101肉燥飯專門店 (厚福街) (已結業)

放假行街,去咗厚福街食午餐,101肉燥飯專門店,好多人但唔駛等位,坐位逼逼地,因為早餐食太飽,所以就咁叫咗火腿炒蛋多士+鴨胸新竹米粉+珍珠奶茶,鴨胸肉好好食,米粉湯都好味,唔覺味精好多,米粉軟硬適中,唔會太淋,其實主要想飲杯珍珠奶茶,都OK,甜度適中但奶茶味不夠濃.都OK的一餐.

出糧日出街食飯是常識吧！不過為免之後果三十日都要做長崎良美(長期糧尾...=v=)所以我都係決定食啲平平地既。厚福街不嬲都係食店臨立，不過我好少食呢邊啲野，今次揀左101肉燥飯專門店，因為個menu上既飯全都係4x-6x元，不過我自己就揀左一個比較fushion既豬軟骨撈公仔麵，一上菜果下覺得自己好似中左伏，因為個賣相真係麻麻...(冇圖，因為唔想影)可以形容下，係一pat豬軟骨、一pat白雪雪既公仔麵、一pat汁、一pat菜、一pat薑蓉，好似所有食材都係求其撻落去。不過其實味道唔差，四十幾蚊係價比既...所以話到明係肉燥飯店都係叫肉燥飯最穩陣，即刻去片!肉燥飯唔係我叫所以唔知好唔好食，另外台式熱飲只需加3蚊，凍珍珠奶茶加7蚊，其實喺尖沙咀黎講都算係好平。不過味遁只係so far so good。

去到尖東，想食咩都應有盡有 但價錢通常都幾高 難得地係尖東搵到間食晚市50蚊樓下就有交易 呢間101專食台灣野，招牌就係佢既肉燥飯 好多飯都係3、40蚊就有交易 我叫左個雞排玉子肉燥飯加多幾蚊就有多杯珍珠奶茶 雖然味道未算5星級但呢個4x蚊既價錢咁既分量同味道都稱得上算平靚正 D雞排煎得唔會好老，剛剛好 肉燥連飯食又唔會好鹹，不錯不錯 如果大家想平平地食一聲，呢間都幾好架

正當台灣地溝油事件鬧得水深火熱，我又開始懷念台灣嘅味道。今次唔係第一次幫襯101, 以前係尖沙咀返工成日都幫襯，今次只係第一次帶狼仔去試。好多款肉燥飯都試過，依款算係我的最愛之一！肉燥非常惹味，雞扒幾滑，亦幾入味。個玉子豆腐今次炸得真係幾香！狼仔鍾意食公仔麵，所以就試左撈丁。我就麻麻，略嫌豬頸肉有啲un，普通啦。加$3有台式珍珠奶茶，沖得都幾滑。食食下見到有人叫常餐，狼仔驚覺常餐好抵食，$40有多士，火腿/腸仔，炒蛋，牛肉/鴨胸/雪菜肉絲通粉(可以轉公仔麵/米粉)，仲要包野飲，傷心左佢十五分鐘哈哈。價錢係尖沙咀算係幾抵，坐得幾舒服，只係冷氣大左少少。

今日經過厚福街， 不嬲都有食開呢間101，見佢今日出左新野，忍吾住寫下食評，今次第一次寫，希望各位見諒。 個新菜式叫做板燒雞柳肉燥飯。 啲雞柳好滑，而且味道相當不錯， 炸得都吾乾，仲有肉汁喺入面。 配合肉燥飯真係幾好食，因為呢度既肉燥不嬲都係我既至愛，送飯一流。加七蚊要左杯特飲香芋珍珠，香芋味好夠，不過甜左少少，珍珠奶茶好飲啲。

睇完戲差唔多成十點，諗住慳慳地食一餐，經過呢間鋪，見最貴都係五六十蚊，‘決定一試！餐牌不太多選擇，來來去去都係圍繞肉燥飯，有雞扒豬扒豬頸肉果類啦！但非常抵食！點咗“玉子豆腐肉燥飯” $36，份量係大嘅！正常女仔應該食唔曬！肉燥冇正宗台灣嘅油同香，但味道OK的，我自己都唔鍾意太‘油！但好有屋企煮嘅味道，附上嘅配菜都唔係差，都有炒過架！加上價錢平！係現今香港食飯價錢(仲要尖沙咀)，算係唔錯！而且服務OK，員工自動自覺，能夠講係窮人恩物

辛辛苦苦終於捱到放工，約左啲朋友去尖沙咀食下糖水。 十點幾去到厚福街，人頭湧湧，間間都要等位。 朋友又吾想等太耐，就去左一間叫101既台灣餐廳，打算飲下珍珠奶茶同食下小食。點知呢間舖俾倒驚喜我地幾個， 杯珍珠奶茶大杯得好誇張，啱曬鐘意影相既香港人。起碼大平時茶餐廳既一倍有多，真實望落去仲大杯。味道都相當吾錯，吾太甜，而且茶味夠濃。小食方面我地叫左香辣台灣腸，雖然油左啲，但係味道真係正，辣得黎好香，送珍珠奶茶一流。 下次大家黎到厚福街，未必一定要食甜品，真係可以試下呢間台式小店，真係有驚喜。

前晚約左fd去尖沙咀蒲，諗住十二點早d到，個fd返機場又未收工，於是就一個人去食飯，甘都係出返尖沙咀食，行下行下，行左四五間，發現原來而家呢個年頭食餐飯無$50-60都落唔到樓…我係一個無飯不歡嘅人，夜晚一定要食飯，如果唔係訓唔到覺，行左入厚福街，見到間寫住肉燥飯，即刻衝左左入去。呢間野原來全部飯都係肉燥飯，但就有唔同餸揀，主要都係肉類，我揀左醬汁豬扒肉燥飯，諗住求其平平地食個飯就算，飲埋杯野都唔使$45。個飯一黎到，嘩，塊豬扒都幾大塊，有半隻老水蛋，肉燥幾好送飯，唔使十分鐘就食哂~$45都唔使有個飯有杯野飲，係尖沙咀黎講真係平到無朋友，食完好滿足去蒲

我喺尖沙咀返工， 雖然附近好多野食俾我揀，但係作為打工仔，日日食飯都係最多人既一點鐘，真係間間都要排隊。所以我通常都揀一啲少人啲既。101肉燥飯專門店喺厚福街，大家都知呢條係食街，午餐時間日日都人山人海，而呢間舖日日都排長龍，最少有十幾廿人等位，所以我今次都係第一次幫襯。等左十分鐘左右，入到去當然即刻叫野食，餓死了，但係全部野食都好吸引， 揀左五分鐘先揀倒。 最後揀左個醬汁雞扒拼玉子豆腐肉燥飯。 個肉燥食落去相當驚喜，我喺台灣食過，得鹵水味，但係呢間舖頭明顯經過改良，加左一種好獨特既味，吾係我誇張，送飯真係無敵。而且塊雞扒都好滑， 絕對吾會比某某雞扒專門店差。 呢個肉燥絕對會食上癮，我決定一個星期午飯最少黎食一次。我另外叫左杯珍珠奶茶，加三蚊，大大杯，抵到暈， 而且茶味很夠。我敢講我算係識食既人，用呢個價錢食到呢個質素絕對超值。所以呢間舖長期排長龍，我相信如果保持質素，好快就可以開到全香港都係。

係尖沙咀返工甘耐，知道有間台式餐廳係厚福街開左，但一直未有機會去食，今日唔記得帶飯，終於有藉口去試一試了由於我一個人去，所以好快就有位，等左唔夠5分鐘就有得入去。打開個餐牌，選擇幾多，而且價錢唔貴，仲有常餐揀，但我好大食，食常餐一定唔夠飽，所以最後揀左串燒拼章魚餅肉燥飯，加$3要多杯蜂蜜綠茶。等左唔夠五分鐘，一碗大大碗既肉燥飯就端上來，望落去好豐富，試左一啖，d肉燥竟然係甜架，隻味幾特別，同傳統肉燥既味唔同，送飯一流，串燒用的是雞肉，食得出有用孜然粉淹過，再拎去炸，食落去幾香口，蜂蜜綠茶幾清香，始終台式飲品好難話出錯。食完埋單共$42，講真係尖沙咀區真係唔算貴，走既時候d waiter會笑笑口同你講多謝，服務唔錯。總括黎講，下次無帶飯會再黎會，想試下個芝士汁!

誠邀我去食肉燥飯  仲以係去茶木  點知佢話吾係 係去一間叫101既食店。  呢間野我有印象同事佢地有提起過 不過我就真係未去食過。既然佢又想去食 我又未食過 就一於去試下 一未行到去已經見到門口有十幾人  我估呢間101應該係有啲名氣既 係我大鄉里先未聽過 。 同同事吹左一陣水就入到去，都算快! 放飯得一個鐘多D，坐低梗係即刻睇下食乜，揭左兩頁就見到個叫巴東牛肉既飯，雖然吾知係乜黎，英文就寫住SPICY，即係辣既牛肉啦，一於就簡佢，加多$3就有杯凍珍珠奶茶，甘抵唯有蒙頭入閘 5分鐘左右，D野食野飲就係面前，開頭係有少少擔心係咪凍架....  結果，杯珍珠奶茶就係凍，但係個飯係好熱辣辣。有速度有熱度，算你好野!  講返個飯先，呢個巴東牛肉，食落好野味，又香辣又甜，如果係鐘意食辣辣地既人，呢個真係可以一試   至於個肉燥，個質地我幾LIKE~ 吾會好似一PAT汁甘，有咬口，中間仲帶有少少既肥肉，好香~  有時食好食既野都真係吾顧得甘多，好似大榮華個豬油撈飯，海南雞既雞油飯甘，真係忍吾到口>V<+$3呢杯珍珠奶茶呢，茶味奶味都夠，吾錯~ 我係OPENRICE發現原來

今日難得一日放假，同女朋友過左尖沙咀周圍行下，行到攰女朋友話想覓食，我地就過左去厚福街睇下有咩食。我自問都算識食，所以會睇下間舖頭多吾多人先試新野，厚福街入面有間叫101既台灣菜，見到好多人排隊，質素一定吾會差，我就同我女朋友排隊了。 排隊期間上了openrice 睇食評，發覺這間舖的評語只係好壞參半，但係老實講，我覺得有幾位寫既食評吾係好中肯，例如話炸野好油，肉燥好肥等。。。 我就心諗，炸野不是該油，肉燥不是該肥嗎？哈哈。我當然不會被這些食評影響我排隊的心情。 等了十分鐘左右便能入座。 我點了香矛豬扒肉燥飯，我女朋友點了prime grade牛扒熱石燒。 香矛豬扒的香矛味不錯，而且質地很好，肉燥的味道很特別，很香，我想店主應該加了特別的香料在內。 我想特別讚一下熱石牛扒， 62蚊的價錢竟然食到這種質素的牛扒，我可以大膽說句，外面食最少要百多元。 而且肉燥飯放在熱石上，飯底焦焦的，很香！ 這個crossover 的創意絕對值得讚賞！

同事講左好多次話呢間野好抵食。上網睇過評語好壞參半。加上成日大排長龍。所以一直未有機會試。今日終於俾同事迫左去排隊。真係好多人得好誇張。我諗如果無可取地方，無理由甘多人gra。終於有位坐低。同事誠意推介我食個下午茶餐。話好平。最後我點左沙律牛角包炒蛋。肉燥新竹米粉。同蜂蜜綠茶。牛角包算鬆脆。蛋都算滑。沙律個麻醬幾好食。我最鐘意個新竹米粉。食落爽口。蜂蜜都唔差。不過甜左少少。我自己親身試過。我覺得呢間餐廳其實係想做快餐。睇黎想將呢個模式做到譚仔南記個d甘。如果用快餐去睇佢的食物。其實合格有餘。如果要用正宗台灣菜去睇。佢又唔係。可能呢個就係好壞參半的原因。我個人覺得呢間餐廳想做快餐多d

6點鬆D, 經過尖咀THE ONE附近, 唔知食咩, 見到呢間既賣相唔差又唔貴, 仲要唔使排隊, 不過入面都已經坐滿8成人, 應該都OK, 就入去試左!豬軟骨肉燥飯$44 + 凍珍珠奶茶$3飯好多, 唔記得講少飯 ,豬軟骨一大塊, 感覺好柴皮, 可能浸左好耐, 味道咸左少少, 肉燥好油, 淋晒上個飯度, 食完好 滯! 連杯凍飲都唔得, 好甜, 珍珠得幾粒, 極少.鐵板豬扒肉燥飯$49 +凍咖啡$6塊豬扒好薄, SIZE不大, 不過, 末食一睇都知勁鞋, 果然食落口都係咁! 鐵板配薯菜, 呢樣係唯一可取. 再加肉燥配飯, 食完係個胃頂到飽! 呢杯凍咖啡品質好少少因為要加$6, 所以都幾好味,唔係太甜又夠濃!加大拼盤$22 (入面有2條雞串, 2塊章魚餅, 2隻雞翼)我對呢個拼盤勁失望因為全部亳無台灣特色, 普通炸物而已, 街邊既炸物仲好食過佢.所以, 呢間食店都唔使黎第二次啦!

想不到厚福街能找到便宜的台灣餐廳,而且在晚上8點多時又不用等位。台式雞扒玊子滷肉飯滷肉不算太多,如果多一點肥豬肉就更可口。魯肉配上一隻鹵水蛋一直都是香港人的吃法,這個搭配也十分正常。雞扒就是一般般,如果燒汁能多一點,或者是炭燒,會更令人印象深刻。整個飯最令我失望就是玊子豆腐,他們家的玊子豆腐是炸的,把玊子的清香都埋沒了。