龜井鐵板燒 (已結業)

今日約左個朋友仔出黎食飯...佢話想食鐵板燒...之前睇食評呢間算ok,就book左位...去到就有位唔使等!!!環境都算ok, 光猛,乾淨,舒服!!!價錢都ok,唔算平,唔算貴!同個fd 叫左個二人餐同幾客壽司!!d老虎蝦好大隻好新鮮,好好味塊肉眼牛排好多汁....個炒飯都好好味!份量岩岩好~食完仲有雪糕送!每人都係二日三十蚊....算係ok!!!

其實去過都唔知幾多十次,由十多年前佢媽咪時代去食lunch,到現在呀仔攪成日去食晚飯,每次都有新奇又新鮮的刺身食, .唔知點樣形容好味到要你自己試下.但最好係book咗位先, 成日都full"嫁".我重做咗佢哋會員Tim.

朋友食過話好食,所以特登去試~老板好好人,招呼好好,我地諗唔到食咩好,佢就攞住部相機,show左d新鮮魚的相俾我地睇,講解左魚的肉質味道,再按我地的預算幫我地set菜單,超好服務!!!!食左個刺身拼盤,有兩樣活魚刺身,三文魚腩and海膽,活魚刺身好新鮮,三文魚腩入口即化亦都好好,但海膽就普通~跟住再食鐵板燒,有蝦,雜菜,牛同炒飯,炒飯炒得好香,一粒粒米完完整整又唔會太乾,咪道恰到好處,魚同炒雜菜ok,味道唔錯,有中上水準,牛的肉質普通,但生熟程度啱啱好所以都還ok,最 好食係大頭蝦,肉地鮮味爽口不在話下,連蝦頭都處理得好好!!席間有叫清酒,酒就普通啦可能唔啱我口味....意猶未盡食多個日式海鮮薄餅,入面的海鮮配料唔多,但配上醬汁個柴魚都好食~最後的雪糕好好食,有紅豆,豆腐,芝麻等幾隻味,我食左紅豆,超正!!環境同服務都OK,食物唔算平但都物有所值,不過等待的時闁就真係耐左少少.....好在我地唔趕時間,老板招呼得又好,所以大家都食得好開心

五月十五日(星期六)同老公仔明日出發,不過今日看openrice請的戲才出發呢!早上我去了做gym,之後相約老公仔在旺角等當時還未決定吃什麼,就走到通菜街看看吧!很到龜井前面,見到lunch set都算吸引,一於試試老公仔點了鐵板燒餐,我就點了三文魚海膽飯餐鐵板餐點了三文魚和雞扒-a餐三文魚有4塊,份量不多,味道可以雞扒就比較多了,上面有點辣醬,惹味!而且還有炒雜菜,味道很不錯+$5還可轉配炒飯,以$63這個價錢來說很是抵吃的,餐還有飲品一杯三文魚海膽飯,師傅很有心思地放刺身,很美觀美味新鮮,特別是三文魚,蝦有兩件,很大件.海膽兩塊,一般整體上,以這個價錢是超值的!推介!

食呢間野一定唔可以用一般女人街既標準(價錢＋份量）去衡量，但係以佢既服務同埋食物水準黎講，真係算得上無話可說叫左個二人前餐有魷魚＋龍脷柳＋牛柳＋炒飯＋炒菜，我同男友都飽到上心口，真係唔明點解ｄ人話份量細？！唔通想一人前兩個人食？真係唔坐係個鐵板隔黎都唔知原來煎個龍脷柳原來要煎咁耐既！原來蝦身同蝦頭（人地果枱）又係要分開煎既！個蝦頭仲要煎好鬼死耐，所以點會唔分開上呢??龍脷柳上面好似沾左粉，所以個面脆脆地但係裡面又唔係太乾牛柳粒叫左六成熟，煎出黎又真係六成熟喎，岩岩好，又加左ｄ乾蒜，正埋單三百幾蚊，幾好丫，真係啖啖肉喎．係成身油煙味，但係食得鐵板燒，預左喇嘛?!

今日同細佬行街肚餓入左呢間度試下好唔好食~!我就叫左B餐:有沙律,魷魚筒,金菇牛肉,白飯,湯,炒野菜~!細佬叫左C餐:有沙律,薄牛肉,煎三文魚(南),白飯,湯,炒野菜~!食後感:。沙律：一般！。魷魚筒：加左Ｄ炸蒜，都好食！。金菇牛肉：加左自家製既汁，好食！。白飯：珍珠米，一般！。湯：一般！。炒野菜：都好食！。薄牛肉：捲左Ｄ炸蒜，蔥花，點埋Ｄ汁好食！。三文魚（南），一般！

我吾suggest各位去幫襯呢間..琴晚同男朋友搵野食.因為想食鐵板燒..上次行街見到呢間好似ok咁.所以想去食番..位置都係女人街一帶啦.吾難搵一去到就馬上有位.睇menu得好少選擇..多數都希d.套餐..係幾抵ge.望落..因為多野食,,而家兩個人份量都吾過300$. 但其他果d鐵板燒就好貴囉,.,呢間其實係主要鐵板餐同埋刺身..但真係貴囉.order左個羊架ge套餐..佢有前菜同埋沙律果d..好快就黎到.味道吾太特別.好普通好普通....之後ge帶子係ok ge.但係佢每樣野份量都只有1個字-就係少囉. 真係極少...得幾粒...=_=then黎ge龍脷柳ok.外脆內軟咁..ok咁樣.黎完呢樣之後就出事...其他野包括主要ge羊架.都係好普通..再加上佢地上菜極慢囉.我地7點半入去.但係9點先走得..同埋個餐.288$再加一.佢地ge服務其實都幾差下.飲湯同埋食飯吾會俾羹你飲同埋食囉,呢樣已經吾覺佢有服務過我地..同埋你要催下佢先會快d上菜..講真.成兩個鐘煮咩都煮好啦係咪先?加埋一成300$幾.咁ge價錢可以去好多質素好ge店度食野.而且一定吾會食到一肚氣..總結黎講呢間野真係

尋日食得太過豐富同多，所以今日下午要食得清淡D兩個人想坐得舒服D，唔想俾人趕走所以就過黎呢度，不過真係好耐先黎一次午市定食唔算太貴，每日都有唔同款不過估唔到佢要加 $3 茶錢...真係無諗過=O=壽司+拉麵"D壽司幾好喎，D三文魚好肥美但舊飯就散左D拉麵普通，唔覺得好食媽咪話以前係烏冬，而家變左俾拉麵日式鐵板煙肉炒飯"好大碟，份量幾夠好多煙肉，但個飯淡左少少...如果鹹DD會好味D咖啡"反而我覺得杯咖啡幾好飲..哈哈! 好香!野食都可以，又坐得舒適，所以係偶然的好選擇***

昨天去到旺角, 諗住兩個人去食日本野, 唔想成日都去一休, 本來諗住去五月花, 不過兩個人又食唔到幾多野, 最後見呢間鐵板龍蝦餐特價所以試下其實之前已經食過呢一間, 記得個牛柳幾好味, 其他ge就一般今次食個貴d ge餐, 諗住應該好d卦首先一黎就係龍蝦, 佢拎出黎o個時, 雖然已經斬開2邊, 但係d手腳仲識郁, 好新鮮放落鐵板到, 感覺仲有d殘忍tim a不過煮好之後真係好好味, d肉好爽好彈牙, 又入味, 真係正跟係係龍利柳, 一樣好味, 2面脆卜卜, 中間d肉又香因為我唔鍾意食金菇, 所以將金菇牛肉卷轉左個雞肉, 以為得2樣貴野好食, 點知個雞肉都好知味雞皮好脆,d肉無魚咁入味, 不過加埋d汁都好正之後有一個加錢ge龍蝦粥, 係用頭先個龍蝦頭整ge味道ok la, 不過好大陣薑味跟住落黎淨番炒野菜同加錢轉ge炒烏冬好可惜, 呢2樣野唔難食, 不過都唔好食其實只係椰菜炒芽菜同椰菜炒烏菜, 味道亦唔好最後有麵x湯同雪糕總拮黎講, 炒野菜, 炒烏冬, 炒飯有待改善, 其他唔錯

新年都竟然有開，好少有。試食左魚生，鐵板燒，但感覺得超細份。除左牛肉較好之外，其它用料極普通，因為魚生完全冇味，鐵板燒太濃味，一係落多左鹽，一係落d辣醬去掩飾。最差就係一開門，街外的冷風同煙味，就吹曬入黎，真唔好受。真係好難係旺角既街鋪，搵到一間好食，服務又好既地方。

前幾日去呢度食lunch叫左個lunch set,三十幾蚊到左埋單個時唸住四十蚊有找點知要成四十幾蚊!!! 睇真d原來茶錢加左成$3...出去睇返個menu...完全冇字提到lor茶都會加$3 ?你詰茶包就話傘下次唔會再去lor...野又唔係咁好食!!!

今日經友人介紹, 山長水遠由太子行到去差不多油麻地食個午餐, 友人話試過這兒的鐵板燒不俗.入到去要了兩個鐵板set lunch --- 牛柳 和 豬肉, 另包一個沙拉, 一碟炒雜菜, 一碗飯和一杯飲品. 都幾多野. 前菜 : 沙拉 --- 平通啦, 都係一個正常沙拉. 伴菜 : 炒雜菜 --- 正常一個雜菜, 不過有d淡, 無咩味主菜 : 鐵板牛柳 ---- 用蒜炒牛柳粒, 醬料和味道ok. 鐵板豬肉 ---- 和牛柳用相同的醬料, 但肉就幾軔. 餐飲 : 熱檸蜜唔駛加錢. 友人話這次的質素麻麻好大可能係因為炒的廚師不同. 他上次來的時, 係由一個瘦的廚師煮, 而今次係由一個肥的廚師煮. 我未食過肥廚師煮的野, 唔知佢煮得好唔好. 如果以今次的食物質素來說, 我個人覺得都可以話ok, 食物放得落口, 但又無話特別好食又無話好難食. 不過如果要我山長水遠再來的話, 就真係要諗諗.

上菜次序很有問題，先是上龍利柳，再上牛柳，中段才上麵豉湯，感覺有點奇怪。麵豉湯－即沖的產品，因為他讓我看到了乾燥過的蔥粒在碗邊…燒龍利柳－非常地普通的一道菜，燒得太乾，味道也一般，普通得令人後悔點了這個菜。燒虎蝦－味道雖不錯，肉質爽口彈牙，卻欠缺鮮甜。蒜片牛柳－蒜片香口卻帶苦，牛柳我要了八成，太熟不夠新嫩，下回要個五成可能會好一點。燒蝦頭－惹味，但蝦膏不夠多，份量略嫌少了一點。黃金炒飯－同行的友人說味道很正宗，但日式炒飯嘛…我還是認為中式的炒飯更勝一籌。和風炒野菜－整個套餐裡最滿意的一道菜，味道雖略鹹，不過很過適合配飯鐵板快炒的方法保留了菜的鮮甜。不錯。雪糕－我吃的是綠茶雪糕，很遺憾地雪糕含有大量的冰粒，明顯是打得不夠，太甜，綠茶味不足，看來餐廳的買手該另覓一間較好的雪糕供應商。唯獨是服務我很欣賞，該店都會為每個客人的包包衣服該上一塊布，大概是盡量不令到油煙沾到食客的衣物上。

第一篇食評就俾左呢間龜井啦今日番工前同女朋友仔去左呢間野到食Lunch事前冇咩expect 佢o既quality因為都係行下行下行到佢門口 又叫個set lunch3x所以就try下啦鐵板牛柳Set Lunch第一樣野impress o既係佢問我要幾多成熟我開頭都係冇預過有得choose=.=就叫左medium啦 本身中意食生少少 其實味道都ok的 又有一個小小salad同一份炒菜送三十幾蚊算係咁啦味道好過我之前食開o既一本女友叫左個牛柳炒面感覺普通同ok多油所以冇咩好講=.=

第一次去到，因為見佢環境幾ok咪試下囉。唔多明星期日晚市都無乜客既？因為本身食左個下午茶，唔係好餓，所以同個fd叫左個一人前既海鮮鐵板燒，另外薄切牛，炒雜菌就算喇個所謂沙律泥到，可以完全唔理，果兜咁既野點算係沙律呀老細個前菜(芽菜)就辣辣地幾開胃野食未到，人客又唔多，我同朋友已經坐檯，遠離師傳果邊，但我都feel到喉嚨唔舒服，抽油煙方面唔多掂wo~~鮮魷桶最先上到，超咸，真係太重手喇然後係三文魚，好細塊呀，又無味=_=之後係虎蝦，得兩隻仔，好細隻，無乜特別然後係帶子，將一粒帶子切成得六至八粒仔，可能有湯既關係，呢個ok炒飯好乾，又咸得滯，個炒菜就好正常之後係薄切牛，呢個ok，不過落太多調味喇，同埋唔知佢地係咪醒起唔記得俾蝦頭我，無端端碟牛會擺隻蝦頭係到既？=_=成晚最好味竟然係個炒雜菌orz可能係台灣食過好好味既鐵板燒，呢到既鐵板燒唔落牛油，又落咁多調味料(台灣唔會點落調味料)，食出泥既感覺真係好失望/_\一個一人前既海鮮鐵板燒差唔多要二百，份量少，味度同環境都唔值呢個價。雖一可讚既係待應小姐。待應小姐不停同我地加水，同埋臨走果陣提我地仲有個雪糕仔食orz總結而言，都係無下次嫁喇。