龜井鐵板燒 (已結業)

１２／３１跟ＢＦ到旺角想買對波鞋，逛下逛下就到吃飯時間，本來沒打算到哪間去食既，不過看到龜井好像不錯，我們就進去嚕我們點嚕個菊定食（２人份）味僧湯－不鹹但蜆肉還有點沙(若要飲品湯就沒嚕)沙律－還可以，不過份量好少啊..雜錦壽司－普通，不過看著師傅做另有感覺金菇牛肉卷－味道不錯，金菇很林，不過好像旁邊的沒煎過還是紅的煎銀雪魚－外層煎得香脆，裡面嫩滑，好好食炒什菜－份量好少啊，不過油不多黃金炒飯－好鹹，配著菜吃還是勉強才吃得完(水一直在喝)雪糕－芝麻跟綠茶都很不錯整體來說，真的算還可以吧

好耐之前寫過一個笑臉食評，今次再去估唔到水準差左好多。首先價錢貴左，一人前最平都係$188，無左以前$60左右的set meal。食物，其實味道都係差唔多，但因為人多的關係師傳將一大堆飯一齊炒，結果飯粒唔乾身仲黏埋一舊。鐵板燒其實真係唔適而大堆頭製作，搞到好似炒大鑊飯咁…服務，其實一直都OK，見我地兩個人share一個set都有主動俾碗我地分食物。但埋單前後用左超過半小時，實在係唔可以忍受。另外見到一ｄ唔係太好既事…1.師傅炒多左飯，放埋一邊，等有新客人黎翻炒俾人就算2.清潔嬸嬸將收集碗碟既水桶放上椅子上！！非常不骯髒同衛生！究竟係我要求高非但佢質素跌左？不過可以肯定既係我應該唔會再黎。

星期六lunch, 坐sushi吧側, 須忍受成頭煙, order 了牛柳餐及三文魚餐, 牛柳粒炒得不錯, 其實連飯,湯,炒雜菜,沙律,雪糕真的略為過多, 而且很視乎是否多客來決定上菜的快慢, 我們都等十多分鐘才有一碟食物吃, 另是收$3茶錢略兼小家, waitress 態度普通

本身住旺角, 本來諗住去富泰家食晚飯, 點知見有人等就去左試呢間成日行過都冇幫襯過既舗頭啦!以前行過都覺得貴架啦!但如果貴又好食都ok, 點知係又貴又要等又唔好食!! 本來夜晚的活動都取消了, 因為太慶!!!唔係叫餐, 點了燒牛肉, 炒麵, 燒生蠔, 同d壽司。叫人寫單已經係第一關, 沒人理會, 如前人所講。好啦個死靚仔寫左單完全冇repeat一次order就走左, 又冇禮貌, 都算啦, 罪不至死。初初黎左個燒牛肉同炒麵, 都幾好味啦, 以為可以再來。點知8點前食完個麵, 就等都8.20都冇野食啦!! 坐在sushi 吧側, 望住個師傅唔知攪乜左咁耐都係冇出個菜架!! 成個吧都係order, 我見到自己order單都化晒墨啦!!! 隔離台食餐既3個男仔同我地差唔多時間坐低已經食緊雪糕啦!!同埋後面果台遲過我地黎但好似識人咁就勁快有得食。火都黎埋諗住即刻埋單走, 又比個貌似老闆的人說服左話就快!! 快快快...個頭!! 都係等多一個字。8.25有個蠔, 其實都麻麻地, 咁等法龍肉都冇味啦!! 見到佢攞番我地融左張單出來, 吞埋果幾舊飯(唔好食的)埋單即閃!! 好慶!! 又係如前述, 冇9

黎過幾次, 唔錯啦!幾抵食0既鐵板燒......有個auntie 0係singapore黎, 咁0岩佢又生日, 想食鐵板燒, 咪book左檯拿埋蛋糕諗住慶祝食飯. 我打去book左8點, 講明要一張坐埋便鐵板燒0既檯, 8位, 臨收線我都問多次係咪一定留到檯比我, 個女人仲話係.因為我拿蛋糕所以遲左去, 去到佢地已經坐左係d普通檯, 話因為佢地入黎時個waitress話要等.....我好奇怪啦因為明明話留檯比我, 問個侍應, 佢又耍我, 跟住轉頭就叫我地等幾個字, 調位比我地(當時有兩group人坐住張吧檯), 我地等...等...等...左幾個又幾個字, 布一group人走左, 再等等...等等等......到成9點, 仲有一group人坐0係度嘆雪糕, 我地就一路只係食頭盤沙律同飲汽水, 餓到肚都扁!!! 0個時我個auntie已經忍唔住0勒, 嘈話要走, 佢地都仲係等0個group人慢慢嘆埋雪糕先......哎~ 咪叫埋單lor, 拎住個蛋糕再周圍搵食, 多狼狽啊!咁埋單, 佢地仲覺得冇問題咁喎, 話因為8點0個陣有人, 所以比唔到檯, 要等. 咁點解book位0個時又話冇

聽人講好食同埋抵食,末去試下.食後一d都唔ok,而且收費多先講食物味道一般,食物上的碟完全唔吸引,(有d茶餐廳重靚好多)..到埋單發現要計茶錢,唔知以為去左茶樓,仲有個個所為前菜(當然要計錢),只不過係芽菜. 唔會再去....

好耐無食過鐵板燒，於是上OPENRICE睇睇，近近地就揀咗呢間。2個人叫咗個餐牛柳大蝦餐加條魚，唔太貴又幾好食，真係唔錯。1. 石蚌刺身–魚梗係新鮮啦，$208一條，魚肉做刺身，魚頭及魚身可炸或燒，今次試咗燒，魚骨燒到卜卜脆，好食。牛柳餐包括：2. 沙律–一般，只得蕃茄及生菜。3. 銀雪魚–魚煎得唔夠乾身，味道OK。4. 牛柳–略為鹹，但勝在夠林。5. 蝦–多膏，爽口，好食。6. 炒飯–一般貨色，OK。7. 炒什菜–菜只得椰菜及芽菜，份量少。8. 芝麻或綠茶雪榚–OK。

1) 入口附近位冷氣太大, 因為要驅走d 燒野味, 但其實全間都有油煙味, 開咁大冷氣真o徒電...所以怕冷氣同怕油煙的朋友可以唔駛去2) 食物質素只是一般, 平日午餐定食是1 "鐵板肉/ 魚類" + 1 白飯(份量大) + 1炒菜+ 1飲品($32 or more)留意"鐵板肉類"係用鐵板煮成的肉類, 唔係用鐵板上鐵板同炒菜即刻整, 平日午餐講求快o既要耐心d等等2樣都鑊氣夠, 不過炒菜冇味...3) 張椅太高, 我5呎4隻腳差d唔到地, 真奇怪~~好:有廚師真人炒野, 可以o向佢面前坐, 不過油煙就...總結是平日午餐, 一次就夠; 假日都唔會揀啦~~旺角地區, 銅鑼灣價錢......仲要附近大把野食, 大家識食之人應該心中有數

食物ok親子丼好好味叫左個鐵板美國薄燒牛肉都唔錯,有d汁d麵豉醬超好味不過可能我第一次去貴的鐵板燒店未試過其它貴的鐵板燒店所以覺得好味佢地溜左個前菜無比我丫仲有個fd個菜十年都未上黎要催!d廚師成日係我個位上菜成日要我打側個身明明行多兩步有個位無客坐係都唔係果個位上菜

上星期吃了同是女人街的和井,感覺不錯,所以再到龜井作一比較,結果是大失所望。食物質素不高,店內人太多而鐡板師傅只得三個,吃完一樣之後往往要等一等才有下一個菜。師傅手勢以當一所見,和井勝一籌。最激氣,是用信用咭後,看見月結單,竟然收我五百蚊!! 好彩我睇清楚先,如果唔係傻下傻下找左條數就真係唔抵。諗諗下唔似係大意既錯,因為我係寫$339,佢竟然入$500.如果你入左$349或$369我都覺得可能係佢大意,變左五百蚊實在令人懷疑。各位到龜井簽咭要小心小心呀!!!!!!!!!睇返之前既食評又諗起佢竟然收茶錢,日本料理收茶錢我覺得係巧立明目囉,雖然係幾蚊,感覺十分差!

朋友多番推介，話呢間龜井幾好食，於是尋日13/2/2007同四個朋友一齊去食晚飯慶祝生日，結果係..."大失所望"！先講食物質素，壽司/刺身都幾好，其他燒/炒食物則只屬一般．最神奇係其中一碟炒麵，望落好似出o西煙熱辣辣o甘，但食落竟然只係暖暖地，感覺上好似只係番熱o左一陣，而唔係即炒即食，認真麻麻．至於服務方面...就更加麻麻．落單叫o野食，叫幾次都無人理，o的侍應行來行去望到你舉手都無個肯停低理你．上菜又超慢，三吹四請都無用，普通一客壽司都要等足超過30分鐘先至有得食．另外，明明叫赤貝刺身($50)，竟然又變o左赤貝壽司($22)，想話換啦，個侍應話價錢係一樣，無分別，依家只係比多兩o舊飯我o地，要換o既話都只係幫我o地拎走兩o舊飯．後尾我o地發現價錢係有好大分別(差成倍)，個侍應就話原先供應開o既赤貝無貨，依家只有呢隻價錢o既赤貝供應，所以壽司同刺身都係一樣，結果$50一碟兩件赤貝壽司．心諗，若果真係拎走埋兩o舊飯，得返兩片丁屎o甘細塊o既赤貝，邊個都唔會願意比$50食．最後到埋單，見到舖頭門口同收銀處大大個牌話用匯豐信用咭埋單有九折，點知個侍應話假期同假期前夕都無折扣優惠，我o地

因為朋友的介紹，我昨晚跟四位朋友到這兒吃晚飯。我永遠也不會再來這間餐廳，因為：(1) 食物質素只是一般。(2) 上菜奇慢，點了一客捲物壽司，叫伙計幫我們跟單三次，他們總是說很多單。最後要等四十分鐘才有得吃。(3) 明明點了赤貝刺身，上菜時變了赤貝兩件壽司。跟伙計說要換，他們的回覆是「刺身和壽司的價錢一樣，我們給你壽司已經送了兩舊飯團給你們。」。五十元兩件壽司‧‧‧算！不和你們吵。(4) 埋單前知道平日光顧用信用卡結賑有九折優惠，不過埋單時他們說二月十三日是公眾假期前夕，優惠不適用。我想問，二月十四日情人節是公眾假期嗎？銀行會放假嗎？那為什麼要將信用卡優惠的牌放到最當眼的地方？擺明是誤導消費者！總之，永不錄用！

其實真係食到火都黎...好似要求佢俾野我地食咁...好在只係叫左個2人餐試下先...食左佢個沙律之後...去完個toilet...飲左兩杯茶...等左10分鐘...好似唔對路...就問下個waiter點解無野食...跟住佢又好快咁拎左碟刺身黎...佢話..你地食住先啦....食完碟刺身...同樣地飲左兩杯茶...等左10分鐘...又問下個waiter...佢就話...好快...等多陣...一陣又一陣...眼見隔離左右有野食...我地無野食....覺得好奇怪...於是...我地對住個餐牌...見到我地個餐有既....個waiter拎住既...我地就欄途載劫...同佢講我地都有...叫佢放低...如是者...重覆咁...我地先完成到成餐飯....唉...呢間野好味就幾好味...不過...食成3個鐘....仲要食得我咁吃力...唉...唔該你地improve下d service啦.........

大除夕, 男朋友話帶我去食好味嘢。佢一講去旺角我已經估左去龜井啦, 佢之前同同事去過, 讚不絕口, 我就叫佢一定要帶我去!!!去到龜井門口, 見到男友嘅同事兩公婆, 佢地應該係熟客, 等左5分鐘就有吧枱。睇住兩個大廚喺度整鐵板燒, 真係見到都想食。我地四個人叫左一個鮑魚餐同一個龍蝦餐, 份量都係二人前, 另外散叫左大聖子, 凡立貝, 銀鱈魚, 大蝦, 鵝肝。兩個餐除左主打龍蝦同鮑魚外, 仲有牛柳, 茄子, 燒野菜, 魷魚筒, 龍利柳, 玉子豆腐, 麵豉湯, 黃金炒飯, 三文魚刺身, 蝦沙律．．．食到好飽~~總括來講好好味, d海鮮夠新鮮, 分量又多, 每樣都係即叫即整即食, 好熱辣辣~~ 兩個大廚好搞笑, 侍應招呼都好好~~不過呢餐就貴啦, 四個人食左$2100~~ 好彩我嗰份係男友請~~不過講好左出糧請返佢食~~

黑店泥咖!!!今日同男朋友去左呢間野食飯. 以前未泥過.諗住試試.叫左個2人前啦咁[$188]. 散嗌左兩杯野飲.[$40].嗌完又唔係好記得清楚個set有d咩喎. 咁有咩泥咪食咩囉.點知埋單. $341.打左個突.check 單.發現戈個侍應同我地落左兩客壽司.1個甜蝦c.1個海膽c.戈度成$7x 幾.但戈兩客壽司我同老公都無嗌過.亦都唔鐘意食.但以為係set d野所以食左戈度先慶!跟住佢又唔知收左咩charge搞到張單咁貴. 我唔鬼記得.勁過份囉我淨係知間野. 黑店泥咖! 有乜理由咁樣水d客咖?!諗真.真係蠢左.有乜理由二百蚊1個set會咁好跟海膽c?!但真係奸商!p.s.睇完其他食評~發現麵豉湯都無比到我地.不過算了!呢餐真係當交學費.永遠都唔會再去.