龍鳳冰室 (惠安苑) (已搬遷) 新店位置

龍鳳冰室頂級豬扒炒蛋飯炒蛋不油膩，有蛋香。茄汁酸酸甜甜很開胃。甜粟可以，不會太林和乾身。飯口感不錯，飯香少。如果用香米更佳。豬扒有兩塊，一塊用一層薄薄的炸粉即炸，豬扒沒soda粉味，很易入口，醃得不錯。另一塊原味煎豬扒也不錯。建議用茄汁和蛋餸飯。

假日又係行山日～😝由金鐘出發，行小馬山，終點鰂魚涌！🤪行完山，我超級無敵肚餓！又好想食茶餐廳～那那林搵間茶記食下午茶先！😋XO醬沙爹牛米，凍檸茶走甜 （+3），$41✅同餐牌個賣相有啲唔同🙂沙爹醬都掛汁，有沙爹香，但⋯⋯d牛係凍嘅⋯⋯失望⋯⋯如果係熱辣辣就好啲！😶米粉係小透明果款，有冇人鍾意食呢一款米？😝我覺得個份量偏小，可能行完山係我太肚餓？！本身仲想食奶醬多😙不過要控制熱量😂成間舖頭嘅顏色好鮮艷，紅配黃😂

“龍鳳冰室”，好懷舊的餐廳名字！港島華蘭路中，面對著港島東中心和太古公園，這家港式快餐廳平時接待著不少高級寫字樓的打工仔，可想而知，這裡的餐飲價格絕對不是那種益街坊的，所以，我雖然經常路過，但從未踏入，孤寒啊！😜今日我返半日工，有人接放工，順路被帶進這裡～“龍鳳冰室”，和你lunch👇入座時客人唔多，發現座位太過近洗手間，果斷換位再坐～餐牌有冇懷舊feel？👇👇果然是偏西式的選擇，沒有熱炒或粥飯，主食幾乎都是各種飽，意粉，即食麵，配著各種雞扒，豬扒，腸仔....薯條，咖啡，特色凍飲🥤Order左兩份餐：1）爆辣雞扒意粉 +熱咖啡，HKD 79.-2）吉列豬扒辛辣麵+熱咖啡 HKD 57.-吉列豬扒麻麻得，吉列粉硬爭爭，豬扒也冇啲質感，勉強食，都要剩.....辛辣麵就是更是求其：一碗即食麵+兩包調味包，自己拆包拌調料😒...值得讚的是雪糕紅豆冰，單點HKD38.- 👇估計是跟餐order，優惠價HKD15.-，好味，抵食👍此餐最滿意的就是那杯：雪糕紅豆冰👍

平時好中意食常餐, 特餐依D野, 總之一份蛋, 一個麵, 一件多士再加杯奶茶就可以令我好滿足! 今日去左龍鳳冰室買左個特餐, 番去拆開見包裝得好好, 好企理乾淨, 唯一可惜既係意粉冇分到湯。多士正常, 炒蛋炒得非常靚, 外賣番泥都可以咁靚, 半生熟狀態而又好滑溜, 食落有牛油香, 出色!瑞士雞翼意粉既湯底好夠味, 可能雞翼浸住湯, 所以湯更濃濃到有D咸。意粉浸淋左, 漲漲地又易斷, 當然雞翼浸湯都唔會好食, 麻麻地。杯熱奶茶就好好飲, 好有茶記FEEL, 又滑又香。

以前喺天后成日去龍鳳食lunch，見咁耐冇食諗住幫襯下，食之前仲猶豫緊叫爆辣炭燒肉鬆雞扒定係炭燒雞肉串配肉燥炒蛋好。六點後得番外賣，特登喺app叫定，之後先去拎。一入到去，有個冇戴口罩嘅男人問我係咪外賣，之後我驚見另一個冇戴口罩嘅男人準備幫我包外賣。當時我碗嘢並未冧蓋，個男人夾住個電話，冇戴口罩一路對住我碗嘢講電話（我要強調碗嘢係未．冧．蓋），一路慢慢唧醬汁落去，一路幫我包外賣。今日仲係三十幾單本地感染肺炎呀，而家正常人都有基本衛生意識，更何況係飲食行業？難以理解可以咁缺乏衛生意識，對客人嘅健康完全冇保障。至於嗰個有口水同飛沫的外賣，我完整地將佢掉咗落垃圾桶。

第一次黎龍鳳冰室，見到有個叫兒童特餐，份量大到好似唔係比小朋友食既，我就貪過隱叫左黎食。一黎到，真係嘩一聲，份量好大，雞脾好大隻，有份千層炒蛋，同埋一份多士（因為我唔想食薯條），心諗依個餐一定唔係比小朋友食既。咁隻雞脾都算唔錯既，幾夠味，重點係夠大份，完全食到有幾多蛋白質。咁個炒蛋都可以，係油左少少，可能隻雞脾真係好大，所以顯得份炒蛋有D細。而塊多士就淋左少少，下次會叫佢”大火”。跟餐仲有杯黑牛，真係好耐無飲過，咁個朱古力雪糕都唔錯，依個天氣有杯黑牛真係好正。整體黎講如果個餐平番少少會再吸引Ｄ。

由於旁邊的茶餐室爆滿，好餓又懶得行去太古城，去左龍鳳。剛開業時有光顧過兩次，第一次早餐，d湯涼的個麵又唔好食。第二次係應朋友要求食lunch，叫左個咖哩牛腩飯，咖哩係好少餐廳做得好，明既，不過連牛腩都柴皮我就真係慘😵到底佢開左幾年我唔記得，當兩三年。今次叫左雞扒麵，睇落好正常，但食落毫無味道，唯有落辣椒油，個麵估計唔係大滾水煮，所以唔透亦唔香，當然本身已經唔係中價貨。實在好唔得，所以食友人既通粉好過。唯一正常係隻蛋。

好耐冇嚟過龍鳳冰室食飯，大概已經有兩三年。之前一向鍾意食佢嘅肉鬆雞扒蛋意粉。今次亦唔例外我叫返同一樣嘅選擇，但係結果有啲失望。佢嘅雞扒燒完之後落咗好多蜜糖，所以係過甜。加上雞扒燒得比較乾身，冇乜肉汁。雖然雞扒份量多，但絕對冇令你非常滿足。至於佢嘅蛋就正常唔會話太重調味或者太乾身。至於個龍鳳特餐呢，菠蘿包本身做得都係比較偏甜就但係個包就係合格嘅。雞翼就偏鹹同埋都係乾身，所以呢其實都唔係話十分推薦。之前喺灣仔食嘅質素比較好，唔知今次係個別例子，分店問題定係已經差咗，冇以前咁好食。

Lunch整隻大大雞脾🍗好邪惡😋都算快10分鐘左右就有！入到去大部分人都叫雞脾😂第一次就叫個雞脾佢有辣同唔辣🌶今次試唔辣先！雞脾好大隻個蒜香汁好惹味👍🏼雞脾肉質比較硬唔太Juicy不過加埋個汁ok👍🏼推介！

第一次黎到鰂魚涌試依間龍鳳冰室午餐時間黎 好彩等左5分鐘度就入得🤣環境就真係逼左d 🤥🤥見到餐牌依個 爆辣炭燒肉鬆雞排咁吸引就試試佢😋😋個餐配埋炒蛋🤣我就揀左意粉🤣一黎到見到 真係好好好大塊雞排!!雖然話係爆辣 但個人覺得都係少少辣黎既雞排都幾好食😋 燒得幾香啊😗午餐都可以黎試下🤣

星期日來太古城遊，搵早餐食之際，遇上龍鳳，見佢個名應該唔錯卦 （直覺上），早上九時半，食客不多，仍有很多「吉」位。點了雞扒太陽蛋湯米粉，熱齋啡。上枱時間都好快，夠熱，米粉質感不錯，不會太腍或太硬。炭燒雞扒，雞肉質地尙算嫩滑，不覺油淋淋，但橫睇掂睇都唔覺係炭燒，因顏色上唔覺有燒/烤既顏色。太陽蛋煎得不錯，有返個型係度，無穿黃。還有幾粒粟米伴米粉。最難忘都算係個湯了，無味！似清水浸米粉。熱齋啡，普通無特別！像即溶咖啡沖出來。氣溫30度以上，竟唔覺開冷氣，熱住食早餐。總結：可以不試！除非餓到搵唔到食。

龍鳳冰室鰂魚涌分店的位置較為隔涉，食客多為附近居民或太古坊上班族。是次晚上前來用餐，員工較為輕鬆，服務態度尚好。餐廳以懷舊為主題，牆上貼有大量明星照片，而座位不算舒適。我們一家人分別點了招牌菜炭燒肉鬆雞扒的辣/普通及少辣版本，果真有些分別。隨餐附有招牌炒蛋，質感非常嫩滑，容易入口。可惜雞扒非即製，上菜時已變冷變乾，而且較薄，感覺不算抵食。上面舖上大量肉鬆，配合起來非常合襯。飲品屬於不過不失，沒甚驚喜。

咁岩去開太古坊，成層一樓好多西式快餐店，想飲奶茶所以落番樓下搵下，淨係見到龍鳳冰室，無乜其他茶記。食物❤️❤️❤️❤️夠厚，好味，唔錯。份量❤️❤️❤️可以嘅，不過細咗少少。服務❤️❤️❤️無乜客人，所以一叫即有人幫手，幾好。環境❤️❤️❤️冷氣唔夠，唔明點解唔裝門。價錢❤️❤️❤️最平嘅早餐$30就係呢個啦，其他$40至$60不等。

最近轉左工黎左鰂魚涌區返工當然趁lunch熟習下環境發掘更多好野食行行下比我見到「龍鳳冰室」呢間價錢會比茶餐廳貴但係門口見到d食物相好似好正咁就入去食喇Lunch的確多人但咁岩有位唔洗等見到牛坑腩好似好好味就決定叫「咖哩牛坑腩飯 $70」檸樂加$5今日星期五happy Friday算啦！豪比佢🤣食食下職員無留意到我執緊隔離位d餐具收走我碗飯（未食完的）佢即刻話唔好意思比個碗飯我🤣唔理由叫我食返果碗啦🙈不嬲都覺得茶餐廳服務都麻麻地呢間算係咁啦😃

年初一晚餐一定要同屋企人食返餐好嘅。不過一出門發覺…大家樂坐滿晒人，好多茶餐廳都冇開。喺太古果頭行下行下就見到呢間龍鳳冰室仲開緊，就毫不猶豫入呢間。好耐之前自己食過龍鳳，覺得都抵食嘅。今次同屋企人食，環境都幾有舊式茶餐廳嘅風味，牆上仲有好多明星合照，啫係佢哋都嚟過呢間食嘢。我就叫咗挪威煙三文魚配招牌炒蛋飯，熱華田。呢個飯我好似次次食龍鳳都係叫呢個…唔知點解…就係覺得佢好好食，三文魚都好正，同酒店自助餐啲煙三文魚唔同嘅係，佢冇咁咸，比較啱我。我媽係叫挪威煙三文魚配招牌炒蛋意粉，熱奶茶。我媽都話我冇介紹錯，呢個餐真係唔錯。我老豆就叫爆辣炭燒肉鬆雞扒配招牌炒蛋意粉，凍奶茶。佢個雞扒都幾嫩口下嘅，而且都真係幾辣下。