龍鳳祥餃子館 (裝修中)

今日陪媽媽到佐敦診所覆診，經過見到有間餃子店就入去醫肚。店舖雖然細小，但坐得幾舒服😌餐牌上餃子的種類特別多，大約有七至八款樣樣都好吸引。見到餐牌上推介秘製牛犇麵，就點了來試。牛肉湯底好濃好好飲，牛肉煮得好淋好入味。麵都爽口彈牙，正👍韭菜豬肉餃-外皮煎得脆卜卜好香口，韭菜豬肉切得細細粒容易入口，咬落多汁😋😋😋蒜蓉拍黃瓜-黃瓜葉得入味，酸酸甜甜帶有少少辣辣地，好開胃👍京蔥牛肉餃-這個餃子都係第一次食，出面比較少有，京蔥配牛肉簡直絕配，咬落香蔥爽口牛肉新鮮多汁，味道一流😋😋😋

今日同媽咪睇完醫生後，經過佐敦有一間餃子店好多人我就入去食個午飯，叫了一個牛犇麵牛腩軟綿綿好正個湯又冇加味精，再叫了一碟九菜餃一睇已經知道是人手自己包的真才實料好鮮味，涼拌青瓜好清爽酸酸辣辣味道，涼拌木耳好軟綿綿，你試吓就感覺到。大家值得一試。

突然想食餃子，之前有食過龍鳳祥都覺得ok。之前都係食開外賣，今日試下現場食，吾知會吾會更好食呢⋯⋯鋪頭唔係好大，大約10張枱鬆啲。不過呢位有啲迫。叫左京蔥餃子麵，點知黎左牛犇麵。可能午餐繁忙時間聽錯左order🤷‍♀️不過算啦，懶得換就試下，還掂未食過牛犇麵。賣相都幾吸引，湯底好似好濃郁。試咗一啖湯底味道偏鹹，除咗咸食唔出咩其他味😞不過牛肉好淋一啲都唔韌👍麵都算彈牙。如果個湯底冇咁鹹會更加好

個人認為多數人去佐敦，都是打邊爐較多。打更多的邊爐，也會悶。至於假日的午餐，倒有點新鮮感，到澳牛附近的《龍鳳祥餃子館》。食過該店後，認為需要推薦給大家的。餐牌一幅對聯，正中小弟心聲，簡單已是最好味。價格相對便宜見有個牛犇湯底十分有趣，即刻點這個湯底！店員指犇（音：崩）的意思是牛腩湯底不得了！韭菜豬肉水餃湯麵配牛犇湯底白菜豬肉水餃湯麵配牛犇湯底看！水餃皮不算厚，外貌漲卜卜的，充滿白菜/ 韭菜和大大啖的鮮肉，口感十足加上牛犇湯底，牛腩味縈繞著整個湯麵，一流，愛牛之人一定要試同時有牛腩在湯底中，肥膏不多，又夠軟熟東北打滷麵，相對沒牛犇湯底般濃郁，較像蕃茄湯底。唯足料炮製，滿滿都是白菜、蕃茄、蛋絲和小蝦仁尤其蝦仁較爽口，值得推薦。

作為一個好鍾意食餃子嘅香港市民，香港有咁多間餃子店，都唔知試到何年何月先試得晒⋯今次嚟到佐敦，一於試一試呢間網上有唔少好評嘅餃子店先。因為去到嘅時間未到普通晚飯嘅時間，所以鋪頭入面冇乜客人。而因為冇乜客人嘅關係可能，個冷氣仲凍過雪櫃⋯不過只要有熱嘅嘢食，冷氣開幾大都唔再緊要！因為冷氣太凍嘅關係所以好快就決定到要食乜，一定係可以暖身嘅羊肉餃子～另外再叫咗牛展冷麵同埋酸辣湯！上菜嘅時間都相當有效率，不過如果鋪頭冇人都慢嘅話咁就真係唔係太正常嘅⋯佢呢間嘅豆瓣醬我幾鍾意，同埋個羊肉煎餃都真係相當之唔錯！本身以為其他菜式應該普普通通，但係佢個牛展拉麵嘅牛展我覺得做得相當之唔錯～好林同埋好入味。個酸辣湯都相當足料，入邊可以撈到好多豆腐同埋木耳。下次再同大家分享其他餃子店嘅食後心得。

近排要去佐敦上堂。所以會起佐敦搵好野食。起OPENRICE 見食評唔錯 所以就黎試下。目測鋪面唔算大廿幾三十個位左右。咁岩行到鋪頭有人走先唔洗等位。雞絲雙醬冷麵 $ 54 雞絲、紅蘿蔔絲、青瓜絲、紅椒絲及蛋。雙醬係花生醬及麻辣醬。濃淡口味自己選擇。花生醬好香麻辣醬不算是太辣。我就兩碗醬差唔多倒曬落去。麵條軟硬適中、雞絲唔鞋口 ! 雞絲拌粉皮 $21醬汁個味同冷麵個花生汁一樣。所以下次會二選一。粉皮晶瑩剔透、爽滑。呈條狀。如果份份再大少少就好啦~韭菜豬肉餃 $42有8 隻 , 大大隻、韭菜同豬肉份量一比一。皮薄餡靚~ 咬落去滿滿湯汁,正!

星期五晚收工係佐敦附近搵野食 本身都好鍾意食餃子 行過依間幾次 終於入去試下☺️可能因為都已經8點幾 唔使等位直接有得食～最先到既係蒜拍小黃瓜 都幾濃味 用黎開胃小食啱哂 之後係羊肉汆麵 啲羊肉好好食唔會太羶 不過感覺上個湯有點兒太傑 如果流質多少少就啱哂 個麵質就啱啱好 好食我地嗌左餃配粗麵 個麵一樣好好食 不過同羊肉汆麵個麵係唔同既 為左健康 試下佢個蕃茄蛋餃 食落味道上真係同蕃茄炒蛋一樣 不過覺得有啲啲啱夾 口味上覺得分開食會好食啲😂😂下次要試其他肉餃😂

平時星期一至五返工, 中午一定是和同事一起飲茶, 食點心, 炒飯炒麪.今天星期六放假, 約了表妹到佐敦購物樂。 表妹突然話想食餃子, 看看 Open Rice 找到 龍鳳祥餃子館.   這館子面積不太大,  食客很多, 我們在門外等位時, 先看餐牌, 食品不少, 價錢合理.看見店內客人多, 感覺自然有信心.幸好今次我們只得兩個人, 等了五分鐘便有位.檯上備有不同醬料,  豉油, 醋, 豆瓣醬, 可以自由添用.七款餃子可以揀, 有蒸, 有煎.  表妹先點了煎餃, 因煎餃可能須多些時間.我點了熱豆漿, 豆味濃厚, 不太甜, 熱度適中.另我們叫了兩個主食分嚐:牛展冷面,   配花生麻醬.大大碗, 份量多.   伴有切條牛展, 青瓜, 紅蘿蔔, 椒絲.  雞蛋.    花生麻醬用碗另上,  好香, 麻味濃. 牛展口感煙韌, 牛味濃.  麵條質感彈牙 , 入口爽 ,  伴上青瓜, 紅蘿蔔, 椒絲, 多吃也不膩. 醉雞份量足, 兩人共食剛剛好.  酒味香濃, 雞肉嫩, 伴有青瓜.  好爽口. 醉雞含濃香酒味, 啖啖肉.  皮薄肉嫩,  好滋味.煎餃:   白菜豬肉即叫即煎,  餃子內餡飽滿, 夠熱

餃子都算係其中一樣我幾鍾意食嘅菜式， 因為一款食物入面可以同時有菜有肉，口感豐富今次出咗九龍行街，唔想食得咁肥膩，就揀咗我最鍾意食嘅餃子嚟試下呢度有唔同口味嘅餃子，連湯底都可以揀清湯或者酸辣湯除咗餃子，仲有飯、麵同埋小食可以揀秘制牛犇麵開頭睇個名唔知係牛嘅咩部位，原來係牛腩麵呢個麵嘅份量都算多， 牛腩足料，唔會碎濕濕得幾塊啲麵索咗牛腩汁嘅味道，幾好食肉三鮮餃子見一款餃子有三隻餡料，就揀咗呢款餃子嚟試下 入面有韭菜、蝦同埋豬肉我揀咗普通湯餃子，咬落都有少少肉汁，幾好食仲用左辣醬同醋配餃子，覺得咁樣食好味好多雞絲拌粉皮呢個麻醬都幾香濃，粉皮爽口飲品揀咗豆漿

今日出咗尖沙咀行街， 我哋由尖沙咀行返去旺角， 經過佐敦嘅時候有啲肚餓， 所以喺附近搵餐廳食午飯， 老婆話想食得清清地， 經過佐敦見到間食餃子嘅小店，過左去睇下，覺得食物都啱食，入咗去試。 京蔥牛肉餃子配酸辣湯餃子皮都夠薄， 餡料有牛肉和京蔥嘅香味,幾新鮮， 應該係新鮮包既( 因為見到有店員即場包餃子)酸辣湯底基本酸辣湯嘅材料都有例如木耳，豆腐，筍絲等等， 酸和辣比例都做得好好， 好味， 好味到我要叫多碗小酸辣湯。千層醬豬耳有啲似涼拌豬耳， 但相比起涼拌豬耳做多啲功夫而做到千層嘅效果， 食落幾爽口，有少少辣。雞絲拌粉皮呢度嘅雞絲拌粉皮嘅麻醬幾香， 幾開胃， 仲有爽口嘅青瓜絲， 撈埋一齊食，幾清新。飲品就叫咗杯凍豆漿

今天為了工作到了佐敦吃午餐原本打算吃澳牛但當天由於澳牛門前有裝修因此便不用頭痛到了這間餃子店我們方向十分明確要煎餃不要水餃另加5元要了酸辣湯份量剛剛好餃子方面要了一款傳統的白菜豬肉餃子肉嫩多汁是比較好吃的款式另一款是了一種比較罕有的款式番茄雞蛋餃子蕃茄雞蛋味道正常但是少了肉汁整體上感覺比較遜色店舖比較窄座位不多環境不算太舒適不過尚算整潔由於價錢不算貴的關係每人大概$60如果再有機會也可能再光顧不過下次不會再試新款的餃子可能還是集中點傳統的人氣款式就好了

睇戲前來這裡食個遲來的午餐，食完行去The One剛好。小店格局，中式設計，座位不多，還好三點三人少。秘製牛犇麵，$50。湯底不錯，鮮甜的味道似瑞士汁。麵的掛湯能力也好，所以有甜甜的味道，麵質有點軟。牛犇如牛腩，雖然切粒但有多件，而且肉嫩。白菜豬肉煎餃，$50。吃時小心會爆汁。皮有點厚，但不失香口。最讚是感覺不油膩，碟底一點油也沒有。酸辣湯，$20。不會很酸，微辣，份量夠二人分著喝。爽口醋木耳，$19。相對來說較清淡，緩和了另外三樣的強烈味道。木耳清爽帶點醋味。平時晚上經過蠻多人，今天終於有機會吃吃看。

落完單, 望下張單。 咩叫"力湯底"?!望住呢啲民間智慧, 都唔記得自己叫左咩...10粒白菜豬肉餃+酸辣湯真係幾辣架! 食小辣嘅三思酸辣湯好多料, 不過酸辣度再平衡多少少就perfect白菜好似唔係黃色架喎? 我估係津白或者黃芽白, 都有個白字嘅。但都唔差呀!

叫左個三鮮水餃🥟配豆漿，要麻辣湯底，幼麵。覺得一般般，啲麵都有口感，但湯底太辣左少少，啲餃子都足料，個三鮮餃隻蝦幾大，不過係冰鮮蝦唔係新鮮蝦，同埋超多韭菜。鐘意食韭菜嘅人會好鐘意，但個人來講麻麻地。。。同埋冇紙巾，要比三蚊先比包tempo你，扣分！

用牛犇肉熬成既香濃湯底🤤每食一啖麵都有濃濃既牛肉味~牛肉脂肪比較低 但係唔會韌而係軟嫩得嚟又唔鬆散 十分入味😋仲加埋我鐘意既芫茜 真係估唔到咁好味當然非茜友可以叫佢走茜啦🤗🤗略嫌麵條有d過軟 如果硬身返少少就perfect池兩款餃子都冇乜味☹️係好事定壞事？不過整上都幾足料 三鮮水餃每隻都有🦐建議大家加d醋同豆瓣醬 自己調味呢個餃子既水準同個麵既水準真係反差好大😛下次都係試佢其他麵好啦