龍鳳冰室 (蘇杭街) (已結業)

Lunch經過呢間餐廳，知道係明星開既，但一直未食過又見唔係好多人就決定試下。🍴龍鳳神級XO滑蛋牛肉飯 hkd62一上檯見到呢個賣相已經覺得差，牛肉份量超少，而且係條狀，得幾條係面，味道更是淡而無味，成個飯唯一可取係蛋唔係全熟都算滑溜。🍴炭燒肉鬆雞扒飯 hkd62相比起滑蛋牛肉飯，雞扒份量就十足，但可惜雞扒非即製，上菜已經唔熱。味道方面，雞扒面頭有搽上蜜糖，味道唔錯，但肉鬆又甜，夾埋就唔多夾，可能叫辣既會較好。整體呢個價錢再加咁既食物質素，不了。

星期日黎到上環真係冇啖好食，間間野都山門既，係見龍鳳冰開左門，門面幾靚仔下，所以就入左去。唔知係咪主打遊客生意，成間都係大陸人。冇乜位，坐左響收銀機隔離張枱，熱到嘔，係靠地下部風機吹下，先呼吸到。下午茶黎到都係想食少少野，兩個人嗌左兩樣野。西多士不過不失，一定唔係好味，少少干，但未至於難食。要講難食，可以同大家分享下豬扒炒蛋菠蘿飽，首先，個菠蘿飽真係好難食，味道好差，個皮唔新鮮，林既，我是旦響麵包店買一個3蚊菠蘿飽都好味過佢，入面既豬扒同炒蛋普通，但唔係好食。

上環有間裝修懷舊招牌金碧輝煌冰室聽說是演員林子善開設的「龍鳳冰室」人氣指數十分高，每次午餐時間經過內外都濟滿人，是明星效應吧！不如一試無妨，為了省等候時間我們一班同事只好打電話叫4個外賣，可能繁忙時間吧服務員不太友善，15分鐘後去到門外有不少人排隊等候位，也有人等拎外賣。香辣肉鬆雞扒意粉一打開嘩好大的分量談到肉鬆香口不咸又扎實雞扒厚身油而不膩,辣汁香甜又夠，炒蛋滑潤，一小撮肉鬆一啖雞扒最美味可口，可惜我叫了意粉如是飯更加絕配總結來說咁嘅價錢咁嘅份量好抵食

劣食！好耐冇食唔知啲質素變到咁!!!!!!!!!!!Search嗰陣見到咁多劣評都嚇一嚇 估唔到真係咁難食!!!!!!!!!!!!!!!!!!!!!!!!!!!!平時淨係睇吓食評今次真係特登登入黎比comment熱奶茶唔掂，牛坑腩乾過牛肉乾特餐啲炒蛋好實 火腿係酸嘅好似雪左好耐 雞翼好鹹 菠蘿包淋哂 個皮完全唔脆 好彩有塊牛油送一送口⋯又熱好似冇開冷氣！😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡

連沙嗲牛都做不好既茶記。嗌左個神級xo醬沙嗲牛面，睇下您有幾神級，究竟係濃沙嗲定好好味牛肉呢？！好失望，完全無沙嗲味，唔係難食既，只係我嗌沙嗲牛係想食沙嗲味，最後只係有辣椒醬味。另外，個牛，韌咖，每一舊都係！！當香口膠咁𡁻都得。佢仲溝埋啲腸(?)俾我，唔講我以爲自己食緊牛雜面，當然無咁滋味啦下。仲有我唔明白點解會有粟米撈埋？R哂頭。服務一般啦，嗌乜無乜，嗌完牛坑腩姐姐話無，咁我問佢仲有咩無啊，佢話無啦得牛坑腩無貨，咁我要豬頸肉啦，啊，姐姐9秒9又話無

The food is definitely average to below average. We had ordered two breakfast set from this place. Originally, i thought the selling point of this place was classic hong kong 茶餐廳. but they serve me drinks in plastic cups with plastic spoon? very wasteful and not environmental friendly. the spicy noodle from the breakfast need to ad extra money, but really they just give u those MSG soup pack to mix it yourself. which is very puzzling of why they are so lazy to even cook it for you in the soup. p

一走入龍鳳冰室，先被精緻的懷舊風設計吸引，然後就看到牆上超多明星光顧的照片，後來才知道這是一群明星開的茶記。以為是走遊客高價路線，原來價錢非常親民，款式多，食物質素也不錯。上班前點了個早餐外賣，走了火腿的粟米通粉，招牌炒滑蛋，熱烘烘的菠蘿包，還有一杯熱咖啡，也只是36元，外賣竟然不用加錢通粉的粟米份量很多，不知道是不是我走了火腿的原因招牌滑蛋果然名不虛傳，菠蘿包外脆內軟，滿意！其實，我特別喜歡這家的原因是，這類的侍應姐姐都非常友善，有一次我漏了銀包在這裏，她們馬上幫我收起來，等我去拿， 是不是在上環的餐廳，人情味也特別濃呢？

一早約咗朋友去食早餐經過呢間餐廳見到門口餐牌非常吸引一來非常之光鮮全部都係黃色底先不談食物質素飲品來到全部都係用即棄塑膠杯同埋塑膠飲管、膠匙已經失望好傷心💔粟米火腿湯通粉都幾大碗粟米出奇地新鮮湯底不會太咸👌🏻波蘿油塊油都幾大塊但塊炸魚柳略嫌炸得比較燶炒蛋賣相都不錯但口感是比較硬可能是預制了一段時間粟米是出奇地新鮮$38早晨其實都算係咁啦門口餐牌顏色好搶眼好吸睛選擇亦非常之多價錢由$28-56不等🥣

因為琴晚突然出咗街睇戲冇煮飯，媽咪又出左嚟我屋企，咁就同媽咪去食野啦點半左右覺得肚餓，就落街諗住去蘇杭冰室，見到OpenRice話佢今日有開喎，咁就去睇下啦，點知原來係冇開過喎，沿途有咁啱見到原來開咗龍鳳冰室，咁食唔到嗰間就試吓呢間啦因為媽咪唔係好肚餓想食下午茶餐，但又只係1.9咋喎，未夠鐘，咁就去附近行吓先啦，兩點鐘返到去諗住帶下午茶，點知咁啱聽到隔離枱話叫下午茶，但係侍應話今日假期冇喎，咁早知唔使周圍行啦媽咪就點左個菠蘿油配熱鴛鴦，媽咪話個菠蘿油都幾鬆軟幾好食喎但係杯鴛鴦就係奶茶黎嘅我就叫咗個咖喱魚柳意粉，咖哩都幾好食呀，快魚柳表面就好脆但係入面就好似未完全解凍咁，所以整體來講味道還好，口感就差d而我杯咖啡原來係鴛鴦嚟嘅，兩個餐加埋先$73都算抵嘅而且餐廳內位置都多但係又唔會覺得好迫，同媽咪食住傾吓計都幾好

人怕出名豬怕肥呢句說話真係冇講錯， 之前試過早餐都幾好都算ok但係再試過中午直情180度大逆轉不知所謂， 一行四人一坐低 都未曾睇餐牌更表明冇下午茶( 驚我食唔起咁貴) 冇下午茶你就唔好畀個午茶餐牌我吖， 跟住點了三個所 謂套餐， 啲嘢食一嚟就大鑊出事了， 司華力腸意粉嗰條司華力仲硬過我條頸， 肉燥 餐肉意粉嗰塊餐肉乾到好似餅乾咁硬， 戲肉嚟啦嚟咗兩杯奶茶要多奶 ， 拎上手 一啖可以飲得曬跟住同阿姐講有冇杯熱啲㗎佢話係咁㗎喇你要多奶係咁㗎喇喎， 咁搞法我都幫你唔到

今日約左朋友去中環海濱賞想文創節 @SummerFest 市集，不過下午三點先開始，所以上午順便去上環做下運動。同朋友講開上環有乜好食，佢就話最近新開左間冰室叫我去試下。離上環地鐵站幾分鐘路程，都算易揾，終於到了蘇杭街龍鳯冰室。呢度就唔係太大，不過都坐到好多人，睇餐牌好似推介咖哩，因為我都幾肚餓，就叫左一個咖喱牛坑腩飯，朋友就叫咗一個咖喱雜菜飯。D咖哩吾辣，就啱曬我，D牛坑腩都都幾淋同入味，咖哩雜菜就最啱素食的人，不過如果大食D碗飯就可能吾夠😅。

招牌XO滑蛋牛肉飯 60蚊, 缺點多,零優點 , 份量小,牛肉淡而無味. 滑蛋還可以, 飯加左老抽,整色整水, 飲品熱華田,淡到無味根本唔值60蚊, 只值20蚊 , 唔會有機會返轉頭再食

星期日，好多上環餐廳都唔開，見到門面幾光鮮就諗住入去試吓，點知仲晒伏。叫咗個最出名嘅常餐，瑞士雞翼冇味，意粉同個湯無味，炒蛋尚可。重點係菠蘿包，見到餐牌菠蘿又好似好正咁，單買要成$25，咁就以為個菠蘿包都會好好食啦，點知皮淋哂，又係凍嘅，仲要發現黑色一點點係包中間，問職員係咪發霉，佢話係把刀嘅問題！救命呀，唔明點解咁難食又貴，都有有咁多間分店。成$55呀，可唔可以俾返啲誠意出嚟做茶餐廳！代表香港㗎嘛！好失望，一定唔會再幫襯！

這店是新開，在上環，競爭激烈。其實在之前也有試過他們大坑及天后的分店，其中大坑分店水準很一般，去過之後也不會再去；天后分店服務極差，那次侍應不小心將通粉熱湯濺到我的大腿上，對不起也沒有一句，覺得人不是人，人不會有感覺，不會被燙傷，也沒有拿紙巾給我，覺得我是一個公仔，被熱湯濺了之後不會有感覺，也不會察覺。做人，是很難做到這樣子的，只要是一個有常識，有基本家教的人，不要說要讀過甚麼博士課程，小學畢業也會懂這些基本禮貎，更何況是服務業。那次我是很不滿的，過後也當然不會再來。這次早上要到寫字樓工作，一起工作的同事說這間在上環新開，可以一試新東西；我本身對它印象極差，本來就不想去了，但也想著未去過，就一起去一試。我的厄運，在當天早餐就開始了。早餐，其實並沒有很特別的東西，來來去去也只是那些：公仔麵，通粉，餐飽，咖啡，茶；早餐也不用甚麼花巧，也不是甚麼名貴食材，也不是要很用心才可以做得好，例如要早一日預備食材，要煮個六，七小時，絕對不會是這樣。通粉，有誰不會做？一般有常識的人，在家也可以自己做。奇就奇在，這間餐廳，請了個工作是煮東西的廚師，他也可以亂來；我可以肯定的說，這是我人生之中吃過最差的早餐

在一星期前的8月頭，經過上環蘇杭街，香港蘇豪智選假日酒店對面，見到開了林子善間懷舊裝潢冰室 <龍鳳冰室>！色彩繽紛的小磁磚牆，配上金漆招牌，加上有射燈，相當搶眼！ 這裡貫徹懷舊裝潢！店內還掛了很多明星相！ 桌上備有餐具、調味料及糖包！記得星期五放工走過來，我問女店員有無單張，她回答暫時未有，叫我上網，話 Openrice 有得睇！竟然係咁！店員阿姐真係醒！於是，我拿了店子卡片便離開！店內都夠人手，而且以新開的店子來說，就算星期六早上多食客，亦沒有出現安排混亂情況，店員又有禮貌！所以印象也不錯！其實！我之前聽見這是林子善開設的餐廳，由大坑總店開始，灣仔春園街分店、天后電氣道分店、太古英皇道分店、至今上環蘇杭街新分店是第五間分店嘞！都覺得他好成功！把其飲食事業攪得有聲有色！好叻仔！所以值得支持！平日中午實在太多人幫襯嘞！只好星期六早上來幫襯吧！早餐：由 $28~$56 不等、還有特餐及精選餐...等等！龍鳳醒神早餐：黃金菠蘿包、招牌炒蛋、火腿粟米通粉 配咖啡/茶 $36份量都頗為豐富，而且價錢合理！熱檸檬茶先上熱檸檬茶，有三片檸檬，溫熱程度亦適合入口！最重要是茶膽清新不苦澀