101台式休閒餐廳 (青衣城2)

營業中

休息中

而家疫情既關係 無得周遊列國 唯有留系香港搵吾同國家既餐廳食住先🥺 最近去左一間比較有名 而且價錢又夠經濟實惠既台灣餐廳食晚餐 佢就系 - 101台式休閒餐廳🇹🇼😙 雖然以前已經聽過呢間餐廳 但系第一次黎食 打開佢地既menu 超豐富超多選擇 而且睇到有好多台灣地道的美食🤩 但我地最後都系俾佢地既台式小火鍋一人套餐吸引左😆😆 鍋款有成15款甘多 我地嗌左一個台灣古早牛肉火鍋 同麻辣卜卜蜆小火鍋😊 所以小火鍋都包含左一款鍋物同主食 另外再可以用特惠價加配飲品同肉類😋 台灣古早牛肉火鍋 $81佢個湯底完全系台灣紅燒古早牛肉麵既味道 夠哂地道👅 牛肉好淋岩哂我呢啲好怕肉好韌既人😂 牛肉既份量都幾多 而且佢火鍋既材料都好足料 有台灣腸魚腐 仲要有包心菜粟米金菇等等 個鍋底仲可以俾你揀辣定吾辣 連吾食辣既朋友都兼顧到🥰 另外主食我加+$3揀左渝川麵 佢個樣有啲似烏冬 但口感比起烏冬結實一點 配埋落呢個湯底原來好夾😚 麻辣卜卜蜆小火鍋 $79中意食辣既朋友們推薦你地揀呢款 佢系正宗台灣既麻辣湯底🌶 雖然吾算好辣 但勝在夠惹味 火鍋既材料同古早牛肉個款差吾多 不過牛肉變左卜卜蜆😆 呢個鍋既主食就揀左

台式料理在香港大行其道，款式多元化兼價錢大衆化，頗受食客歡迎。這間食店位於青衣城二期，座位闊落，佈置簡潔。特盛醬汁雞扒肉臊飯雞扒煎得香脆，肉質腍滑，配上特製醬汁，味道討好，送飯最啱。醬汁香茅豬扒肉臊飯豬扒嫩滑唔會過熟，味道唔錯，如果能增加香茅濃度及份量，效果會較好，始终香茅可以提升豬扒嘅惹味度。黑椒薯仔醬爆牛柳牛柳薄切有牛味，以黑椒提升爆炒效果，薯仔炆得軟腍，醬汁鹹度適中。肉臊飯是台食嘅熱門選擇，肉臊味道唔錯，飯亦夠熱暖，如果可以增加肉臊的份量就更好。跟餐加錢還可選配冷熱台式飲品，享受休閒感覺。

喺迪士尼玩左成日，近近地嚟到青衣城想食餐飯勁嘅，喺青衣城見到呢間台灣餐廳。冇得飛台灣成日，心思思想食台灣火鍋。台灣古早牛肉火鍋火鍋配料非常豐富好似有牛肉金菇魚腐粟米蕃茄等等，牛腩仲係有好多件，仲唔夠喉嘅話可以加錢追加牛肉片。火鍋餐仲可以配滷肉飯添！台灣古早牛肉麵呢碗麵用嘅係牛腩，牛腩煮得非常之林！蘿蔔非常入味同清甜，咬落完全無渣！麵質硬度適中麻辣麻醬手撕雞啖啖肉，食得好過癮，好重麻辣味，份量都幾多，不過不失。價錢來講$100都唔使就可以打邊爐，材料仲咁豐富添，香港地仲可以可以係邊度搵？座位比較細，而且員工態度有待改善。

點了2個一人套餐，套餐包括一碗麵、小食和飲品，性價比超高👍🏻台灣麻辣牛肉麵：牛肉有4大件份量很多🤩都是選取連著筋的肉，所以十分軟腍鬆化，而且很入味肉味很濃。湯底的牛肉味很濃但頗清甜，帶點微辣整體很惹味😋還附有炆得軟腍的白蘿蔔，清甜又無渣台灣麻辣板燒雞柳拼章魚餅湯麵：雖然也是麻辣湯底，但這個的香甜味更濃，我覺得更好喝🤤雞柳夠嫩滑和沾滿醬汁很惹味鹽酥雞：雞肉滑溜，炸得香脆可口，入口夠juicy鹽酥花枝丸：粒粒都炸成金黃色，花枝丸夠彈牙，鹹香味好惹味👍🏻盆栽香芋珍珠：面上放了oreo碎，所以看起來像盆栽，造型十分特別。香芋和奶味都很濃，珍珠也很Ｑ彈，底部放滿oreo碎入口滿滿的珍珠和oreo😍熱水蜜桃水果茶：看食評沒啥人點，但這個是超好喝的水果茶，不僅有水蜜桃，還有檸檬、橙等水果。酸酸甜甜很好喝😋餐廳環境舒適，座位夠闊落，性價比又高《101台式休閒餐廳》📍青衣青敬路33號青衣城二期地下G30號舖#101台式休閒餐廳 #青衣城 #台灣菜 #台灣美食 #一人一鍋 #shabushabu

我係超鐘意打邊爐 一年四季都會打嘆住冷氣烚下烚下真係好鬼爽而且火鍋樣樣都有啲 岩哂心多多嘅我自從冇再食吉邊之後 就轉咗食呢間呢度嘅涮涮鍋套餐 有辣有唔辣 好多選擇今次叫咗 台灣卜卜蜆小火鍋配公仔麵 ($79)想食啲肉 所以加配咗美國黑豚肉片 (+$8)主角卜卜蜆幾鮮甜 如果多肉啲就更正鍋入面加咗大量蔬菜 健康又好味配料亦都幾豐富 仲有台式香腸添最後就係打邊爐唔少得嘅公仔麵!!!!唔知點解邊爐嘅公仔麵真係特別好食叫咗個牛肉麵餐 跟埋小食同飲品幾抵食台灣苗栗香辣牛肉麵 ($85) 少辣都幾辣最抵讚係佢嘅渝川麵 又彈牙又掛湯牛肉係類似牛肋條 炆得好軟腍小食揀咗鹽酥花枝丸 完全係台灣口味盆栽特濃朱古力珍珠 (+$5)加幾蚊就有呢杯大大杯嘅特飲 媽呀 好抵呀而且睇得又飲得 朱古力味好濃 仲加咗oreo碎底下仲有粒粒珍珠 珍珠唔會好煙韌 幾岩我口味

🔍一人一鍋唔好同我爭食物😈成日以為青衣好遠，原來收工搭十分鐘地鐵就到😂食野影相📸️是常識吧😉影到我地一人夾一件白雞⚪️🐔同黑牛⚫️🐮，唔知點解覺得好搞笑、好有意境～但我講唔出個意境係咩📜- Menu - 📜1. 麻辣三杯雞小火鍋$79 🔥推薦2. 台灣古早牛肉小火鍋$813. 台灣腸 $294. 套餐配米線&新竹米粉 $05. 咖啡$7 無糖茉莉花茶$5- 📝 = $222 （人均$111）📜- Menu - 📜👍1️⃣雖然多人等位，但行轉隔離既阿布泰再返黎就到我地入坐，其實唔洗等好耐😙2️⃣其中一個鍋燒極都唔識滾🥲爐火本身有問題！職員雖然忙到傻左，但了解後都幫我地換左個爐🔥💋3️⃣本身晏就食左大大件雞扒已經唔想食雞，點知呢舊麻辣三杯雞出奇地滑！好似摸到靚雞蛋🥚咁！勁正，真心推介一定要試呢款呀😍😍😍4️⃣麻辣三杯雞既湯底鮮甜同時帶點微辣，麻味衝擊味蕾，鍋中的雜菜、菇、魚腐、粟米等愈滾愈入味5️⃣另外叫左古早牛肉鍋，牛肉鍋湯比麻辣雖缺少了麻辣，但感覺很清新純粹，滾起的新竹米粉入入入入入哂味♥️身體無形間飄浮到台灣放空了💋⚠️晚市店員數目寥寥可數，三兩個去應付如此沉重繁忙的工作量實非易事。希望店鋪可以繁忙時間增加職員啦

成日覺得青衣係食物沙漠，冇咩嘢食，而家開左青衣城二期的確多左好多野食，今次約咗朋友特登揀呢間平民一人鍋🥘今次叫左：📍 日式壽喜燒豚肉小火鍋 + 烏冬 $91一人鍋間間都差唔多，其實都係食啲料新唔新鮮，我幾鍾意❤️佢哋個湯底，唔會好肥膩，感覺係fresh嘅，壽喜燒一定要加烏冬，啲份量啱啱好！幾抵食📍 盆栽🪴香芋珍珠 +$9見到menu呢啲好得意，小火鍋升級叫左杯黎試下。第一個感覺係「勁大杯」🤣 其實味道幾好，不過因為巨量嘅關係，建議大家都係同人share，係飲唔晒嘅📍 經典鐵板燒 $72正常水準，因為估唔到有甘多款選擇，又有一人鍋、台灣麵、仲有鐵板燒，所以特登試下佢哋嘅鐵板燒📍 珍珠奶茶🧋+$5🍚 飯後感平民餐廳，坐得舒服又抵食，普通約下朋友聚會又唔想咁heavy，係一個幾好嘅選擇！青衣城呢間響地下，第一腐去未必甘易搵，建議預早少少到就最好

前幾日早了收工和男朋友行經青衣一間餐廳環境夠大又價錢相宜，而且食物是我喜歡的台灣菜，當然支持喇！這間台式休閒餐廳位於青衣，我覺得下午茶尤其抵食，便可以食到，其中我特別喜歡其蕃茄湯底魚腐餃子🥟手工麵，手工麵果然有咬口，夠彈牙，湯又夠濃，手工餃子🥟和魚腐都好滋味!另外仲有豬扒肉燥飯、芝士玉子豆腐、朱古力牛奶雪香 和士多啤梨🍓牛奶雪香，超值！101 台式休閒餐廳 青衣青敬路33號青衣城二期地下G30號舖

平價之選嘅台式餐廳🌟回想讀書時常吃的台式餐廳之一，價錢合理，味道不俗，係低資一族嘅選擇。晚市都有提供一人套餐，套餐大概買單$70至$80，價錢非常相宜。套餐包咗一份主食，一份小食同一杯野飲。我揀咗麵食台式蕃茄濃湯牛肉麵。推薦指數🌟🌟🌟白蘿蔔非常入味，牛腩都煮得好嫩口。唯獨蕃茄味唔算濃郁。小食滷水大腸，推薦指數🌟🌟🌟🌟味道唔錯，可以一食，份量唔算少。飲品巨峰提子檸檬茶，推薦指數🌟值得一提，有幾款特飲係唔使加錢就有得飲👍🏻不過依杯特飲就麻麻哋，唔建議叫。

101台式休閒餐廳印象中分店越開越多，本身好耐之前已經係旺角食過一次，今次見青衣城都有得食，咁就一於入去試下啦～而因為今次係比較晏去食晚餐，所以都唔洗點等位，而晚餐套餐既選擇都好多，有一份主食，加一份小食同飲品，而飲品方面亦有珍珠奶茶果啲比你揀，款式都幾多，同埋只係得少數既飲品要加錢，大部分都係唔洗既～而今次就揀左碗台灣麻辣牛肉麵（$85），配雞翼同朱古力牛奶雪香～碗牛肉麵賣相唔錯，份量亦幾大碗，而今次係揀左中辣既，食落中辣味道唔錯，但略嫌麻度不足，至於牛肉麵既麵底係粗麵，食落都好配搭得到個湯，而湯頭個色水就好夠深，但係飲落牛味就無乜，感覺上就一般啦～而雞翼烤得唔錯，表面灑左啲七味粉上更加惹味，感覺有啲似食緊土匪雞翼👍🏻至於杯朱古力牛奶雪香絕對係誠意之作，首先個杯夠大，份量多，唔會話唔洗加錢就比細細杯你，而朱古力表面上灑左啲應該係麥皮係面，飲落令杯飲品更加有層次👍🏻，而杯飲品朱古力夠濃，味道唔錯，係值得一試既飲品👍🏻 總結以$85呢個價錢黎講以呢個份量算係唔錯，雖然佢價錢唔算認真太平，但佢隨餐係有包一份小食同台式飲品，都算值回票價，所以以台式餐廳黎講係可以一試既～

去青衣行街搵野食咁岩見到依間台式餐廳，見到個menu菜式種類多又唔貴就試下🥩🍜台灣古早牛肉麵 ($83)牛肉份量好多，肉質夠淋，一夾就斷，食完個麵重淨低好多牛肉😂依個價錢唔係淨係得一碗麵架，係成個套餐黎，重可以揀一款小食同一杯飲品，所以好抵食🤩-🧀🥩🍝三重芝士豬扒撈公仔麵 ($73)豬扒肉質都嫩既，唔會好難咬開。不過啲芝士醬就唔係好夠，食到最後有啲dry。-🍢鹽酥花枝丸 (跟餐)依個花枝丸好食呀👍🏻黎到熱辣辣，應該係岩岩炸起，重外脆內軟。鹽酥粉都好好味，只係啲粉撒得唔係好平衡，有啲位咸得滯😂-🐓🍗麻辣麻醬手撕雞 (跟餐)依個手撕雞同岀面既唔係好同，雞肉好大舊，好似撕得唔夠咁😂同埋唔係好食到麻辣味-🍫🥤朱古力牛奶雪香 (跟餐)本身以為似係朱古力奶昔咁，點知原來係普通朱古力😂重有啲淡。不過面頭有啲餅乾碎，加埋一齊口感幾特別-🪴⚫️🧋盆栽珍珠奶茶 (跟餐)依到啲飲品份量真係好大😂勁大杯。杯面有oreo碎同一塊小葉，整到好似盆栽咁🪴不過唔知係米太多冰，就淡左少少-❣️101 台式休閒餐廳•青衣青敬路33號青衣城二期地下G30號舖-#101台式休閒餐廳 #青衣城 #台灣菜 #台灣美食 #一人一鍋

啱啱好係青衣城shopping完，揀咗附近青衣城二期地下101台式休閒餐廳食飯，門口放咗嗰大餐牌，見價錢係好抵食嘅台灣嘢，一入到餐廳，感覺簡潔而明亮，還有特高樓底，減少壓迫感，打開餐牌，見到有好多唔同嘅選擇，除咗台式食物，鐵板等等，仲有勁多款嘅一人套餐，當然最特別有我最愛嘅一人一火鍋😍，涮火鍋也有十多款選擇🤔-最後選咗二個套餐🔍 醬汁雞扒肉燥飯$81（套餐包括主菜、小食連飲品）台灣店點可以唔食肉操飯！特製醬汁配肉燥飯，超開胃，最開心係佢夠多汁（因為成日食肉燥飯都係唔夠汁🤣）不得不提跟餐小食麻醬手撕雞，帶有少許麻辣兼啖啖肉，好惹味！-🔍蟲草花養生鍋＄79唔好以為價錢平，就會將價就貨，火鍋份量十足，兩人食都綽綽有餘。滑滑雞脾肉，加上蟲草花，湯底配料有台灣腸、玉子豆腐、番茄、粟米、菜等等，令到湯底好清甜，配上幼滑新竹米粉，抵食得來，簡直食到唔停口，正😋-跟餐加10，叫咗杯珍珠奶茶，香滑奶茶加上超多珍珠。勁滿足🤩睇單比錢都唔駛$200攪掂，真心抵食又好食！以後出外食飯又多一個好去處！😍

特別推薦大家✅蕃茄濃湯豚肉小火鍋 Taiwanese Pork Hotpot in Tomato Soup《蕃茄濃湯豚肉小火鍋》蕃茄湯底一開始個味唔係好出，要慢慢煲出味，千祈唔好心急🍅😂豚肉、台灣腸正正常常，玉子豆腐、魚腐、金菇、粟米要浸耐d先入味🤗，包心菜就清甜🥬蕃茄湯配新竹米粉又幾好食，米粉爽口又吸到蕃茄湯嘅味😋下次都會揀😌💰$81配新竹米粉(唔使加錢)配日本稻庭烏冬+💰$12，依個好食，有煙韌感👅另加美國穀飼肥牛片+💰$8，有3片可以加飲品+💰$5-$10，有勁多款揀*麻辣湯底要食到後面先開始辣，下次會想試沙茶 / 壽喜燒😌

青衣城2期開左好多新既餐廳，去左地下個層食左台灣野。見餐牌上既野食都唔係好貴。平均50-60都已經有一個主食。佢加錢要既野飲都只係加5-10蚊。係呢家既香港已經叫做平。我地叫左一人台灣涮涮鍋-蕃茄牛肉鍋(跟烏冬) , 小食就一個鹽酥雞 一個辣雞絲冷麵，兩杯野飲。2個人係食唔曬。因為都好大份。同埋上菜都好快手。唔洗等好耐就已經上齊。大家想平平地食野台灣野可以去試下

90s👦🐥情侶吃貨|😚飲食著數|🇭🇰hkfoodie🍽️(👦)自稱三星米芝蓮食評家(🐥)自稱拉麵沾麵專家👉 主打不專業食評🍽️👉 快閃飲食著數🤑____________👉 不專業食評🍽️.【日式壽喜燒sukiyaki牛肉小火鍋 + 升級烏冬】 HK$81 + HK$12【麻辣麻醬手撕雞涼拌麵】HK$47【香烤七味雞翼 / 5隻】HK$32【Lattle雪香】跟餐加配 + HK$9【柑桔檸檬水果冰茶】跟餐加配 + HK$10.(🐥) 雞翼烤得都幾香口，整體感覺都唔錯👍 平價壽喜燒嚟講，呢個算係唔錯，識食一定會食哂啲菜！娃娃菜索滿哂壽喜燒醬汁湯底，真係好入味好正😍 下次會想試埋其他台式口味嘅火鍋😋 套餐可以升級配烏冬，烏冬都幾彈牙好食！配埋壽喜燒醬汁湯底真係絕配🤗 .今次食呢間係青衣城分店，人流唔算多，等位都唔洗等好耐！加上價錢親民💰 吸引咗好多附近嘅街坊同學生哥嚟幫襯😊 如果大家都想平食一人火鍋嘅話，不妨考慮呢間🌟 分店算多，總有一間係左近😝🐥總分評價：⭐⭐⭐⭐(4/5)--- 食物：⭐⭐⭐⭐(4/5)--- 性價比：⭐⭐⭐⭐(4/5)--- 服務：⭐⭐⭐⭐(4/5)--- 環境：⭐⭐⭐⭐(4