101肉燥飯專門店 (厚福街) (已結業)

趁公眾假期去無耐無出嘅尖沙咀行下順道午餐。見倒厚福街有間台式餐廳，啱晒，因為我都鍾意食肉燥。中午12點仲未係好多人，感覺好舒服，店員讓我們自行入座。3人分別點了墨魚餅雞肉(一飯一麵)及三杯雞肉燥飯、並以特價跟餐配了兩款小食(鹽酥雞及花枝丸)、且各自以加錢升級配台式特飲。本人覺得鹽酥雞同花枝丸最好味，夠熱夠香口； 三杯雞啲肉碎濕濕，豆腐卜索晒啲汁，好味但好咸。墨魚餅雞肉不過不失，麵食質地亦唔錯。離開時近1點，人流亦開始多，我哋都唔坐咁耐，讓返張枱出嚟畀店家做生意。

《101肉燥飯專門店》話說呢間連鎖店係我同事好鍾意lunchtime幫大家叫外賣既一間黄店😂佢每次叫101外賣，都揀「三杯雞飯，士多啤梨奶」，風雨不改。所以帶飯番工既我都被佢既堅持打動，試過呢個組合，係真係幾好食，尤其個士多啤梨奶幾高汁😍然後有次同鍾意台灣菜既🐢經過尖沙咀，就決定堂食呢間幫襯過好幾次外賣既黄店！難得叫堂食，緊係叫d平時外賣叫唔到既野！我地揀左Deluxe set $208~（set for 2)前菜有凱撒沙律+香草芝士玉子豆腐。先講沙律，佢係非常大碟，岩哂我地2個鍾意食菜既人～上面淋既芝麻醬份量岩岩好，夠遮草青味之餘保留到fresh既感覺～香草芝士玉子豆腐係極度驚豔，係我成餐最鍾意既一道菜😍佢既豆腐外皮層粉好薄，但炸得好香脆～一咬落去入面既豆腐熱辣辣，配埋好香既芝士醬（佢係淡味既芝士，唔會好濃好重口），係好 match好好味😍大推薦小食有得8選1，我地揀左鹽酥雞塊（大）。無確實數有幾多舊，但份量足夠2人過足口癮😳d雞炸得好脆，個粉皮都唔會好厚，咬到啖啖雞肉。外層灑既孜然粉好襯個味，呢個都出色同推薦。主菜有得6選2，我地其中一個揀左香茅豬扒熱石鐵板燒（配芝士撈日本稻亭烏冬

今日同阿妹又出擊，未食午飯，但又未到晚飯時間，所以揀間輕食之選。本身我哋兩個都鍾意食台灣野，喺厚福街好多美食，最終都係選擇左呢間101肉操飯專門店，仲要好好彩有下午茶凱撒沙律+奶醬多+香芋珍珠以下午茶來講，份量算多，一啲都唔馬虎，而且性價比相當高。香芋珍珠唔太甜啱我，香芋味濃郁，只係奶味略嫌重，唯一唔好就係珍珠太硬肉操三杯雞飯+蜜桃紅茶三杯雞甜辣度，略嫌肉操獻汁太杰。蜜桃紅茶香甜，不錯嘅選擇鹽酥雞$24雞肉嫩滑，外脆內軟，香脆可口

喺尖沙咀食嘢，消費通常比較高，以前喺果頭返工，呢間係其中食開，因為lunch同下午茶個價錢都係3x-4x蚊，份量都算夠，不過有啲職員嘅服務態度一般般，今次都係叫返雞扒肉燥飯，朱古力加5蚊。職員幫我落單果時走開咗，去應付其他客，然後再返嚟落埋，等咗一陣，個職員又叫我落多次，當時我非常肚餓，聽到都有啲躁。不過嘢食都好快上，飯量同餸絕對夠一個女仔食，食量大啲嘅可能未必食到好飽。但如果果時唔係太肚餓/喺果頭返工搵平食，我未必會再幫襯。

經過厚福街 有好多唔同總類既食店朋友推薦之下就入左呢一件鋪頭試下自助到不得了一入去自己量體溫 自己揾位 自己去隔離台拎餐牌等左一段時間之後先有staff過黎幫手點餐我地每人叫左一個肉燥飯， 一個就鷄扒玉子豆腐肉燥飯另一個就香辣牛肉肉燥飯朋友叫既香辣牛肉肉燥飯 我自己本身唔係好食得辣就有dd 頂唔順不過 全程朋友都食得好滋味， 分量都剛剛好唔會太多都唔會太少 剛好清曬 就夠飽呢個就係我叫既鷄扒玉子豆腐肉燥飯其實我覺得作爲一間臺式食店佢d肉燥其實係有d失色 但係都叫過得去啦~鷄扒都係無咩特別好講 好有鷄味（？）最最最驚喜既反而係係側邊既玉子豆腐新鮮炸起 外脆内軟 OMG~~！！！不過可能我講得誇張左少少因爲自己本身係豆腐控所以豆腐呢樣食材係我眼中無論點都係世界第一飲品方面就好發揮到臺式野既水準啦~我個杯係咖啡胚芽牛奶？ 我都唔係好記得佢全名anyway 係好味既會再食既！會推介既！

同朋友食晚餐尖沙咀， 但係間間都唔平， 行到去厚福街 發現咗呢間餐廳， 個friend話好耐冇食過台灣 肉燥飯， 我哋入去食下先！！老實講我原本對佢冇乜太大興趣， 以為都係普通一碗肉燥飯。 結果佢個性價比都真係好高， 七十幾蚊 晚市套餐， 張鐵板餐 配合埋肉燥飯， 擺上同一塊鐵板上面， 令到個份量大咗， 啲飯亦都香口咗， 可以滿足同時食鐵板扒餐同埋肉燥飯嘅兩個願望。 另外個套餐仲有前菜， 有十幾款頭盤畀你揀， 最誇張嘅係 仲有免費凍珍珠奶茶。 如果你好似我咁同朋友一齊嚟食， 就可以試兩個頭盤加兩個 主菜。正！

又想食下午茶(⁎⁍̴̛ᴗ⁍̴̛⁎)比呢度嘅Menu吸引🙆🏻‍♀️真係幾抵食質素正正常常 未去到好食但唔伏😂❣️醬汁雞扒肉燥飯$32大件夾抵食 同正常午餐份量一樣咁🤣 雞扒整得幾好有用香料醃幾香😆 但係肉燥就真係同台灣爭好遠🧐 比較鹹冇咩肉味 個芡都幾杰🤭❣️芝士牛乳炒蛋撈公仔麵 $28朋友好耐冇食芝士撈丁 呢個都滿足到佢(๑•̀ㅁ•́๑)✧ 汁偏向白汁 唔算濃芝士味🤔 面同蛋都煮得啱啱好🙆🏻‍♀️ 敗筆係面頭嘅香料同蛋一啲都唔夾😂 同埋顏色有啲似嘔吐物( ¯ ¨̯ ¯̥̥ )❣️檸檬綠茶 +$3本身想嗌凍檸茶 但佢話只係得台式嘅呢款(｡･з･｡) 反而有驚喜！係檸檬愛玉嘅味🤩 叫咗少甜好清爽🍧❣️特級朱古力 +$5飲品都唔錯幾濃朱古力味 推薦👍🏻🍫

麻辣牛肉麵完全冇麻冇辣。鐵扒一人餐塊扒好似烚出黎一樣，侍應態度麻麻，上餐時份鐵扒餐拎到黎落枱又唔出聲，份扒餐上枱時會跟張紙巾比客防止鐵扒彈汁（我都係之後先知），因為個侍應就咁拎住張紙巾係我面前“漾”，但又唔出聲。冇啲禮貌。綜合各樣只覺得係伏，真係以後唔會食佢。

星期日黎到叫中午點了午餐$47牛肉魯肉飯$47 汁又稀肉好硬皇牌蕃茄牛肉通 : 只係清湯加左蕃膏既通粉，蕃茄仲係未煮淋既+$3 轉鮮油多： 味道怪怪的...飲愛文芒果汁：似一樽樽濃縮果汁開水咁 或者開罐頂咁...睇果名仲以為係鮮果汁...咁求其話芒果汁就得啦⋯⋯唔駛講到用愛文芒 但只係開稀既果汁🙃唔知可以講咩黃但難食 好難撐你囉😩

⁣#黃店系列 101肉燥飯專門店位於尖沙咀厚福街，旺角、屯門都有分店。⁣這間餐廳價錢相對便宜，我們叫了兩個套餐有主食、小食、食品都只係$160。⁣🔸台灣古早番茄牛肉麵 $77⁣牛肉有三大舊，麵的份量不小，番茄味不太濃但味道不錯。⁣⁣🔸台灣麻辣三杯雞湯麵 $67⁣湯麵可選新竹米粉、渝川麵或米線，辣度適中。⁣⁣🔸台灣腸⁣小小辣有黑椒味，油份效多。⁣⁣🔸鹽酥雞⁣鬆脆可口，但肉質比較乾。⁣⁣———————————————————⁣⛳️ 101肉燥飯專門店 (尖沙咀)⁣尖沙咀厚福街10號地下A舖⁣⏰星期一至日 10:00-23:30⁣⁣⛳️ 101肉燥飯專門店 (旺角)⁣旺角西洋菜南街2W-2X號2樓⁣⏰星期一至日 12:00-23:30⁣(最後落單時間22:30)⁣⁣⛳️ 101肉燥飯專門店 (屯門)⁣屯門河傍街146號美基樓地下⁣⏰星期二至日 07:00-23:30⁣⏰星期日全日休息⁣

1. 醬汁雞扒拼玉子豆腐肉燥飯（$44+$3)$44平到😨😨😨 仲要+$3 有珍珠奶茶，都唔細杯架，可以要求少甜！個飯都比想像中多，反而肉燥我覺得可以多返d，依家唔太夠撈飯食～ 雞扒算滑，中等size，普通燒汁味道。蛋得一半且唔太入味，個玉子我覺得好怪，佢係包左一層野先去炸既，但個人覺得唔加果層野，就更好了。完全係糧尾救星

台式餐廳晚餐竟然有沙律，岩晒女士或低碳人士們！沙律有三款揀，而我就揀左麻醬手撕雞！有菜有肉～一上菜時無諗過係咁大碗！超大份量！滿滿一大碗，而且雞肉都好多！沙律菜同其他材料都新鮮爽口～配上少少麻辣既芝麻醬非常惹味食完一碗真係好飽！！而且價錢唔貴，仲包飲品！至於男朋友點既三杯雞麵就差少少，涼拌青瓜正常～青瓜爽口！但一個套有小食有主食有野飲都算係平！係尖沙咀晚市來講係非常抵食～至於飲品點咗蜂蜜綠茶，但偏甜。柑桔檸檬就好酸～兩杯可以混一齊拎個平衡環境都乾淨整齊，店員服務態度都好好～重點係黃色店！！！💛💛💛

呢晚約左男朋友去食飯，周圍都要排隊，恰巧呢間暫時沒有人排隊，所以就入左去。101肉燥飯專門店都有好幾間分店，成日行過都好想食，但成日都有其他選擇所以都特別留意，終於今日來食啦！我地叫左個牛肉鐵板餐，味道不俗，醬汁香濃而且好像令肉味更提升。反而我點的三杯鷄麻辣麵就麻麻地，麵條完全沒有韌度，好似食麵粉一樣，沒有QQ也沒有爽口的口感。麻辣湯底聞落都有麻辣香，但食落麻辣味欠奉，鷄肉鞋身而且沒有味道，有點像食湯渣的感覺。整體而言，鐵板餐是不錯的，但麵就麻麻啦，雖然個麵先$50左右，但如果以呢個價錢來講，可以幫襯同一條街的其他餐廳啦！

一個人係尖沙咀肚餓想食啲平價下午茶餐三杯雞肉燥米線 好足料少少辣 份量都唔少 食晒岩岩好加$3可以跟野飲愛文芒果汁都幾好飲 不過係偏甜見到都幾多人叫外賣出外賣都快性價比高

中午等左10分鐘左右就有位，比其他餐廳算快。桌上有隔板，地下有易拉架作分隔。鍾意食常餐既人可以一試，呢度有好多午餐set。有好多午餐set包括多士、粉麵、飲料。最後揀左牛油厚多士、牛奶炒蛋、鮮茄牛肉通粉、熱檸水，$44 一set。上餐算快，10分鐘就有。先上熱檸水，之後上通粉，最後先上多士及炒蛋。鮮茄牛肉通粉正常味道。牛肉好淋，有d驚喜，唔錯！牛油厚多士、牛奶炒蛋多士有兩塊，牛油夠多，好食。炒蛋有香濃牛奶味。統體黎講好食，正常女仔食得飽，男仔可能要加小食。