龜井鐵板燒 (已結業)

在女人街當中, 隱藏了不少食店, 大部份試完都中招. 龜井係當中比較好的一間.第一堂基礎前, 匆匆叫了一個$188二人餐.野菜沙律: 6分, 冰凍的沙律, 口感一般.雙色刺身: 5分, 好似麻麻新鮮.鐵板秋刀魚: 8分, 全晚最好的一味, 秋刀魚用了很長的時間慢火去煎, 很香口, 亦無腥味.鐵板蒜香豚肉: 7分, 用蒜茸炒豚肉理應很好的配搭, 始終鐵板燒都係肉類較吸引, 但豚肉有點過火, 老了點.和風炒野菜: 6分, 炒野菜炒得一般, 麻麻, 配炒飯來食還可以黃金炒飯: 6分, 炒得很淡, 應該係落少了(定係忘記了)鹽來炒, 味道淡出個鳥來. 但熱辣辣的炒飯, 總算易入口.活蜆面豉湯: 6分, 唔多覺係活蜆, 食落口無乜鮮味, 面豉湯平平.雪糕: 7分, 綠茶, 芝麻各一, 雪得凍了點, 味道不錯.整體食物味道普通, 但價錢經濟. 如想食便宜的鐵板燒, 一試無妨.

10月28號晚同家姐shopping完, 見有d 累及肚餓, 見呢間sold出來d野好似幾好咁, 咪入去本來要同人搭枱, 後來見到有張2人枱有人走, 咪同個女waiterss話想轉個張, 初頭個女待應唔多原意但亦都同我地轉咗張枱來坐, 給了荼及一小碟既芽菜同埋餐牌我地, 我地發覺門口sold出來個d野入面係無既, 想問人有d咩好介紹, 我地2個等咗陣, 發覺呢度d人好似好忙咁, 無人理. 叫咗個男waiters 佢都可以當你透明咁, 唔理你喎?! 即時有d扯火, 後來都係叫個女waiterss既過來問, 我問"有咩餐可以介紹下" 都未問到外面既野點解無既時候, 個女waiterss己好快咁答咗 "d野都係哂度, 你地睇下先啦" 跟住就走咗去, 都唔理你o唔ok.咁無計啦, 唯有再睇下有咩啱食,終於我地就選咗個2人餐價錢好似$19x 唔係好記得了又想再叫人落單囉喎... 又等咗一陣, 又係咁> <"" 心諗: 間舖咁細,有唔係坐滿哂人,有成4-5個waiterss, 有無咁忙呀?! 其中有個唔係著制服個男人, 估可能係老細吧...(因見佢淨係埋單收錢咁)... 見到我

10月28號晚上, 同家姐shopping完, 想食日本菜因見佢外面d 野好似好扺食,幾吸引, 所以咪入去試下.入到去, 本來要同人搭枱,但見另一張2人枱有人走了, 同個waiter講轉轉張枱, 睇佢個樣本來唔多原意..但最終都肯換,之後,我地見餐牌無外面既野, 想搵人問下有d 乜野食, 但個度d人好似好忙咁. 無人理... 就算叫住個男既,佢都可唔理你, 當你透明咁, 最後叫咗同我吔轉枱個個女時應, 問佢"有乜野餐食?" 但都未問到無外面既野時候, 個女時應己好快咁答你, "都係哂度啦, 你睇下先啦"(指餐牌入面) 之後就走咗去.咁無法啦... 我地唯有再睇睇入面有咩野食~~但睇來睇去都好似無咩啱食.. 本要點個2人套餐$198, 等了又等.... 叫人落單, 都係無人理... > <""間埔入面又唔係人多, 做乜無人招呼客人架? 有個唔係着制服既男人,我諗應該係老細吧~~只見佢明明見到我地叫人落單, 佢都係一樣睇你唔到, 淨係識收錢... 結果.. 見無人理. 杯荼及一小碟唔知係咩來既野我地無飲過及食過, 決定走人唔會再來了~~服務好差~~ 好鬼激氣> &

對於咁鍾意食鐵板燒既我又點會未幫襯過龜井呢...鐵板燒o黎講，龜井個價錢都算係十分經濟，而且味道都唔差多數幫襯都係午飯左右時間，更加抵食，而家去左灣仔返工就少左好多機會幫襯基本上大部份都整得好好一定要推介就係個鐵板煙肉生蠔，三十幾蚊兩大隻，必試其他如薄燒牛肉亦比市價平午飯時間好多人幫襯，但上菜時間都唔算耐

已經去過好多次,每次都食得好滿意,我地好中意坐番同一個鐵板師傅既前面,有傾有講開心d嘛,老細又好人,見係熟客間中有d小食送下,今次送左肉子豆腐同燒冬菇,叫左套餐,再另外散叫d野,皇帝蝦好彈牙,我最中意食蝦頭,d燒蠔又大又鮮味,牛柳雖是普通貨色但仲可以,加錢再要左塊安格斯,都ok好味,order左條黑立做活魚刺身,另外油甘魚碎碎都好好味,有d紫菜同飯比你自己包,炒飯食唔落,好飽,開心。

五年未必夠翻天覆地但也可以人面全非了五年前開學又怎會料到原來一世我也要考試?尤幸當年身邊的同學仔到此刻仍在身邊九月一日的這天來到以前常到的旺角吃以前未有吃過的日式鐵板燒豪得就豪吧於是大蝦也懶得叫還是來個龍蝦餐吃罷沙律和麵豉湯後的二十分鐘開始離遠看著師傅將龍蝦煮熟才發現大蝦的呎碼和那龍蝦差不多豪俾佢就算啦還好龍蝦尚算新鮮厚肉連腳都幾好肉不過調味料多返少少會更好食到大半侍應就走埋黎想搶走隻龍蝦因為話要加十蚊煲粥咁都俾我挑埋尐肉出黎先得架結果我地只係要左一碗都預左係一般既味精為主架喇諗諗下食到一半既龍蝦殼又用黎煲粥點解真係可以煲出味?又會唔會同其他龍蝦殼撈埋一齊煲呢呵?其他配菜有炒雜菜炒飯鐵板雪魚同鐵板牛魚係最好味既一款一定要趁熱食其他都係方便飽肚為主最後上埋雪糕收筆請留意雪糕側邊的是牙簽不是胡椒粉埋單細看竟收了五位茶錢三蚊一位數目是少但略嫌多少離譜滿店招財貓也不能亂收客人財的故此出街食飯絕不能懶查單

為慶祝生日而到mk搵食...點知行左好耐都唔知食乜好.話晒生日,梗係想特別小小架啦見到呢間野都有人係門口等位..原來係久違了的鐵板燒~但係以前食...真係好過...兩個人實過千...一望menu...原來3~4百左右..有埋龍蝦食...咁就去試..點知個waiter唔識做...話吧枱冇位...但我眼見有兩個位吉左~waiter話有人book左...擾攘左一輪...一個貌似老闆既人諗左一陣...最後都係俾果個位我地~兩個人點了個龍蝦餐...不過就冇加到10蚊去煲粥..有少少後悔~一路睇住師傅整一路食...雖然冇以前係太子食果間咁勁,玩埋噴火...不過整個氣氛都唔錯~龍蝦可以刺身或鐵板...來到這兒當然是鐵板啦~一盤菜送到面前...原來隻龍蝦是活的,還在動..師傅三兩下就將佢開左邊...即煮...食落唔會老...岩岩好火候~近頭部位仲有少少生...可以試埋龍蝦刺身係咩野味道..一舉兩得~之後幾道送都好好味...同埋件大褸有人幫客放好...唔使操心攬住件褸食得唔自在~食完個餐....因為太好味同埋想試多少少野..飽左6~7成~點多個牛柳粒...味道都唔錯.呢個價錢要食到鐵板燒..同埋咁既味道

以前耐唔耐都心思思去食，但星期日去食完之後，真係....我諗係最後一次lu！d服務、野食差左好多，又漏單喎！唉..........

2個人食飯,第一次試咋,order左照燒牛肉定食,熱浪卷,炒烏冬.個牛肉定食有驚喜,唔係一般既薄燒牛肉黎架,係真正爐端燒牛肉粒果隻,好正,我同個friend都覺得呢個好出色,不停夾...大家要試下呀.而個熱浪卷就係類似加洲卷既壽司,不過用左碎既熱浪化代替左蟹子,味道容易接受,唔錯架.炒烏冬就一般,冇咩特別...值得一提,間店入面有d位係面對住爐端燒,食客可以直接望到廚師燒野,幾特別,有時仲燒到好"野"火...價錢又唔貴,食既野又值得.係喇係喇...d waiters好有禮貌,我地坐低之後睇menu時,幾乎每個行過既waiters都有同我地講慢慢睇,而冇催我地落單...好禮貌好服務.

上個月與朋友相約食鐵板燒，由於旺角係一個幾適中的位置，所以我地決定來這家試試．之前都有睇過食評，都知道要收茶錢，但無念過咁貴．每位$15茶及$15前菜，即每位入場已收$30!食物質數OK,但不算值回票價．一行5人，埋單$900（唔係好飽個隻）．呢個價錢我唔會選擇來呢度食！

以前我總覺得食鐵板燒最主要係睇師父手勢同工架，坐吧就一定啦，叫左個龍蝦2人鐵板餐，等候D料響廚房拎出黎既期間，兩位鐵板師父公然響客人面前傾計，仲講晒粗口個隻，到D料拎左出黎，個師父即刻將D魚、龍蝦同金菇牛肉卷倒晒落個鐵板度，又繼續傾計，見到咁我已經無晒胃口。首先係龍蝦先上，響我夾起第一舊放落口既時候，龍利魚已經上埋，跟住金菇牛肉卷，3碟上既時間相距唔超過半分鐘，食完龍蝦再食魚既時候，已經凍左，金菇牛肉卷D汁好古怪，牛肉熟到......跟住炒什菜同炒飯相繼上，我第一次食鐵板燒食到咁趕，加$10龍蝦頭煮粥，無黎味道，問D侍應拎鹽，等好耐都無，要吹先至有，響度做野既人都係掛住傾計。一路食一路睇住個師父整其他客人既食物，發現佢地係鐘意將客人ORDER餐既食物一次倒晒落板，然後咩野都鐘意落豉油，見到D牛肉薄燒，真係好慶幸自己無ORDER到，老實講，咁既服務幾多錢我都唔會再幫襯啦。

之前黎食鐵板燒,覺得這裏環境唔錯,食物味道幾好,今次就試下佢地既拉麵同埋刺身…星期六晚上7:30到達龜井,食客不多,鐵板燒檯的食客只有數位,由於我地一行二人想食拉麵同埋刺身,所以坐一張二人檯,感覺非常逼,我地叫咗下列食品:1)天卷...即係反卷三文魚壽司(三文魚霉霉地,唔新鮮)2)龜井拉麵..(墨魚又硬又難食,湯底唔好味)3)牛肉湯烏冬..(烏冬仲衰過我喺超級市場買返黎自己煮果d,湯底唔好味)4)三文魚刺身..(天卷已經講晒)龜井主打始終係鐵板燒,拉麵同埋刺身就不敢恭維勒....

早排同幾個朋友諗住去旺角食晚飯, 跟住就上黎搵一搵啦! 見到呢間評價都唔錯, 咁咪去試下囉! 我地叫左以下食物:三文魚, 北寄貝刺身- 魚生好新鮮薄燒牛肉- 一心以為呢度以鐵板燒做賣點, 應該會好味, 但有少少失望, 因為d 牛燒得太乾滑蛋雞肉飯- 幾好味雜綿海鮮烏冬- 呢個我都欣賞, 海鮮料幾足, 個湯底好鮮味芝麻, 綠荼雪糕- 甜品係送既, 本人會鐘意食芝麻味多d不過如果想同朋友係度慢慢傾計就唔係一個好地方啦! 因為都幾多人等位, 另外呢到d 油煙味太勁啦!

某個平日, 放工後同女友來吃晚飯, 要左個二人龍蝦餐!侍應問龍蝦想點食法, 由於女友不太好刺身, 所以要了鐵板燒的, 加$10可以拿個食埋個蝦粥或湯, 正合我意, 要個粥啦!特登揀了吧位來坐, 想睇下師父表演, 燒龍蝦的味道很正, 而且好新鮮; 但師父太快手了, 我地隻蝦都未食完, 龍脷魚柳己經燒好, 放左上黎, 過左陣師父見我地未搞掂隻龍蝦, 又拎番條魚去翻熱...點知到我地食到條魚的時候己經凍哂...可想而知...但我好appreciate師父的細心; 另外我地用手食龍蝦的時候, 因為侍應無俾野我地抺手, 師父見到即刻按鐘叫人拿手巾黎^^食食下唔知仲有無野食, 無人serve, 過左陣師父返到黎見狀, 話俾我地知仲有個雪糕, 我地問侍應點解個粥未埋, 原來漏單(咁少客都可以漏單?), 跟手至上埋個面鼓湯, 咁唔叫就無人識follow了咩? 無粥食, 好唔開心!有一個類似老闆娘的在為我地收拾時好硬咁問我地d野好唔好食, 到左老闆埋單的時候又問多次...見到我張credit card上面個名之後就X生X生後咁叫我, 之後拿番件褸(細心位, 怕d油煙煙到客人件褸)俾我的時候, 又好似英

同朋友慶祝生日,第一次o黎依度食俾我o既感覺係好細,同好油煙~環境就坐得唔算舒服架哪~但係味道如何,試過先知~食完之後感覺是:物有所值~食物樣樣都好新鮮~尤其是魚生!全部都是即叫即整,舊舊都很鮮甜我地叫左個刺身船$180,有7款刺身,每款3件包括三文魚,吞拿魚,劍魚腩,油甘魚,甜蝦,帶子,仲有一隻唔記得左...好似貴左d,但係食完之後真係覺得好抵~因為每塊都好肥好厚,好鮮甜簡直一啖一幸福~v~尤其係帶子,超好味~食到唔停得口~魚生新鮮,壽司都唔錯我地分別叫左龜之卷, 蝦兵卷& 壽司團子不過依度最出名係鐵板燒,所以我地都叫左d食~好可惜,蜆呀,尤魚呀果d一早賣晒...好搶手!結果我地叫左:老虎特大蝦鐵板燒---上碟好香,食得出隻蝦好有鮮味銀鱈魚鐵板燒---皮脆肉嫩幾好味金菇牛肉卷---好好味,最鍾意佢細細舊,又多汁,辣辣地幾惹味~多春魚鐵板燒---我冇試,不過佢地話咸左d~最後叫左個豆腐鍋,d湯幾清甜,豆腐好滑埋單$680,仲送雪糕總括o黎講好好味~服務好好,下次一定要再o黎^^