101手工涮涮鍋 (金朝陽中心二期 - Midtown)

營業中

休息中

近年台式火鍋興起，呢間出名好味又有靚景😍先揀套餐同湯底，每款套餐本身都包左幾款拼盤，仲有大量火鍋配料任點。台灣養生藥膳花膠雞鍋｜湯底帶有濃濃既藥材味，甜甜地好好飲😋湯料都好豐富，有大量花膠同雞件，雞肉好滑，仲啖啖肉！花膠雖然唔係好厚身，但食落膠感十足，超滋潤🤭另外仲有粟米、豆卜同雲耳。特選手工火鍋拼盤｜最鍾意佢個黑松露蟹子海鮮軍艦❤️黑松露味好突出，蝦滑彈牙爽口，再加埋豆卜索哂湯汁🤤安格斯牛頸脊｜牛肉雪花紋理好靚😍牛味濃郁，口感爽嫩軟滑，有咬口👍🏻即炸響鈴配即炸海苔鹹蛋黃魚皮｜響鈴好大條😂淥兩秒即食，入口食到一層層既鬆脆口感！孫皮好香鹹蛋黃味，而且好香脆🥰咋外仲叫左幾款火鍋配料，蜂巢豆腐、萵筍片、丸類同鴨血，全部都好高質👍🏻👍🏻👍🏻

今日驚朋友介紹之下，嚟到呢間銅鑼灣樓上嘅台式火鍋店，環境真係一流，又户外bar枱，高樓景都好正！裝修亦都好華麗，坐得好舒服！套餐我地揀左$408 ，可以任食美國prime 安格斯牛頸脊，同埋西班牙豬肉片，湯底方面好多選擇，我哋揀咗個清淡小小嘅酸菜白肉鍋。首先講講湯底，未滾起已經好大浸酸菜味，好香，同埋裡面好多白肉，同埋粟米等等，所以個湯底好清甜！之後店員就拎咗第一轉嘅食物唔係任食嘅，有鮮炸魚皮，響鈴，黑松露鳥結糖，太極冬菇，黑松露墨魚滑，鍾意食黑松露嘅一定會好開心，全部都好高質，食落係爽口彈牙。其他火鍋配料都好友新意，有好多都係手工野，例如麻辣雞軟骨餃子、黑松露芝士豚肉餃、仲有好多手工嘅丸類，都好好味！食得出真係同坊間普通嘅材料有分別。飲品方面，亦都係自家製，例如佢哋嘅盆栽奶茶，仲有得加珍珠。同埋果茶都係即沖，仲可以任飲Cocktail同埋紅白酒，而最後嘅甜品都好有誠意 涼粉 芋圓 雪耳 好味！

多年前其實已是101手工涮涮鍋的常客，但自從尖沙咀店結業後都只到訪過對我較遠的銅鑼灣店數次，不過一直以來在我心目中評價都首屈一指。銅鑼灣店環境寬敞舒適，更設有露台可以與朋友把酒言歡。晚市火鍋放題分為任食美國安格斯Prime Grade牛頸脊套餐及任食美國SRF極黑和牛套餐兩款，我倆選擇了前者星期日至四每位$418，星期五至六及公眾假期前夕則為$458。二至六人可從十八款鍋中選一款，台灣麻辣牛肉涮涮鍋可選大、中或小辣，中辣辣度依然十足但辣而不麻，當中有大量牛腩肉質軟腍鬆化。手工蒜泥口水手撕雞及秘製麻辣木耳兩款前菜可無限追加，而手切美國安格斯Prime Grade牛頸脊則限每兩位奉送一碟，肉味香濃。101特選手工火鍋拼盤包括墨魚汁鳥結糖、太極冬菇、黑松露蟹子海鮮軍艦及三重芝士鮮製蝦丸，每款主要皆以彈牙蝦滑及墨魚滑製成，墨魚汁鳥結糖其實即墨魚汁墨魚滑。手工即炸醬鈴卷拼手工即炸海苔鹹蛋黃魚皮口感鬆脆，魚皮更是鹹香起沙。秘製台式雞件、沙茶牛肉、安格斯Prime Grade肥牛片、西班牙無激素豬肉片等肉類皆可無限追加。任食海鮮包括帆立貝、深海魚柳、新鮮魚雲、脆鯇魚腩及脆鯇片整體新鮮。台灣直送配料如

任食美國安格斯Prime Grade牛頸脊套餐$418 無限時 其實真心抵食望住個海景打邊邊仲有多種均類嘅台式飲品點咗盆栽香芋珍珠奶茶🧋完全飲返兒時嘅味道仲有Oreo碎～係滿足嘅感覺湯底點咗金蟬脱殼其實係冬瓜圈裡面有雞件仲朝有蟲草花紅棗粟米豆卜～呢個感覺清潤手切美國安格期Prime Grade 牛頸脊本身default果碟已經勁大碟兩個人食夠晒 牛味好濃郁101特選手工火鍋拼～有墨魚汁鳥結糖、太極冬菇、黑松露蟹子海鮮軍艦、三重芝士鮮製蝦丸啲手打滑真無無敵無論墨魚定蝦滑都勁彈牙而且仲有蝦碎/墨魚碎加強口感手工即炸響玲卷拼手工即炸海苔咸蛋黃魚皮個響玲超巨型勁鬆脆要搵店員幫手剪開食魚皮每個位都沾到咸蛋黃醬厚身得嚟又脆口另外仲點咗花膠、台式丸類食可惜個肚唔爭氣食唔到好多轉就飽晒了店員服務一流收碟上菜好快手

派了消費劵當然要促進經濟，約了好友去銅鑼灣食火鍋。呢間火鍋店坐落銅鑼灣中心地帶，有寬大梳化椅，又有香港景色，環境與服務相當不錯。任食美國安格斯prime grade牛頸脊套餐 $418冬瓜卜卜蜆海鮮火鍋湯底，嘩！原件冬瓜。卜卜蜆肥美，鮮甜。牛頸脊非常有質素，軟腍充滿肉香。響鈴拼魚皮真係不可看小，巨型響鈴長過手掌，鬆化不油膩。魚皮炸到卜卜脆，正。墨魚汁鳥結糖造型幾可亂真，彈牙有口感。太極冬菇 好豐富。黑松露蟹籽海鮮軍艦兩重味道。三重芝士鮮製蝦丸爆漿。還有好多款食材，鴨血，紫蘿蔔，魚雲，花膠片……多到食唔切啊！飲品都不遜色，啤酒，紅白酒，水果茶….. 珍珠奶茶/咖啡….. 款式多，超值。

嚟咗呢間位於高層29樓可以睇到夜景嘅火鍋，飽覽維港景色，餐廳係任食冇限時，可以同朋友暢談一番！職員服務非常好，上菜同收碟都快，又會主動加湯，枱面都好闊落，點食物唔使就住就住。湯底都有好多選擇，我揀咗卜卜蜆冬瓜湯，入面有超多蜆肉，要快啲食因為蜆肉淥耐左會甩出嚟撈唔番😆滾到咁上下仲有職員幫手撈起冬瓜同切開我超鍾意呢款牛肉，係牛頸脊來，肉質柔軟有彈性又不失牛肉香味回本之選：花膠，帶子，魚，盆栽/香芋珍珠奶茶通常任食火鍋會有雪糕，呢度係雪耳芋圓糖水，打完邊爐食感覺好清潤

最近邊爐癮起，諗起依間火鍋店有冬瓜湯底可以消下暑， 就沖左上去晚餐，湯座超足料。店舖以台式火鍋為主打，有落地大玻璃，望到維港夜境，感覺十分chill👍🏻 打咭一流！ 値得一提係紅白酒， cocktail, mocktail 都係任飲，仲有啲其他特飲，無限時， 吹水岩晒！今日點左美國安格斯prime grade 套餐， 啲牛肉都已經好軟熟同牛味， 套餐仲包左響玲同咸蛋炸魚皮，一食落去真的不得了！新鮮炸起香脆可口，咸蛋炸魚皮都係一絶！ 另外仲包左個手工火煱拼盤，啲蝦丸墨魚滑食落爽口彈牙，食得出新鮮既感覺👍🏻特別推介太極冬菇， 口感一流。另外仲叫左啲水餃， 鴨血等配料😋十分多選擇， 可惜我肚仔位置有限。値得一讚係店員十分細心，禮貌又好，令整體用餐加晒分！

101手工涮涮鍋是一家高級台式火鍋店，以提供精選食材和獨特湯底聞名。該店的湯底特色在於以中藥材熬煮，並配合不同的食材，讓味道更加豐富。此外，101手工涮涮鍋的食材選用也非常講究，包括有名的台灣黑豚肉、海陸鮮魚等等。店內裝潢簡潔、雅致，氣氛舒適，適合與家人、朋友或商務宴客一同品嚐美食。此外，該店也提供包廂服務，讓用餐更加私密舒適。如果您想要品嚐高品質的台式火鍋，101手工涮涮鍋是不錯的選擇之一。我們食火鍋放題是星期一至星期四，每位只需$418就可以任食。我們選擇了冬陰功卜卜蜆海鮮鍋做湯底，蜆肉的數量也非常多，由於有香濃的冬陰功味做湯底，所以我們基本上都沒有點醬料。這間餐廳的食物選擇也非常多，有花膠，帶子等海鮮，食物選擇有非常多，無限量供應。絕對是台式高級火鍋至選。#台式火鍋 #高級火鍋店 #香港美食 #銅鑼灣 #登龍街 #無限時火鍋

老友生日，揀左呢間有境又高檔又抵食嘅台式任食火鍋，最抵係佢無限添加飲品有台式飲品，又有紅白酒、cocktails . 其實剩係嚟任飲，吹水都已經回本🤭🤭🤭湯底台灣沙茶雞涮涮鍋 -湯底落足真材實料，好有有雞味。沙茶湯入味，食材不用另加調味料，味道已經好入味。牛肉有鮮味手工即炸響鈴大件，有多層，非常鬆脆流心芝士牛丸爆汁、彈牙，流心芝士有濃郁芝士味手工黑松露墨魚滑黑松露味重，墨魚肉新鮮手工安格斯牛肉丸、帆立貝、蕃茄樣樣新鮮食唔停😋盆栽香芋珍珠、盆栽特澴朱古力珍珠😋😋賣相已經贏咗，味道調到啱啱好冰凍的桂棗雪耳湯仙草芋圓糖水 ：味道清甜，加咗雪耳感覺潤喉。在糖水底部，發現有一片爽口嘅鮮草。甜度適中

而家打邊爐都幾難搵到一間可以任飲任食又冇限時呀! 服務正, 有靚景, 望維港夜景, 咁好咁舒服嘅店舖, 啤酒, 白酒, 紅酒都可以任飲喎! 仲要地點係銅鑼灣鬧市喎! 哼… 終於比我搵到啦. 係金朝陽中心2期29樓呀! 放工仲約埋三五知己一齊聚下咩!任食美國安格斯Prime Grade牛頸脊套餐 - $418 (星期日至四)呢個套餐真係抵食呀, 鐘意食牛嘅朋友一定要揀呢個。唔只牛肉靚, 仲可任食, 套餐包好多食物, 有前菜, 主菜, 加錢食埋時令海鮮併盤, 肉類, 特選手工火鍋併盤, 手工即炸響鈴卷併手工即炸海苔鹹蛋黃魚皮, 無限追加精選火鍋配料, 無限追加所有飲品, 仲有甜品 (醬料每位$30, 另收加一)前菜台灣直送配料, 手工蒜泥口水手撕雞(微辣), 秘製麻辣木耳。兩款都好開胃小食, 等開爐時一邊傾, 一邊食, 啱哂!主菜有辣有不辣, 有海鮮, 有肉類, 接近有20款唔同組合嘅湯底。我地揀咗最多人叫嘅冬瓜卜卜蜆海鮮鍋, 一鍋有埋瓜菜又有海鮮, 超正。鍋裡放滿好多紅棗同松蟲花, 好似養生中湯咁, 中間有個環形冬瓜盅放滿卜卜蜆。 冬瓜盅配海鮮, 令到個湯底好鮮甜, 未打邊爐都已經飲了

▫️101手工涮涮鍋午市超抵食一人火鍋set $59包一款湯底、三款自選餸、一碗麵加一杯凍熱嘢飲😋💁🏽‍♂️揀咗三杯雞湯底，微辣香口👍🏻🍴特別推薦甜不辣、脆鯇片、Q彈正方形魚腐。所有材料會放晒喺一個大鍋入邊，連埋自選麵，開爐等大約五至10分鐘滾就可以食得☺️一路煮一路食，熱辣辣，隨着麵條吸晒湯汁嘅精華，呢個價錢真係性價比好高，好抵食。下次會試吓佢嘅晚市任食火鍋♥️

真心覺得呢個價錢超唔值（食物質素差又無環境可言），牛肉個名好強大但食落本地仲好食過佢，餐前小食雪到冰晒，丸類好似粒陳皮蛋旦甘既size，菜得3款選擇，套餐包既都係飽肚食物。要投訴係脆鯇魚腩，點解切到擦紙膠既size唔緊要，但係啖啖骨，一粒有5份4都係骨，完全呃人。套餐最尾有碗好冰凍既芋圓雪耳紅棗龍眼糖水。要讚既係杯果茶幾好味，響鈴香脆。。。完套餐就包呢的（圖示）之後可以電子落單，大部份都係免費既不過種類同質素就。。。

午市套餐 一人火鍋 $66銅鑼灣食lunch要呢個價錢已經好難，而且仲要係打邊爐，所以呢度長期都爆滿，佢開11:30 ，最好早少少嚟，如果唔係有排等，lunch嘅時間限時一個鐘。湯底方面有六款湯揀有辣有唔辣，配料有42款可以揀三款，另外面都有六款可以揀，而飲品方面，叫珍珠奶茶水果冰茶等等都係唔需要加錢，超級抵食。我叫咗麻辣湯小辣，湯底好夠麻味又唔會太辣，台灣渝川拉麵有咬口唔錯，叫咗雞髀肉係一隻雞下髀，另外叫咗滑牛片上嘅時候係生嘅自己決定生熟度，花枝丸入面都有唔少一粒粒嘅魷魚係足料嘅。盤栽特濃朱古力珍珠，大大杯朱古力珍珠，食夠飲好滿足。

午餐去到3:30last order 用餐時間一個鐘 lunch time比較多人 但今日唔洗排隊就入到坐 60蚊可以食到3個餸加一個麵加一杯飲品落完單好快就有得食喇 不過我個朋友半個鐘先黎到幫佢叫定先等佢黎到即刻有得食好彩個日無乜人 店員無趕我地走4點半佢地就落場飲品都有好多選擇份量都好大 叫左杯珍珠奶茶 走甜不過都係覺得有點甜D麵多到食唔曬 叫左三杯雞湯底 叫左鯢魚 油麥菜 甜不辣吾食得辣記得要叫小辣🔥唔係會太辣 辣到食得好慢

Lunch time一人火鍋首選12:00到即刻可以入坐 1小時用餐 今次都係點左麻辣湯底 佢有得揀大中小辣配料都算多選擇 主食都有5-6款我揀左必點雞髀肉 芝士腸 貢丸 韭菜豬肉餃 台灣麵落左order 唔使5分鐘就到 好快成個鍋望落好豐富 佢另外仲有跟小小芽菜 一舊蕃茄同粟米雞髀肉有3大舊 肉好嫩滑芝士腸有4條 貢丸有3粒佢個韭菜豬肉餃個皮係好Q糯個種 次次黎都會點不得不講佢個台灣麵份量好充足！而且會吸哂啲湯汁 一路滾住仍唔會煮到好爛飲品點左佢個盆栽珍珠咖啡 好好好大杯 如果咖啡味可以濃啲就更加好雖然店內好忙好多客人 員工Amy都好有禮貌好helpful