊。但等了1小時也未到，再叫侍應查單，但最後發現漏了單。侍應們完全沒有歉意，還說沒理由漏單！這樣的服務態度實在太差！以後也不會再黎！

同家人嚟食晚飯，價錢唔偏貴，但味道同service 係幾好嘅半隻燒乳豬，佢上菜時搵熱石慶住，所以個豬一路食都會keep 住個溫度，隻豬都醃得幾入味，同埋個皮都好脆，不過食左一舊都已經有少少漏，可能因為都幾油嘅關係。鮑魚汁炆茶樹菇海參，參有啲硬同無乜味，相反啲菇好好送飯，個汁都調得好好炆陳皮鴨, 鴨炆得好冧好入味，一開隻鴨有陣陣嘅陳皮香味滲岀，食落唔肥有肉香，唔錯！海鮮花膠豆腐煲，好惹味，豆腐好滑，好好送飯。肉碎炒四季豆

鹹肉糉完全無味，蝦餃豬肉味多個蝦味，環境超嘈 ，咁多年都無改善反而蛋白炒飯好少少，叫做合格。都應該badlist 唔會再來，黃埔咁多間酒樓，總有一間好過佢多多聲。超中伏！

母親節嗰時，一家人去嗰到食母親節飯。 內部裝橫雖然靚，環境衛生又好乾淨企理，但係service差到爆！ 六點九就去到，order咗個套餐， 坐咗一兩個鐘仲未嚟。 期間問啲服務員同埋經理，都冇人騷，就算肯應，都話好遲先上菜 。坐到腳攰，激到全部人都嬲爆爆，最後企起身埋單走人。好彩阿嫲嗌咗個乳鴿，否則真係餓死；茶介、汽水同乳鴿再加一要$180，唔抵service又差，堪稱垃圾！( 懷疑只柯打七碟餸，唔夠多，啲職員先當我哋透明，但係呢個態度真係好勁差囉)

My sons birthday on Tuesday so we had family dinner here. Seafood is a must to order here as u can tell the freshness of the seafood from their fish tank. You choose what u want then tell them how u want it cooked. We have steam crab and the size just right for eight people. Very tender meat and full of flavours. We also order half pork on hot stone. Should have order a whole one as it is not really enough for eight people. And the fish are cooked in two way I prefer the fried one more than stea

It is a great restaurant for family dinner with comfortable seat and service. The roast baby pork on top of hot stone is a must order her. The meat are juicy and tender white the skin are crispy. Can't help to eat again and again! Lobster I also good to order here as they are always on discount!

家中老少都很喜歡來這裏飲早茶丶食晚飯，因為這裏的食物美味，座得舒服，位置方便，老人家尢其喜愛來享受美食。不過，這裏唯一缺點，就是服務人員的工作態度。上次食晚飯，其中一碟少菜遲遲未上，我們就向服務人員查詢一吓，對方就回應說很快就到，半小時再問，仍然說很快到，再過半小時追問，竟然回答說賣哂，我的天啊，我們足足等了一個小時，才跟我們説賣哂！不知道為什麼他們在一個小時後才發現那款小菜賣哂！今天早上，本來懷着輕鬆的心情去飲早茶，點了幾款點心，食了二款點心後，就沒有其他點心來，問了多次服務人員，她們都跟我們說很快到，等到發火，服務人員才通知沒有下單，還跟我們說不關她的事，我當時氣得大叫：「這是什麼服務態度！」跟着我們就要求買單離走，他們居然要收全單的價錢，經過一番理論，才減去沒有來的點心。經過兩次不愉快的經歷，我們已經把這間餐廳列入黑名單，就算食物怎樣美味，也不能補救服務上的不足。