影片
港鐵奧運站 B 出口, 步行約9分鐘
繼續閱讀
電話號碼
52027983
開飯介紹
主打各式日式料理的餐廳，選用優質食材，刺身和壽司都非常新鮮，定價合理，非常適合與家人和朋友享受的地道日式風味。
繼續閱讀
營業時間
今日營業
12:00 - 16:00
18:00 - 22:00
星期一至日
12:00 - 16:00
18:00 - 22:00
以上資料只供參考, 請與餐廳確認詳情
有關獎賞計劃
今日係大角咀放工，約左朋友到呢間日本餐廳食晚飯，估唔到環境寬敞，乾淨衛生，服務亦非常好，老闆同員工都細心，會提我地串燒一定襯熱食先好，成日幫我地清台面，而且食物CP值好高好高，仲要撞岩做緊叫五串串燒就送啤酒，好推薦呢個地方！🥗蟹籽沙律蟹籽份量係好多好新鮮，而蟹柳碎上同食落口好鮮甜，沙律醬唔會過多，無搶到青瓜絲嘅清爽感覺，兩人食都份量十足！🐡鱈魚乾👍🏻👍🏻口感非常酥脆，味道鮮美，加埋蛋黃醬係好夾，好岩用黎配啤酒！🍛千目特選丼（海膽👍🏻、赤身1切、帆立貝1隻👍🏻、三文魚2切👍🏻、白身魚2切）👍🏻👍🏻呢個丼飯係配是日沙律及味噌湯，先講下沙律係好高質，有海葡萄，材料非常多！而刺身都要大推，每件刺身都係好厚身同大大件，海膽亦非常鮮甜，食完會想叫多一板黎食！🍜日式炒烏冬👍🏻👍🏻👍🏻估唔到一個簡單嘅炒烏冬都非常好食，亦都被名低估左個質素，烏冬炒得好入味同乾身，而且仲有蝦、帶子做配料，上面仲加有柴魚片，又好食又打卡able😂串燒🐮鹽燒牛舌心👍🏻👍🏻肉質鮮嫩，富有彈性，肉面加上少少鹽已經好夠味，入口仲有牛舌嘅肉汁，而且燒到剛好，口感爽口鮮嫩，好好味！🐓鹽燒雞皮一細塊嘅雞片燒到好入味，表面香脆，咬落口都好煙靭！🐷豚腩肉👍🏻👍🏻豚腩肉鮮嫩多汁，外皮微焦，豚腩肉的脂肪和瘦肉的比例剛好，入口仲保持豐富的油脂！🐣雞軟骨口感非常特別，外脆內嫰，咬入口肉質非常有彈性，而且一啲都唔油膩，非常岩配酒食👍🏻🍺啤酒 & 🍇巨峰提子汁現在做緊五串串燒送Orion 生啤！另外，巨峰提子汁都好好岩，加埋冰唔會過甜，凍冰冰好正，唔飲酒嘅朋友好啱用嚟送串燒食，同埋好解膩！
繼續閱讀
大角咀呢間居酒屋性價比極高，大件抵食又好客呢碗特選丼，有海膽、赤身1切、帆立貝1隻、三文魚2切同白身魚2切。真係未見過好似玉子咁厚嘅海膽，鮮香到不得了！其他刺身都好厚好靚仔，好似去咗魚市場食咁跟餐仲配有是日沙律及味噌湯，沙律唔係普通嘅一碗，係大大碗配有海葡萄，好有誠意味噌湯熱辣辣，好足料，事前暖胃真不錯珍寶蟹棒壽司係呢度嘅其中一樣signature，原來加多$3再可以升級做特大珍寶，果然厚度係超超超誇張，連壽司飯都俾佢重量壓扁，啖啖肉燒得好香軟殼蟹卷都好抵食，一份有8卷，軟殼蟹脆脆地有蟹香，上面有勁香嘅牛油果醬，極之開胃，有啲似他他醬咁正免治雞肉棒好大條，打勻雞蛋同醬汁，點雞肉棒食一級棒鴨肝燒得好實淨，好有汁燒嘅香味，裡面都入晒味牛舌芯又係好厚身，鹽燒味道非常香，口感好彈牙。白鱔燒到外皮脆卜卜，冇乜骨好香脆燒豚腩燒得勁吸引，又係激厚，油光閃閃，我見油憐，咬落不得之了，點解可以又爽又綿？嗌5款串燒，就有Orion啤酒送，見到咁嘅優惠即刻bling bling眼呀老細仲好好人，送多杯巨峰提子汁畀胃民，真心爽呀用完餐原來仲有甜品送，椰汁糕都好香口
繼續閱讀
近排好鍾意去大角咀覓食，見到呢間應該係新開嘅居酒屋就同朋友入去試吓😝啱啱天氣開始涼就叫咗個二人份海鮮火鍋，佢哋啲海鮮都幾新鮮，有大隻帆立貝、虎蝦、青口、沙白都幾足料😋湯底有三種選擇地獄湯、赤味噌蝦湯，我哋揀咗日式醬油湯，配海鮮清清地幾好，啲串燒都好吸引，推薦試吓佢哋嘅牛舌，係厚切嘅幾Juicy，我最鍾意鹽燒白鱔，豬頸肉都唔錯👏🏻而家仲有叫五串送啤酒或者果汁🍹如果平時會去大角咀覓食嘅朋友可以嚟試吓😝
繼續閱讀
香港人喜愛日本餐廳，所以日本菜嘅餐廳唔少，競爭非常激烈，但要為食客留下一個深刻嘅印象，真係要花唔少功夫。位於大角咀嘅千目，餐廳嘅刺身丼，份量十足，價錢親民，為為我哋留下一個抵食又好食嘅印象！千目特選丼千目特選丼共有五款刺身，就連海膽都有，仲要一啲都唔孤寒！每一款魚刺身都係厚切，過足口癮，而且樣樣都好鮮甜，非常滿足！鐵火三色丼由三款刺身組成嘅鐵火三色丼，每一款嘅口感都唔同，例如軟綿綿嘅吞拿魚腩蓉、脆卜卜嘅三文魚籽，撈埋一齊食，口感形成強烈對比之餘，仲滿口鮮甜味呢！刺身丼仲會包埋沙律同埋麵豉湯，其中沙律一啲都唔馬虎，係北寄貝沙律同龍蝦沙律，真係抵食。串燒叫五串串燒就有免費飲品送，梗係即刻唔使諗叫五串先啦！我哋分別叫咗鹽燒豬頸肉、汁燒鴨肝、鹽燒雞軟骨、鹽燒雞腎同埋免治雞肉棒。燒嘅時間控制得啱啱好，唔會又乾又柴。鴨肝非常香滑、雞腎爽口彈牙、免治雞肉棒燒到外脆內軟，配搭埋特別嘅醬汁，非常好味！
繼續閱讀
今日同朋友嚟到大角咀搵好嘢食， 大角咀真係好多 各國美食， 行咗一個圈最後揀咗位於大全街嘅千目日本料理， 我哋叫咗個千目特選丼， 帆立貝刺身， 炙燒巨無霸蟹棒壽司， 玉子小卷， 鹽燒雞翼， 燒安格斯牛， 香燒蝦串， 汁燒帆立貝串。每一道菜嚟到都係驚喜， 先嚟盛載壽司刺身嘅三層日本塔， 每一層擺放唔同嘅壽司刺身， 賞心悅目， 帶子刺身珍寶size原粒上， 啖啖肉肥美肉厚， 鮮甜美味。炙燒巨無霸蟹棒壽司： ＄16一件嘅巨無霸蟹棒壽司真係超長，大大件超抵食， 面層炙燒蕉香， 肉質香甜。幾款串燒味道都好正，即叫即燒火喉啱啱好， 加上醬汁調味燒得好香好惹味。 而家仲做緊優惠， 惠顧 五串送日本沖繩啤酒或特飲， 三五知己傾計暢飲啱曬。千目特選丼： 呢款係必叫系列 ， 上層鋪滿刺身， 三文魚兩件， 赤身魚兩件，白身魚兩件，帆立貝同海膽， 每一件魚生都係厚切足料新鮮肥美 ，就連海膽都有分量， 口感滑溜鮮味濃郁。最後仲送甜品桂花糕，擺盤超靚色香味俱全。呢度除咗食物高質，老闆同店員嘅服務都好好，令到整餐晚餐食得好開心好滿足👍
繼續閱讀