101手工涮涮鍋 (金朝陽中心二期 - Midtown)

營業中

休息中

餐廳介紹: 101手工涮涮鍋地點: 銅鑼灣金朝陽中心 #中產窮L 今日平日午市又係銅鑼灣搵食，落雨天又有風，天氣變得清涼，於是就選擇去食一人一鍋打邊爐，一人午市火煱連特色飲品只係60蚊，如有需要可以加錢加餸。 湯底方面，有沙茶，沙爹，壽喜燒，麻辣，蕃茄，清湯之類，全部都味道濃郁。 食物方面，午市包3個餸，雞肉，牛肉，仲有大量不同丸，其中芝士丸最值得推介。 面底，可選飯，米線，拉面，等等。 飲品方面，可選不同的水果冰茶，或者不同既汽水沙冰，仲有台式珍珠奶茶個幾款。 講左咁耐，星期一至日都只係60蚊，認真超值抵食又好食，CP 值滿分。

很高興第二次來光顧這店，服務一直不錯，店員都有留意食物、碟或飲品情況。而食物才是到臨的主要原因，日本牛是這兒的主打，通常都是中間價位的 set, 的而且確是有久違了的味道，應該是中上貨式，一般坊間的店，大多不會以這價錢給這種貨式，平心而論，幾抵架。而且該店亦有豬肉（比較上一等的套餐），可以的話，必須一試，很久沒有吃到這質素入口鬆化及豬味濃厚的豬肉，本地點心店都是用沒豬味的冷肉罷了。另，飲品可以試下所謂的盤栽系列，倒是有趣的。

一個人打邊爐的好去處上次有少食到一肚火，但今次感覺好好，唔係係咪門口個staff換左🫣🤣今次都係學生妹7人快過我入座，但staff好好係安排間房比他們坐，所以我等左陣，又好快有位🤣麻辣小辣湯底平時我食開沙茶湯够惹味，但又想食下麻辣野，麻辣湯底够麻雞脾肉：真係一隻雞脾，但斬件，雞身好滑荀萵:够爽韮菜豬肉餃:韮菜味濃巨峰提子可樂砂冰:粉量似2杯🤭

餐廳環境寬敞舒適 午市限90分鐘 但係晚市就唔計時 無限任坐 yummy啲和牛好惹味 肉丸口感爽同埋煙韌 湯底辣得黎十分惹味 如果俾我揀多次 我會推薦俾啲鍾意食麻辣火鍋嘅人食😻

7月生日月份，不停咁同唔同朋友出街食飯慶祝😚😚今次揀咗呢度食，一嚟到見到個場好大，好多侍應生，服務都好好，講解詳盡👍而且呢度係冇限時任食，好難搵到一間冇限時任飲任食得嚟又咁好服務同埋環境又咁舒適，真係所謂一分錢一分貨，呢句說話真係好認同😌呢度對我嚟講真係冇乜可以投訴🤭任飲係可以飲埋酒，仲要係啤酒，白酒嗰啲都可以任飲👍👍真係超級鐘意，食物種類雖然冇出邊嗰啲地方咁多，但都已經好夠食，最緊要係有質素😌由於掛住傾計，所以都冇乜點影相🤣我會再幫襯㗎😁

呢間餐廳食物/環境衛生十分惡劣！一埋到座位已經眼見凳好多污跡要用紙巾抹走😕食物質素本來已經不奢求有幾好食，始終價錢咁平，但後來食食下發現有個價錢貼紙痴在娃娃菜上面，質素十分差。。而且食緊野途中後面店員兩隻手各拎一鍋傳餐點知倒瀉咗。。啲湯彈到我朋友成隻腳都係😫 總括而言呢間餐廳質素下降咗好多 明明以前食係幾唔錯，唔會再幫襯我地中午時間黎 周圍都係中學生好嘈，建議如果大家黎既話應該晏少少黎食會好啲同埋唔洗排咁耐！

銅鑼灣地段，午市價錢$59，意想不到的性價比高！逢星期一到日都有嘅午市套餐，只係$59就可以打邊爐，一人一鍋，一個湯底、一份主食、三個火鍋材料、一杯勁大杯既野飲！食物質素最重要睇個湯底，鍾意食辣推薦三杯雞湯底，少女心超強烈推薦壽喜燒湯底，冇特別要求豬骨清湯都唔錯！之後火鍋配料基本上都正正常常，特別要推仲嫩牛肉，就算擺幾耐都唔會老，有口感好食！仲要29樓高層基本上可以望到維港個海，食環境都已經值回票價！

101手工涮涮鍋係我去銅鑼灣嘅其中一間午市飯堂，佢嘅lunch menu真係好抵，$59就可以揀到一款湯底、三款餸、一個麵底✌️今時今日呢個價錢，喺旺區嘅茶餐廳分分鐘只係食到個碟頭飯😆火鍋係以一人一鍋方式奉上，夠晒方便、衛生。話明係台式火鍋店，佢哋有提供埋富有台灣特色嘅配料，例如Q彈正方形魚腐、台灣腸、台中貢丸等等，之前都食過晒，全部都值得一試！👍今餐就揀咗Q彈正方形魚腐，其餘配料嘅份量都唔少，牛肉厚切夠晒大片🤩跟餐仲有一杯特飲，今餐飲盆栽珍珠奶茶，可以打卡📸之餘又好飲！

火鍋不二選，中午食，又係一個字，抵，平靚正，超值⋯⋯，可以講落去都啱晒放落入去讚佢，101手工涮涮鍋中午時間個火鍋簡直冇得彈，除咗超值，簡直好味到不得了，唔信睇相👇咁大鍋仲有大大杯好味飲品都係五十幾蚊，平到你唔信，又好味又大鍋，唔怪之得咁多學生都去食啦，超級正

原來101火鍋依家得返銅鑼灣分店….真係生意難做呀…星期五嘅訂座已經滿晒，唯有星期四晚吃，所以要吃真係要早訂位。叫左最平嘅$408牛肩任點任食火鍋，配台式麻辣冬瓜卜卜蜆湯鍋😋冬瓜勁大件，蜆新鮮甜美，差唔多有成30粒咁多，湯底香辣惹味，不過滾到中段實在太咸，忍唔住要盛起一半湯底加凍水溝淡佢先送左一碟手切牛、一碟黃金魚皮同新鮮炸起超大碌響鈴，又香又脆，不放湯都好味。牛肉有鮮濃牛肉味，豬肉片都好好味，其他料都好新鮮，配料多到我地只叫左一輪都吃唔完。飲料都有幾十款，重點係連酒精飲料都任叫任飲，好酒之人一定不可錯過，重可以去露台小酌一會再返埋位打邊爐，不錯😋飲品推介可樂烏梅沙冰，酸酸甜甜好解膩。

朋友成日讚呢間hot pot好掂- 係高質打邊爐放題。今晚終於去試下。佢既芝士響鈴同黃金魚皮好好味，仲有勁大杯既珍珠奶茶同酒都係放題，係成支酒都可以任飲。大約$5xx一個人，聽落去好似有d貴但食過飲埋幾支酒之後就會覺得物超所值。但黃金魚皮同芝士響鈴無得飲食，re-order要俾錢，黃金魚皮大約$50一份。我地個晚仲要有無限時任食，食得好開心好爽雖然我地食得唔野xD。餐廳環境舒服地方夠晒大，我地人多仲有房俾我地坐。

喺度食過好多次， 甚至乎可以話係我一個人既飯堂， 有時候我都會帶朋友一齊嚟食呢度嘅午餐， 因為59元一個午餐真係好抵食，而性價比勁高。但無奈門口個阿姐真係好無禮貌，我雖然一個，但你唔洗入啲學生哥架問他問題，他把高8度既聲好難聽，但食物呢度真係好食既之前都好平等，先來先等位，今次我排第一個，真係有少少心急想快食之後閃，而且因為仔又無响附近學野就少左來。 點知今次就一肚火， 明明我第一個，但係阿姐入咗啲學生哥，入曬四個人就叫我等。問他點解我要等，他話入哂多人先，總之把聲難聽。之後我聽到啲staff話其實佢都係靠啲學生哥增加業績但最後我都會持平，其實呢間嘢嘅性價比係好高，而且啲嘢都好好食。

🍲自選台灣涮涮鍋 $58台灣豬骨清湯湯底呈奶白色 望落清澈飲落濃郁帶香濃嘅豬骨味附送嘅番茄同埋栗米都好鮮甜米線偏軟爛但份量好多女仔有可能食唔哂添～日式芝士竹輪卷結構就係獅子狗包著流心芝士芝士味唔出但質地滑溜日式芝士丸平時街市急凍質素外皮煙韌咬開有軟綿綿嘅芝士餡台中福茂貢丸口感彈牙 香菇味突出亦帶啲冬菇粒粒

和朋友唸住開開心心食個開心午餐，當食物來的的時候，才發現其中一位朋友還差一樣食物漏佐，於是朋友也忘記了少了邊一款食物，於是詢問一位女同事(年約50歲左右)，態度極之惡劣，唔知以為我地係員工出錯食物，真系從未見過咁差既服務態度，真系吃了一肚子的委屈同憤怒😡俾大排檔還差的服務😡😡😡😡於是叫了該店的經理處理事件，而該經理不斷解釋話同事只是幫我們跟進食物，但未能處理得到還同事的服務態度惡劣情況😡😡😡😡😡😡

同朋友來過好多次好多時霖唔到食咩好就會上來打個邊爐呢度一人一鍋lunch每人揀一款麵再揀三個餸另外包埋野飲女仔來食一般都會食到好飽份糧唔細d野食同環境都唔錯湯底我揀左麻辣兩粒椒唔太食得辣gei我覺得好正辣辣地得來又唔會話辣到食唔到要叫媽咪但又好惹味朋友揀沙茶湯底好香料方面看個人鐘意食d咩我地覺得雞肉唔錯好大份又嫩滑其他野都好唔錯野飲算係好大杯有d特色野飲下幾好另外服務值得讚下好有禮貌卡位坐得舒服行出d有個露台位風景唔錯