龍鳳祥餃子館 (已結業)

呢間餐廳我成日都嚟食， 次次黎親都會叫韭菜豬肉煎餃，雖然好多地方都有得食，但係呢間餃子餡料夠多，又煎得好脆，再點埋佢嘅豆瓣醬同醋係m 絕！另外有時我都會食呢度嘅豬手飯，豬手洗得好乾淨，最重要係豬皮係冇係無既，見過唔少餐廳嘅豬手連啲毛都清得唔乾淨，好倒胃口，呢間就抵讚。

今日lunch特登去佐敦分店試下。店舖唔算大，大約有六七張枱。雞絲拌粉皮呢度嘅雞絲拌粉皮嘅麻醬幾香， 幾開胃， 仲有爽口嘅青瓜絲， 撈埋一齊食，幾清新。芹菜豬肉水餃：芹菜夠爽口，不會煮得過熟，也沒有太重草青味，味道清爽，餃子大小偏細，沾醬的醋汁較淡，如果店家用的醋再香一點，沾起來吃會更可口。酒香醉豬手豬手真是好香口，咬口富有彈性，比較有口感,入口不太有肥膩感，這一點十分好。这里的菜式多样款式多，口感纯正喇。服務：服務態度好，店員臉上常有笑容。 環境ok，消費有比較親民

好老實講 原本係諗住食隔離鋪嘅🤣不過咁啱冇開 就轉為食呢到啦估唔到竟然有驚喜！😯麻醬冷麵 - 雞絲（港幣$50）我平時食麻醬冷麵都習慣大大啖咁食不過之後食食下就會因為個醬而好快飽🤢但呢間舖就整到個醬啱啱好啊！👍🏻麻醬並唔會好濃味 撈埋同啲麵一齊食係絕對帶淡香而不膩🤤可惜雞絲都係用雞胸肉整 太「鞋」如果有番啲啲雞脾肉 相信會更好食👅同埋我覺得太多大部分人未必鍾意嘅紅椒青椒啦！😰不過個麻醬確實有驚喜 加上價錢合理 我覺得唔錯啊✨✨

去qe見完醫生覺得肚餓即上開飯網睇下有乜好野食發現左呢間小店決定來試試佢在澳牛果條白加士街，唔難搵既小店面積細細，坐落去時都有點迫睇左大家既食評，就叫左以下食物酸辣湯 $20呢碗湯真係不得了，點解酸辣湯加入大量豆瓣醬真係奇怪無比！老公好鐘意飲酸辣湯都頂唔順陣味，佢話：隔離八方雲集仲好飲唔明點解咁多評語話好飲⋯細 雞絲粉皮 $21醬是有香濃花生味，好吸引！配搭粉皮青瓜來食真係好回味可惜太細碟&上面雞絲好乾好硬，是敗筆之處韮菜煎餃 10隻 $50 正常大細味道既煎餃，入面仲有小量肉汁啲餡料似是用刀切，保留口感配上豆瓣醬，醋，豉油都幾好味，不過不失但已經係全晚最好食既野凍豆漿 $6 大大杯，凍冰冰，小甜，好多人叫題外話，都幾多外國人食呢間野當日見到有一台四個外國人食淨超多野成碟雞基本上都無食過仲食淨左好多水餃煎餃，係未唔岩味呢總括來說，味道一般般，坐位唔算舒服真心，比較肥胖/孕婦唔建議去⋯

呢間龍鳳祥餃子館位於澳牛隔離，雖然不是太顯眼，但他的餃子十分有特色。今日中午就去咗試吓佢嘅餃子，入面嘅餃子好有特色，今次就試咗煎羊肉餃子，京式炸醬拌麵，千層醬豬耳。個人十分欣賞煎羊肉餃子，唔係好多鋪頭有羊肉餃子食，佢嘅煎羊肉餃子煎到好香，食起上嚟外脆內有肉汁。千層醬豬耳都好味，當小食一流！但係個京式炸醬拌麵就略為遜色，因為佢嘅炸醬太多，而且好鹹，食到最後仲有好多醬。十分期待下次可以試吓其他嘅餃子！

芹菜豬肉水餃：芹菜夠爽口，不會煮得過熟，也沒有太重草青味，味道清爽，餃子大小偏細，沾醬的醋汁較淡，如果店家用的醋再香一點，沾起來吃會更可口。雞絲拌粉皮：小編很喜歡這間店的麻醬，不知道是否自家做的，吃起來花生香味很重，配上青瓜絲吃有解膩作用。粉皮帶點點爽口，不會過軟。小編們點的是大份的雞絲粉皮三人分享完全不夠滿足😂爽口醋木耳：木耳夠爽口，不過也是有點醋味不夠香的問題，如果用上再香濃點的陳醋和加一點點辣油應該會更吸引。

同女朋友喺附近做完運動，大家都唔想再返屋企煮嘢食，於是就嚟呢間鋪頭食餃子，我同佢都好鍾意食餃子，特別係韭菜豬肉餃，仲要係煎餃添！呢間嘅韭菜豬肉煎餃做得好出色，外面好脆，入邊包住好多肉汁，每咬一啖都會有好多肉汁滴出嚟。淨係食煎餃我又唔夠飽，所以就叫多咗個豬手飯，豬手好腍好入味，女朋友又唔鍾意食豬手，所以我就可以一個人食晒！另外叫咗杯豆漿，都係$6咋，好濃郁豆味。

呢間位於佐敦的餃子店是我和男朋友的飯堂，每當我唔想煮飯的時候我總會想起它，今天下班與男朋友去做gym，做完都差不多9點，我又無預備餸菜，所以又去食餃子。極度推介韮菜豬肉煎餃，每次黎我都會點10隻，如果唔係會比男朋友搶晒黎食😂而男朋友最鐘意就係豬手飯，佢話好入味好腍，而且店員好細心，會比個碗仔你吐骨。今次我仲點多左個口水雞，拍得住貴價既上海餐廳，性價比高！另外熱同凍豆漿各點了一杯，豆漿香滑，重豆味，而且大大杯都係6蚊咋！

午飯時間途經佐敦 ,記得之前都在這裏品嚐過龍鳳翔的餃子難得今日到佐敦區一定要再食啦！裝修佈置帶點京滬味餃子館當然餃子有很多選擇 ,傳統的白菜，韭菜，芹菜都有， 特別嘅係還有蕃茄雞蛋，京蔥牛肉，素菜。涼拌青瓜 夏天開胃之選湯底方面 照顧到不同食客嘅口味，酸辣， 麻辣牛骨，開胃嘅蕃茄湯底都有。今天和朋友各自點了酸辣湯麵和炸醬拌麵 酸辣湯麵明顯酸蓋過辣味的 ,也較一般上海舖的酸辣湯麵清新。炸醬拌麵撈勻後肉醬超級多， 加埋超多的青瓜令到胃仔又變大了，唔覺唔覺食到肚皮 脹卜卜白菜加韭菜餃子目測雖不是很大隻， 但皮薄， 用料多每人吃上五隻已經很飽肚* 佐敦區午餐抵食之選*

之前也分別打了幾家餃子的食評，荃灣的餃子屋和太子的美味餃子店，就知道我有多喜歡吃餃子！這一次因為打算在晚上吃佳佳糖水的關係，所以便打算在佐敦解決晚餐的問題！經過這一家的時候，就看到很多人在內進餐，又看到有特色餃子，所以便進去試一試！兩個人分別點了：蕃茄雞蛋淨餃＋肉三鮮轉煎餃蕃茄雞蛋餃 淨餃 $44一開始以為淨餃是有湯的，誰知道「湯」要另外加錢？說回餃子的本身，味道有點特別，口應也比較清爽裡面是滿滿的蕃茄雞蛋，吃的出來，蕃茄雞蛋的調味只加了一點鹽巴，然後只靠蕃茄和雞蛋作調味，可以說很清新的味道，但是對於一般人來說太淡了。可能有多一個湯會好一點，因為看到其他食客也有加湯肉三鮮煎餃 $55肉三鮮是指：蝦仁和韭菜和豬肉煎得很好，皮脆多汁！但是只是一般的味道和口感，因為可能這家是喜歡吃食材本身的味道，所有味道只有韭菜和豬肉味，跟在超市買的那些韭菜豬肉餃一樣的味道。就是一般的餃子蝦仁真的很小一只，而且又沒有什麼蝦仁味餃子只是一般的大小，沒有餃子屋和美味餃子店的大SIZE，而且價錢又比較貴總結來說，吃過一次就可以了，因為可以在第二家找到相應的味道。此外，對比另外兩家餃子店，性價比真的不高。

佐敦有好多茶仔同小店，今次走入一間餃子專門店吃午餐。一入去我就已經好有好感，地方細細但骨子同乾淨。我都係一個愛整潔的姐姐仔，就算啲野幾好味，如果地方唔企理我都唔會食得開心。話說啲食物，佢款式OK啦，佢有一啲我從味聽過的餃子，就係蕃茄旦餃子，好想試但我又好想吃肉，所以最後選澤左一個京蔥牛肉餃子配幼面，再加個蕃茄湯。個餃子都幾出色，最特別係佢的菜料，我估佢係黃芽白，食落好脆，證明佢係用料新鮮，呢啲真係食FROZEN 餃子食唔到的味。不過我自己就真係STUPID左，叫左個蕃茄湯底，佢係幾厚身，攪到佢MASK左啲京蔥同牛肉味，下次我食牛肉餃子，我一定會叫返佢個牛肉湯，相信個味會更濃郁。ANYWAYS, 我今次係試唔真佢啲材料味，但總體味道出黎到好好，同好新鮮﹗我仲叫左個凍豆漿，有好香的豆味，可能係自家製，呢間舖頭真係誠意之選，我會再黎幫襯試佢個牛湯架﹗

龍鳳祥餃子館 餃子可煎, 蒸, 炸, 水煮, 可包雞肉豬肉牛肉羊肉, 可全素, 可放湯, 可淨食, 一隻餃子有齊澱粉質蛋白質及纖維, 是我喜愛的菜餚. 對只著重遊客生意的中環北京王府及充滿味精的灣仔北方餃子源已經毫無興趣. 佐敦龍鳳祥餃子館路過很多次, 非大型連鎖店通常都會引起我興趣. 一晚有事去到佐敦, 終於選了龍鳳祥食便飯. 點了番茄雞蛋餃子配酸辣湯底. 個酸辣湯得個辣椒味, 湯料只有筍絲及木耳絲無肉絲. 另外餃子皮煮得過頭了, 番茄雞蛋有少許菜青味,似是無落調味料.我覺得番茄雞蛋餃加入木耳絲會增強層次更好味. 可能點其他肉餃更好. 佐敦附近很多選擇, 短期內未必再光臨.

【龍鳳祥餃子店】#餃子 🥟看似普通，但總有店舖可以係湯底，饀料落功夫，化腐朽為神奇，將餃子變成美食！呢間鋪頭主打餃子，梗係重點講餃子啦！🥟🥟🥟今次食洽韮菜豬肉#湯餃，湯底變相好重要，於是揀左店舖秘製既「#牛犇湯底」，(唔好讀左「牛牛牛牛」湯底，讀牛「賓」先岩，意思係牛腩) 果然名不虛傳，個湯底好重牛牛牛牛肉味，bonus仲有幾舊仔炆得好淋既牛腩係湯入面，食到最後我仲飲哂成碗湯！麻將雞絲粉皮不過不失，但係份量就少啲，明明我哋嗌左大份$40！醉雞既酒味同個雞味係完全分開！只係純粹將啲白切雞浸落醉雞，剩係食雞係食唔到啲酒味，而且醉雞湯底鹹得好緊要下，所以係冇可能唔會飲得落！一邊食既時侯見到隔離枱煎餃既賣相好吸引😍下次要黎試羊肉煎餃同京蔥牛肉餃，😈實測店舖煎餃既技巧！— #食好西 #相機食先 #香港美食

想食平少少，見到d人話呢間餃子館好食就諗住試下，點知咁難食🤦🏻‍♀️自己嗌咗碗白菜豬肉餃子＋蕃茄湯＋幼麵，餃子唔錯幾好食，但蕃茄湯竟然打芡😱？？本身蕃茄味已經好淡，仲要好似鼻涕湯咁好怪好難食，早知叫淨餃子算🤦🏻‍♀️聽到隔離枱嗌蕃茄湯差d想制止佢男朋友嗌咗四川擔擔麵，話好難食，我試咗幾啖，真係好難食，味道勁怪，酸嘅？同平時食開嗰d擔擔麵好唔同，完全唔香，好淡🤦🏻‍♀️仲嗌咗蒜蓉青瓜，都係一般般

三點三來個下午茶，經過見到一間門面乾乾淨淨的餃子店，二話不說衝入去試一試佢！兩個人叫咗一碗擔擔麵，醉豬手，麻辣豬耳，當然不少得餃子。醉豬手好大嚿，花雕酒味唔係好濃，不過夠爽口。麻辣豬耳味道正常，無特別。如果有得比客人選大中小辣就更好，本人就覺得唔係好夠麻辣！餃子種類大概有5款，先試穩陣的韭菜餃，有煎有煮。餃子大小適中，可以一口食哂，皮唔想簿，但勝在夠多餡。同場加映員工即場包餃子，可以食得放心，因環境都算乾淨企理！擔擔面湯底濃厚，有濃郁嘅花生味同花生碎，不過唔係好夠辣味。面嘅軟硬度適中。我估計應該係買現成的拉麵，若果依種小店係人手用麵粉整面的話，我相信會更吸引，更有賣座力！